رابطة امهات واطفال مصر بعمر السنتين ..لشهر ذو الحجة

والتحليل الرقمي ده ممكن في الصيدلية
ولا لازم في معمل
وبعدين جزي بيقلي متبصيش وراك خلاص
وربنا يعوضنا خير لو كان في حاجة وراحت

طب ما تروحي لدكتورة تانيه يا سمسم


ربنا يشفيها يا شهيده يارب
بس الكورتيزون ده مش لذيذ ولا ايه
يعني بلاش تديه لها غير لما تتاكدي انها فعلا محتاجاه

لا مش في الصيدليه يا اسماء
ده بيبقا تحليل في الدم

والله يا ايمان مش بمزاجى ولا حتىبمزاج الدكتورة هوا فعلا المرض ده بيحتاج كورتيزون
هيا حتى قالتلى على دوا الكورتيزون فيه خفيف لحد ما اروحلها بكرة وتكشف عليها

يالا على الله
وحقلكم تصبحو على خير
لان بجد مش قاادرة
معل ششهودة انت وحشااااااااااان يكتير بس مش قادرة

ان شاء الله خير يا شهيده وتطمني عليها
هو سن الاطفال الصغير ده كده بيتعبو كتير خصوصا لو الشتا دخل

وعمر اخباره ايه

بنسوااار

وانتى واحشانى اكتر يا اسماء
بس يلا روحى ارتاحى وان شاء الله بنا لقاء قريب

ايان
عمر الحمد لله بس برضو عنده دور برد جامد شوية

وانتي من اهله يا سمسم
ربنا معاكي يارب
وان شاء الله بكره تكوني احسن

بنسوار يا هدى
شكل مزاجك عالي انهرده يا جميييييييييييل
حلو الطناش صح

ازيك يا هدى وازى بيلا؟

ربنا يشفيه يا شهيده يارب
الشتا ده ارخم حاجه

شفتي مش معاذ بقى له تلات ايام على التوالي كل يوم يصحى عامل بي بي على نفسه
لما هتجنن منه
كنت لسه بقول لك مش عارفه هيعملو ايه ف الشتا
اهو بدانا اهو

شهيده مش انتي مشرفة التجمع ده ؟

طب مشرفه هنا بس ولا ليكي صلاحيه انك تعدلي اي مشاركه ف اي موضوع ف الشات ؟

مزاجي زي ما هو يا ايمي .. بس جوزي مقضي اليوم كله برة و انا قررت اعيش حياتي كدة تمااام..
الف سلامة على الولاد يا شهيدة

احلى حاجه يا هدى
هو بيغيظك بس انتي خليكي بارده خصوصا في وجوده يعني



بنات للاسف انا هقوم بقى معاذ قلب الاوضه وكل الدباديب والمخدات باقت ف الارض وانا تعبت
اعصابي بتتعب من المنظر ده
وضهري وجعني كمان من القاعده

ربنا معاكي يا شهيدة

ربنا يشفيه يا شهيده يارب
الشتا ده ارخم حاجه

شفتي مش معاذ بقى له تلات ايام على التوالي كل يوم يصحى عامل بي بي على نفسه
لما هتجنن منه
كنت لسه بقول لك مش عارفه هيعملو ايه ف الشتا
اهو بدانا اهو

معلش يا ايمى انا عندى عمر برضو اليومين دول بيصحى برضو عامل على نفسه
بدرجه تغيظ لدرجه اه في مرة كان نايم في العربيه قام لقيت بنطلونة مبلول
ربنا يهديهم ويصلح لهم الحال

*Om Mo3az*;13823773:
شهيده مش انتي مشرفة التجمع ده ؟

طب مشرفه هنا بس ولا ليكي صلاحيه انك تعدلي اي مشاركه ف اي موضوع ف الشات ؟

تقريبا ليا صلاحيه في اقسام الشات
لانى لاحظت ان اسمينا مكتوب برا في صفحه الشات
فتوقعت ان يكون لينا صلاحيات في كل مواضيع الشات

أجمل ايام العمر;13823780:
مزاجي زي ما هو يا ايمي .. بس جوزي مقضي اليوم كله برة و انا قررت اعيش حياتي كدة تمااام..
الف سلامة على الولاد يا شهيدة

الله يسلمك يا هدى
فعلا مفيش احسن من انك تبرمجى نفسك على انك تعيشي حياتك بمزاجك ومتبنيش حياتك على وجود حد
بجد بتفرق جدا وبيخلى اللى قدامك يجري وراكى

يا خساره يا ايمى كان نفسي اقعد معاكى

ربنا يكرمك يا هدى
ويعينك
اصل الرجاله دول محتاجين معامله من نوع خاص
في كتاب حلو انا كنت قريت جزء منه
روعه بجد
وبيتكلم عن المواقف اللى بتحصل في الحياة بين الزوجين وازاى ان كل طرف بيفهم الموقف بطريقه غير التانى
اسمه العلاقات بين الرجال والنساء لجون جراي تقريبا
هوا نفس مؤلف كتاب المريخ والزهرة لو تعرفيه

ربنا يهديهم يارب والشتا ده يخلص على خير بقى


ابقي حاولي تدخلي بالليل يا شهيده
انا بصراحه ضهري وجعني اوي ومعاذ مجنني وترابيزة الكمبيوتر دي هتتكسر منه قريب لانه بيطلع يقف عليها ومجنني

هروح اقعد معاه فالاوضه التانيه احسن يكركب فيها زي ماهو عاوز هههههههههههههه

ممكن اتكلم وله ماينفعش عشان نانو عندها سنه وشهر وله استنى لما تكمل سنتين

ربنا يعينك يا ايمى
انا للاسف كتير مبعرفش ادخل او ادخل افتح الصفحه واقوم
فعلا وجود طفلين في الحياة بييغير فيها كتير

اهلا بيكى يا اناناسه البيت بيتك يا بنتى