رابطة امهات واطفال مصر بعمر السنتين ..لشهر ذو الحجة

اوكي ربنا يعينك ولنا لقاء اخر

انا جيت جوزي هيتغدي عند حماتي و بعد كده هيسهر مع صحابه قال يعني بيغيظني بس انا و لا الهواااااا

انا جيييييييييييت
وزي ماروحت زي ماجيت
والدكتورة الصراحة كانت محتاجة دكتورة تفهمها وتفهمني لانها
مش افدتني باي حاجة
قلتلي لم حكيتلها ممكن كان حمل وراح
قلتلها على التكتلات والدم الى نزل قالت عااااادي
طب الدم وقف والنهاردة مع الحركة نزل تاني قالت عااااادي
طب مافيش قلق قالت عااااادي
وفي النهاية قالت ممكن دورة ونزلت
يبقى ايه هو بقى الى ممكن في الحالتين
ولا سالتني مثلا نعمل تحليل نعرف بيه ولا اي حاجة
كله عاااااااااااااااادي
قلتلها طب السلام عليكم
سايبة اولادي وجوزي راجع من الشغل وانا متاخرة وقاعدة انتظار ساعة
علشان كلمة عااااااااااااااااااااااااااااادي
والحمدلله على كل حال

سمسمه حمدلله علي سلامتك بصي يا حبيبتي انا صحبتي من مده اسبوعين حصلها اجهاض بعد الشر عن الكل يارب
المهم بقا الدكتوره طلبت منها تحليل رقمي لهرمون الحمل وتكرره بعد يوميمن تشوف الهرمون نزل اد ايه
وكانت مديها فوليك اسيد وحديد عشان الدم طبعا
وكانت عايزه تديها مثبت يعني بس صحبتي مرضيتش بس انتي الافضل تشوفي دكتوره تانيه بجد

والله يا هوبا انا سبتها بقى على ربنا
لآن انا عارفة بتوع المركز هنا كلهم كده عوااام مش تخصص يعني
ولو عايزة حد متخصص يبقى دي مستشفى خاص

ازيكم يا قمرات؟

بالله عليكم ادعو لمريم وعمر
مريم تعبانه جدا من امبارح مش عارفه ترضع ولا تنام وصدرها مزيق عالاخر
وديناها للدكتور رفعت الجابري كتبلها دوا للحساسيه
كلمت الدكتورة اللى بتابع معاها قالتلي لا دى محتاجه كورتيزون وموسع للشعب الهوائيه
انا بصراحه كلام الدكتورة اقنعنى
انما الدكتور رفعت حسيته مش مهتم اوى بالشكوى بتاعتها وك اهتمامه انه يدينى نصايح للرضاعه والاكل

انا حقوم انام لان حاسة بالاجهاد
وكمان بصحى بدري
اشوفكم على خير يا حلوين
وبوسة للكتاكيت

ازيك يا اسماء؟
الف سلامة عليكى مالك يا قمر؟

هوبا انتى غيرتى اسمك لعالم سمسم؟

الف سلامة عليهم يا شهودة
شفاهم الله وعافاهم
وربنا يطمنك عليهم معلش دور البرد غلس قوووي
وجاي السنة دي بشكل بشع
ربنا يشفيها ويعافيها

الله يسلمك يا شهودة ولا حاجة يا حبيبتي
اه هوبا غيرت اسمها احتياطات امنية على رايها ههههههههههههههه
انت اخبارك ايه وازي ماما واخواتك

الحمد لله يا اسماء فعلا الشتا غريب اوى
ربنا يشفيها ويعافيها يارب

بس انتى مالك ايه اللى تاعبك

كان نفسي اقعد معاكم
لكن بجد الصداع نازل على عيني ومش قادرة
تصبحو على خير

انتى كنتى حامل ولا ايه؟

الف سلامة عليكى يا اسماء
وخير ان شاء الله

في لاسريع كده يا شهودة حقلك يا قمر
كان نزل دم عليه كتير ومعاه كتل دموية كبيرة
وصاحبه طبعا الام في اسف الظهر كان نار الحمدلله
ورحت النهاردة للدكتورة اطمن زي ما البنات شارو عليه
بس لقيتها زي قلتها لانها مفهمتنيش حاجة بقة بتخمن وكله عااادي عندها
والحمدلله

شهيدة;13823486:
انتى كنتى حامل ولا ايه؟

ماهو رحت للدكتورة علشان اعرف لاني مكنتش عارفة
لقيتها في الضياااااااااااااع مرة تقول حمل ونزل
ومرة تقول دورة ونزلت وعاااااااااااادي بتاعتها دي
الحمدلله انا بقى الى حصل حصل دورة او حمل كله خير
والى يبجيبه ربنا كويس

اسماء خييييييييييير
سيبيها على ربنا وان شاء الله خير

طب ماحاولتيش تعملي تحليل دم عشان تشوفي اذا كان فيه حمل ولالا




شهيده الف سلامه على عمر ومريم
ربنا يشفيهم يارب
ومريم محتاجه كورتيزون ليه ؟
هي حساسية صدر ولا ايه اللي عندها دي ولا ده برد ولا ايه

ربنا يطمنك عليهم ان شاء الله

خير ان شاء الله
بس لو عايزة تعرفي ان كان حمل ولا لا
اعملى تحليل حمل ويفضل الرقمى هيبين اذا كان في حمل ولا لا
بس لو جاى بعد معاد الدورة بحاجه بسيطة ونزل حتى لو كتل ممكن فعلا تكون دورة وممكن يكون كان حمل ونزل واللي بيبين تحليل الحمل بس مش محتاجه اى حاجه علشان تنزله لا تنضيف ولا ادويه

ماهو يا مونة في المركز مش بيعملو اي حاجة الا بورقة محولة من الدكتورة
وهى مش في بالها اصلا هى شايفة ان مافيش حاجة تستاهل

ايمان
ازيك وازى ميزو؟
عندها يعتبر التهاب في جزء معين من الشعب الهوائيه بييجى للاطفال اقل من سنتين وخصوصا اقل من 6 شهور
الموضوع ابتدا بخنفرة وبعدين مبقتش عارفه تاخد نفسها ولا ترضع ولا تنام
بعد كده بقت بتكح كحه صعبه اوى ده غير تحسي عندها بلغم وفي رغاوى كتير بتطلع من بقها