لمة الليبيات لشهر محرم

امممم

شن صار في الاسايمنت يا اميمة ... وشن صار في الفلوس .... للديسكاونت بتع الكريسمس حصلتي هههه

ههه سلمته الاسايمنت الحمدالله ..

وعندي 4 تانيات بنديرهم في كرسمس هولدي لان بعد العطلة ع طول حنسلمهم

ههه اي اكيد .. هي المشكلة ان قداش بنشري وقداش بنرفع .. لان هلبا ف نبي انقي المهم المهم لان اكتشفت ان عندي هلبا خربش :(
ف ان شاء الله بنشري لبس حوش توبات وقونات .. وبنشري كم سندلي .. وشناطي هدا اكثر شيء بنركز اعليهم
ههه توا انقول هكي بعدين تلقيني لميت كل شيء ههه

كيف حالكم يابنات

.......... الحمد لله صغاري تحسنت حالتهم و رجعت صحتهم بخير ... ألف حمد و شكر لله ..

......... بس ولدي مش قادر يتأقلم مع المربية الجديدة بيهبلني ..


.............................. اليوم جوي مش حلو ..................................

أختي ( ديمو ) عروسة شهر 9 طلعت حامل ......... لكن يافرحة ما تمت .......... نزلت للسوق هي و راجلها و خوذهالك مشي مشي مشي و روحت دوش سخون ...... صارلها نزيف ...............

خليتها توه بتمشي للدكتور ... ربي يستر و خلاص

دكتورة اماني الحمد الله انه صغار احسن توه ماما قالت من انفلونزة صارات سنه فاتت قعدد حتي الزكمة طول بدل 4 ايام تاخدي في 15 يوم

وان شاء الله وليدك توه يحبها المربية الجديدة اكيد يبي شوي وقت

وربي يطمنا ويطمنكم ع ديموا وان شاء الله لاباس عليها
سلميلي عليها قوليها قتلك حيو سلامتك الف سلامه


عروسة وملوكه شنو فيه حتي تباركوا

راااااااااااااااااااااسي بيتفجر صداع وصقعانة
امتي تجي مطر

كل واحد يشوف برجه..

العذاراء: لولا جرنانك متهني ... ياطالم لنظار تعني

العقرب : العين مرضها من مرهون ... مع ياسه ماباش ايهون

الجدي : نختل فالعين انساهيها ... في غفوات النوم اتجيها

الحمل : لا ما خاب اليوم رجاهن ... في ميعاد غلاهن جاهن

الحوت : صوب اللي وفّي بقداره ... ديمة فالخاطر تذكاره

الدلو : ياناسي لنظار نسنك ... لا تنشد لا ننشد عنك

الميزان : عندي لوم علي غيابي ... فالغربة يشقوا بصوابي

الاسد : شقا واجد ياما عانيت ... الا جرحك كيفه ماريت

السرطان : بدّلني وانا شاقي به ... بالغير ومادرتش عيبه

الجوزاء : صار خطا لولاف اقباله ... خلاهن لنظار زعاله

الثور : بارق صوب جديد لفالي ... سيل جرف لوّل والتالي

القوس : خذيتي قسميتك ياعين ... وتبي قسمية لخرين

العذاراء: لولا جرنانك متهني ... ياطالم لنظار تعني ( هذا برج راجلي ))


الثور : بارق صوب جديد لفالي ... سيل جرف لوّل و التالي ( هذا برجي ))

منكذبش عليك مفهمتش هلبه الكلام شن معناه

أحلام حلوه;13955143:
دكتورة اماني الحمد الله انه صغار احسن توه ماما قالت من انفلونزة صارات سنه فاتت قعدد حتي الزكمة طول بدل 4 ايام تاخدي في 15 يوم

وان شاء الله وليدك توه يحبها المربية الجديدة اكيد يبي شوي وقت

وربي يطمنا ويطمنكم ع ديموا وان شاء الله لاباس عليها
سلميلي عليها قوليها قتلك حيو سلامتك الف سلامه


عروسة وملوكه شنو فيه حتي تباركوا

شكرا حبوبة

توه نبلغها ديمو ....... ربي يقدم اللي فيه الخير

اهلا دكتور ااامانى والحمد لله على صغارك والف لاباس عليها ديمو والى يجى من ربى كله كويس ان شاء الله


