استفسارات وتساؤلات الامهات عن كل شيئ)الجزء السادس(

بنات بليز آدم دلوقتي مش بيرضي يسيب ايديه تحت الغطا و بتبقي مثلجه ياعيني مش عارفه أعمل ايه خصوصا اني بخاف أشد الغطا أكثر من صدره لأن حركة ايديه كثير اوي بخاف علي نفسه بس عايزاه يبقي دافي أعمل ايه؟ و هو حركة الايدين الكثير دي عادي في السن ده وكمان عادي انه أي حاجة تقرب من بقو يفتح بقو كده علي طول و بيحط ايده في بقو؟ كمان عايزه اسأل حد جرب سانيتا بامبي؟ هو أول مقاس فيه مكتوب عليه ٢ من ٣ ل ٦ كيلو ولا فيه أصغر؟ معلش أسئلتي كثير بس آخر بيبي عندنا كان من ١٨ سنه هههههههه ماما بحس انها بتكلمني عن أطفال غير أطفالنا خالص

يا بنات عايزه اعرف اكل بنتى ايه غير الزبادى والنستو بتاكلهم الحمدلله والسريلاك علشان انا زهقت منه بصراحه
صفار البيض مشس بتحبه ولا اى حاجه مسلوقه هى خلاص قربت تكمل الست شهور تاكل ايه بقى

الف مبروك يا امهات عليكم التجمع الجديد

سالى انا السرير بتاع ميرو مش بتطلع ولا بينزل ولا حتى بيتهز هو بعجل بس انا كنت جايبة السرير ب 350 عشان انا غيرت المرتبة اللى كانت على السرير وجبت واحدة اتخن اللى كان على السرير كانت رفيعة كدة ماعجبتنيش بس انتى كدة السرير سعرة حلو وكمان بيتهز ويطلع وينزل جميل توكلى على الله وهاتى السرير

ياسمينا حمدلله على سلامتك ابنك يا حبيبتى ربنا يبعد عنة كل شر ان شاء الله والحمد لله ان الموضوع بسيط وفعلا مش مستاهل عملية انا كنت عايزة اقولك ان ابن اختى لما حصل كدة الدكتور قال عادى ممكن اظبطهالوا بايدى بس بصراحة انا استغربت بس طلع الموضوع صح اهو ومن غير عملية يلا الحمد لله وحمدلله على سلامتة

بوسى انا اميرة كانت دايما مطلعة ايدها برا ومتلجة كنت بدخل اديها فى الكم هو الكم كان طويل عليها وكنت بتنى الكم بس لما لاقيتها كدة دخلت اديها جوة الكم مش عارفة ممكن تعملى كدة ولا فى حل البنات يقولولك علية اة وفى جونتى كدة للاطفال البنات قالوا علية بس انا بصراحة مجربتش

ممكن تسلقى ليها تفاح وتهرسية ممكن مهلبية او رز بلبن والخضار المسلوقة هى رافضة خالص ولا اية حطى علية شوية ملح وكمون يبكون طعمهم حلو وان شاء الله تتقبلة حتة من صدر الفرخة او كبدة فراخ جيلى اكلت ميرو سمك مشوى حتة صغيرة عصاير

انا جودى مش متقبلة الاكل خالص لانى اكلتها و هى كبيرة كانت تمت 6 شهور قفلتهم يعنى و بعملها التفاح المهروس او جزر و كوسة تتفهم فى وشى هههههههههههه
اجرب اجيبلها جربر يمكن تحبه؟؟؟ انا مش بسمعكوو تتكلمو عنه خالص

انا كنت بأكل ميرو ومازلت باكلها هيرو بيبى مافيش هنا جربر بس لما بكون مطرة خارجة ولا حاجة وماعملتش اكل ليها بس غلبا بحب اعملها انا الاكل طازة لسة مسلوق مهروس بس ساعات بنجز لو مش فاضية واديهى منة

بس انتى جربى معاها تانى واديها الاكل وهى فعلا جعانة عشان تاكل يعنى مش تكونى مرضعاها وبعد نص ساعة تجربى تاكليها لا سبيها تجوع وانتى ان شاء الله لما تيجى تديها الاكل تاكل خليكى وراها اميرة طلعة عينى فى الزبادى ولغاية النهاردة مش عارفة مش حابة لية لازم نتخانق ونضرب بعض ونشد فى شعور بعض وانا باكلها الزبادى ههههههههههههههههه ربنا يهديهم

بنت من الزمن ده;13661360:
ماهى طب انتى البيديكال بتدى كام سم

5 سم

بنت من الزمن ده;13660679:
الكولون الشتوى ماركة هوبي حلوة اوىىى

شوفتيه فى الزقازيق ياقمر؟؟؟؟؟؟؟؟؟؟فين؟؟؟؟؟؟؟؟؟؟

بنات هينار بتقعد 4ساعات ولا حاجة تصرخ وترضع شوية تهدأ وترجع تصرخ تانى ومفيش حاجة بتهديها يوميا لحد ماتنام من التعب هى كدة جعانة؟؟؟

بنااااااااااااااااااات الي عيالهم ايدهم ساقعه فين لكلوك الأيد مش جايبين منوا ليه؟؟؟؟؟؟؟؟؟؟ و كمان بصراحة أنا لحد الأربعين كنت بمهد البيبي يعني بلفه و ايده جوه كمان بالكوفرته الخفيفه و مكنش بيحصل حاجة عشان كانوا بيناموا في المكيف يعني


