لمة الليبيات لشهر محرم

هم سافروا و احنا تبعنا الجره
فراق الغوالي مصعبة و ما مره







وين دلوعة اليوم وعروسة ضيو وحتي روز كانها غياب مجموه السهريه وينكم

يــاجـــــافــــيــــهـــــا .......... الاســمـــاء الــحـــســــنىالـــعـــيــن تــحــــلــــف بــــيــهـــــا .......... مـــااتـريــــد غــيـــر ارضـــــــاك


1) وحق الرحمن@لا اتريد غيرك فى الغرام انسان@ولا ايهمها فى فلان لا علان@نا العين باسمك فى الغلا امسميها
2) وحق الرحيم@حلفت علي غيرك العمر اتصيم@ولا اهناك من تجري وراه اتهيم@غيرك شهاده ما قدر يغويها
3) وحق الملك@اغيابك عليها يوم يهلك هلك@في جرتك تسلك طريقك سلك@اتقول واكله ولا زعم ساقيها
4) وحق القدوس@غلاك عند عيني اليوم مو مدسوس@بلاك انت ما تصبر بلاك اتحوس@يلي عليها اغليت وامغاليها
5) وحق السلام@اترايف عليك العين موش كلام@سوا واعيه ولا عقاب منام@ديما خيالك ياعزيز ايجيها
6) وحق المؤمن@لنظار حلفن ما لغيرك يومن@ولا في بحر غيرك نهار ايعومن@حتى ان غيرك طعمته ايحليها
7) وحق المهيمن@نحلف ونا رافع اصباعي ليمن@امفيت انت ما والي عليها هيمن@سيّرت عيني كيف ما تبيها
وحق العزيز@لو كان يوصل لامر للتعجيز@العين حالفه اتزيد الغلا تعزيز@وبيدك اتسلم كل شي بيديها
9) وحق الجبار@حساد عيني في غلاك اكثار@وهي ياعزيز زادت عليك اصرار@امفيت انت قالت حد ما يعنيها
10) وحق المتكبر@حلفت جميع الكون بيك اتخبر@العين هايمه وحاولت فيها انصبر@هيهات نقدر ع الغلا انلهيها
11) وحق الخالق@من رميته اوهو سهم صوبك عالق@وكيما حلف للعين ماهو طالق@هي زاد فرحت بيه يا غاليها
12) وحق الباري@شاغل غلاك افكارها وافكاري@العين سلمتلك كل شي اجباري@اللي اديرها في حقها ترضيها
13) وحق المصور@العين حالفه غيرك غلا ما ادور@غالي عليها فوق ما تصور@تفداك لو كان العمى يعميها
14) وحق الغفار@قالت غلا كيفك غلا ما صار@حلفت الكون وكل شي ينهار@ولا اتهون صوبك ياعزيز عليها
15) وحق القهار@العين شايلتك ياعزيز اقدار@غيرك لها لو دار مهما دار@لا ايطول منها شي لا ايرضيها
16) وحق الوهاب@العين مالها غيرك اليوم احباب@ولا عاد تفتح للمحبه باب@لا فى الجديد ولا علي ماضيها
17) وحق الرزاق@لو اتغيب عنها يوم لك تشتاق@ارياف وغلا واشواق فوق اشواق@تمرض العين وما دوا يشفيها
18) وحق الفتاح@العين حالفه يا بو عيون اسماح@ما ايهمها فى العمر كنهو راح@المهم جنبك عايشه خليها
19) وحق العليم@العين في غلاك امسلمه تسليم@حلفت عليها امعتمه تعتيم@حالة الدنيا ان غبت من يضويها
20) وحق القابض@عرق المحبه دوم باسمك نابض@لكلاش ما ينفع بدون النابض@للعين يا نابض لها تكفيها
21) وحق الباسط@عندك غلا مركز العين تواسط@لامور ديمه خيرهن لاواسط@من بعض قسوه وطيبتك ماليها
22) وحق الخافض@لو طال مهما طال عمري رافض@ناسي القديم ومن حياتي نافض@حتى الجديد العين ما ايسليها
