استفسارات وتساؤلات الامهات عن كل شئ (الجزء السابع)

sally2007;14036694:
سؤال مهم الله يخليكم يخصنى انا قلت اعمله فى مشاركة لوحده عشان تاخدوا بالكم واللى تعرف ترد عليا ربنا يكرمها

دلوقتى انا ركبت اللوب يوم7-12 تمام كان عليا البريود وكانت تانى يوم فقلت اروح والدكتور قالى اللوب مناسب وافضل حاجة ليا والحمدا لله البريود زدت يوم واحد او 2بس اللى زاد اكتر الافرزات
بس من اول الاسبوع ده كل لمنا اعمل حمام ماية وانشف بالكنالكس الاقى نقط دم
ومن كتر الافرزات قلت البس الويز ببصالنهاردة لقتها مليانة دم مع العلم ان البريود لسه معادها فى اول شهر 1
وانا اكمنى تعبانة وعندى صديد واملاح وجنبى بيوجعنى موت مش قادرة اروح للدكتور ومش فاكرة رقمه ياريت اللى تعرف تقولى ده من ايه لحد ماابقى اروحله
معلشى طولت عليكم بس كنت بقولك اللى حصل معايا

ازيك يا جميلة
بصراحة مش بفهم بموضوع اللولب ده ويارب البنات يفيدوكي

razminia;14038502:
ازيكوا يابنات
عايزة اخد رايكوا فى حاجة كدة بخصوص مالك بس باللة عليكوا مش تطنشونى واللى تعرف اى حاجة او عايزة تقول رايها تقولة
انتوا عارفين انى برضعة صناعى ومكنش متقبل اى نوع لبن غير اللبن المدعم اللى هو اسمة بايوميل كان الباقى يااما بيعملة مغص شديد يااما غازات حتى مش بتروح بالدوا فالحمد اللة الدكتور كتبلة على اللبن دة وكان مرتاح علية
المشكلة بقى انة مفيهوش رقم 2 يعنى فية نوع واحد بس من وقت الولادة لحد 6 شهور فالدكتور قالى ممكن تديلة نيدو 1 بس مخفف يعنى لو المكيال 30 بيتحطلة معلقة واحدة انتى حطى نص معقلة وهكذا ولما يعدى شهرين يعنى مالك يبقى عندة 9 شهور ان شاء اللة ابقى حطى المكيال الطبيعى بتاعة
المهم مالك دلوقتى دخل فى السابع بقالة 5ايام تقريبا ماشاء اللة وهو قالى ابتدى الموضوع دة بعد 15 يوم من السادس وانا مش عارفة دة صح ولا غلط حاسة انة هيبقى تقيل علية اوى و
مش هيستفاد منة خالص يمكن اللبن الصناعى بيبقى مخصوص للاطفال فبيحطوا فية نسب معينة من كل حاجة مش عارفة بقى نيدو دة اية نظامة
اى حد عندة راى او يعرف دكتور قريب منة بليز تقولة وتعرفنى انا خايفة انى اعمل حاجة زى كدة لية كفاية انة بياخد صناعى اصلا الحمد للة
باللة عليكوا ردوا عليا ومش تطنشونى

بصراحة مش عارفة بس ما تديش ابنك نيدو لو مش مخصوص للاطفال وان شاء الله البنات يفيدوكي اكتر مني

~OM-ADAM~;14039531:
بنات أنا بقالي فترة كل ما اقلع آدم الايس كاب الاقي فيه شعر كثير من جوه بس شعر صغير و قصير كده مش من الشعر الطويل الحمدلله مع اني بلبسه كابات قطن مش صوف ولا الياف.. حد حصل معاه كده؟ كمان أنتم بتلبسوا أولادكم ايه في الجو ده؟ ولسه موضوع الكيكي قليل يعني مره واحدة أو مرتين بالكثير و تبقي حاجة بسيطة خالص

ما تقلقيش انا ابني كمان نفس الشيء وفعلا هو شعر صغير اوي وبيقع من حتة معين براسه من وراه..ده طبيعي وان شاء الله بيرجع يطلع تاني..
انا بلبس ابني كاب صوف بالجو ده بس من وقت الولادة كنت بلبسه قطن وناويو ان شاء الله البسه قطن لما انزل مصر عشان الجو مش برد اوي زي هنا

