20 مرة نقول يا تري بتعملي الأكله دي ازاي؟ ( مبدعات مصر القمرات ) شهر محرم 1432

CuTie KaTkOoTa;14016708:
ايوووووة ماما كانت بتعمل البنجر كده بردو وكان بيبقي تحفة وكمان ممكن تحطوه مع المخلل الجزر واللفت بيبقي حلو اوي وبيدي لون جميل.

اصلي عملت بالكريم شانتيه بتاع العطار وكنت حاطة البولة اللي ضربت فيها في الفريزر هي واللبن وكله والكيكة في التلاجة وقعدت اضربها بس حستها خفيفة وطرية بردو، يمكن انا زودت اللبن مع اني كنت بجرب شوية بشوية وحطيت كوباية علي الربع كيلو وقمت مزودة حبة صغيرين فوقهم كريمة خفق كانت باقية عندي من الجناش، وكمان انا ضربتها بالمضرب بتاع البيض ده اوكي اللي هو الجزء الملولو مش اللي عامل زي المضرب انا عارفة ان ده للكريمة صح ولا غلط؟ عشان انا محبتش اسأل ماما قلت اعتمد علي نفسي وهي اللي كانت بتعمل به زمان


اما بقي اكونت الفيس وهتقدري تسيبي الفيس بتاعتك بعد اللي وصلتيله لا لا لا انا محتجة وبشدة

بصي انتي للاسف كذا حاجة عملتيهم مش مظبوطين

اولا تقريبا زودتي اللبن

وتاني حاجة انك حطيتي كريمة خفق انا جربت مرة لما بنحط كريمة الخفق على البودرة مش بيجمدوا والاتنين بيبوظوا


وتالت حاجة انتي تقصدي الجزء الملولو بتاع العجين مضربتيهاش بالمضرب السلك؟؟؟؟؟؟؟

الجزء الملولو بتاع العجين دة ماينفعش دة للعجين بس لكن الكريمة عايزة المضرب السلك


والفيس والله صعبان عليا ههههههههههههه بس انا كرهته خلاص

cat lolo;14017234:
سوسى ما شاء الله التورته جمييييييله ما تفتحى محل حلويات ايه رايك فى الفكرة دى
شيمو باباكى عامل ايه دلوقتى

ربنا يخليكي يا لولو دة من زوقك ياريييييييييت والله هههههه

رووفة;14017242:
أيه ده بجدددددددددد^o):badly:
بطني قلبت والله ربنا يجازيها
ويسترها عليكي يا ناني وع كل البنات اللي بتكلمو هنا
ايه حب الأذية دي ؟؟ دي حااااااااااااااااقدة اوي
الحمد لله انتي اصلا امش بتتكلمي عن خصوصيات دي حاجات عادية
وربنا يردلها كيدها ده في نفسها باذن الله
وماتقلقيش كما تدين تدان
انا كل يوم بتاكد ان ماعادشي في امان والله
ياريت الواحد يتعلم ويبطل يحكي
لكن انا مش بقدر باجي اكر ع طول ربنا يسترها معانا كلنا يارب
وماتزعليش نفسك يا ناني ده كلنا هنا بنحبك اوي ربنا يعلم:adore:
ده انا مسيطاكي هنا هههههههههههههههه
انا فعلا مضايقة من الموقف ده اوي يا بنات خلو بالكووووووووووووووووووو
وبلاش تحطو اجوازكو ع الفيس احسن في ناس مش بترررحم
بس هيا مييييييييييييين؟؟





سوووووووووسي التورتة حلوة اوي زي اللي عملها تسلم ايديكي
والورررررررررررردة مظبوطة الله اكبر عليكي بحد
تسلم ايدييكي والله
انا عندي عيد ميلاد ليان يوم الجمعة وبفكر اعمللها واحدة ربنا يسهل باة

