»¤‡° تجهيزات عرائس لشهر ذو الحجة 1431 - 2010 م / الجزء = 17 °‡¤«

شن رأيكم فيها

رد مخالف:ملكة فكرتك حلة اولا تقدمي ثيم الايطالي وبعدين قدمي كابتشيوني ويلي معاها

لكن مش حلوة راه تقدمي صحن لازانيا فقط ، تخيليه انتي ، أنا من رأي إنك تقدمي معاه حاجتين تانيات وبعدين ديري سلايط ، وبعدين بعد فترة ديري ايس كريم ويكون في صحن خاص بالايس كريم وعاه ويفر متاع بسكويت بالشكلاطه ، هذا أني هكي درت توة لمة درتها لليبيات في حوشي وعجبتهم كلهم .
هذا وجهة نظري ، ولكي الاختيار

مرج ... الجيلاطي درته في ثيم التركي من اسبوعين لما جوني ... بالفستق والحركات
بس لازانيا شنو بندير معاها .... سلاطة سيزر ممكن ؟

ايه يا ملكة ديري معاه سلاطة سيزر حلوة ، لانها ما تجيش بروحة ، حتى اني درته لمرت السفير الليبي لما جتني بس اني درت معاه نوعين من السلايط مش بروحه

سؤال للمخالفة ...
في قصر الهناء مرياج فيه اي حد عنده فكرة علي موضوع يخلولي
حد في الباب يوقف ممنوع الصغار ويشوفوا كرت الدعوه لشخص واحد بس يخلواه

منحبش وجع الراس انا .. نعزم حد يجوني 4
نبي اندير بطاقة في بطاقة ويجيبوا بطاقة صغيرونة
الدعوة شخصية

بنات السلام عليكم
سؤال للمخالفة

وين نلقى زمزامات السنافر وكيف نوصلهم

اختي الننس دير الشمعة احلى وتنظف وتلمع ما شاء الله

مرج حمام;13664760:
اختي الننس دير الشمعة احلى وتنظف وتلمع ما شاء الله

حبيبتي مرج

سؤال مخالفة

الشمعة ماتهييجش البشرة وتدير حب

لانه اني بشرتي دهنية وحساسة شوي يعني لما ندير فتلة تديرلي حب وتولي حمرا

لا حبيبتي الشمع لما اديرها مرة كل شهر أو شهرين عادي المهم دير هالك وحدة ايده خفيفة ماتنزلش هلبه على البشرة ، حتى اني بشرتي ذهنية وحساسة لكن نمشي لمزين واحدة كويسة ادير للملكة رانيا للاميرات ما شاء الله عليها الصراحة وايدها خفيفة جدا

مرج حمام;13664754:
بنات السلام عليكم
سؤال للمخالفة

وين نلقى زمزامات السنافر وكيف نوصلهم

سلام اختى مرح http://forums.3roos.com/images/big_smilies/redface.png

تعرفى ممكن اتفيدك مدام هايله او عروسه ليبيا او ميراث منصور لاننا نحن اغلب مناسباتنا موجوده فيهم السنافر من زمان سامحينى لانى انا منقدرش انوصلك لهم لانى نسكن فى بنغازى

لو سمحتوا اخواتى نبى كم تسريحه للشعر القصير ياريت اتفيدونى ؟

هذا صور فستان عرسي

بالله عليكم قولولي رأيكم (( بصراااااااااااااااااااااحة ))

ملكة في مملكته;13658067:
جواب للأخت رموسة :- انا نقولوك جربي زيت جدايل وزبدة بصراحه احسن حاجة مشت معاي !!!


سؤال للمخالفة .. منو مداير عملية ليزك (( تصحيح نظر )) حابه نسئل كيف وامتي والمدة والعوارض واثناء العملية
لان قالولي تقعدي فايقة

أنا درتها من 7 سنوات تقريبا و زوجي دارها من 4 سنوات .. في تونس .. د. عبد الرؤوف الرقيق ..

هي بنج موضعي قطرة في العين ..

متاخدش العملية نص ساعة ..

تروحي عيونك مغمضات ..

أهم شي ... مهمممممممممممممممممممممم جدا ..

الأهتمام بعد العملية ..

يعطوك قطرة .. بالعربي يقولولها دموع اصطناعية .. على اساس تخلي العين ديما فيها ترطيب لأن الجفاف مش كويس للعين ..

بعد يومين تبدي تشوفي طبيعي .. مع مرور الأيام تتحسن الأمور

*الننس*;13664743:

بنات بنسألكن اما أحسن شي ينظف البشرة و ينورها الفتلة أو الشمع؟و هل الشمع ليه أنواع ؟أو نوع واحد؟
لانه ديما اندير الفتلة لوجهي و توه ناوية انجرب الشمع ف قلت خليني نسأل حبيباتي قبل

شوفي حبوبة ..

الفتله أكثر نظافة للوجة ..

