رابطة امهات واطفال مصر بعمر السنتين ..لشهر ذو الحجة

ازيكم يا امهات
وحشتووووووووووووووني موووووووووووووووت مووووووووووووت والله
والرابطة وحشتني جدا جدا
F:F:F:F:
ومبرووووووووووك لكل وحدة جابت نونو جديد
ربنا يبارك فيهم ويجعلهم من الذرية الصالحة
وكل وحدة ربنا كرمها بحمل جديد ربنا يقويها ويتمملها على خير
وتقوم بالسلامة يارب
F:F:F:F:
اسماء
الف مليون سلامة عليكي وخلي بالك من نفسك ياقمر
F:F:F:F:

ياااااااه فينك يا بنتي ؟؟ عاش من شافك

حد موجود

انا زهقاااااااااااااااااااااااااااااانه
وصعبان عليا انام
عاوزة اقعد مع نفسي براحتي كده شويه من غير معاذ

حد هنا ولا هناك

صبحكم الله بالخيريا حلوييييين
كووووووووووووووفي يا خرابي مش معقول
وحشتيييييييييييييييييييني مووووووووووووت
طبعا انا عارفة الى انت فيه فمش حقول حاجة وحسكت
بس يا بنت طلي طالة نطمن عليك وبلاش بخل الاسكندرية ده ورني عليه اطمن عليك
وفين القهوة هو انا موصية على ابريق شاااي ده يادوب طحونة بن بس
هههههههههههههههههههههههههههههه

صباح الخير ما فيش حد هنا
انا صاحية النهاردة زهقانة قوي ماليش مزاج اعمل حاجة خالص وديت هيا المدرسة ورجعت ومن ساعتها قاعدة حتى مش قادرة اعمل الغدا

ازيك يا ام هيا
مالك كده

انتي بتودي هيا حضانه ولا ايه مش هي لسه 3 سنين

السلام عليكم
انا لسة راجعة من بره انا في الشارع من 6 وربع الصبح
وكمان شوية ونازلة تاني اجيب الاولاد وارجع على 2 أهئ اهئ اهئ
حاسة اني حمار ولا جاموسة مربوطة في ساقية والله
المهم انا رحت لدكتورة تانية وقالتلي لا مافيش مشكلة وبعدين ممكن يكون دورة ودم غزير بس
وقالت نتابع كام يوم كمان وممكن نعمل لو فضل دم اشعة تلفزيونية




ام يايا انا حاسة بيك وبالوحدة والزهق الى انت فيه
بس معندكيش حد من الاصحاب تروحيله او يجيلك فترة الصبح
كنوع من التغيير

ازيك يا ام ميزو
ايوه هيا وديتها الحضانة يعني قولت تتسلى وتتعلم وتتعود على الاطفال
والله مش عارفة ده اكتئاب بسبب البرد ولا الروتين المشكلة اني قاعدة على الكنبة ومقضياها اكل والوزن هايبوظ خالص

ام عمر ازيك تصدقي والله ضحكتيني فعلا تحسي ان الواحد مربوط يودي المدرسة وينظف ويعمل اكل وتحسي كده ان انتي مالكيش حاجة خاصة بيكي
انا باقول لجوزي عايزة اشتغل علشان احس بكينونتي قعد يضحك ويقوللي جايباها منين دي هو انتي تعرفي تشتغلي حسسني بالفشل
للاسف الصبح كل الناس يا نيمة يا مشغولة في بيتها المشكلة ان انا في السعودية يعني حتى مااقدرش انزل كده مع نفسي
انتي عايشة فين
كويس انك روحتي لدكتورة تانية وان شاء الله تبقي احسن وربنا يرزقك الخير
قوليلي عمر ومنة عندهم كام سنة

طيب كويس انك اطمئنيتي يا سمسمه برده

ام هيا
هو فعلا قعدت البيت تزهق
انا في الامارات وبشتغل
وام عمر في قطر بس متستته في البيت ههههههههه

ده حسسسسسسسسسسسسد يا ميرو
ما انا يختي شغالة اهوه توصيل وتقضية طلبات
يعني مش مريحة برضه

ام يايا انا في قطر
وعمرعنده 6 سنوات ومنة 4 سنوات و6 شهور
بصي السعودية خنقة فعلااااااا
وغير باقي دول الخليج خااااااالص وحتى الامان فيها منعدم متقدريش تنزلي لوحدك او تمشي في اي حتة
انا قصدي انك تتفقي مثلا مع حد من اصحابك استغنو عن النوم شوية
وتروحو تقضو وقت حلو مع بعض تفطرو تشربو نسكافية
انا كنت بعمل كده مع صحباتي خاصة قبل العربية
دلقوتي بقى بنروح الكورنيش ههههههههههه

حد جعان
ياكل ماك معايا

لا يا ختي انا اصلا محسدش اللي قاعد في البيت ابدا
هو انا اصلا اللي مقدرش استغي عن الشغل
انتي عارفه انا معايه اجازه مرضي يومين وبرده جيت النهارده ههههههههههه

ههههههههههههههه
ليه يا ميرو بتحبي الشغل للدرجة دي
طب كنت قعدت مع حمزاوي يا شيخة
وايه ماك ده
انا كنت باكل آيس كريم هههههههههههههههه
انا حقوم البس وانزل بقى
سلام اشوفكم بالليل لاني حرجع هلكانة وانام

صباحكم فل .. عندي نزيف فظيع و صحيت مبهدلة الدنيا و حاجة اخر قرف على الصبح

اه والله يا اسماء لما بقعد في البيت بحس ان اليوم ضايع برده
وحمزه كمان بيحب يروح يلعب مع صحبته بيتخنق لما يفضل طول اليوم في البيت يلعب لوحده

ماك يعني ماكدونلز

سلمتك يا هدي من ايه ده روحي لدكتور اطمئني

ازيكم يا بنات عاملين اية
شهيدة الف سلامة على الاولاد ربنا معاكى ان شاء الله
ام معاذ ايمى بصى انا بردو جاتلى عقدة من جوجو تيجى تعمل حمام لازم تنقط على البنطلون الاول لكن بليل بقيت البسها بامبرز هى مش بتعمل و هى نايمة بس علشان المرتبة مش تبوظ
ام عمر ربنا معاكى وان شاء الله تكون حاجة بسيطة
ام ميزو انا بردو بحب الشغل جدا ربنا ما يحرمناش منه بجد
هوبا ازيك ز ازى ندى ورنا