عيون انتى بتلبسى البراء ايه وانتو خارجين؟؟يعنى عدد الفانيللات و الهدوم وكده و بتلبسيه صوف؟؟؟ انا محتارة اوى و الجو تلج ده انا ببقى لابسة جوانتى صوف ومببقاش قادرة احرك ادى من التلج
و لو قاعدين فى البيت و مش مشغلين الهييتر بتلبسيه ايه بردوو
بنات انما جبت لجودى يريلاك ققمح و عسل بس هو العسل عادى؟؟ هو مكتوب عليه من 8 شهور اديهولها ناو وللا استنى

عيون انتى عندك اور كيدز فى الدقى هتلاقى عنده كل حاجة و متجيبيش فانيللات اللى زى بتوع الكبار دى لا قوليلو فانيللات بكباسين من تحت هى اسمها كده ماتجيبى من عندك احسن حاجة برة بتبقى غييييييييييييييير

بناات قولولى رايكوا ف لون العربيه دى تنفع ولادى ولا بناااتى اوى انا الموديل عاجبنى بس اللون متردده فيه حساه بناتى اوى ولا ايه رايكوا بس على فكرة اللون الجراى ده ف الحقيقه مش فاتح اوى كده لا هو رصاصي غامق مدى على زيتى هاا ايه رايكوا


فيه اللون ده كمااان بس ده حسااه بنااتى اكتر ولا ايه رايكوا يابناات انا محتارة اوى ولا انتوا شايفيين ان الاتنيين بناتى ومش هيناسبو يوسف قولولى بقى بسرعه عشان اقرر

جيبت سيريلاك عسل وقمح ولبن
بس مكتوبعليه من 12 شهر
هو مينفعش دلوقتى
بالعلم انى لقيت مرحله تانيه نفس المكونات ايه الفرق بقا

CuTie KaTkOoTa;14046312:
بنات كل واحدة بتجيب سانتيا بامبي تقولي جابته منين عشان انا مش عارفة الاقيه دلوقتي وكنت بشوفه زمان بس، بس بلاش مناطق بعيدة يعني ياريت مصر الجديدة عين شمس مناطق قريبة منهم وطبعا يكون مكان اسعاره كويسة وجملة مش غالي

كتكوتة يا قمر بصي خير زمان عامل عرض عليه فممكن تشوفى اى فرع قريب ليكي ويارب يكون موجود هو العرض لحد 10 يناير المقاس الوسط والكبير والكبير جدا اللى هما تقريبا 3 و4 و5 ال40 قطعة بدل 48 جنيه ب 34
انا شفته فى خير زمان اللى فى النزهة الجديدة فمش عارفة هيبقى بعيد عليكى ولا ايه ممكن تشوفى فرع جسر السويس كدا ويارب تلاقيه

صوت ممكن يكون مثلا الفيتامينات اللى فيه اكتر او المكونات اللى فيه مثلا تركيزها اكتر من الللى سنه اقل خليكى احسن في مرحله سندس بلاش من اللى هو من 12 شهر ده فيه حاجات من 8 اشهر احسن

بالنسبة لسالي

اللولب دى نفس المشكلة عندي بالظبط وهروح للدكتور الإسبوع دى إن شاء الله كان المفروض أروح من بدري بس قلت استنى عشان في قالولي معلش يمكن جسمك لسة مخدش عليه قلت لنفسي لا بقى مش معقول كل دى جسمي مخدش عليه تقريبا طول الشهر بينزل دم اليوم اللي يعدي كدة يبقى صدفة بس بقعة دم وتسكت وتروح وتيجي تاني فاهمة مش ولونها احمر صريح وبعدين الاقي بني ويرجع تاني احمر صريح البريود بصراحة متلغبطة مبقتش عارفة امتى تيجي وتنتهي وبتيجي وتسكت وتقطع تاني يوم حاجة بسيطة وتقطع وتفضل كدة لغاية متلاقي مرة واحدة غزير كل دى مصحوب بألم شديد طول فترتها فبجد لو انتي نفس الوضع كدة مش لازم نسكت أنا بس خايفة ليقول الدكتور مش مناسبني خالص
لأن مش عايزة الحبوب دي

