استفسارات وتساؤلات الامهات عن كل شيئ)الجزء السادس(

dr_hienar;13670913:
كدة هى عندها اكزيما من الدهب حوطيلها مرتين من مرهم اسمهlotriderm لمدة اسبوع وهتلاحظى الفرق واشتريلها حلق طبى هو لونه ذهبى برضو ومابيعملش حساسية

والله ولا الطبى نافع هجيب المرهم ودة وربنا ييسر الخير كل الى مضايقنى انى فى العيد مش هعرف البسها حلقها دة شكله حلو ما شاء الله

بنات بالله عليكم عاوزه اسم دواء طارد للبلغم بس ضروري الله يكرمكم
يوسف بينزل بلغم كتير اوي ولو روحت بيه للدكتور هايديله مضاد حيوي وانا مش عاوزه ابهدله تاني
ربنا يكرم اللي هاترد عليا يارب

M!ss Tuky;13669666:
صحييح يابنات هو البيبي امتى تبقي الحياه معاه حلوة وصحيح لما يتم 40 يوم بيبدأ يدحك ويلاغي كده

انا مش شايفه من تايا غير عياط وشايلاها طول الوقت جوزو بيسيبنى فوضع بيرجع يلاقيني نفس الوضع بجد حتى المرواح عند ماما الى كان بالنسبالى فسحه حلوة مبقاش نفسي فيه حاسه انى مبقاش نفسي ف اى حاجه ومبقاش عندى قابليه افرح بحاجه

وصحيح جوزو هيجيبلي شفاط لبن ماركه ايفن فلو

قلولى بالله عليكو انظم موضوع الشفط ده ازاى انا بتلبخ جامد اوى لو قالى يللا ننزل نتمشي تحت البيت ما بين البس الاول ولا ارضعها عشان متعيطش وفالغالب برضعها والبس وتعيط بردو واتلخم ومعرفش اعمل ايه بقيت كارهه النزول

حيجبهولك بكام يا أم تايا؟؟؟؟؟؟ أنا كان عندي واحد موجود لحد دلوقتي ممتاز بصراحة بس لازم يكون صدرك مليان عشان تشفطي مينفعشي تشفطي بعد ما ترضعيها عشان ممكن يعملك التهاب في الحلمة ....... هو عامه أول شهر ده بيكون ملخبط حتي تفضلي كده لحد 40 يوم و يبدأ يلاغي و سن شهرين لتلاته معلش انتي الوضع جديد عليكي و مش متعوداه خالص ان شاء الله واحده واحده حتلاقي الحياه بقت ورديه هههههههههههه

sweetylolla85;13671803:
بنات بالله عليكم عاوزه اسم دواء طارد للبلغم بس ضروري الله يكرمكم
يوسف بينزل بلغم كتير اوي ولو روحت بيه للدكتور هايديله مضاد حيوي وانا مش عاوزه ابهدله تاني
ربنا يكرم اللي هاترد عليا يارب

بصي يا قمر فيه لبوس ممتاز للباغم بس مش عارفه اسمه ايه و كمان حاولي تعمليلها رضعه يانسون دافي حلوة قوي للكحة و ألف سلامة عليها

♥أم°•♥DANDONA_2010 ♥•°حلا♥;13670283:
مبروك اجزء الجديد يا بنات

عاوزة اسال بنتى داخلة على 8 شهور اهى ينفع ااكلها من اكلننا العادى ولا برضة مسلوق وزبادى وسيريلاك بس؟

معلش يا جميل مع احترامي ل ماهي يعني ليه مش تأكل رز و لا مكرونة ؟؟؟؟؟؟؟ بنتك 8 شهور تأكل يا قمر روز و مكرونة و فراخ و خضار ممكن لو بتعملي الأكل بتاعك بالزيت يعني الطبيخ تأكليها منه عادي ....... كفايه سيريلاك أنا بصراحة مش بحبه حاولي تأكليها الحاجة مش دايبه خالص عشان زورها يوسع هههههههههه بجد لو اتعودت تأكل كل الأكل مهروس حتتعبك لما تكبر شويه اعمليلها كوسه مسلوقه طريه علي شويه رز و فراخ مهريه خالص فاهماه قصدي

