20 مرة نقول يا تري بتعملي الأكله دي ازاي؟ ( مبدعات مصر القمرات ) شهر محرم 1432

انا بقى عمرى ما انزل صورى على الفيس بوك ابدا حتى الصورة الرمزية مش عاملاها بنتى و لا انا

يالهوووووووووووووووووووووى
ايه ده اللى بشوفه ده
مين البت ديه ياجماعه
بنات معلش انا حمسح كل اللى عندى واذا حب حد يبعتلى يقولى الاول

*Om Mo3az*;14015893:




بصررررررره
انا كمان سمك مشوي ورز وسلاطه حتى كسلت اعمل بابا غنوج ههههههههههه
عملت سلاطة طحينه وخلاص

الاعواد الخشب يا قمر موجوده ف السوبر ماركت في قسم الادوات المنزليه

بالهنا والشفا يا جميل
وشكرا على الرد تسلمى هشوفهم هناك ان شاء الله

ناني فيبس;14014180:
ازيكوا يا بنات

والله كلكوا وحشني جدا جدا جدا

واللى منيعني عنكوا بصراحة كذا حاجة


اولا
كان جالي دور برد محترم بهدلني

والحمد لله بقيت اهو احسن

وكمان بقى مشغوله مع الضيوف اللى عندي مبقعدش والله

السبب الاهم ان في بنت من هنا من المنتدى والمصيبه انها من ضمن البنات اللى ضفتهم عندي في الفيس بوك (يعني المفروض انها صاحبه )بقت تاخد كلامي هنا في موضوع المطبخ وموضوعات تانيه بحكي فيه مع البنات عادي وهي تاخد الكلام دة وتبعته لجوزي مع شويه زيادات من عندها وتقوله شوف اللى انت موفرلها كل حاجة وواثق فيها ناشرة اسرار بيتكوا وبتتكلم عنك وعن اهلك ازاي على المنتديات

فطبعا اتعقدت من المنتدى ومن كل البنات اللى عليه

وفقدت ثقتي فيهم كلهم بصراحة

ربنا ينتقم منها يارب ويديها على قد نيتها

وانا مش زعلانه لاني مقتنعه ان ربنا هيردلها ازيتها دي باكتر منها بكتير جدا

وانا الحمد لله جوزي شخص عاقل والحمد لله محصلش اي حاجة من اللى هي كانت تتمناها او عايزة انها تحصل


يلا ادي الواحد بيتعلم

والناس فعلا بقت خلاص وحشه جدا ربنا يستر ها علينا ويبعد عننا الناس الحقودة الحسودة دي

انا قررت اقولكوا عشان افسر سبب غيابي وكمان عشات تاخدوا بالكوا كويس اوي وماتثقوش في حد بسهوله


ام بودي لو المشاركة مخالفة امسحيها







لا حول ولا قوة الا بالله العلى العظيم اعوذ بالله معقول فى بنات قلبها اسود كده حسبى الله ونعم الوكيل فيها الى بتفرق بين زوجين دا دى شيطان يا نانى يعلم ربنا اننا بنحبك وانا بقول نانى بقالها فتره مبتدخلش مستغربه
ويارب تعرفيها عشان كل البنات يعرفوها ويمنعو التعامل معاها

اليكم اخر تورتة عملتها الاسبوع اللي فات لما كنت عند ماما

amatalrahman237;14014998:
اهو السؤال عشان متتعبوش في التدوير

CuTie KaTkOoTa;14015009:
ممكن اللحمة كانت سميكة او نوعها مش مناسب للبيكاتا، كنتي افضلي زودي في مية لغاية ما قرب ما تستوي وبعدين ضيفي الكريمة

راي كيوت صح يا يا أمة الرحمن :)

رشرووش;14016138:
يالهوووووووووووووووووووووى
ايه ده اللى بشوفه ده
مين البت ديه ياجماعه
بنات معلش انا حمسح كل اللى عندى واذا حب حد يبعتلى يقولى الاول

طيب ابعتلك ولا هتسيبيني ولا ايه عشان اعرف

sosiii-cat;14016433:
اليكم اخر تورتة عملتها الاسبوع اللي فات لما كنت عند ماما

ماشاء الله يا سوسي جميييييييييييييلة الف هنا
جيت اقيم مرضاش ... حديقة الفراولة :adore:

sosiii-cat;14016433:
اليكم اخر تورتة عملتها الاسبوع اللي فات لما كنت عند ماما

ابداعاتك وابداعات ماما مش ممكن ما شاء الله عليكم بجد انتوا الاتنين، سوسي والله انتي فيعة بجد ملكيش حل في تذويقك وصورك، هو انتي خريجة ايه انت خسراة في قاعدة البيت بجد لازم تشوفي حل واستغلي مواهبك دي انتي وناني كمان.

