*(^_^)* التجمع الثامـن ,, لحوامـل شهـر ديسمبـر 2010 *(^_^)*

فراشه بين الزهور;13698577:
دوم بخير

ايه مشيت على البحر ودخلت البحر بعد وانا امشي مع زوجي ابني من شف البحر وهو بس يبغي يدخل فيه
يلعب في ماي البحر دخلنا ونبسط ابني وبعده بدلنا الملابس وانا بدلت وحتى العبايه
بعده في الليل جالسنا عى الشوي وبعده حطينا الحطب قدمنا وتدفينا كنت طلعه حلوه

فراشه بين الزهور;13698593:
بنت كتكوته شخبارج واخبار البيبي

الحمد الله ان امورج كله بخير

بنات اليوم رحت موعدي في الفاتح وعطيت نتيجة السكر للدكتورة وقالت لي انه اخر نتيجة مالت العشا مرتفعه وحولتني على دكتورة تغذيه في السلمانيه بعد وقالت لي لازم اروح لها وهي بتعطيني نظام غذائي معين وسعرات حراريه معينه امشي عليها وبعدين ارد اسوي التحليل بو 6 مرات في البيت واروح لها
قالت لي انه البيبي وزنه اوكي طبيعي ووزنه 2.3 كيلو وقلت لها ببتدي امشي وقالت اوكي علشان السكر

مسااء الخير

شخباركم

التجمع كلش بارد هههه

اليوم الضاهر موعد تذكر في السلمانيه الله يطمنها يارب

فراشه اليوم مابينت

بنت الاقصى ماكو اخبار عنها ان شاء الله انها بخير مع النونوات

ام احمد شخبارج وشنو اخر تجهيزاتج

مهاوي شخبارج واكيد خلاص بداء العد التنازلي ربي يهون عليج

اعز احبابي شخبارج ان شاء الله بخير ..ها خلصتي تجهيزاتج ؟

محفزات المخاض الطبيعيه..

أولا: الاسترخاء
قريت ان هرمون التوتر يأخر حدوث تقلصات الرحم وبدء المخاض، فالاسترخاء والتنفس مهمين جدا مع راحة البال.

ثانيا: التخيل
اغماض العينين مع تخيل حدوث تقلصات الرحم ممكن انه فعلا يخلي الطلق يبدأ!! كثير مواقع قريت فيها هالشغلة.

ثالثاً: الجماع
لأن مني الرجل فيه مادة تحفز الطلق وكذلك العملية الجنسية نفسها تساعد على بدء المخاض.

رابعاً: الحركة
خصوصا المشي الكثير، التمرينات الخفيفة والرقص!!

خامسا: تحفيز حلمتي الثدي
هالنقطة ما اقتنعت فيها بالبداية بس بعدين لقيتها في كل المواقع ومكتوب انها طريقة مضمونة!! الطريقة بالتفصيل انج تييبين فوطة صغيرة ناعمة جدا وتغمسينها في ماء دافي وتعصرينها وبعدين تحفزين فيها حلمة احدى الثديين يعني تحركين عليها الفوطة بخفة لمدة 15 دقيقة تقريبا، وبعدين بأي وقت تحسين فيه بتقلصات في الرحم (حتى قبل لا تكملين ال 15 دقيقة) وقفي وريحي 5 دقايق، وبعدين كرري العملية على حلمة الثدي الثاني أيضا 15 دقيقة وريحي 5 دقايق، وبعدين كرري هذي الخطوات كذا مرة وريحي وعيديها بعد 5 ساعات تقريبا، وبنفس اليوم ممكن يبدأ المخاض!!
وأكو طريقة ثانية: تحفيز لمدة دقيقتين وبعدين تريحين لمدة 3 دقايق وتكررين هالعملية لمدة 20 دقيقة وتكون 4 إلى 6 مرات في اليوم.

سادساً: الأناناس
فيييه أنزيمات تحفز الطلق وخصوصا الأناناس الطبيعي وليس المعلب أو العصائر

سابعا: الأكل ال Spicy يعني المبهر
خصوصا الأكل الهندي والمكسيكي والصيني أو أي أكل فيه بهارات وايد وفلفل

ثامناً: زيت الخروع
تاخذين الطبي من الصيدلية وتحطين 3 ملاعق فقط مع كأس عصير (يفضل أناناس) وتشربينه

تاسعا: شاي الكمون
تاخذين شوي كمون تغلينه مع ماي وبعدين قصري النار عليه وخليه يرتاح 5 دقايق وبعدين حليه بعسل واشربيه ( مكتوب كوب واحد باليوم فقط).

