لمة الليبيات لشهر محرم

لا يافي عشي غدوة 9 ممكن أحنا شهرنا ناقص عليكم

امبكري اشوف شنو البرامج لقيت برنامج حيجي ساعة تسعة اسمه
libya:the stolen children
قعدت بنشوفه .. وشفته وتوا وين كملت

ع الليبين اللي يتزوجو اجنبيات ويجيبو صغار بعدين يهربو بيهم لي ليبيا حتي يكونو مسلمين وهكي

ف انا حسيت هو صح يهربهم ليبيا حتي يولو مسلمين وهكي وخايف عليهم
بس حرام ياخد ولد من امه .. يعني هدي غلطه هو لما اخدها عارفة مسيحية وهكي ..

وتعرفي امروحين كلهم كل سنة مرة حتي يشوفو صغارهم .. ف جايبين صغار كلهم في جانزور .. يقولو جانزور فلج ههه
وجاين الابهات و الصغار طبعا ابناتهم كلهم محجبات واللي متزوجات وامها تلقيها اجنبيه وفي البحر وحدة بنتها بنقابها والام لابسه شبه مايو وكلهم في منهم يعني صغارهم اخداهم من لما صغار ف مايعرفوش حتي يتكلمو انجليزي .. بس يبكو عارفين انه امهم بس مايعرفوش حتي يكلموها

وفي وحدة واخدهم ليه سنة وهو ممكن عمره الولد سنيتن بس مايعرفهاش امه .. لما جاته تبي تسلم اعليه اهرب منها مايبيشهاش .. قعدت تبكي امه تحاول تخليه يجيها

و واحد قالت ماباش يجيبهملها وهو عايشين في بنغازي
تقول ليه اربع ايام متزوج ف ماباش يجيها لي طرابلس وماشي هوني مون مع مرته .. ف هي امشتله لي بنغازي جابهملها عمهم .. وهدا هي جاية اسبوعين في اخر يومين جابهملها ..

و وحدة ماباش يمشي ماوين متفقين انه يتلاقو
جابها عنده وهو متزوج ليبية وصغاره كبار يعني قعدت عندهم وجابو مرته الليبية

واللي سخفني
واحد اثنين اعزوزا وشيابني جاين بيشوفو حفدتهم اسمها اسر .. بنتهم ميتا ف جاين بيشوفو حفدتهم وماباش يجيبهالهم بوها .. قعدو اسبوعين يحاولو معاه قالهم لا

و وحدة قالت قالي انه لما تزوجو وهكي قالها بنروحو ليبيا نسكنو غادي واحلفلها ع القران تقول ع القران احلفلي اللي هو اغلي شيء عندهم انه اذا ماعجبني غادي حيولي هنا معاي .. بس ماولاش خطف صغار وروح بيهم لي ليبيا

شعب هيثم مريض
عنده فود بويزننق .. وحرارته مرتفعة هلبا :( :( :(

إن شالله لابأس عليه

وشن واكل باش صارله؟ مفروض يمشي يعاين

ماعندي ولا ديتيلز لا كيف مرض لا امشي مستشفي او لا
اللي اعرفه انه كلمني شوي قالي انه مريض هلبا وتعبان ومن الصبح وهو يرجع
كلمته اكثر من مرة بعده بس شكله راقد او شيء لان مايرد :( و ام سو وريد اعليه

ههه علاش تحدفي ف ردودك خليتيني ندوي بروحي
يخي الأخير ماشفتاش شن كاتبه

مساء الورد

فيه حد اهني والا مكسدة دويرة اليوم؟

أنا أنا يا أنجل *_^

اهلا حلا شن جوك ؟ وشن مدايرة؟

كسودي
إنتي شن جو تجهيزاتك وإمتحاناتك؟
كملتي تجهيزات؟؟؟

امتحانات كملتهم ، وتجهيزات لا قاعدة عالقة كيف بنبدا لان سبت كملت امتحانات
توا بتكثر اسئلتي في قسم تجهيزات ههههههههه

تصبحوا علي الف خير

مساء الخير للحلوات السهرنات
تصفح الموضوع حالياً: 4 (4 من الأعضاء و 0 من الزوار) ‏روح الوليد, ‏براعم الورد, ‏nada kaled, ‏لولو201

والله توحشتكم

انا صاحبت ماما روحت من هنا والنت الحوش تم مش عارفه خيره شكلهم مكثرين تنزيلات الافلام وبرامج
توه قعدين ع واي ماكس الشخصي يعني صعب نفتح زي قبل

حلا وقدرك كبير ههههههه مش ها نقول نايضه 11 اليوم بس جيت للمه صبحت عليها ساعه 1 كان وجعكم صغاري خلاص بعدين انتم نوضهم برنات ع موبايل ههههههههه واني نوتي ليهم فطورهم وحاجتهم من الليل فكره صح *_*


روح الوليد سموحه لا لا لا حاجات لي تبيها انتي صح من كريديت كارد بس اني وصاحبتك يلعبوا فيها يبعتهولك مجانا
انتي لي عليك تتغير صورة تحت اسمك وحطي شنو مستحقه بضبط زي توه حطيتي صوره باقه الورد واني نبعتلهك وبنات لي يلعبوا فيها يبعتوها ليك
وتحصلها في طلبات العاب في الصفحة الرئسيه
سوري فيس بوك كنسل لهذا مرديت عليك

تسمحلي افكر فيك كل يوم!
تسمحلــي احكى عليك للنجوم!
تسمحلي احبك دوم!
تسمحلي اكون فى قلبك مدفون
يااحلى واحن مخلوق فى الكون!

زينك زين وحق الوفا مازلتى كحل العين
غاليه عليا وين تمشى وين الله يحرصك

مـا تزعليش انكـــان مـــا كلّمتك . و لا تحسبيها هجر لا نسيـان و ما تحزنيــش
ليا بقـــول آلمتـك . جميــع قـول قلتـه غيــر قــول لســان و مـا توسوسيـش انكانّـي خاصمتـــك نحبّــك ســوا راضي ســوا زعلان و نموت في دلالك و الكلام و صمتــك و نـذوب فـي .دفــاك و رقّتــك ذوبـــان يـا حلـم فــي صحــو و منـام حلمتك ــا بـدر فــي ظلمــة زماني بانولهـان كنـت بيــك جوارحـي سلّمتـك ..و لْتـوّ و بكـرى يـــا غـلا ولهـــان

كيف عن حبك انتوب والقلب انت ملكته ...انتوب على كل الذنوب وذنب حبك مانتركه

الحب ..لو نبيه نعيشه صح .... نجني ثماره كي البلح***
الحب ... لو تبي تعيشه تسهويك....تتحمل منه مايجيك