يابنات فعلاً لو في حد كدة ياريت يطمنا لغاية مانروح للدكتور أي حد حصل معاه كدة أو سمع كدة بردو يفيدني أنا وسالي

بنات بالنسبة لتطعيم ال9 شهور

ابني 9 شهور و3 أسابيع واتاخرت في تطعيمه لظروف حد يعرف هل كدة غلط ولا لأ؟؟

ممكن يعني ياخدها في دلوقتي عادي؟

لؤلؤه اعتقد التطغيم عاادى بس يااريت تروحى ف اقرب وقت وطبعا التطعيم اللى بعده لو فيه تطعيم بعد التسعه لازم يكون بينهم ع الاقل شهر واللوب انا قبل البريود باسبوع بينزل دم بنى كده معرفش ايه ده بردو بحس ان طول الشهر عندى بريود ممكن اسبوع مثلا اللي مفيشش حااجه لان قبلها باسبوع البنى ده بينزل :badly:

بنااااااااااااااااااات ماقولتولييش العربيه ايه رايكوا اجيب ايه ولا مجبش حااجحه منهم ,, مفيش حد رد عليا:(

Bossy22;14056330:
عيون انتى بتلبسى البراء ايه وانتو خارجين؟؟يعنى عدد الفانيللات و الهدوم وكده و بتلبسيه صوف؟؟؟ انا محتارة اوى و الجو تلج ده انا ببقى لابسة جوانتى صوف ومببقاش قادرة احرك ادى من التلج
و لو قاعدين فى البيت و مش مشغلين الهييتر بتلبسيه ايه بردوو
بنات انما جبت لجودى يريلاك ققمح و عسل بس هو العسل عادى؟؟ هو مكتوب عليه من 8 شهور اديهولها ناو وللا استنى

بلبسه فانيلا نص كم اللي بكباسين من تحت ووحدة تانية زيها بس كم طويل والبنطلون وآخر حاجة افرهول تقيل اللي بييجي بالطاقية بتاعته ولو مش حلبسه الافرهول التقيل بزودله حاجة وحدة وافرهول خفيف عليهم والطاقية والشراب ده على طول لما اخرج
انا لسى ما بلبسوش جاكيت عشان كان صغير اوي وبردو الصيف عندنا برد ومطر..بس اشترتله من يومين جاكيت من هنا من ال اتش ام وحلبسهاله لما اانزل مصر عشان مش برد زي هنا..

بس لو لبسته الحاجتين دول على الجاكيت بمصر بيبقى حلو ولا لازم اتقل اكتر عن كده ؟

الصوف لاء لسى ما لبستوش بس بفضل القطن بيبقى احلى وناعم عليه

في البيت بلبسه فانيلا نص كم بكباسين وفوقيها زيها بردو بس كم طويل والبنطلون بتاعها او بيجاما عالفانيلا عشان البيوت هنا دافية اوي بالشتا وعندي السوفاج بيشتغل لوحده ..بس دايما بحس رقبته لو دافية خلاص ولو باردة بتقله اللبس

العسل ممنوع قبل سن السنة والبنات يفيدوكي اكتر



QUOTE=Bossy22;14056380]عيون انتى عندك اور كيدز فى الدقى هتلاقى عنده كل حاجة و متجيبيش فانيللات اللى زى بتوع الكبار دى لا قوليلو فانيللات بكباسين من تحت هى اسمها كده ماتجيبى من عندك احسن حاجة برة بتبقى غييييييييييييييير[/QUOTE]

تسلمي يا بوسي..تقصدي اللي هي نص كم صح؟
الدقي يمكن بعيدة عننا بس اشوف ان شاء الله..انا نفسي اجيب للبراء الفانيلات دي زي بتوع الكبار بحبهم اوي :)
سمعت من البنات انه بمصر حاجات قطن وحلوة اوي فقلت اشتريله كم وحدة اجربهم
هو فيه ماركة قطن معينة للبس الاطفال الداخلية واسمها ايه وبتتجاب منين

