yasmenmm;14053017:
يا جماعة بالله عليكم حد يطمنى بنتى وقعت النهاردة من على الكنبة على دمغها وخايفة عليها اوى دة فى خطر عليها فى حاجة هى عندها 6 شهور
لا ان شاء الله مفهاش حاجة لو مفيش اغماء او تريجع يبقي تمام بس خللي بالك وتابعي بردو لو ورمت ولا حاجة وديها للدكتور او لو زادت في العياط فترة كبيرة عن اللزوم
عيون حمودي;14055984:
الحمد لله يا كتكوتة انتي عاملة ايه وجوجو اخبارها ايه..ما شاء الله اكيد صارت عروسة ربنا يخليهالك وتفرحي بيها
تسلمي يا رجائي ربنا يخليكي عالدعوة..آه بجد ده حلو اوي..ايوة انا حطول شوية خلاص ان شاء الله اروح العزبي..هي العزبي موجودة بالمهندسين ؟
عايزة اعرف منين اجيب للبراء فانيلات وملابس داخلية تكون قطن كويس والباربوتيز اللي بيبقى بكباسين من تحت نسيت اسمه ايه بالمصري اجيبهم منين دول
يا بنات انا عندي مشكلة وهي انه شعري بيقع ومش عارفة اعمل ايه..عارفة انه طبيعي عشان الحمل والرضاعة وكده.. بس بيطلعلي فسافيس صغيرة جدا وبتوجع وبفكر اروح لدكتورة جلد بمصر..عشان كده يا حبايبي عايزة اسم دكتورة جلد شاطرة بالقاهرة وياريت لو تكون بالمهندسين
وحد فيكو جرب نوع فيتامين للشعر وجاب نتيجة كويسة ؟
الحمدلله يا جميلة هما فعلا بيشغلونا بطريقة فظيعة بس ان شاء الله لما يكبروا حبة نقدر ندخل اكتر من كده
فرع المهندسين 11 ش سوريا المهندسين
فرع الدقى
22 ش مصدق الدقى
اسمها سالوبيتات داخلية بيبقي فيه منها كت ونص وكم عادي انا بجيب الصياد خامتها حلوة وسعرها حلو، وفيه طبعا بيبي كلاب اعلي منها كمان وحلوة اوي وفيه بابيون بس دي خفيفة عنهم بس بتفضل تكفي لسن اكبر منهم عشان خفيفة وارخص منهم هما الاتنين طبعا وفيه ماما كير حلوة بردو بس هاتي مقاس اكبر شوية عشان تكفي معاكي فترة
وبالنسبة للشعر انا كمان كده ومش لاقية وقت والله اروح للدكتورة، بس جبت خلطة زيوت للدكتور امير صالح وله موقع عالنت ممكن تعملي سيرش عليه وهتلاقي اسئلة واجوبة في كل حاجة تقريبا وبيجي علي قناة كمان، انا قلت اجرب واشوف بس لسه فترة العلاج مخلصتش فمش عارفة احدد لسه بس ان شاء الله لازم اروح لدكتورة بردو، اعرف واحدة كويسة وكبيرة بس في مصر الجديدة اسمها حنان الكحكي.
بنت من الزمن ده;14056909:
بناات قولولى رايكوا ف لون العربيه دى تنفع ولادى ولا بناااتى اوى انا الموديل عاجبنى بس اللون متردده فيه حساه بناتى اوى ولا ايه رايكوا بس على فكرة اللون الجراى ده ف الحقيقه مش فاتح اوى كده لا هو رصاصي غامق مدى على زيتى هاا ايه رايكوا
فيه اللون ده كمااان بس ده حسااه بنااتى اكتر ولا ايه رايكوا يابناات انا محتارة اوى ولا انتوا شايفيين ان الاتنيين بناتى ومش هيناسبو يوسف قولولى بقى بسرعه عشان اقرر
بصي الاتنين بناتي شوية بس انا بنصحك انك تجيبي لون محايد او اي حاجة عشان تنفعك تاني لو جبتي بيبي بنت بعد كده، اصل مش معقول هترجعي تجيبي لون جديد عشان لو طلعت بنوتة، فعادي مش هايحصل حاجة لو جبتي حاجة منهم مادام اوبشنتها كويسة ومتنينة يبقي خلاص.
شوق وحنين للجنة;14056979:
كتكوتة يا قمر بصي خير زمان عامل عرض عليه فممكن تشوفى اى فرع قريب ليكي ويارب يكون موجود هو العرض لحد 10 يناير المقاس الوسط والكبير والكبير جدا اللى هما تقريبا 3 و4 و5 ال40 قطعة بدل 48 جنيه ب 34
انا شفته فى خير زمان اللى فى النزهة الجديدة فمش عارفة هيبقى بعيد عليكى ولا ايه ممكن تشوفى فرع جسر السويس كدا ويارب تلاقيه
يارب الاقيه لسه بس ازاي بنفس السعر كل المقاسات ممكن الاعلان مش موضح، تسلمي يا جميلة ربنا يخليكي ، ده له فرع في احمد عصمت كمان يعني قريب مني.
لؤلؤة عروس البحر;14057087:
بنات بالنسبة لتطعيم ال9 شهور
ابني 9 شهور و3 أسابيع واتاخرت في تطعيمه لظروف حد يعرف هل كدة غلط ولا لأ؟؟
ممكن يعني ياخدها في دلوقتي عادي؟
اه عادي بس متتأخريش عن كده بقي، بس متقلقيش لأنه مجرد نقط للشلل وبس مش حقن زي الباقي، انا بردو اتأخرت في جوجو والدكتور قاللي عادي خالص والصحة نفسهم بردو.