حتى اكثررررررررررر المزينات بعد الشمعة ضروري تمشي على الوجه بالفتله .. باش تنحي الشعر الصغغغغغغغغغير ...

الشمعة لو كانت سخونة شوية ممكن تحرق الوجه و تخلي أثر زي الكلف ... حتى مرات لو الشمعة تشد بقوة في الوجة و تشدها المزينة تخلي جرح صغير في الوجه ..

من رأيي مدام انتي واخذه على الفتله خليك عليها احسن ..

د امونه بالله نبي وصفه شويه زيوت لتقويه الشعر
انا حاليا واخده علاج لتساقط الشعر والقشره مجموعه شامبوهات وحبوب قالتلي عليهم مصراتيه لشرقاوي بارك الله فيها
ولله الحمد وقف التساقط بشكل ملحووووووووظ
وتوا نبي مجموعه زيوت لتقويه الشعر لان شعري خفيف شويه

مصراتية لشرقاوى;13661846:
سؤال مخالفة:
معليش ماطنشونى زى كل مرة نسئل فيها ...
حابة تساعدونى فى المكياج المثالى علشان بشرتى بيضاء محمرة ...بالله ساعدونى ياابنات ...
كيف نختار الماركة وكيف نختار الالوان مثلا لون كريم الاساس كم رقمه مثلا ...والبيز ...بالله ماطنشونى اللى تقدر اتساعدنى تساعدنى لانى ماعندى خبرة فى المكياج نبى من تجاربكم مانبيش نقل من النت ...ولو في وحدة نفس بشرتى شن مكياجها الالوان اللى تختار فيهم ..علما بان بشرتى حساسة يعنى منقدرتش نحط اى حاجة ...وانى سمعت بماركة ميك اب فور ايفر طبية وتجميلية وهى ماضرش البشرة وشن رايكم فيها يابنات من تجاربكم ...يعنى انخاف انحط شئ على وجهى ومش متعود عليه انخاف بشرتى نتتهيج وانخاف اندير شئ نبقى زى المهرج ...علشان البشرة البيضاء يبان فيها اى خطا فى حطة المكياج ...انكرر ماطنشو اسئلتى ...بليزززززززززززز؟؟؟؟؟؟؟؟؟؟ خبرتكم يااابنااات ...

سؤال مخالفة :
وين الرد على تساؤلاتى ...غريبة مافيش حد يبى يساعدنى او الى هالدرجة مافيش بنات نفس بشرتى ...على هكى ووين المصراتيااات ياابنات عمى ...اكيد بشرتكن نفس بشرتى ...ساعدنى ....لو بالامكااان ....
وينك ياملكة ويااهنو ويااعروسة وياااروجااا انجل هارت ...دلوعة بيشووو حياة حلوة شيماء دكتورة امانى اسامة عمرى المتالقة بيكاتشوو وووووينكم ...ردوووووووو بالله وينكم :'(:'(:'(...

رموسة الحلوه;13657953:
سؤال الخالفه
دكتوره امانى .خاصة.. والبنات عامة .. نبى وصفه لشعرى او كريم معين اوزيت معين او اسم دكتور كويس يوصفلى حاجه لشعرى ..شعرى يوصل لطول معين وبعدين يتقصف .. بليـــــــــــــــــــــــــــــــــــــــــــــزF :

حلا 2011;13666146:
د امونه بالله نبي وصفه شويه زيوت لتقويه الشعر
انا حاليا واخده علاج لتساقط الشعر والقشره مجموعه شامبوهات وحبوب قالتلي عليهم مصراتيه لشرقاوي بارك الله فيها
ولله الحمد وقف التساقط بشكل ملحووووووووظ
وتوا نبي مجموعه زيوت لتقويه الشعر لان شعري خفيف شويه

حبيباتي .. أكثر من واحدة طلبت وصفة للشعر ..

توه تلاحظو كان وصفة للوجهه أو المعدة أو غيره نعطي عادي ......... و نبدا متأكدة أنه يجيب نتيجة حلوة معاكم .. خلطات الوجهه كلها حاجات طبيعية ياغورت .. عسل .. موز .. فراولة .. يعني مضمونة

بس .................. خلطات الشعر ..............

في زيوت معروفة انها تساعد الشعر .. لكن هل انتي ضامنه تلقي الزيوت هذه مضمونه 100%

في ملايين الشركات توه تصدر في الزيوت .. مثلا زيت جوز الهند تلقيه في اكثر من شركة لكن مش مضمون و لذالك ..............

منقدرش نقولكم وصفة للزيوت و بعدين كل واحدة تاخذ زيت من مكان و في الاخير تقولوا د.أماني ضحكت علينا :mad:...



لكن ... حبيباتي ..............:adore:.................

احنا في المركز عندنا خلطة زيوت و سعرها جدا جدا معقول .. و تعطيكم نتيجة خلال شهر رههههههههههههيبة :I: و في الأخير هذه تركيباتنا يعني ضامنه المنتج ....