قوليلي دي طريقة ناني ولا طريقة تانية والوردة مظبوطة وشكلها يفتح النفس وانا بحب الفراولة من غير حاجة وماما لسه جيبالي اهو اول يوم النهاردة ولسه كنت هقوم افتح واغسل ومكسلة بس كده انتي شجعتيني جدا اقوم اكل الفراولة :D:D:D


بنات صحيح معلش هي الكريمة بتاعة الخفق بتبقي قوامها لما تتضرب اجمد واتقل من الكريم شانتيه صح ولا مفيش فرق كبير

لاء طبعا يانور فى بنات مش حمسحها لانى عارفها بس كنت بضيف ناس معرفهاس لما بلاقيهم اصحاب ناس اعرفها
سوسى تسلم ايديكى ياقمر روعه
هى الفرواله طعت اصلى مش بنزل اشارع

رشرووش;14016556:
لاء طبعا يانور فى بنات مش حمسحها لانى عارفها بس كنت بضيف ناس معرفهاس لما بلاقيهم اصحاب ناس اعرفها
سوسى تسلم ايديكى ياقمر روعه
هى الفرواله طعت اصلى مش بنزل اشارع

اه يا بنات بليز فيه منكم كتير بيعملوا ادد لبنات مش عارفين هما مين هنا لمجرد ان بيلاقوا كومن فريندز كتير بينهم وده غلط ومش ينفع لازم تبقوا عارفين هما مين، انا عمري ما ببقبل الا لو عارفة هي مين


انا غسلت الفراولة وقاعدة باكل فيها همممم همممم ممممم:thumbs_up::thumbs_up::thumbs_up:

ربنا يخليكوا يا بنات على كلامكوا الحلو

والله خرجتوني من اللى كنت فيه

وفرحتوني حسيت فعلا انكوا اخوات بجد

والفيس بوك بقى معلش انا اصلا مش بفتحه بفكر اعمل واحد جديد وهبقى ابعتلكوا في السر :D

amatalrahman237;14014998:
اهو السؤال عشان متتعبوش في التدوير

اه المفروض كنتي تفضلي تزوديلها ميه الاول حبه صغيرة لحد ما تشربهم تزودي تاني لحد ما تستوي وبعدين الكريمة في الاخر

معلش كنا كدة كل مرة بنتعلم اكتر والاكل بيظبط اكتر

ام جودى القمر;14015230:
بنات عارفين البنجر اللى بيبقى فى سلطة بيتزا هت طعمة تحفة ولونه كمان جميل حد يعرف بيتعمل ازاىو الفاصوليا المسكرة بردو ازاى

اه دة تحفة انا بجيبه وبسلقه كدة زي ما هو وبعدين بقشرة وبقطعه وبعمل بقى تتبيله عبارة عن خل وزيت وملح وسكر وانقع فيها البنجر بيبقى تحفة

ونفس التتبيله دي بيتنقع فيها فاصوليا خضرا وبيضا وبصل جوليان وتبقى سلطة الفاصوليا

CuTie KaTkOoTa;14016526:
ابداعاتك وابداعات ماما مش ممكن ما شاء الله عليكم بجد انتوا الاتنين، سوسي والله انتي فيعة بجد ملكيش حل في تذويقك وصورك، هو انتي خريجة ايه انت خسراة في قاعدة البيت بجد لازم تشوفي حل واستغلي مواهبك دي انتي وناني كمان.

قوليلي دي طريقة ناني ولا طريقة تانية والوردة مظبوطة وشكلها يفتح النفس وانا بحب الفراولة من غير حاجة وماما لسه جيبالي اهو اول يوم النهاردة ولسه كنت هقوم افتح واغسل ومكسلة بس كده انتي شجعتيني جدا اقوم اكل الفراولة :D:D:D


بنات صحيح معلش هي الكريمة بتاعة الخفق بتبقي قوامها لما تتضرب اجمد واتقل من الكريم شانتيه صح ولا مفيش فرق كبير

ربنا يخليكي حبيبتي انا حاولت اعمل فعلا مشروع بس الموضوع هنا مش سهل ربنا يسهل

وكريمة الخفق لما تضرب لا بتبقى مش ماسكة نفسها زي البودرة بتسيح بسهوله عكس الكريمة البودرة

انا مصدومه فعلاااااااااااااااااااااااااااااااااااااااااااا من اللى سمعته يانانى ربنا يسترها على الجميع وربنا ينتقم منها اشد انتقام

