*(^_^)* التجمع الثامـن ,, لحوامـل شهـر ديسمبـر 2010 *(^_^)*

نور القمرر;13702902:
تصبحون على خير
وعيدكم مبارك جمييييعا

نور القمرر;13702758:
هلا خيوو
كريم الجسم يستخدمونه حق بعد السباحه يعني؟؟
قطن الصدر شنو النوع الزين وشنو اسمه؟؟
كريم الحفاظ خذتي من سيباميد يعني؟؟؟ زين هو وله اخذ نوع ثاني؟؟

بنت الأقصى;13705936:

سامحوني حبيباتي انا ماقدرت اقرأ الصفحات الماضية لانه غيابي كان طويل بسبب مرضي الشديد

وبدا معي الطلق من حوالي اسبوعين بس صارت معي قصة راح احكيها هلا وادعو لبناتي ربي يحميهم واشوفهم سالمين وما يفجعني فيهم

يوم الخميس الماضي لاحظت انه الحركة صارت معدومة وصارت من زاوية وحدة بس وما قدرت اميز هاي حركة بنت وحدة ولا حركة التوام ونفس الشي صار معي يوم الجمعة من قلقي خبرت زوجي راح حكالي لا تحملي هم يمكن المكان صار ضيق عليهم لهيك الحركة خفت وكمان السبت ما حسيت بحركة هون اعصابي اتوترت
وخبرت زوجي لازم نتصل بالدكتور ونشوف رايه اتصلنا فيه وحكى لازم اروح للطوارئ لانه الدكتور باجازة وهو راح يخبرهم شو يعملوا معي المهم رحت للطوارئ على الساعة 4 العصر ودخلوني قسم الولادة وطبعا حكولي غيري لبسك واعطوني لبس المستشفى واخدوا مني عينة بول وقاسوا الضغط ولما لقوه مرتفع خافوا وعلى طول حطوني على جهاز التخطيط تاع الطلق الا الممرضة بعد شوي بتحكيلي معاكي طلق ولادة انا رحت بحكيلها بعرف بس وجع خفيف وانا اساسا لازم اولد قيصيرية المهم بعد فترة اجتني دكتورة مناوبة بالطوارئ ما راح احكي عليها الا حسبي الله ونعم الوكيل فيها عملت فيي العمايل لما شافت الجهاز بتحكيلي معاكي طلق ولادة بحكيلها ماشي هو الطلق من فترة معي بس المه محتمل وخبرتها انه لازم اولد قيصرية الا شوي بتحكيلي يلا قومي شيلي الداخلي بحكيلها ليش ؟؟؟
وانا فاتحة عيوني بتحكيلي عشان افحصك داخلي واشوف الرحم كم مفتوح بحكيلها لا لا لا انا عاملة ربط وبعدين ليش الرحم مفتوح ولا لا انا بدي اولد قيصيرية وما بدي اولد هلا بس ادخل التاسع اذا اموري تمام وبعدين الدكتور ما بعمره فحصني داخلي الا بتحكيلي بعصبية انتي راح تعلميني شغلي بحكيلها ما بدي فحص داخلي ومش قادرة اقوم انتو رابطيني بالجهاز وبطني محجر مش قادرة اتحرك ( طبعا حبيباتي زوجي ما كان عندي كان برة منعوه يدخل لعندي ) راحت الدكتور حكت لممرضة شيلي الداخلي تاعها وفعلا شالوه وانتو بكرامة غصب عني والمشكلة ما كنت قادرة اتحرك لاني مربطةبالجهاز وفحصتني داخلي حسيت روحي طلعت من جسمي من شدة الالم وراحت وما حكت ولا كلمة المهم بعد فترة اجتني نفس الدكتورة تشوف الجهاز بحكيلها انا بدي اطلع للبيت خلص اتطمنت على البنات وبدي اروح للبيت الا بتحكيلي الدكتورة ومين حكى انك راح تروحي للبيت انا انصدمت بحكيلها ليش ؟؟؟ بتحكيلي انتي راح تبقي هون لحتى نحجز مكان ، بحكيلها مكان شو الا بتحكيلي بدنا نحجز حضانتين لانه الحضانات كلها مشغولة حكيت الها واذا الحضانات كلها مشغولة ليش بدك تولديني وانا ما نزل علي لادم ولا اية سوائل والالم محتمل بدي اروح بتحكيلي مو على كيفك وراحت انا هون جنيت صرت بدي اقوم من مكاني مو قادرة صرت انادي على الممرضة واجتني حكيت الها بدي اقوم بتحكيلي لا لازم تبقي حكيت الها معناها نادي زوجي من برة يجي لعندي بتحكيلي لا ممنوع حكيت الها اسمعي هاي الدكتورة مو دكتورتي ومو هي يلي راح تولدني واذا صار شي مو بس هاي الدكتورة راح اقاضيها وانتي كمان فهمتي عاد انا حكيتها بعصبية كبيرة وصرخت بصوت عالي روحي نادي زوجي هلا وفعلا شوي والا زوجي اجا خبرته القصة كلها جن جنونه واتصل بالدكتور وخبره على كل يلي صار راح الدكتور اتصل بالمستشفى وغير الدكتورة اجتني وحدة تانية ربي يجزاها خير عني هدت علي النفسية شوي وطمنتني على البنات بس صار يجيني مغص شديد ببطني ما في شوي والا الدكتور تاعي اجا لعندي وفحصني على الالتراساوند

وطمني على التوام وخبرته بخصوص المغص راح اعطاني ابر تثبيت مباشرة وحكالي نامي لو ساعة زمن وان شاء الله خير بالفترة هاي راح الدكتور ومعاه زوجي لعند الدكتورة يلي فحصتني داخلي وهون زوجي عمل معاها مشكلة كبيرة كتير وكان بده يكبرها كتير بس الدكتور هدى زوجي وحكاله لو زوجتك ولدت قبل التاسع بخلال هالاسبوع انا راح احكيلك ارفع دعوى عليها وقاضيها طيعا الحكي كان على مسمع منها للدكتورة وانتهت المشكلة على هيك وفعلا بعد ساعة روحت للبيت ونمت عطول وتاني يوم اخدت برضه ابر تثبيت وربي يلطف ببناتي ويحميهم ولهلا انا بالفراش ممنوعة من الحركة لحتى ادخل التاسع باذن الله وربي ييسر علي وعليكو ونتهنى باطفالنا وسامحوني طولت عليكو الحكي حبيباتي