التجمع الرابع لحوامل شهر فبراير 2011

وااااااااااي ماباقي شي عن ولادتنا الله يكون في العون

بدى العد التنازلي وباقي شوي وينزل الفلم المرعب للسنما خخخخخخ

ذكرتوني بولادتي والعذاب اللي شفته

ان شاء الله تكون هالولاده اسهل

انا وايد وايد خايفه بصراحه

ثواب الحمل والطلق والرضاع

نص دكتوره جزاج الله خير

باركولي خلص مهاد ولدي

اول ما يرسلون لي صورته براويكم

فتون \\ هههههه عادي عادي قولو وزنكم قبل وبعد ,, كلنا حريم خخخ ,,
اني قبل الحمل كان وزني 49 واليوم الفاجعه ههههههه 63 تخيلووو ههههه اني يوم شفت وزني في الميزان ما صدقت خخخخ

هنوف \\ الحمد الله عدت على خير و ولدتين وشفتين ولدش في حضنش \\ والله يسهل عليش الولاده الثانيه ان شاء الله وما فيها معاناة ولا شي

دكتورة \\ صح كلامش \\ اني بعد اقول جدي ,, حرام نروح ندفع فلوس وكل مبلغ اكثر من الثاني ,, والاجانب يروحون يولدون ببلاش !!
وغير المستشفيات الخاصه ,, يطلعون اي سالفه واي شي عشان بس يجمعون فلوس ,, وياريت مبالغ عاديه ,, كل مبلغ اكثر من الثاني !!

:badly::badly::badly:

اااااااااخ \\ اني اقرا واني اتخيل ,, ياريت بس تخيلت ,, حسيت :badly: !!

الله يستر ويسهل يااااارب ,,!!

يا لله كتبي الباقي :lol: ,,,

بنزله اوكي بس رجاء اللي اصغر من 18 لا يقراه

18+

واللي يخاف من الولاده لا يقراه

خخخخ

بسم الله نبدا

اول ما بديت اتذكر مع اني مانسيت كل شي صار لي جاتني قشعريره خخخ

انا كان موعد ولادتي 24/5/2009

كنت متوقعه اني من ادخل التاسع بولد مادري ليش

اول يوم لي في التاسع جبت الحفافه وحفيت وجهزت اغراضي كنت بس منتظره الطلق

كل يوم ف الليل يجيني وجع استانس اقوم الصبح مافيني شي وكل ماتصل حق امي اسأل عنها ولا شي تقولي ها فيج وجع بتولدين اقولها لا

لي ماعديت موعد ولادتي (هاي اللي متوقعه بتولد في اول التاسع )

نفس اليوم اللي متوقع لي اني اولد كان عندي موعد قالت لي الدكتوره لج لي الاحد الجاي اذا ماولدتي بنسوي لج طلق صناعي عاد انا مت من الخوف لان اللي سمعته انه عذاب
تميت افكر وخايفه واصيح ماعرف شسوي كل شي جربته لامشي نفع ولاتمر نفع ولا شي نفع

عقبها بيوم كنت معزومه في بيت عمتي ف عمتي سوت لي سلطه شوي عليها كلمه سبايسي كنت اكل وعيني ادمع كل ماخلصت صحن حطت لي زياده تقولي اكلي يمكن تولدين
رجعت البيت نمت

قمت الفجر حسيت ان في شي ينزل مني الله يعزكم

دخلت الحمام على بالي ان فيني شسمه .....

طلعت رحت اكمل رقادي الا احس في شي ينزل

رحت الحمام مره ثانيه الا الماي ينزل علي بس كان اول شي خفيف
ماعرفت شسوي قلت حق ريلي قوم بولد ينزل علي ماي

قالي الساعه كم قلت له 3 قالي ماتقدرين تنطرين لي 5 عشان اوديج المستشفى اروح الدوام

قلت له بشوف امي

اتصلت حق امي المسكينه قعدتها من رقادها قلت له جي وجي قالت لي نطري شوي دامه خفيف

نطرت لي الساعه 5 لبس زوجي نزلني عند امي وراح دوامه

رحت المستشفى 5 دخلوني شافو انه فاتح 1 سانتي ودخلوني غرفه ماكان فيني الم كلش

بدى معاي الالم الساعه 7 كان شوي

زوجي المسكين ماقدر يداوم جاني المستشفى حزتها كنت اسولف عادي ماحس بشي بس من عقب الساعه 10 بدى الالم يزيد ويزيد وكنت اصيح من قوه الالم الساعه 1 وصلت 4 صانتي كان المفروض ينزلوني غرفه الولاده بس ماكان في سرير فاضي وانا اصيح واخلي خالتي تهمزني احس اني ارتاح لما تهمز ظهري وكل ماتدخل النيرس تعصب تقولي مب زين واكنت امي تدعي تقول ان شاء الله ما تجي الساعه 4 الا انتي والده

اقولها ادعي عدل شنو الساعه 4 قولي الحين تمو يضحكون وانا اصيح

نزلوني 4 الولاده حطوني عند نيرس الله لا يراويكم اقولها تعبانه نادي لي دكتور تسفهني جات تحط المغذي 3 مرات ادخله غلط عورتني حسبي الله عليها عقب نادت وحده ثانيه من اول مره حطته قلت لها ماقدر اتحمل الالم نادي دكتورعطتني الاكسجين اول ماعطتني تميت ارجع ماحسيته فاد معاي وهي مب راضيه تنادي احد من الالم صرخت دكتوووور