النهارده اقبست فكرة ناناى ورصيت ورراك فراخ تحت صينية ورق العنب بعد ماتبلتها وحمرتها ف حتة زبده من الناحيتين وحطيتها فى الحله من تحت وفوقيها ورق العنب ولكم ان تتخيلوا الطعم بقى

ناني فيبس;14016620:

اه دة تحفة انا بجيبه وبسلقه كدة زي ما هو وبعدين بقشرة وبقطعه وبعمل بقى تتبيله عبارة عن خل وزيت وملح وسكر وانقع فيها البنجر بيبقى تحفة

ربنا يخليكي حبيبتي انا حاولت اعمل فعلا مشروع بس الموضوع هنا مش سهل ربنا يسهل

وكريمة الخفق لما تضرب لا بتبقى مش ماسكة نفسها زي البودرة بتسيح بسهوله عكس الكريمة البودرة

ايوووووة ماما كانت بتعمل البنجر كده بردو وكان بيبقي تحفة وكمان ممكن تحطوه مع المخلل الجزر واللفت بيبقي حلو اوي وبيدي لون جميل.

اصلي عملت بالكريم شانتيه بتاع العطار وكنت حاطة البولة اللي ضربت فيها في الفريزر هي واللبن وكله والكيكة في التلاجة وقعدت اضربها بس حستها خفيفة وطرية بردو، يمكن انا زودت اللبن مع اني كنت بجرب شوية بشوية وحطيت كوباية علي الربع كيلو وقمت مزودة حبة صغيرين فوقهم كريمة خفق كانت باقية عندي من الجناش، وكمان انا ضربتها بالمضرب بتاع البيض ده اوكي اللي هو الجزء الملولو مش اللي عامل زي المضرب انا عارفة ان ده للكريمة صح ولا غلط؟ عشان انا محبتش اسأل ماما قلت اعتمد علي نفسي وهي اللي كانت بتعمل به زمان


اما بقي اكونت الفيس وهتقدري تسيبي الفيس بتاعتك بعد اللي وصلتيله لا لا لا انا محتجة وبشدة

بيرق أمل;14016514:
راي كيوت صح يا يا أمة الرحمن :)

طيب ابعتلك ولا هتسيبيني ولا ايه عشان اعرف


ماشاء الله يا سوسي جميييييييييييييلة الف هنا
جيت اقيم مرضاش ... حديقة الفراولة :adore:

الله يهنيكي يا نووووور هههههههه ايوة حديقة الفراولة هي اللي كانت موجودة بقي ساعتها

CuTie KaTkOoTa;14016526:
ابداعاتك وابداعات ماما مش ممكن ما شاء الله عليكم بجد انتوا الاتنين، سوسي والله انتي فيعة بجد ملكيش حل في تذويقك وصورك، هو انتي خريجة ايه انت خسراة في قاعدة البيت بجد لازم تشوفي حل واستغلي مواهبك دي انتي وناني كمان.

قوليلي دي طريقة ناني ولا طريقة تانية والوردة مظبوطة وشكلها يفتح النفس وانا بحب الفراولة من غير حاجة وماما لسه جيبالي اهو اول يوم النهاردة ولسه كنت هقوم افتح واغسل ومكسلة بس كده انتي شجعتيني جدا اقوم اكل الفراولة :D:D:D


بنات صحيح معلش هي الكريمة بتاعة الخفق بتبقي قوامها لما تتضرب اجمد واتقل من الكريم شانتيه صح ولا مفيش فرق كبير

ايمي والله مش عارفة ارد عليكي كسفتيني بكلامك الجميل دة ربنا يجبر بخاطرك ويباركلك في جوجو ياااااااااااااااارب
دي مقادير ماما بعمل بيها علي طول ومظبوطة معايا الحمدلله وانا يا ستي بقي خريجة آداب قسم وثائق ومكتبات قسم عجيب غريب كدة مالهوش لازمة في الحياة ههههههههه

كريمة الخفق لما تضربيها لا هاتلاقيها اخف من الكريم شانتيه يعني ماتعرفيش تشكلي بيها وردات وكدة وكمان ماتضربيهاش كتير علشان هاتفصل وتبقي سمنة وتنزل مية كدة

رشرووش;14016556:
لاء طبعا يانور فى بنات مش حمسحها لانى عارفها بس كنت بضيف ناس معرفهاس لما بلاقيهم اصحاب ناس اعرفها
سوسى تسلم ايديكى ياقمر روعه
هى الفرواله طعت اصلى مش بنزل اشارع