23) وحق الرافع@لي عين عنك ياعزيز ادافع@حتى ولو فى غيرك كثير منافع@ما اهناك غيرك فى الشتا ايدفيها
24) وحق المعز@لي عين ديمه كل لافي اتلز@امفيت انت ما والي عليها ايعز@يصعب علي غيرك اشرا يشريها
25) وحق المذل@العين حالفه وين ما عليها اتطل@تنسى الدنيا وروحها والهل@حتى ان كانت ربنا باليها
26) وحق السميع@لي عين قربك عايشه فى ربيع@حتى ان كنك بعتها ما اتبيع@ما تريد غيرك بالغلا ايمنيها
27) وحق البصير@ما تتركك لو ادير مهما ادير@عندك علي عيني دلال كبير@تسمع كلامك وين ما اتناديها
28) وحق الحكم@هلي بغيره ما ايكون القسم@لي عين رسمتلي حياتي رسم@وامعاك قالت يارجب وفيّها
29) وحق العدل@مجهودها لارضاك تبذل بذل@وما يوم تاخذ فيك قولة نذل@عيني علي الحساد ما اتوصيها
30) وحق اللطيف@غلا العين فيك ماهو كلام وزيف@غلاها كبير صادق عفيف شريف@مااهناك والي فى الغلا ايضاهيها
31) وحق الخبير@العين بيك ربطت ياعزيز مصير@قالت علي مدعاك كيف البير@بود وحنان وطيبتك يرويها
32) وحق الحليم@لي عين حطت ع القديم رديم@قالت فى جنبك عايشه فى نعيم@وحلفت عليك الغير ما ايعصيها
33) وحق العظيم@لو اتغيب عنها يا اعيون الريم@تذرف العين ادموع كيف الغيم@اغيابك عليها ايضرها ينهيها
34) وحق الغفور@كلامي عليها العين ماهو زور@اتخش الصحاري وما اتهاب بحور@واتجيك تجري وين ما تدعيها
35) وحق الشكور@حساد عيني ان شكلوا طابور@ولو كيف صور الصين داروا صور@فيك ما اتفرط ماسكه اتلاقيها
36) وحق العلي@انت الدوا للعين وانت الضي@كيفك عليها ما نهار اغلي@يلي غرامك سادها امواتيها
37) وحق الكبير@وين ما اتسير قالت وراك انسير@حلفت بلاك العين تفنى خير@فيها اتعزي الناس ما اتعزيها
38) وحق الحفيظ@العين حالفه ما اتشوف منها غيض@ومن حنها قالت عليك اتفيض@غالي عليها ونا اللي انزكيها
39) وحق المقيت@قالت بلاك الصبر نا ما القيت@شقيت وراك ونا وراها اشقيت@العين في غرامك ذايبه ثاريها
40) وحق الحسيب@لي عين لقيت فيك حن وطيب@امفيت انت قالت لا اتريد حبيب@ولا اتريد غيرك فى الغلا ايجاريها
41) وحق الجليل@لو اتغيب عنها بالدموع اتسيل@بلاك انت قالت ليلها مو ليل@تشقى ان كان ابروحها اتخليها
42) وحق الكريم@تمشي وراك عيني بلا تخميم@اتريدك رفيق وما اتكون خصيم@يقسى عليها ايضرها ايشقيها
43) وحق الرقيب@لي عين ما تحمل عليها اتغيب@تبيك ديما ياعزيز قريب@ع الكون كله طلتك تغنيها
44) وحق المجيب@لقسام لو للعين مهما اتجيب@خاطي سريبك ما اتريد سريب@يلي حنان فوق الغلا عاطيها
45) وحق الواسع@لي عين حتى ان كونها مستاسع@قالت بلاك الكون لاهو شاسع@لاهي حيا لو كنت مانك فيها
46) وحق الحكيم@العين ما لها غيرك رفيق حميم@صوبك اختارت والخيار سليم@ولو الناس قالت كلها اتعاديها
47) وحق الودود@العين في غلاك بكل شي اتجود@اتعزك معزه ما لهاش احدود@حضّن عليها صونها وراعيها
48) وحق المجيد@قدرك كبير وكل يوم ايزيد@ما اتريد غيرك فى الجديد جديد@واخذ ارضاها العين وامعبيها