الله يسلمك يا روووفة ربنا يخليكي يا قمر وكل سنة وليان طيبة وبخير عقبال مليون سنة مستنيين التورتة :)

Boody we zady;14017278:
تسلم ايدك يا سوسي بجد ملهاش حل

بالنسبه لموضوع ناني أنا عرفته النهارده تقريبا اول واحده في رسايل الخاص و مش تستغربوا يا بنات واحده أعرفها في الدار بعد عشره 7 سنوات مع صاحبتها اكتشفت ان صاحبتها بتوقع بينها و بين جوزها و بتعمال مشاكل الدنيا و تخترع حاجات و تبعت رسايل لجوزها و ليها من رقم غريب عشان توقعهم في بعض و مش بس مع الست دي لالا مع باقي الشله بتاعتهم فلكم أنا تتخيلوا 7 سنوات !!! ربنا يهدي الجميع يا رب

النهارده عملت كفته فراخ بجد وهم و عملتها و حطيتها علي السلطة و كلت ههههههههههههه اعمل ايه لما أجوع؟

الله يسلمك يا ام بودي يا حبيبتي جزاكي الله كل خير :)

رووفة;14017350:

ماشاء الله تسلم اديكي يارووووفة الف هنا وشفا يا قمر :thumbs_up::thumbs_up:

sosiii-cat;14016433:
اليكم اخر تورتة عملتها الاسبوع اللي فات لما كنت عند ماما

ما شاء الله يا سوسي فظيعه بجد
تسلم ايديكي يا قمر
وميزانك وحش للاسف

دموع اشتياقي;14016978:
سوسي ما شاء الله رووووووووعه عيد ميلاد عبد الله يوم الخميس الجاي وعايزه اعمله وحده ربنا يسهل يارب وتطلع مزبوطه مع اني عملتها مرتين قبل كده وكان طعهمها تحفه بس خايفه
وجيت اقيمك يا سوسي للاسف مرضييييييييييش
والبنوته الي كانت بتسال علي فشار بلكراميل انا لسه عملاه اهه وطعمه احلي من بتاع الشارع







هكتب الطريقه بقي بس بليل لما العيال تنام

كل سنه وعبد الله طيب يا ايمي وعقبال 100 سنه
ان شاء الله التورته تطلع حلوه

انا كمان اول مره اشوف فيشار مسكر هههههههههههه
تسلم ايديكي
سكله جميل

رووفة;14017350:

بيتزا دي يا روفه ولا ايه
تسلم ايديكي

sosiii-cat;14017286:
ايوة قسم غبي اوي فعلا يا ايمي ماستفدتش منه بأي حاجة للأسف :thumbs_down: وانا هاعمل زي مابتقولي فعلا كدة علي الفيس
انتي بتستعملي كريم شانتيه سايب ولا نوع معين ؟
انا مرة كنت بشتري سايب والراجل قاللي حطي كمية لبن قد كمية البودرة اللي هاتحطيها

التورتة اللي هي ال 5 دي لو تعرفيها
5 بيضات فانيليا و5 معالق كبار سكر بودرة و5 معالق كبار دقيق عليهم نص كيس بيكينج بودر
تبطني الصينية بتاعتك عادي وتفتحي الفرن يسخن علي 180
هاتضربي السكر مع البيض بقي بيضة ومعلقة سكر وبيضة ومعلقة سكر وهكذا وتفضلي تضربي لغاية ماتيبقي القوام كريمي واللون ابيض
تنخلي الدقيق مع البيكينج بودر والفانيلا بالراحة علي الخليط وتقلبي بمعلقة خشب دايرة ونص وبعدين دايرة ونص علشان ماتطلعيش الهوا منها لغاية ما الدقيق يختفي خالص
صبي الكيكة بقي في الصينية ودخليها الفرن وماتفتحيش عليها الا بعد نص ساعة