الله يسلمك يا رشروش يا حبيبتي ايوة الفراولة طلعت بقالها شوية

CuTie KaTkOoTa;14016586:
اه يا بنات بليز فيه منكم كتير بيعملوا ادد لبنات مش عارفين هما مين هنا لمجرد ان بيلاقوا كومن فريندز كتير بينهم وده غلط ومش ينفع لازم تبقوا عارفين هما مين، انا عمري ما ببقبل الا لو عارفة هي مين


انا غسلت الفراولة وقاعدة باكل فيها همممم همممم ممممم:thumbs_up::thumbs_up::thumbs_up:

هههههههه الف هنا وشفا ابعتيلي طبق بقي :adore:

انا للأسف كنت بقبل ناس ماعرفش هما مين علشان بلاقي صحابي عندهم ودلوقتي وانا ببص في الفريندز عندي اكتشفت ان تلات ارباعهم ماعرفهمش :thumbs_down: واخاف امسح حد يزعل مني وانا مش بحب ازعل حد مني كدة مش عارفة اعمل ايه

sosiii-cat;14016760:

ايمي والله مش عارفة ارد عليكي كسفتيني بكلامك الجميل دة ربنا يجبر بخاطرك ويباركلك في جوجو ياااااااااااااااارب
دي مقادير ماما بعمل بيها علي طول ومظبوطة معايا الحمدلله وانا يا ستي بقي خريجة آداب قسم وثائق ومكتبات قسم عجيب غريب كدة مالهوش لازمة في الحياة ههههههههه

كريمة الخفق لما تضربيها لا هاتلاقيها اخف من الكريم شانتيه يعني ماتعرفيش تشكلي بيها وردات وكدة وكمان ماتضربيهاش كتير علشان هاتفصل وتبقي سمنة وتنزل مية كدة

انا للأسف كنت بقبل ناس ماعرفش هما مين علشان بلاقي صحابي عندهم ودلوقتي وانا ببص في الفريندز عندي اكتشفت ان تلات ارباعهم ماعرفهمش :thumbs_down: واخاف امسح حد يزعل مني وانا مش بحب ازعل حد مني كدة مش عارفة اعمل ايه

اه انا عارفة فعلا ان ماينفعش اضربها فترة بتفصل وعالنار بردو لو هطبخ بيها، ما الغريبة اني عملت كريم شانتيه وبردو كان طري ابقي اقلل اللبن بقي اكتر المرة الجاية

طيب قوليلي مقاديرها كده بالتفصيل من كله

اه القسم ده فعلا بيبقي الوظايف فيه صعبة شوية بس هو مين دلوقتي بيشتغل بالقسم او كليته، ممكن تمسحي الناس اللي مش تعرفي هما مين وبس وعمركم ما اتكلمتوا سوا يبقي كده هايزعلوا ليه اصلا وانتوا مفيش بينكم ولا حوار ولا حتي اي نعليق وخللي الباقي

سوسى ايه الجمال ده ماشاء الله ولا قوة الا بالله
روعه بجد حاجه كده خيال

سوسي ما شاء الله رووووووووعه عيد ميلاد عبد الله يوم الخميس الجاي وعايزه اعمله وحده ربنا يسهل يارب وتطلع مزبوطه مع اني عملتها مرتين قبل كده وكان طعهمها تحفه بس خايفه
وجيت اقيمك يا سوسي للاسف مرضييييييييييش
والبنوته الي كانت بتسال علي فشار بلكراميل انا لسه عملاه اهه وطعمه احلي من بتاع الشارع







هكتب الطريقه بقي بس بليل لما العيال تنام

سوسى ما شاء الله التورته جمييييييله ما تفتحى محل حلويات ايه رايك فى الفكرة دى
شيمو باباكى عامل ايه دلوقتى

أيه ده بجدددددددددد^o):badly:
بطني قلبت والله ربنا يجازيها
ويسترها عليكي يا ناني وع كل البنات اللي بتكلمو هنا
ايه حب الأذية دي ؟؟ دي حااااااااااااااااقدة اوي
الحمد لله انتي اصلا امش بتتكلمي عن خصوصيات دي حاجات عادية
وربنا يردلها كيدها ده في نفسها باذن الله
وماتقلقيش كما تدين تدان
انا كل يوم بتاكد ان ماعادشي في امان والله
ياريت الواحد يتعلم ويبطل يحكي
لكن انا مش بقدر باجي اكر ع طول ربنا يسترها معانا كلنا يارب
وماتزعليش نفسك يا ناني ده كلنا هنا بنحبك اوي ربنا يعلم:adore:
ده انا مسيطاكي هنا هههههههههههههههه
انا فعلا مضايقة من الموقف ده اوي يا بنات خلو بالكووووووووووووووووووو
وبلاش تحطو اجوازكو ع الفيس احسن في ناس مش بترررحم
بس هيا مييييييييييييين؟؟