الا 3 دكاتره جايني قالو لي تبين ابره الظهر عاندت ماخذتها لاني كنت خايفه منها

المهم كشف علي الدكتور قالي الساعه 6 انتي بتولدين

وراحو خلو معاي النيرس الشريره

الساعه 6 انا خلاص وصلت عشره بس من التعب ماكنت اقدر ادفع البيبي وهي كل شوي تقولي بوش وبوش

واتا احس ان مافيني حيل كلش

اقولها ماقدر تروح وتخليني بعدين دخلت امي علي عشان تعلمني وانا اقول حق امي ماقدر تعبت احس اني بموت

تميت ادعي على الدكاتره اقولهم الله يلعنكم عذبتوني <<< من التعب ماعرف شقول

بعدين جات دكتوره اول ماشافتني تقولي انتي للحين ماولدتي انتي المفروض ما يخلونج للحين الساعه 6 لازم تكونين والده والحين الساعه 8

قلت لها طلعوه ماقدر قالت لي بنشفطه بوقتها امي كانت برع طلعت لما جات الدكتوره

وهي تقولي من برع لاتخلينهم يشفطونه بيصير راسه طويل قلت له خل يشفطونه ماقدر تعبت

في نفس الوقت كانت وحده اسمها نفس اسمي الثنائي والده وجابت ولد

ف اختي واخت زوجي وخالتي كانو في غرفه الانتظار اول ما سمعو الاسم تمو يتصلون يبشرون الناس

ف اتصلت عمتي في امي تبارك لها وامي برع واقفه جنب باب الغرفه مال العمليات يعني لا اسمعت صوت بيبي ولا انا قلت لها اني خلاص ولدت

الا تقولي امي ها ولدتي اقولها الا طلع في لبس في الموضوع

المهم جابت الدكتوره شي مدور هاي اللي يشفطون فيه البيبي ماحسيت الا بالموس ولا مادري وش يسمونه شقتني وحطت الجهاز على راس البيبي وسحبته طلع وحطته على صدري اول ماشفته قلت له يالشيطان وكانت الدكتوره مطوعه تقولي لا مب زين تقولين جي اقولها انا ماقصد بس اقصد انه تعبني عقب جات اطلع المشيمه وماكانت راضيه تطلع الا تقولي الدكتوره انتي كل شي فيج لازق خخخ دخلت يدها وسحبتها عقب قلت لها وين ولدي ابي اشوفه مالحقت اشوفه حطته على صدري ثانيه يمكن عقب اطلعو فيه قالت لازم نوديه اول شي العنايه عشان مشفوط لازم يتأكدون انه بخير وعقب بيجيبونه

خيطوني يمكن ساعه وهم يخيطون فيني كان الجرح وايد وتعذبت لي ما برى بصراحه لا قعده نفس الناس ولا رقاد نفس الناس حتى ولدي مارضعته بسبه الجرح ماكنت اقدر اقعد

وجانا احلى واغلى واشطن عبدالله في العالم خخخخ

وتوته توته خلصت الحتوته

احححححح

والله لما قريت عن خياطج حسيت بصداع انا كان الخياط ممتاز على قولتهم بس مابرى بسرعه

يمكن كلمت الشهر عقب بدت الخيوط اطيح وامي كانت تبي توديني المستشفى بس انا كنت خايفه يقولون ان الخياط مب عدل وان بيفتحونه وبيخيطونه مره ثانيه

حتى اللي كان يشوفني يقولون مب معقوله ولاده طبيعيه جي حتى مشي ماتقدرين تمشين لو والده قيصري احسن

ما ارتحت شوي الا لما بديت احط على الجرح بنج كنت اشوي اقدر اتحرك

هلا صبايا


عدت من جديد


طويت الثياب وباقي علي كوي ثياب العمل لي ولزوجي

مع اننا الاثنين بكرا اجازه


بس قلت احسن من ليلة السبت والزحمة هع


ونقعت الرز عشان اسوي لنا الغدا


وسبحت بعد هههههههههههههه


وماادري وش اسوي بعد


ملانه ام الملل


ولا عارفة وش اسوي اصلا شكلي بقوم اكنس


مع اني توني مكنستها من فترة قريبه مو بعيدة ولاتوسخت


بس من الملل بقوم انظف هههههههههههههههههههههه


يالله سي يو

سقاني \\ ههههههه مساكين سبيتينهم
الله يسهل علينا يااارب !!

ايي \\ اشوف بنات واجد ما يقدرون يمشون من الخياط مع ان صار لهم تقريبا شهر من والدين !!
يا الله \\ اني موخايفه من الولادة ,, مخرعني الخيااااط بس

والله مايندرى انا الحين شفت زوجه اخوي وزوجه ولد عمي

جايبين الثاني يقولون ان ولادتهم الاولى كانت اسهل

خوفوني بصراحه

من ايام اسولف مع ريلي اقوله متى بولد يقولي الحين مستانسه تبين تولدين وفي المستشفى تقعدين تصيحين خخخخ

بلاه مايعرف شنو الولاده يجيهم البيبي بالساهل

ههههههههههههههههههههههههههههه

مانبي افلام قديمه الحين احنا ننطر الفلم الجديد خخخخخخ

هنووف \\ الله وياش ,, ننتضرش للجزء الاخير هههههههه

سقاني \\ ههههه ايي ما يدرون ولا يحسون ,, اني اذا زوجي يقول لي شي اقول له بس تاخذ الثقل الي في بطني واني بولد هههه ماعندي مشكلة
خخخخخخ

وي انا ريلي كل يفكرني ادلع

يقولي شوفي امي كان واحد في البطن وواحد شالته وواحد ماسكته من يده

وتشتغل في البيت ووووو


اقوله عاد حريم اول مب نفس حريم الحين