بوسي اعمليلها بسككويت في شاي بللبن أو زبادي أو جربر أنا كنت بدي جربر و حلو علي فكرة

[QUOTE=OM SIMO;13661056]حبيبتى جرعه الفينيستيل لسنها 6 نقط مرو واحده بالليل قبل ماتنام


مرسي يا ام سيمو انا فعلا بحاول اقلل الجرعه والحمد لله بقت تصحى شويه دلوقتي عن الاول بس مش عارفه ليه مش حاسه بتحسن هو بياخد وقت ولا ايه؟؟

والدكتور كمان كاتبلها لبوس اسمه كافسيد باراسيتامول كل 12ساعه هو بقى بيعمل ايه اللبوس ده وكده الجرعه صح ولا ايه؟؟ هي عندها 3شهور وعشرين يوم؟ياريت اللي يعرف يقوللي هي خدت منه مرتين بس حاسه برده ان صدرها لسه مليان بلغم ومنخفرة زي ماهي:(

تسلميلي يام حور وانا بقتنع جدا بمقولة ابنك على ما تعوديه وفعلا محمد بئيست اعامله كانه بيفهم زينا وبحطله فعلا طبق معانا على التربيزه واخد انا لقمه وهو لقمه هو بيبئا ملل بس عشان يتعود

هو اييه الباونسر ده ياماماهات


الجزء الاول:اللعب مع الطفل…العاب الطفل من عمر يوم الى انتهاء الشهر الاول

هو الفينيستيل بتاع اييه؟؟؟؟
انا الدكتور كتبهولى لمده اسبوع بس 9 نقط 3 مرات يوميا

انتو بتستخدموه على طول عادى يعنى؟؟؟؟

Boody we zady;13665891:
بنااااااااااااااااااات الي عيالهم ايدهم ساقعه فين لكلوك الأيد مش جايبين منوا ليه؟؟؟؟؟؟؟؟؟؟ و كمان بصراحة أنا لحد الأربعين كنت بمهد البيبي يعني بلفه و ايده جوه كمان بالكوفرته الخفيفه و مكنش بيحصل حاجة عشان كانوا بيناموا في المكيف يعني


بوسي اعمليلها بسككويت في شاي بللبن أو زبادي أو جربر أنا كنت بدي جربر و حلو علي فكرة

عندى بس حاساه فاشل عشان ابنى بيحط ايده فى بقه على طول فالجونتى ده هيتبل طبعا ويسقع ايده اكتر بدخول الشتاء

dr_hienar;13665833:
شوفتيه فى الزقازيق ياقمر؟؟؟؟؟؟؟؟؟؟فين؟؟؟؟؟؟؟؟؟؟

بنات هينار بتقعد 4ساعات ولا حاجة تصرخ وترضع شوية تهدأ وترجع تصرخ تانى ومفيش حاجة بتهديها يوميا لحد ماتنام من التعب هى كدة جعانة؟؟؟

لو دخلت فى الخامس تبقى بتسنن ياجميله
لستها بتكولها يعنى
ورغم كده ممكن السنان متطلعش حد اقصى 8شهور فى الطبيعى وتكون دى دوره تنشيط
يعنى السنان بتتكون لسه فى اللثه وممكن تطلع عادى

Bossy22;13664192:
انا جودى مش متقبلة الاكل خالص لانى اكلتها و هى كبيرة كانت تمت 6 شهور قفلتهم يعنى و بعملها التفاح المهروس او جزر و كوسة تتفهم فى وشى هههههههههههه
اجرب اجيبلها جربر يمكن تحبه؟؟؟ انا مش بسمعكوو تتكلمو عنه خالص

جبلها معلقه وطبق شكلهم حلو والعبى معاها وهى بتاكل بالمعلقه
او جيبى دبدوب او اى لعبه ليها ايد ومسكيه المعلقه كانه هو اللى بياكلها
معلش هتتعبى معاها شويا لحد ماهى لوحدها تبقى حابه ميعاد الاكل

m@hy;13665641:
5 سم

اييه الفرق بين السم والملى

انا الدكتور قالى اوفقه فى حاله الاسهال وحاجه تانيه مش فاكراها
وادهوله مر الصبح قبل الرضعه بحبه حلوين

مشمش ام محمد;13666040:
تسلميلي يام حور وانا بقتنع جدا بمقولة ابنك على ما تعوديه وفعلا محمد بئيست اعامله كانه بيفهم زينا وبحطله فعلا طبق معانا على التربيزه واخد انا لقمه وهو لقمه هو بيبئا ملل بس عشان يتعود

زاواوى ماشاء الله الفرق مابين ابنى وبين ابنك 19 يوم;)
برده هيعملوا شراره

انا سمعت ان هيرو ممنوع فى الامارات عشان فيه يرقات خنافس لما حللته الامارات هناك الكلام ده صحيح ولا لا

ونفس الكلام بالنسبه لشامبو جونسون انو مضر ومنعوه صح الكلام ده ولالا؟؟؟؟؟

dew.dew;13667033:
هو اييه الباونسر ده ياماماهات

وهو للاطفال من 3 لخمس شهور

هو ده ياقمر


بنات هينار بتقعد 4ساعات ولا حاجة تصرخ وترضع شوية تهدأ وترجع تصرخ تانى ومفيش حاجة بتهديها يوميا لحد ماتنام من التعب هى كدة جعانة؟؟؟هى عندها 3 اسابيع وهل البيبى درينك فعلا وحش؟؟