ام حور انا بنتى كدة الحلق عمل ليها حساسية والتهابات ورا ودنها والدكتور قالى فعلا عندها اكزيما من الذهب وادانى مرهم ما شاء الله فى يوم مين كانت زى الفل وبلاش بجد الحلق الطبى بنتك عندها حساسية من الذهب ما بالم الفلصو انا بقولك لانى عملت كدة التهبت اكتر واللى عملها المشكلة من الاول الحلق الطبى

لولو انا كنت بدى اميرة لبوس طارد للبلغم زى ما ام بودى بتقولك كان اسمة سيلجون كان مرتين فى اليوم الصبح وبلليل ودواء اعشاب بس بصراحة مش فاكرة اسمة هو عبارة عن يانسون وحاجات مهدأة للحكة

توكى عشان ما اضحكش عليكى انتى قدام فترة لغاية ما بنتك تظبط نفسها هى لا عارفة الليل من النهار ولا حاجة بس نصيحة بجد بلاش تعوديها انها تنام على حجرك وانتى شيلها انا اميرة ما شاء الله هتكلم سنة ولسة على الحال دة وحاولى تنظمى رضاعتها بجد هتريحك على الاقل ساعتين وتجوع وكدة يعنى رضعيها لغاية ما تشبع خالص وحطيها فى السرير مع نفسها تلعب تنام شبعانة ومغيرة وتمام خلاص هتلاقيها تتعود على كدة كل ساعتين ترضع وتنام او تلعب فى السرير وانتى تفوقى لنفسك وبالنسبة تشفطى كل مثلا ساعتين او ساعة ونص وتديها رضعة وكمان حاولى اعمللها رضعة اعشاب بتريح معدة الطفل من المغص والغازات زى يانسون او بيبى درنك بيبى كلم ميلوبا 50 سم مرتين فى اليوم وان شاء الله على الشهر الرابع الخامس بالكتير تكون نومها اتظبط خالص وترتاحى معلش هى اول شهور بجد متعبة انا عن نفسى شايلة همها من النهاردة لما ان شاء الله اولد واميرة معايا والزن بتناع البيبى هعمل اية يلا الله المستعان

دينا حبيبتى انتى ممكن تاكليها رز مع حتة صدر فرخة عادىفول بس من غير القشرة بتاعتة تقشرية وتهرسية اميرة ما شاء الله كنت باكلها معايا عادى

((K~A~T~O));13673334:
ام حور انا بنتى كدة الحلق عمل ليها حساسية والتهابات ورا ودنها والدكتور قالى فعلا عندها اكزيما من الذهب وادانى مرهم ما شاء الله فى يوم مين كانت زى الفل وبلاش بجد الحلق الطبى بنتك عندها حساسية من الذهب ما بالم الفلصو انا بقولك لانى عملت كدة التهبت اكتر واللى عملها المشكلة من الاول الحلق الطبى

هو صفار البيض بتاكل امتى؟؟؟
وعند سن 7 شهور البيبى ياكل ايه غير الخضار المسلوق و السيريلااك و التفاح ؟؟؟؟؟
وهل الاحسن الكوسة وللا بدالها القرع؟؟؟

مشمش ام محمد;13668488:
سيريلاك موجود يا سالي عادي بس هو اغلى من الانواع التانيه ومتوفر عادي انا جبت لمحمد ميلوبا كانت اي كلام وطعمها مش ظريف السيريلاك احلى في الطعم كتير بس بيني وبينك هو لا طاق ده ولا ده في اطفال بترفضه عادى

تسلمى يامشمش على ردك ربنا يباركلك فى محمد بس مش الميلوبا دى زى البيبى درينك ولا ايه بضبظ

M!ss Tuky;13669429:
بنااات انا دمااغى خلاااص هيجرالى حاجه من الزن الى طول اليوم من اول ما بصحي عايزانى احطها علي صدرى تنام وتقوم وهى علي حجرى بجد هيجيلي انهيار نفسي اخد دششششششششششش :(