منبلقيش من 8 شهور
خو من 6 و12 بس
بس عمتا غيرتهم الحمد لله

السلام عليكم ورحمة الله وبركاته
بنات بغيتكم تساعدوني , انا ولدي عمره 7 سنوات طلع له حبوب صغيره في ظهره
وبعد الدوران على اكثر من دكتور شخصت الحالة بأنها صدفية الاطفال , والدكتور طمني
انها بتروح , لكن ممكن ترجع مرة ثانية . وبعد شهرين فعلا اختفت والدكتور قال خلاص
لا تستخدمين الكريم , واليوم بعد 4 ايام من كلام الدكتور لقيت في خد ولدي حبوب
ومش عارفة اتصرف لان الدكتور قال لي خلاص اوقف الكريم . فمش عارفة استخدم له
الكريم ولا لا . بغيت منكم حبيباتي اللي تعرف عن المرض او احد يقدر يفيدنا بتجربته
او تجربة احد يعرفه , واكون لكم من الشاكرين .
واتمني السلامة للجميع . ورجاء مرة اخرى اي وحدة عندها تجربة تخبرنا علشان نستفيد

عيون ماركة الفانيللات حلوة اوى اسمها بيبى كلاب وفى بردو ماركة اسمها مامى حاجة مش فاكرة كانت حلوة اوى بس انتى الفانيللات العادية دى ممكن تتعرى من ناحية البطن و ممكن ياخد برد بعد الشر عليه التانية بتكون محكومة انتى لو عندك كارترز هاتى منه فانيللات انا جيبة لجودى منه تحفه
صوت انا جبت السيريلااك قمح و عسل مكتوب عليه 8 شهور بس هم بيبقو مش حطين المادة المضرة اللى فى العسل انا سمعت كده وللا ائجله لبعد سنة و خلاص وهم اساسا بياخدو السيريلااك لغاية سن كام؟؟؟
بنت من الزمن ده الاولانيه الروز دى بناتى اوى انا حسة التانية ممكن لكن الاولى لا و نصيحة كمان متجيبيش لون فاتح و تغلطى غلطتى هتتبهدل

ممكن لحد مثلا سنه ونص يكونوا قربوا يتفطموا فمش محتاجين ليه
وجزاك الله خير على ردك

بوسي بس علي فكرة الاولى ف الحقيقه مش فاتحه خاالص عارفه الرصاصي الفاتح ده غاامق اوى مش كده خاالص وانا لما شفت التانيه دى ع الحقيقه لقيتها الفوشيا ده باين اوى فحسيت انها بناتى اكتر ومرسي يااقمر على ردك

بنات ضروري حد يرد عليا.. دلوقتي وأنا بغير لآدم لاحظت لما يلف راسه علي جنب لليمين فيه حاجة مدورة كده وناشفه بتظهر فوق كتفه الشمال تحت رقبته بس لما اضغط عليها مش بتوجعه..و لما بيلف راسه ناحية الشمال مفيش حاجة بتظهر عند الكتف اليمين.. ده ايه حد يعرف بالله عليكم؟؟؟

بوسي حبيبتى ان شاء الله تكون حااجه طبيعيه بس متهيالي روحى لددكتور افضل انا مش عارفه ولله مختش بالي من حاجه زى كده بس ممكن تكون عادى

بنت من الزمن دى شكرا ياحبيبتي يارب بس باقي البنات تطمني على موضوع التطعيم لما الأراء بتجتمع برتاح وربنا يخلينا لبعض يارب

وبالنسبة للعربية اللون جميل جدا ولكن بناتي أكتر ماهي ولادي فاهماني وأقولك بلاش تجيبي فواتح أوي في العربيات هتتبهدل والله من الشارع والشيل والحط لو هدكم عادي بنغسل على طول دي هيبان فيها أوي

~OM-ADAM~;14057446:
بنات ضروري حد يرد عليا.. دلوقتي وأنا بغير لآدم لاحظت لما يلف راسه علي جنب لليمين فيه حاجة مدورة كده وناشفه بتظهر فوق كتفه الشمال تحت رقبته بس لما اضغط عليها مش بتوجعه..و لما بيلف راسه ناحية الشمال مفيش حاجة بتظهر عند الكتف اليمين.. ده ايه حد يعرف بالله عليكم؟؟؟