تسلمي يا سوسي واسمها لذيذ اوووي الكيكة ، والكريمة جبت سايبة من العطار وعليها سكر

ناني فيبس;14017322:
بصي انتي للاسف كذا حاجة عملتيهم مش مظبوطين

اولا تقريبا زودتي اللبن

وتاني حاجة انك حطيتي كريمة خفق انا جربت مرة لما بنحط كريمة الخفق على البودرة مش بيجمدوا والاتنين بيبوظوا


وتالت حاجة انتي تقصدي الجزء الملولو بتاع العجين مضربتيهاش بالمضرب السلك؟؟؟؟؟؟؟

الجزء الملولو بتاع العجين دة ماينفعش دة للعجين بس لكن الكريمة عايزة المضرب السلك

والفيس والله صعبان عليا ههههههههههههه بس انا كرهته خلاص

انا مضفتش الكريمة التانية إلا لما لقيت ان البودر لوحدها مش ماسكة نفسها وكنت حاطة باكيت ايس كريم كمان شوكولاتة، وكنت فاكرة ان الملو لو ده بتاع الكريمة :(:( اصله مختلف عن بتاع العجان فمجاش في بالي ان مضرب البيض بيبقي معاه مضرب للعجين، المرة الجاية ان شاء الله بقي يارب تتظبط، اه وحاجة كمان يا ناني نسيت اسألك فيها، انا عملت ساعتها التورتة بتاعتك بتاعة الشوكولاتة اللي بالشوكولاتة مش الكاكاو، المهم وسبتها ساعة إلا تلت ولما فتحت عشان اشوفها استوت بقي ولا لأ لقتها لسه شوية صغيرين وطبعا هبطت للأسف بس مش كتير يعني وسبتها بقي كمان تلت او ربع كده فحستها نشفت شوية، المهم وحطتها في التلاجة عادي وكده وطلعتها بقي عشان ازوقها بعد ما بردت وسقعت وسقتها وكله، بس لقتها بتفرول وبجد تعبت اوي في تقسيمها وتنضيفها غلبتني عشان الفرولة دي بس تاني يوم كان طعمها احسن واظبط، بس بردو مش زي اللي كنت متوقعاه، انا عارفة الغلط عندي انا لأن طريقتك تحقة والكل بيشهد بكده بس عايزة اظبطها بقي عشان عيد ميلاد البنت وبعد البروفة دي اتخنقت واتضايقت وقلت خلاص مش هعمل تاني، انا ضربت البيض الاول مع السكر يعني بنفس طريقتك بالمللي مغيرتش فيها اي حاجة، مش عارفة ليه عملت كده، هجرب التورتة البيضاء المرة الجاية ان شاء الله واشوف حظي ايه معاها ومع الكريمة، ده حتي الجناش مرضاش يمسك نفسه ساعتها :'(:'(:'(

رووفة;14017350:

رووووفة عايزة من ده اووووي بليز تسلم ايديكي

رووفة;14017350:

ايه الجمال ده ياروفه

رووووووفه تسلم ايدك يا جميل وميزانك بخخخخخ

لا هنا يابنات الفشار بلكراميل مشهور اوي وفي اي مول لازم تلاقيه وطعمه تحفه

بصوا انتوا بتعملوا الفشار عادي فلحله بدون ملح بزيت وبس بعد ما يطرقع كله تحطيع يبرد في صينيه الفرن

وتكوني عامله سكر يتكرمل عنار وبعدين تحطي عليها يا اما علبه قشطه وتقلبي بسرعه عشان ميتكتلش يا اما تحطي خليط من لبن بدره ومعلقه سكر وميه يبقي سميك بس وتحطيهم وتقلبي بسرعه

وهوه سخن كده تحطيه بلمعلقه علي الفشار وتدخليه الفرن ينشف شويه وتخرجيه يبرد وتفككيه من بعضه وبس