انا برضه زيك كده والله على اخرى ومش بيبطل عياط وعاوزنى اشيلة واقف بيه ولازم اشيلة على كتفى كمان لما كنت هخنقة النهاردة من عمايلة فيا

katkooota_7aboooba ام حــور;13670214:

معلش يا احلى امهات


حور ودانها مش بتستحمل الحلق الدهب خاااااالص ودنها بتلتهب من ورا وبتحمر وبتشد فيها وبتعمل ريحه وحشة كده ورحت بيها للدكتور ادانى مرهم اسمه كانستن مضاد وبانثينول بس ولا عاملوا حاجه لسه زى ماهى شكلها صبيان خالص والريحه دى مضايقانى اعمل ايه؟؟؟:o:o

الف سلامة عليه ياقمر طيب متجيبى ليه حلق طبى افضل على ماتكبر شوية شان هو جسمها حساس دلوقتى قوى فعلى ماتكبر وبعدين لبسيه واحد دهب يااما بقى تغيرى الحلق وتجبيه بدبلة بدل البريمة فى حاجات بدبلة كده بنتى ورقيقة قوى

Bossy22;13674035:
هو صفار البيض بتاكل امتى؟؟؟
وعند سن 7 شهور البيبى ياكل ايه غير الخضار المسلوق و السيريلااك و التفاح ؟؟؟؟؟
وهل الاحسن الكوسة وللا بدالها القرع؟؟؟

بصي يا بوسي الكوسا و الجزر و البطاطس حلوين و ممكن سيريلاك أو بسكويت في أعشاب أنا كنت بجيب كيس الكراويه اللي زي الشاي ده و أدوب فيه البسكويت حلو قوي و زبادي و عصاير و الله أنا فاكرو بودي أكلته و هو عنده 7 شهور مكرونة و صدر فراخ ناعم قوي مش مفروم بس ناعم و ممكن تعملي ايه تعملي شوربه لسان عصفور و تكوري كور لحمة مفرومة كور صغيره زي الكفته بس بدون بصل و تسقطيها في الشوربه حتكون جميله

يا عيال انا لما بقرا استفسارتكم بحس اني اكلت محمد قبل اوانه حاجات مكنش المفروض ياخدها بس انا شايفه الموضوع عادي لانه الراجل معترضش الحمد لله اللهم بارك فيه
اولا صفار البيض انا محمد 6 شهور اهه بعمله صفار بيضه كل كم يوم واهرسها بشويه ميا دافين نونو واديهاله بقلب العيش الفينوو ومياا بئا جنبي كل شويا
الفراخ كمان عادي باكله فتافيت صغننه او تايهه في شوربه بمكرونه صغننه ورز بملوخيه وزبادي ببسكوت وجبنه نيستو او كيري بقلب العيش الفينو بردو
وفول مقشر بردو بالميه بتاعته واحيانا شوربه خضار جزر مقطع صغنن خالص وبطاطس بردو وكوسه وبسله سالقاها وشايله قشرتها وتكون طايبه جامد
وساعات اديله طماطمايه يفعص فيهااا بيحب الموضوع ده اوي بس طبعا بيستحمى بعدها ههههههههه
اكلوا عيالكم يا بنات اهاليناااا مش كانوا موسوسين زينا كده والحمد لله محدش فينا يعني جراله حاجه وكانوا بياكلونا بدري بردو عادي وعلى راي ام بودي عشان البيبي زوره يووسع

بشرى ساره لكل الي عندهم بيبيهات لسا غننين وعندهم شهر او اتنين او تلاته يا عياااااااااال انا محمد 6 شهور ومطلع روحي لسااا بس هو ريحنى شويا في الرضاعه لما بدا ياكل وكمان النووم بس بمزاجوووو مش بمزاجي انا وموضوع الخروج بالنونو دي مش هيريح قبل ما يمشي ويفهم ريحوا نفسكم امال الجنه تحت اقدام الامهات ازااااااااااااااااااااااااااااى