ااانا القوس بس مفهمتش واجد

ممكن نسالك سوال يا حيو من وين تجيبى فيهم الحاجات هذه

حيو عارفة الي تحطي فيهم هنا كله ناخذ فيه بس العلم مانفهميش فيه واجد

دكتورتنا حمد الله غ سلامة عويلتك الحمد الله والف لاباس ع ديمو سلامي ليها

وربي يكتب الي فيه الخير يارب

سلام ع الجميع

قال { لا يدخل الجنة ديوث. قالوا: ومن الديوث يا رسول الله؟ قال: الذي لا يغار على محارمه }

وصدق الشاعر: ما كانت العذراءُ تُبدي سترها *** لو كان في هذه الجموع رجال

فاحذر يا من انطمست في نفسه معاني الغيرة ولم يرب أولاده عليها انك لن تُمنع من دخول قصرك ومنزلك إنما تمنع من الجنة..

:rolleyes:
حتي انا مرات منفهمش فيهم فيهم كلمات من الشعر شعبي وكلمات قديمة
:rolleyes:


عروسة الاميرات من بيج فيس بوك

وحده سألت شيخ قتله؛؛ الشباب ينادو فيا ويقولولي ياحلو يافايح ياجبنة شرائح بالله يجوز هدا ياشيخ
قالها يجوز ياحليب بالموز ياعسل باللوز ياأحلي من شاهي العزوز لوعندي جهد نتجوز منك زوز
:lol::lol::lol:

هههههههههههههههههههههههههههههههه

الحمد لله علي سلامتها ديمو

شن الجوووووووووووووو عروسه وحيوووو

دعاء غريب ومستجاب مع الاستغفار باذن الرحمن
بسم الله والحمدلله رب العالمين .. سبحانك لا اله الا انت السميع المجيب

لا اله الاانت الحليم العظيم .. لا اله الا انت رب السماوات ورب الأرض ورب العرش الكريم



لا اله الا انت وحدك لا شريك لك .. لك الملك ولك الحمد وانت على كل شي قدير

اللهم لك الحمد والشكر كما ينبغي لجلال وجهك وعظيم سلطانك




اللهم لك الحمد حتى ترضى .. ولك الحمد اذا رضيت .. ولك الحمد بعد الرضى



اللهم لكا لحمد عدد خلقك .. ورضا نفسك .. وزنة عرشك .. ومداد كلماتك





اللهم لك الحمدعلى الاسلام .. اللهم لك الحمد على أن هديتنا ..





اللهم لك الحمد والشكر على جميع النعم التي أنعمت بها علينا ..





اللهم اني في كل ما سألتك ربي أعطيتني .. فلك الحمد والشكر والثناء الجزيل الحسن .. ف اعطني سؤلي





ولا تحرمني إجابتك يا أرحم الراحمين ..





اللهم إني أسألك ان تصلي على محمد .. وعلى آلمحمد كما صليت على ابراهيم وعلى ال ابراهيم انك





حميد مجيد .. وبارك اللهم على محمد وعلى آل محمد كما باركت على إبراهيم وعلى آل ابراهيم في





العالمين انك حميد مجيد ..





اللهم اني استغفرك من جميع الذنوب والخطايا ما علمت منها وما لم أعلم





الهي ان لم تغفر لي وترحمني لأكونن من الخاسرين





اللهم اني استغفرك مما تبت إليك فيه ثم عدت إليه ..





اللهم اني استغفرك من ذنب تبت إليك فيه ثم عدت إليه ..





اللهم إني أسألك بعزك وذلي ان ترحمتني .. اللهم إني أسألك بعزك وذلي ان ترحمتني .. اللهم إني





أسألك بعزك وذلي ان ترحمتني ..





الهى ان لم تغفر لي وترحمني لأكونن من الخاسرين..





لا اله الا انت سبحانك اني كنت من الظالمين .. لا اله الا انت سبحانك اني كنت من الظالمين .. لااله الا





انت سبحانك اني كنت من الظالمين


[/CENTER]