49) وحق الباعث@حنونه وراني كيفها مو شاعث@العين في غرامك ما لهاش بواعث@بيدك ازمام العين وامربيها
50) وحق الشهيد@غالي عليها والكلام اكيد@يلي بلاك العيد ماهو عيد@وما اتريد والي فى عيدها ايهنيها
51) وحق الحق@غيرك وراها لو اسنين شرق@م العين نظره ما نهار ايحق@لا صبح لا وان المسا ايمسيها
52) وحق الوكيل@امعاك انت قالت راضيه بقليل@اقبل عليها ياعزيز جميل@حاول اتزهي العين ما اتبكيها
53) وحق القوي@غلاك عند عيني اليوم موش اشوي@اتريدك امعاها ياعزيز وفي@وكيما اتودك ودها وكافيها
54) وحق المتين@حلفت لغيرك ما نهار اتلين@اتصون الغلا لعند يوم الدين@ولو كان كذبت ربنا ايجازيها
55) وحق الولي@اتعزك معزه موش قول ودي@حلفت وقالت للعرب و لي@موحال والي ع الغلا يثنيها
56) وحق الحميد@حلفت العين غيرك غلا ما اتريد@ولا اتريد حاسد بالفراق ايكيد@وللعلم عيني في غلاك نزيها
57) وحق المحصي@عليك انت قالت حرصها كي حرصي@من جيهتي لك فوق راسي كرسي@والعين شايلتلك غلا من جيها
58) وحق المُبدي@وراك وين ما اتعدي العين اتعدي@تنهي العمر احذاك قالت ودي@دعوه ع الله ربنا ايلبيها
59) وحق المُعيد@لو كان كل الكون جا فى ليد@قالت بلاك العامره ما اتفيد@عندك مكانه الكون ما ايساويها
60) وحق المُحيي@نظرة صفا منك لعيني تحيي@بيك وعليك وفيك قالت وحيي@لولاك ماتت موت نا نرثيها
61) وحق المُميت@في شوق عيني لك نا ما ريت@امفيت ما عليك قالت ان كان بكيت@وما ايهمها كنهو نزح ماقيها
62) وحق الحي@احذاك انت حلفت عمرها لا شي@ترجاك قالت ياعزيز علي@ولو نار شوق العين لك تكويها
63) وحق القيوم@لو اتغيب عنها لا هنا لا نوم@من ربنا طلبت غلاك ايدوم@وما تريد غيرك فى الغلا ايقريها
64) وحق الواجد@لو المال قالت بالاعرام تواجد@ولو ابليس خر لقبر آدم ساجد@ما اتهون لعند الثرا ايغطيها
65) وحق الماجد@حلفت ولو مروا عليها واجد@موحال عيني يوم كيفك تاجد@يلي غرامك م الشقا امنجيها
66) وحق الواحد@لو اتغيب كل الناس كله واحد@مي جاحده ولاني امعاها جاحد@دنيا بلاك العين ما اتحاديها
67) وحق الصمد@العين شاكره واتزيد ربي حمد@نار شوقها موحال تعرف خمد@ديمه عليك اريافها راميها
68) وحق القادر@اغيابك ايخلي دمع عيني حادر@قالت الدنيا اتجيب كيفك نادر@ولو انهار عاليها علي واطيها
69) وحق المُقتدر@ع العين في مدعاك ما ينقدر@غلاك عندها ما يوم ينحدر@نين ربنا هالعامره ايجليها
70) وحق المُقدم@ولو الكون قالت في غلاك تهدم@لا نادمه ولاني اللي متندم@العين في غلاها حد ما ايزابيها
71) وحق المؤخر@موحال عيني في غلاك اتوخر@يقسم ازويلك والكريم ايسخر@في كل ركعه ساجده تدعيها
72) وحق الأول@قدامها لو كان عمر اتطول@عنك نظرها ما نهار اتحول@عيني اتريدك فى الغلا اتزازيها
73) وحق الآخر@العين حالفه لا اتذل لا تستاخر@قدام كل الناس بيك اتفاخر@قصة غلا لاجيال تو تحكيها
74) وحق الظاهر@حلفت وقالتلي غلاها طاهر@العين من غلاها فيك بيك اتجاهر@فيك غاويه وع الناس ما تخفيها