دموع اشتياقي;14016978:
سوسي ما شاء الله رووووووووعه عيد ميلاد عبد الله يوم الخميس الجاي وعايزه اعمله وحده ربنا يسهل يارب وتطلع مزبوطه مع اني عملتها مرتين قبل كده وكان طعهمها تحفه بس خايفه
وجيت اقيمك يا سوسي للاسف مرضييييييييييش
والبنوته الي كانت بتسال علي فشار بلكراميل انا لسه عملاه اهه وطعمه احلي من بتاع الشارع







هكتب الطريقه بقي بس بليل لما العيال تنام

شكله حلو تسلم ايدك بس انا بحب حادق ياترى الحلو اكيد احلا قولى الطريقه علشان اجربه

بنات انا جوزي انهرده جايب جمبري بس صغير اوي :(
مالوش طريقه تانيه غير الطريقه التقليديه دي

رشرووش;14016556:
لاء طبعا يانور فى بنات مش حمسحها لانى عارفها بس كنت بضيف ناس معرفهاس لما بلاقيهم اصحاب ناس اعرفها
سوسى تسلم ايديكى ياقمر روعه
هى الفرواله طعت اصلى مش بنزل اشارع

متحرمش منك يا رشروش هاجيبلك دستة اقلام رصاص ههههههههههههه

sosiii-cat;14016760:
الله يهنيكي يا نووووور هههههههه ايوة حديقة الفراولة هي اللي كانت موجودة بقي ساعتها



انا للأسف كنت بقبل ناس ماعرفش هما مين علشان بلاقي صحابي عندهم ودلوقتي وانا ببص في الفريندز عندي اكتشفت ان تلات ارباعهم ماعرفهمش :thumbs_down: واخاف امسح حد يزعل مني وانا مش بحب ازعل حد مني كدة مش عارفة اعمل ايه

لا امسحي انا باتسلى عليهم دلوقتي بامسحهم اصلا منا عندي اخويا على الفيس وخطيب بنت عمتي يعني فكرت في الموقف لو ده حصل وحد بعت حاجة عيشتي هتبقى سووووودة وعبال ما اخويا يفهم اكون اتبهدلت ولا شكلي هيكون ازاي قدام خطيب بنت عمتي يا مين بقى يعدل صورتي تاني قدامه
اللي يزعل يزعل بس بيوتنا متتخربش، انا بتسلى عليهم ناااااااااو :lol:

Boody we zady;14017278:
تسلم ايدك يا سوسي بجد ملهاش حل

بالنسبه لموضوع ناني أنا عرفته النهارده تقريبا اول واحده في رسايل الخاص و مش تستغربوا يا بنات واحده أعرفها في الدار بعد عشره 7 سنوات مع صاحبتها اكتشفت ان صاحبتها بتوقع بينها و بين جوزها و بتعمال مشاكل الدنيا و تخترع حاجات و تبعت رسايل لجوزها و ليها من رقم غريب عشان توقعهم في بعض و مش بس مع الست دي لالا مع باقي الشله بتاعتهم فلكم أنا تتخيلوا 7 سنوات !!! ربنا يهدي الجميع يا رب

النهارده عملت كفته فراخ بجد وهم و عملتها و حطيتها علي السلطة و كلت ههههههههههههه اعمل ايه لما أجوع؟