عاشراً: الحقنة الشرجية
مكتوب لأن أغلب الحوامل يعانون من الإمساك، وبما أن حركة الأمعاء تحفز حركة الطلق فالحقنة الشرجية تييب تكرمون الإسهال اللي ممكن يحفز الطلق ( تقريبا نفس السبب مع زيت الخروع) ومكتوب ان أمعاء الحامل ممكن يكون فيها فضلات قديمة تؤخر بدء الطلق واذا طلعت تسهله.

احدى عشر: ركوب السيارة في طريق متعرج( كله مطبات مثلا)
مكتوب ان هالطريقة تخلي البيبي ينزل راسه تحت ويصير وضعه مناسب للولادة!!

اثنى عشر: عصير التفاح
وانا بضيف مشروب لذيذ تذكرته واهو انكم تاخذون عصير التفاح العلب (كي دي دي مثلا) وتغلينه مع أعواد قرفة (وهي بعد تسهل الولادة) وبعدين تشخلينه وتشربينه حار، لذيذ ويؤدي الغرض

للامانه الموضوع منقوووووووووووووووووووووول

مممم بنات تاخدون معاكم ماي مقري عليه لو شي ؟

اسمعت وحده تقول لي خذي ماي زمزم واقري عليه ادعيه وبعض السور

واشربيه وقت الطلق والله يسهل عليك

اذا تفيدونا ..

اي وقالت لي عن الثمانين ايه ...

سلام عليكم كروشات
اخباركم ؟ عساكم طيبين
سامحوني بنات ماقريت الواجب بالمره
بس انا حدي تعبانه قلت لكم احس بحرحشه وهذي البدايه
الحين بلاعيمي عدل وكحه قويه وصخونه والمستشفى مو راصين يعطوني ادويه غير البندول
واكاني فار تجارب اشوي اسوي لي بخار شوي اسبح ماي بارد علشان تخف صخونه
قلاص عصير برتقال رايح قلاص عصير ليمون جاي

وحدي موب قادره اتحرك احس روحي مكسره
وعلى هالتعب كله اليوم موعدي في السلمانيه
رحت لهم وذبحوني من الانتظار
ياخذون تحليل البول والضغط والوزن في مكان والالتراساوند في مكان وانا رايحه من الصبح علشان اخلص بسرعه
واهما على راحتهم ننتظر يخلصون بلعهم * ريوقهم *
ويالله كملت وبعدين انتطرت دوري للدكتوره وكان جدامي اربع بنات
قلت بدس الحمام ?ني انحصرت وجان ادش الحمام وما استحملت وارجع الي في بطني كامل
وانا الحين اكتب لكم عن الحمام احس روحي برجع ويع كلمت وصخ قليل عليه

واتصبرت ليما هي دوري جان ادش على الدكتوره
تخيلو تسالني ليش محولينج حتى ماقرت فايلي
قلت لها كل شيء
وجان تسوي لي التراساوند سريع ومشت عني
تخيلو وانا قعدت امش روحي وانظف عمري
ورحت لها الا اهيا تكتب في ورقه تقرير وتقول لي بعد اسبوعين تعالي
تخيلو ما تحجت عن وضعي بالمره

قلت لها انزين الحين شسالفه محوليني يقولون البيبي صغير
وانتي الحين سويتي التراساوند شنو وضعي
تقول لي وضعج اوكي ووزنه اوكي مادري ليش محولينج
قلت لها انزين عيل رديني للمركز تقول لي ?ه تعالي بعد اسبوعين وبنشوف وضعج اكثر واذا وضعج طبيعي
بنردج المركز
بطت جبدي عدل اسحب منها الكلام وطلعت من عندها جني هبله موب عارفه شنو الموضوع
ريلي يقول لي هاه شسو لج قلت له مادري ضار جذي جذي
يقول لي يعني شنو هاهاهاي قلت له الله اعلم
رديت البيت الا عمتي اتقول لي قومي روحي الهلال
رفيجتها قالو لها نفس الشي بعدين راحت الهلال وطمنوها
ريلي ?نه خايف ومايدري شنو وضعي قال لي قومي بوديجورحت سويت التراساوند عند دكتوره مافي دكتوره
وسوا لي فحص كامل
نفس طريقه دكتوره فهيمه
وقال لي حجمه وايد زين
وطمنا وقال لنا المشيمه اوكي ووضعج طبيعي
الحمدلله لك يارب

فراشه بين الزهور;13698787:
لا تنسونا كروشات اليوم يوم عرفه الدعاء فيه مستجب
كثروا من الدعاء لين زوال الشمس

استاذن لان منكم