سوووووووووسي التورتة حلوة اوي زي اللي عملها تسلم ايديكي
والورررررررررررردة مظبوطة الله اكبر عليكي بحد
تسلم ايدييكي والله
انا عندي عيد ميلاد ليان يوم الجمعة وبفكر اعمللها واحدة ربنا يسهل باة

تسلم ايدك يا سوسي بجد ملهاش حل

بالنسبه لموضوع ناني أنا عرفته النهارده تقريبا اول واحده في رسايل الخاص و مش تستغربوا يا بنات واحده أعرفها في الدار بعد عشره 7 سنوات مع صاحبتها اكتشفت ان صاحبتها بتوقع بينها و بين جوزها و بتعمال مشاكل الدنيا و تخترع حاجات و تبعت رسايل لجوزها و ليها من رقم غريب عشان توقعهم في بعض و مش بس مع الست دي لالا مع باقي الشله بتاعتهم فلكم أنا تتخيلوا 7 سنوات !!! ربنا يهدي الجميع يا رب

النهارده عملت كفته فراخ بجد وهم و عملتها و حطيتها علي السلطة و كلت ههههههههههههه اعمل ايه لما أجوع؟

CuTie KaTkOoTa;14016825:
اه انا عارفة فعلا ان ماينفعش اضربها فترة بتفصل وعالنار بردو لو هطبخ بيها، ما الغريبة اني عملت كريم شانتيه وبردو كان طري ابقي اقلل اللبن بقي اكتر المرة الجاية

طيب قوليلي مقاديرها كده بالتفصيل من كله

اه القسم ده فعلا بيبقي الوظايف فيه صعبة شوية بس هو مين دلوقتي بيشتغل بالقسم او كليته، ممكن تمسحي الناس اللي مش تعرفي هما مين وبس وعمركم ما اتكلمتوا سوا يبقي كده هايزعلوا ليه اصلا وانتوا مفيش بينكم ولا حوار ولا حتي اي نعليق وخللي الباقي

ايوة قسم غبي اوي فعلا يا ايمي ماستفدتش منه بأي حاجة للأسف :thumbs_down: وانا هاعمل زي مابتقولي فعلا كدة علي الفيس
انتي بتستعملي كريم شانتيه سايب ولا نوع معين ؟
انا مرة كنت بشتري سايب والراجل قاللي حطي كمية لبن قد كمية البودرة اللي هاتحطيها


التورتة اللي هي ال 5 دي لو تعرفيها
5 بيضات فانيليا و5 معالق كبار سكر بودرة و5 معالق كبار دقيق عليهم نص كيس بيكينج بودر
تبطني الصينية بتاعتك عادي وتفتحي الفرن يسخن علي 180
هاتضربي السكر مع البيض بقي بيضة ومعلقة سكر وبيضة ومعلقة سكر وهكذا وتفضلي تضربي لغاية ماتيبقي القوام كريمي واللون ابيض
تنخلي الدقيق مع البيكينج بودر والفانيلا بالراحة علي الخليط وتقلبي بمعلقة خشب دايرة ونص وبعدين دايرة ونص علشان ماتطلعيش الهوا منها لغاية ما الدقيق يختفي خالص
صبي الكيكة بقي في الصينية ودخليها الفرن وماتفتحيش عليها الا بعد نص ساعة

أم مازن*;14016837:
سوسى ايه الجمال ده ماشاء الله ولا قوة الا بالله
روعه بجد حاجه كده خيال

ربنا يخليكي يا شيمو يا قمر جزاكي الله كل خييييييييييييير


وحشاني قوي :L:

دموع اشتياقي;14016978:
سوسي ما شاء الله رووووووووعه عيد ميلاد عبد الله يوم الخميس الجاي وعايزه اعمله وحده ربنا يسهل يارب وتطلع مزبوطه مع اني عملتها مرتين قبل كده وكان طعهمها تحفه بس خايفه
وجيت اقيمك يا سوسي للاسف مرضييييييييييش
والبنوته الي كانت بتسال علي فشار بلكراميل انا لسه عملاه اهه وطعمه احلي من بتاع الشارع







هكتب الطريقه بقي بس بليل لما العيال تنام

ربنا يخليكي يا ايمي تسلمي يا حبيبتي وكل سنة وعبدلله طيب عقبال مليون سنة


الفيشار شكله حلو اوووي تسلم ايديكي
انا عمري مادوقت فيشار مسكر عجباني الفكرررة هاستني الطريقة بالليل يا قمر