حسبي الله ونعم الوكييييييل في الناس خرابة البيوت دول بجد الله ينتقم منهم
طيب ده في موقف حصل امبارح مصيييييييبة
واحدة قريبتي قوي قوووووووي من دمي يعني، اتعرفت على واحدة من سنتين في المسجد وصحاب جدا، فقريبتي ام صاحبتها بتتحايل عليها بقالها اسبوع تروح تتغدى عندهم وتنزل مع بنتها الاتيلية تأجل حجز فستان الدخلة
قريبتي راحتلهم اتغدت ونزلت مع البنت
تاني يوم قريبتي وهي مروحة من الشغل لقت صحبتها بتتصل بيها تقابلها ضروري
لما قابلتها لقت صحبتها وامها مستنينها في الشارع وامها بتتهم قريبتي ان الخاتم اتسرق وان قريبتي هي اللي سرقته تخيلي وقسما بالله انا اشهد ان ده عمررررره ما يحصل اصلا ابدا
لقيتها جاتلي الشغل امبارح بتعيط تقولي الحقي حصلتلي مصيبة وبتاع واهلي هيبهدلوني ومسكت المصحف تحلف ما خدت حاجة، اخدت رقم صاحبتها واتصلت بيها قولتلها هاتيلي ماما
مسكت الست سمعت منها للاخر وتقولي ايه مهي قريبتك مكانتش تقلع الحلق من ودانها وتدهولي الا تكون سارقة خاتم بنتي اللي خطيبها جايبهولها
خليتها تخلص كلامها واستلمتها بقى اديتها كلاام سسسسسسسسسم
خليت الست مبقيتش عارفة تنطق وبقيت اقولها انتي عشان اللي سرق السرقة منكم فيكم وخايفة على منظركم قدام خطيب بنتك يقولو عليكم حرامية ونصابين عملتو الحدوتة وتهمتو البنت فيها وهنرفع عليكم قضية رد شرف وجوز عمتي عقيد هههههههههههههههههه اهي انهرده اتصلت بتعتذر وتقول انا بنتي مسطولة شكلها ضيعت الخاتم
حسبي الله ونعم الوكيل في الناس اللي ضميرها مييييييييت

رووفة;14017350:

ماشاء الله شكلها رووووووووووووووووووعة
انتي بتحطي بصل على البيتزا؟؟؟ طيب بتحطيه ني عادي ولا بتديله تشويحة ولا بتعمليه ازاي عشان اجرب ;)

*Om Mo3az*;14017570:
بنات انا جوزي انهرده جايب جمبري بس صغير اوي :(
مالوش طريقه تانيه غير الطريقه التقليديه دي

بصي لو نونو قوي اسلقيه وخدي شوربتة اعملي بيها الرز وكشك هيبقى رهييييييييييب
وبعد ما يتسلق اتسلي عليه فصصيه لو ليكي طولة بال حطي منه في الكشك

ايه اللى بيحصل دا هوا فى كده حسبى الله ونعم الوكيل فى كل واحده توقع بين اتنين او حتى تفكر مجرد تفكيييير انها توقع وربنا يردهلها ان شاء الله فيها لان لو قلت بنتها حراام وبنتها زنبها ايه ان امها كده الا اذا كانت زى امها فهما الاتنين ساعتها يستاهلوا بجد ربنا يستر علينا كلنااااا


ومعلش يا نانى زى ما قلتلك تلاقيها عينها من جوزك هههههههههههه ربنا يحميكوا ياااارب ويبعد عنكم اصحاب السوء دول

سوسى ماشاء الله ولا حول ولا قوه الا بالله بجد مبدعه انت ونانى لو عملتوا مشروع حلويات فعلا هتكسبوا دهب صدقينى ومعاكوا ام بودى واحنا نشترى منكم بس اعملو دليفرى عشان نقول لجوازنا اننا اللى عملنها ههههههههههههههههه خلى البنت اياها دى تاخد كلامى كوبى وتروح تدورلى على فيس ولا تدور على فيس جوزى هههههههههههه مووووت يا حمااااااااار

لا بجد فكروا فى المشروع دا ومفيش حاجه بتكسب زى الاكل خصووووصا لو كان نضيف وموثوق فيه مش هيفشل ان شاء الله


رووفه ماشاء الله البيتزا حلوة اوى تسلم ايدك

ايمى الفشار حلو اووى خلتينى افكر جديا انى اعمله انا عمرى ما فكرت اعمله كنت بشوفه علطول فعلا بس انت بتشغلى عليه الفرن بعد ما بتحطى عليه الكراميل اد ايه تقريبا ونار عاليه ولا اييه نظامها يلا قوليلى عشان الحق اقوم اعمله قبل الماتش ما يخلص هههههههه