و على الأقل لما تجربوا التركيبة نكون ضامنه انكم تدعولي:o مش تدعوا عليا .:mad:.

shima*;13666228:
جواب مخالف :


حبيبتي لو نعرف بصدق اكيد كنت حنجاوب من غير ما تطلبي منى بجد ..

لكن يا روحي الحال من بعضه ... آخر حاجة نعرف فيها هي المكياج وبما ان مازال على الفرح فمأجله الموضوع شوية

اغلب البنات مخشوش امس عطيهم وقت واكيد حيردو عليكي

الله يخليك على الاهتمام ...كنت زيك مانفكر فى المكياج وقلت خليه اخر شئ ...بس حسيت انه من الحاجات المهمة ...ولازم الوحدة تعرف شن بتحط والا شن بدير راهو هالموضوع حساس لانى انى وحدة انخاف من المكياج ومانحطش فيه ...كيف يجينى عرسى او بعد العرس المشكلة ...ونبدا حاصلة فى روحى ...وانى انشوف فى هلبة عرايس مخربااااات وجوهن وموليااات زى المهرجااااات بهالمكياااج ...وانى نتاسف على هالشئ ...ونقول مع نفسى يااريتها قعدت من غير مكياااج احسن ...

حلا 2011;13666146:
د امونه بالله نبي وصفه شويه زيوت لتقويه الشعر
انا حاليا واخده علاج لتساقط الشعر والقشره مجموعه شامبوهات وحبوب قالتلي عليهم مصراتيه لشرقاوي بارك الله فيها
ولله الحمد وقف التساقط بشكل ملحووووووووظ
وتوا نبي مجموعه زيوت لتقويه الشعر لان شعري خفيف شويه

الله يخليك على الشهادة الطيبة والوثوق فى اى شئ حطيته ...وانا مسؤلة على اى شئ انحطة ...لانى انسانة انخاف ربى ...واتذكروا قول الله تعالى .. { ما يلفظ من قول إلا لديه رقيب عتيد } سورة ق الاية 18 ....صدق الله العظيم

-وبخصوص تقوية الشعر ...تقدرى تستعملى امبولات فيتشى مع شامبو التساقط وانى بادية فيه لية 3 اسابيع وفيه فرق الشعرة بجد شكلها اقوى وتلقى مواضيع فى النت على ماركة فيتشى وفائدتها ومافيش موضوع يدم هالماركة ...ونستعمل في الشامبو وامبولات "ابر" كل 3 ايام تغسلى يعنى مش يومى تغسلى شعرك ...ومازلت مواضبة على الحبوب ...
ولازم ياابنات تاخدو حبوب فيتامينات لتقوية الشعر نصيحة ...في حتى حبوب زيت كبد الحوت ...حتى هما كويسات ...بس اللى مش حابة تسمن ماتاخدهنش لانهن يسمنن ...وان شاء الله انحاول انساعد فى اللى نقدر عليه ...
وفيه حاجة تانية "زيت الشعر المعالج من عبد الصمد القرشى" انى ماجربتاش بس مشكور حتى هو من عندها معلومات عليه اتفيدنا ..
ونصيحة ياابنات الشعر حتى هو حساس زيه زى الوجه يعنى مش اى شئ اديريه فيه رااهو حتى هو كان اتضرر رااهو تبدى تعانى احرف من الوجه ...خلوكم على حاجات طبية وماتنسو تعالجو وتعطو كفاية لجسمكم من الفتامينات لان خلل بسيط فى صحة الجسم على طول يظهر على شعرك وبشرتك فااصحة جسمك من داخل تقدرى تعرفيها من شعرك وبشرتك وحتى اظافرك اى نقص فى الجسم يظهر عليهن ...
وسامحونى لعدم ردودى ...
لعدم معرفتى ببعض الاشياء لانى مش حانجاوب على شئ مانعرفه او لمجرد انى قريت عليه فى كتب او فى مواقع بالنت ...انحب نشارك وانرد بشئ مجربته ...حتى هالشئ بينى وبين ربى ..
ونتمى ماتاخدو منى موقف بهالشئ ..لانى فى كل مرة نسئل ماحد يجاوبنى حسيت انكم واخدين موقف من هالشئ ..."عدم تفاعلى بالردود " وبعدين حتى انشغالى بالشغل ومرض والدتى يمنعنى من البقاء الا لبعض الوقت ...فااتمنى ان تعدذرونى وتقدرونى ...لانى حابة نستفيد منكم فى اللى تعرفوه لان ماحدش جاء مولود من بطن امه يعرف كل شئ ...ومهما الانسان قرا وتعلم اكييد فى حاجات يجهلها فى هالحياة ..فابيكم نتعلم ونرتقى ونتميز ...
تقبلونى بظروفى لو سمحتم :'(:'(

فى امان الله ...