ماتضغطيش على حاجة متعمليش كدة تاني ومتخافيش بس روحي للدكتور اتصلي على طول

ومتقلقيش خير بإذن الله بس متجيش جمبها بس

يا بنات انا خايفة اعمل مهلبية ليوسف باللبن الصناعي على النار الصراحة حد جربها قبل كده او سأل دكتور عنها

بنت من الزمن ده العربيات بيني و بينك شكلها بناتي و سعرها كمان غالي لما تكلميني على الميل هقولك تجيبها منين بلون ولادي و بسعر اقل حبتين

و بالنيبة للتطعيم انا يوسف عادي كان بيحصل كده معااها حسب تركيز التطيعم و قوته بتكون السخونية و كل لما بيكبروا بيكون التطعيم اشد و المستوصفات كلها بتاعة التطعيم مش بيكون عليها ضغط لانها دي بس لشهادات الميلاد و الوفيات و التطعيمات انما المستوصف بتاع الكشف و الدكارتة و كده مش بيكون ده بيكون واحد تاني فمتقلقيش خااااااااالص يا بنتي

بنات انا خايفة اركب البيرود و خصوصا ان جربت اركبه و رحت في اخر يوم بيريود و الدكتورة قالتلي ان عنق الرحم عندي مش فاتح و حاولت كذا مرة لدرجة انها شكت اني حامل و خلتني عملت تحليل حمل

sweetylolla85;14049087:
كتكت وحشتيني اوي ازيك وازيي جوجو عاملين ايه
الواد يوسف ده عبيييييييييييط بيقي جعان واحاول ااكله يخرج لسانه بالاكل وحالته بهدله :|:|:| ويفضل يمص في صوابعه مش عارفه ازاي افهمه ان ده اكل :hysterical::hysterical::hysterical::hysterical:
ربنا يهديه
قوليلي بقي اسم المونيتور ايه عشان رايحه اشتريه ان شاء الله وايه الاوبشنز بتاعته يعني واحد فيه ايه وكده واي حاجه تعرفيها عنه بقي

وانتي كمان يا لولا والله، هما فعلا بيبقوا رخمين وعبط اوي في بداية الاكل، انا والله مكنتش متخيلة من اللي كنت بشوفه مع جودي انها ممكن تفهم بعد كده وتتعلم بس فعلا والله خليكي صبورة وافضلي وراه بالمعلقة وبلاش الببرونة دي خالص إلا في اللبن والعصاير وبس دلوقتي
انا مجبتش مونيتور بس كنت بشوفه في المحلات وهو بيختلف في الابعاد، يعني اللي شفته ب 500 باين وكان صيني ومش فاكرة خالص بس كان لاسلكي بس مش مونيتور

doaaes;14049736:
ايمى اه الكلوت جميل جدااااا احسن بكتير حتى فى لبسه لما بنيمها على ظهرها علشان البسها بامبرز بتفرك كتير لكن ده بوقفها واخليها تسند على كتفى والبسهولها وبجيبه بامبرز مش بيبى جوى بس هو بيبدى من مقاس 4 يعنى من اول 9 كيلو بس مش فاكره والله بكام بس زوجى بيقولى نفس سعر البامبرز العادى بس مش فاكرين بكام بس لما اشترى تانى هبقى اركز فى سعره واقولك

اااااه ما انا بقيت اتعب اوي من فركها ولفها عالطول وانا بلبسها عشان كده فعلا هايبقي اسهل كتيييييير اوي بجد ويارب الاقيه بقي بسهولة بس ميكونش غالي احسن كده بجد هايبقي صعب اوي.

sa7ar66;14051503:

انا كنت جيباه من رويال هاوس اللي في عمارات الميرلاند يا كتكوتة

بس كده هايبقي اغلي يا سحورة من المحلات العادية، ده ساعات والله بشوف عروض بتبقي بعد الخصم بنفس سعرها اللي بجيبه بيها من محلات الاطباق والمناديل دي :sick:
بس ممكن اروح واشوف كده وربنا يسهل وانا اصلا بموت في رويال هاوس بكل حاجة فيه