75) وحق الباطن@بيك يفخرن لنظار ما ايتواطن@لو اتريدهن في يوم ما ايتباطن@ايجنك بطيبة نفس موش كريها
76) وحق الوالي@العين حالفه ما اتريد غيرك والي@انت كل شي ولولي والتالي@اتشاكيك وان الضيق واتشاكيها
77) وحق المُتعال@غالي عليها والغلا مازال@فيك انت قالت علقت لآمال@بيدك اتشقي العين واتهنيها
78) وحق البر@طيفك عليها كان يوم خطر@تزهى العين وما اتشوف كدر@وراها جميع احزانها ترميها
79) وحق التواب@لي عين غالاتك بدون اسباب@غيرك لها لو جاب مهما جاب@لا ايهز منها شي لا ايواليها
80) وحق المُنتقم@لو اتغيب عنها حالها ما ينسقم@والوقت يبقى العين منها ينتقم@علي جمر نارك شوقها يشويها
81) وحق العفو@لو الناس جو للعين ساعة صفو@علي حلفهم تحلف ان كان احلفوا@ما تتركك فيك الغلا امقويها
82) وحق الرؤوف@لي عين حلفت لو الكون اطوف@موحال كيفك ياعزيز اتشوف@ولو كان غيرك بالذهب يكسيها
83) وحق مالك المُلك@فى العين تملك يا الغالي ملك@ترجاك قالت لو ايطول السلك@ولو اتريد حتى الروح لك تهديها
84) وحق ذو الـجلال والإكرام@اغيابك عليها حكم فيه اعدام@للعين لحظه ما ايطيب منام@تقرن الليله سامره بتاليها
85) وحق المُقسط@يلي حضورك دوم عيني يبسط@هي حالفه لرموش لكي تبسط@مادمت غالي وبالوفا ناويها
86) وحق الجامع@العين حالفه يشهد عليها السامع@م الكون كله ما اتريد مطامع@امفيت انت لو ربي الحيا يفنيها
87) وحق الغني@كيفك عليها ما نهار اغلي@تذرف وراك بدمعها السخي@وما ايجيب منها حد لو ايهويها
88) وحق المُغني@لو كان غيرك قصر عالي يبني@ع الكون زولك عند عيني يغني@تسكن امعاك بيوت لو تبنيها
89) وحق المُعطي@فيك انت قالت حالفه ما تعطي@وغيرك لها لو كان مهما يعطي@العين روعتك فى الصوب ما ايوريها
90) وحق المانع@عيني بصوبك قانعه ونا قانع@تفداك حتى بالنظر ما اتمانع@وما ايهمها في دنيتي وباقيها
91) وحق الضار@ لو اتغيب عنها يا عزيز نهار@حلفت العين فى غيبتك تنهار@وما اهناك غيرك يا غلا يحييها
92) وحق النافع@تبيك ديما العين راسك رافع@حاضر سوا غايب عليك ادافع@قدام كل الناس ما اداريها
93) وحق النور@لك في كتاب العين عرم سطور@حلفت وراهو حلفها مو زور@موحال عيني صفحتك تطويها
94) وحق الهادي@عندك غلا فى العين ماهو عادي@انت لولي والناس منك غادي@غالي عليها وحق من ساطيها
95) وحق البديع@هلي سطا للناس كون وسيع@بلاك انت حلفتلي العين اتضيع@واتطيح ما تلقى اللي ايصبيها
96) وحق الباقي@العين في اغيابك دوم بيها شاقي@بالدمع تحفر ع الخدود سواقي@وايزيد سيل الدمع وايرديها
97) وحق الوارث@زارع وحاصد في كنيني وحارث@ولي عين تحمل ياعزيز كوارث@امفيت ما اغيابك هو اللي يرزيها
98) وحق الرشيد@حتى ولو كان الزمان عنيد@العين حالفه ما يوم عنه اتحيد@مدعى غلاك وحق من ناشيها
99) وحق الصبور@لو اتهون عيني ياعزيز اتبور@لغياب في قانونها محظور@حافظ عليها صونها وراعيها