ام حور اسفة انى اتأخرت عليكى المرهم اسمة bactrodan ان شاء الله يجيب نتيجة سريعة

bosy_md;13663679:
بنات بليز آدم دلوقتي مش بيرضي يسيب ايديه تحت الغطا و بتبقي مثلجه ياعيني مش عارفه أعمل ايه خصوصا اني بخاف أشد الغطا أكثر من صدره لأن حركة ايديه كثير اوي بخاف علي نفسه بس عايزاه يبقي دافي أعمل ايه؟ و هو حركة الايدين الكثير دي عادي في السن ده وكمان عادي انه أي حاجة تقرب من بقو يفتح بقو كده علي طول و بيحط ايده في بقو؟ كمان عايزه اسأل حد جرب سانيتا بامبي؟ هو أول مقاس فيه مكتوب عليه ٢ من ٣ ل ٦ كيلو ولا فيه أصغر؟ معلش أسئلتي كثير بس آخر بيبي عندنا كان من ١٨ سنه هههههههه ماما بحس انها بتكلمني عن أطفال غير أطفالنا خالص

انا بستخدم بامبى جميل جدا وشبة المولفيكس بس سعرة اقل شوية انا بجيب لجودى 5 شهور مقاس 3 مش عارفة بالنسبة لابنك يبقى كام

يا ماميهات ابنى ما شاء الله بدا فى الشهر السادس
وعايزة اعرف هو ياكل اية بالضبط فى الشهر دة F:



وكمان نفسى اعرف هو امتى هيقعد لوحدة اصلى خلاص تعبت من كتر الشيل طول الوقت عايزنى اشتالة لما تعبت

m@hy;13670421:
لا لسة انها تاكل من اكلنا مش قبل ما تكمل 10 شهور على الاقلانتى خليكى ف الزبادى و الجبنة المثلثات و صفار البيضو لسان العصفور صدر فرخة او كبدة مسلوقين و مضروبين ف الخلاط بتبقى وجبة حلوة اوووىو البليلة و مضروبة ف الخلاط مهلبية كدا يعنىتفاح مهروس موز مهورس عصاير امممم مش فاكرة اية تااااااانىسيريلاك بسكويت بالاعشاب كدا يعنى

ماهى ..تسلميلى يارب على ردك دة فعلا الى بديهلها بس لسة كجربتش معاها اى نوع لحوم فراخ او كبدة مقتصرة على السريلاك والخضار وفاكهة وخلاص لحد منا وهىزهقنا بصراحة بس ححاول انوع لها ان شاء الله وربنا يبارك لك فى ابنك يارب

Boody we zady;13672023:
معلش يا جميل مع احترامي ل ماهي يعني ليه مش تأكل رز و لا مكرونة ؟؟؟؟؟؟؟ بنتك 8 شهور تأكل يا قمر روز و مكرونة و فراخ و خضار ممكن لو بتعملي الأكل بتاعك بالزيت يعني الطبيخ تأكليها منه عادي ....... كفايه سيريلاك أنا بصراحة مش بحبه حاولي تأكليها الحاجة مش دايبه خالص عشان زورها يوسع هههههههههه بجد لو اتعودت تأكل كل الأكل مهروس حتتعبك لما تكبر شويه اعمليلها كوسه مسلوقه طريه علي شويه رز و فراخ مهريه خالص فاهماه قصدي

والله ياريت تاكل من اكلنا دة وتريحنى
بس انا خدت بالى اليوميين دول ان وانا باكلها اى حاجة فيها قطع تروح تفهالى وطبعا كدة مينفعش
انا بعمل لها اكلها كلة مسلوق وفى الخلاط
بس ححاول بقى ااكلها معانا حبة نونو كدة مش لازم كتير
وفكرة شووربة لسان العصفور الى قلتى عليها بكور اللحمة دية جميلة قوى حجربها تسلميلى يارب ويبارك لك فى ولادك

مشمش ام محمد;13675500:
بشرى ساره لكل الي عندهم بيبيهات لسا غننين وعندهم شهر او اتنين او تلاته يا عياااااااااال انا محمد 6 شهور ومطلع روحي لسااا بس هو ريحنى شويا في الرضاعه لما بدا ياكل وكمان النووم بس بمزاجوووو مش بمزاجي انا وموضوع الخروج بالنونو دي مش هيريح قبل ما يمشي ويفهم ريحوا نفسكم امال الجنه تحت اقدام الامهات ازااااااااااااااااااااااااااااى