شاهى وشيمو جوزو وبابا عاملين اييه دلوقتى يااارب يكونوا بخير يارب وبيتحسنوا

بكره شوربه عدس ان شاء الله

بيرق أمل;14017626:
بصي لو نونو قوي اسلقيه وخدي شوربتة اعملي بيها الرز وكشك هيبقى رهييييييييييب
وبعد ما يتسلق اتسلي عليه فصصيه لو ليكي طولة بال حطي منه في الكشك

تسلمي يا نور
بس انا دايما بعمله مسلوق
كنت عاوزة تغيير
جوزي عاوزني اقشره واعمله زي ما كنت عاملاه اخر مره اللي بصوص الباربيكيو بس اهنا استحاله اقشر
مش مستغنيه عن نفسي ههههههههههههههههههه
فكنت عاوزة طريقه جديده بس زي ما هو كده بقشره
كفايه عليا النص ساعه اللي وقفت غسلته فيهم

وقولي لي طريقة الكشك بليز يا قمر

ده مين الفاضيه التافهه الي عملت معاكى كده يا ناني حسبنا الله ونعم الوكيل بصي يا بنتى نفضي ومتحرقيش دمك ومدام جوزك متفهم وعارف حوارات النت الفاشله ميهمكيش وكان شيئا لم يكن وترقع راسها في اطخن حيط هي كده بئت كارتا محروق بس يارب نعرفهااا كلنا هننزل فيها ضرب ولا يهمك

دكتوره عسوله.............عايزه منك ياقمر طريقه الفراخ المشويه
بنات انا ليا كذا طلب بعد اذنكو
عايزه طريقه الجريلد تشيكن
وعايزه طريقه جديده للبانيه [BACKGROUND="70 #666666"][/BACKGROUND]
عايزه كذا طريقه للفراخ المشويه
على فكره انا عملت رز بالبن زى اللى انتو قولتو عليه عملت الكريم شانتيه بره وبعدين حطيته وعملته بنفس الطريقه بتاعتكو طلع وهم وهم بجد تسلم ايدكو
وان شاء الله هاعمل الكب كيك وهازينه بالكريم شانتيه والشيكولاته اصلى بحب الكريم شانتيه اوى
وعلى فكره انا بستفاد منكو جدااااااااااااااااF::L:F::L:

بت يا روووووووووووووووووووووووووفه انتي مش عامله رجيم يا بت منك لله ههههههههههههههههههه أنا بأكل خياره و بتفرج علي البيتزا و بتحسر هههههههههههه ليه يا ربي مش خلقتني رفيعه و عايزة أطخن زي خبيبتشي نوووووووووووووووووووور ليه يا ربي خلقتني طخينة و عايزة أخس ههههههههههههههه الوله بودي شمتان فيا يا جدعان بيقولي بتأكلي سلطة عشان تكوني رفيعه؟ قلتله ايوه بيقوللي أحسن تستاهلي هههههههههههههههه

بكرة الغدا كفته رز و رز بالشيعريه مش عارفه أنا حأكل ايه لسه ان شاء الله

ممكن تعملى البانيه مشوى ياتميمه
روفه تسلم ايدك على البيتزا

ايمان ام مغاذ قشريه واعمليه كفته او كشك او رز باجمبرى

معلش يا جميل اتاخرت عليكي في الرد والمتش خلص بس الحمد لله ان الاهلي كسب بصي بسخن الفرن ويدوبك بس 5 دقايق او اقل يتحمص بس سنه صغيره وتطفي وتطلعيه يبرد وتفكيه من بعضه وبس الف هنا

[BACKGROUND="70 #666666"]بنات بالله عليكو تردو عليا انا بكتبلكو من عند ماما وهامشى ومش هاعرف ااشوف الردود
:'(:(
وياريت طريقه شيش الطاوق[/BACKGROUND]