شوف الود
وشوف شوق عيني لك ما له حد
وقديش ذكرت اسم عاود عد
بالك اتحن اشوي لو تحصيها
ما اتريد غيرك ياعزيز سند
ايطبطب عليها ايودها ويحميها
باسماء رب الكون حلفت جد
وانت وضميرك ذمتك تبريها
حلفت ولك اليوم مت يد
بينك وبين الله لوترخيها

صباح الخير عليكم


عروستي وملكة حياتي وضي عيني ....


هنوووو يا قلبي انتي


حيووووووووو ليك وحشة ... هي امتي تعبي رصيد الواي ماكس التاني خخخخخخ

السلام عليكم ورحمه الله وبركاته

صباحكم مبارك يارب

حبوباتي شرفوني بموضوعي عن رسم ع زجاج

http://forums.3roos.com/showthread.php?p=13952659#post13952659

تسلمي ملوكة نجيها ياربي بنيه تهبل ربي يحفظك

ع شنو دايرة ثاني والله وااااااااااااااااجد كبيات ونبي ناخذهم معايا لحوشي

طبيعا مهما نوصفلك كيف نحبهم واجد بكل وديمة نمرطز فيها جو نفش في

غلي فيهم حتي تلوين نحبه يضحكوا عليا يسحبوه متاع عويلا صغار

غير نفضي بس توه نصورهم كلهم كيف تنبلت ياله نزلت الموضوع وخلاص

تسلمي حبيبا ع مرور وردك الحلو ربي مايحرمنيش من وجودك

المنتدي كان مريض اشويا توه براه الحمد الله ورد طبيعي

:lol:

صباااح الخيييير

ههههههههههههههههههههههههههههههههههههه

غدووو نورتي يا سمحة ... اللون يقتل حتي مدام رجاء دراته لماما طلع تحفة الحق ... بس يبي بشرة متكونش بيضاء هلبة ولا سمرا هلبة بين وبين
وان شاء الله يجيك زي ماتبي

ووووووووووووووين بنوتات بلادي مانوروش موضوعي؟؟؟

مساء الخير** هكي باهي حلا و قدرك ههههههههه**

ملوكة سموحة مزال لي يوم 21 يعني اسبوع بضبط ههههههه

مدام غادة للقصه وللون حلوين

حيو ليك وحشة ياسموحة شنو اخبارك

غادوا تهبل القصة هذي وحتي لون حلو ع الاخر

Ghado;13953913:

تسلمـــــــــــــــــــــــــــــولي حبيباتي

عارفتكـــم ذووووووووق

ملوكــة: حتى أني بشرتي بين و بين .. لاهي بيضة و لا هي سمراء

و القصة هادي مدمنة عليها بس شعري طول شوية و تبي تعديل ...

لكن الي خفت منه انه مركز لادونــا قالولي انه ضروري ما يديروا سحب لون و مش عارف ايش و هلبة خزعبلات .. و أني شعري عادي يعني ... المهم بـــ قريب 160 دينار كامل

و مشيت للبالم سيتي قالولي عادي ميحتاجش شي يطلعلك هو هو اللون بـــ70 دينار

ملوكة ماما و ين دارتها الصبغة هادي حبوبة؟؟؟

ماما دارتها عند زهرة لبنان ((مدام رجاء )) وقصتلها نفس القصة !!! وطلعت عليها تهبــــل
ودارتها لان عندنا عرس الاسبوع الجاي علي اساس نيو لوك ههههههههه
والحق ابدعت فيها مدام رجاء .... لانها ديما مبدعه !!! معانا F:


يا لاهوي يا حيووو هلبة معناها اسبوع !! واااك يلا ان شاء الله خير هههه

صباح الخير :)

الف الف الف مبروووووووووووووووووك عروسة وفي انتظار كل جديد في القريب العاجل يارب :)