بس والله يا نادو انا حاسة انهم كل ما بيكبروا بيبقوا متعبيين اكتر
يعنى كل ما بيكبر الطفل بيفهم عن الاول زى ما يكون بيقلك فوقى انا مش عبيط:|
وموضوع النوم دة فعلا بمزاجهم فى اطفال بتنام واطفال زى بنتى كدة استحالة يغمض لها جفن قبل ما تتطمن ان الشمس طلعت :badly: وتبدا تفكر تنام ع الساعة 8 او 9 الصبح

ربنا معانا ويعنا على تربيتهم

sweetylolla85;13671803:
بنات بالله عليكم عاوزه اسم دواء طارد للبلغم بس ضروري الله يكرمكم
يوسف بينزل بلغم كتير اوي ولو روحت بيه للدكتور هايديله مضاد حيوي وانا مش عاوزه ابهدله تاني
ربنا يكرم اللي هاترد عليا يارب

الف سلامه عليه يا لولو
فى لبوس للبلغم اسمه rectoplexil كويس اوى
وممكن ندى معاه mucosol ped syrup

لولو انا كنت بدى اميرة لبوس طارد للبلغم زى ما ام بودى بتقولك كان اسمة سيلجون كان مرتين فى اليوم الصبح وبلليل ودواء اعشاب بس بصراحة مش فاكرة اسمة هو عبارة عن يانسون وحاجات مهدأة للحكة

على فكرة يا كاتو سيلجون للكحه الناشفه

♥أم°•♥DANDONA_2010 ♥•°حلا♥;13676886:
ماهى ..تسلميلى يارب على ردك دة فعلا الى بديهلها بس لسة كجربتش معاها اى نوع لحوم فراخ او كبدة مقتصرة على السريلاك والخضار وفاكهة وخلاص لحد منا وهىزهقنا بصراحة بس ححاول انوع لها ان شاء الله وربنا يبارك لك فى ابنك يارب




والله ياريت تاكل من اكلنا دة وتريحنى
بس انا خدت بالى اليوميين دول ان وانا باكلها اى حاجة فيها قطع تروح تفهالى وطبعا كدة مينفعش
انا بعمل لها اكلها كلة مسلوق وفى الخلاط
بس ححاول بقى ااكلها معانا حبة نونو كدة مش لازم كتير
وفكرة شووربة لسان العصفور الى قلتى عليها بكور اللحمة دية جميلة قوى حجربها تسلميلى يارب ويبارك لك فى ولادك

بصي يا جميل انتي مش تديها في بوقها كده ههههههههه انتي مثلا تديها الفراخ مهريه حته نونو تدخليها بايدك علي ضراضيرها من الجنب و سيبيها تلوك فيها لكن لو اتعودت تأكل كله من الخلاط حتتعبك قوي لما تكبر

ازيكم يا أحلى ماميهات ,, مبروك عليكم الجزء السادس

وكل سنه وانتم طيبين ,,,

عيسى بدأ يدور على ايده عشان يمص فيها ,,, لانى كمان مش بديله التيتنه الا وقت النوم او لما بيكون بيزن جامد اعمل ايه لانى كمان خايفه انه ياخد عليها ؟ :-#

انا وقفت شاى الأعشان من فترة ,,,, اديله منه تاني ولا ينسون بس ؟ لانه كمان يا عيني كل يوم الصبح يقوم مزكوم واسمع صوت خنفرة منه بيصعب عليا

وكمان مزاجه بيكون وحش بسبب الزكام دا عما اديله السبراى وتفك شوية ,,,

معلش سؤال كمان هوا المفروض احميه كل اد ايه لانى بحميه كل يوم وخايفه يكون دا سبب الزكام اللى عنده دا ايه رأيكم؟ وحكاية شعره اللى بيقع دا هيطلع تاني امتى :study: