»¤‡° تجهيزات عرائس لشهر ذو الحجة 1431 - 2010 م / الجزء = 17 °‡¤«

ا

حتي اني محتارة ياريت اتفيدونا يا عرايس

انا انسب شي بالنسبة للهدية الدخول الساعه ..... وبيجاما تقدري اديريها حاجة زايدة لقطة يعني ...

بخصوص الحواجب و الرموش ::
الناس اذواق بس بصراحة و من تجربة هي ليلة العمر صح الواحد بيكون فيها طبيعي بس الطلة الحلوة للعروس مطلوبة ما تغيريش خلقة ربي بس زيدي لمسات لجمالك ...... بالنسبة للحواجب انا ما نحبش الرقاق نهائي ولا الغلاظ ايقول مكنسة حرشاه.....خير الامور الوسط يعني وسط واقل شوية مش رقاق و مش غلاظ ليش لانك بديري ظلال و الظلال استحالة اتبان في حواجب غلاظ توا نتي جربي بروحك حواجبك غلاط و ديري ظلال و الله تقعد حالة .....
بالنسبة للرموش الرمش ابتاع طرف واحد احلي و انحس الرمش بتاع كل رمش بروحه و كانك مش دايره حاجة بس في ناس عندهم مشاءالله رموش طويلة هضوم اكيد ما يستحقوش رموش لانها طويلة و كثيفة و ممكن لو حابو ايزيدوا ايديروا كل طرف بروحه ...

رد مخالف

كل إنسان وعنده رأيه الخاص
يعني مستحيل انه وحده عيونها كبار ترق حواجبها أوحتى وسط لو كانت متجوزة أو عروس لأن العين والوسعه تبي حواجب غليضة وواسعة ويمشي معاها الظلال والمكياج خير ما ترقهن او تخليهن وسط وهنا مش ماشيات معاها
وفي عرائس ما يديرنش في حواجبهن ويديرن في تشقير ويجي المكياج حلو مشاء الله عليه

أسامة عمري;13642987:
سؤال مخالف ؟؟؟ لقيت بجامه رجالية حلوة بكل تقريبا 4 قطع واللون الحني عجبني . شن رايكم فيها هدية للغالي يوم العرس وامتا أنقدمها وشن تاني تقترحوا عليا

رد مخالف

اي البيجامة حلوه واختاريله لون حلو يناسبه


وخوديله معاه ساعة ماركة حلوه أو عطر على ذوقك

وماعنديش فكرة الهدية امتى تنعطى ^o)

رد لسؤال المخالفة ل اسامة عمري
بالنسبة لي بيجاما الحرير انى نفضل لون الازرق اللي يقولوله رويال بلو يعني ازرق داكن شوية افخم لراجل واعطيهاله في الدخول لما تروحو
لان ممكن يلبسه فا انتي ماتخليهاش فالباكو لا اكويها بالمكواة البخار وبخريها وحطيها في شنطة دخولك
انى هكي راي وحتى الساعة لقطة حلوة انى امقرر زيك ناخدله ساعة فرساتشي بخاتمها وبيجاما حرير
وبنعطيهاله فالدخول

انى نوافق راي غادو في رموش ماك
تعرفو حتى الطرف واحد مايبنوش اوفر يبانو طبيعيات وماينزلوش العين زي الرموش العاديات لالا كأنك مش مركبه
بجد حاجة حلوة وهادي صورتهم

وتعرفو صح الحواجب الغلاظ موضة توا بس فعلا على حسب العين

الحواجب








لكل وجه ما يلائمه من رسمات الحاجبين :

1. الوجه العريض والممتلئ يناسبه الحاجبان الكثيفان بعض الشيء، بحيث يكونان على شكل خط عريض ومرتفع إلى الأعلى، ولا يتناسب معه الحاجبان الرفيعان على الإطلاق، كونهما سيظهران الوجه أكثر اتساعا وامتلاء مما هو عليه.



2.الوجه الدائري، فيلائمه الحاجبان الرفيعان على أن تكون رسمتهما بشكل ناعم، ويفضل أن يكون الحاجبان غير مقوسين في رسمتهما حتى يتناسبا وشكل الوجه.



3. الوجه النحيف يناسبه الحواجب ناعمين إلى أقصى حد، حتى يتناسبا وطبيعة ملامحه، ويجب تجنب الحاجبين الكثيفين والعريضين، كونهما لا يلائمان هذا الشكل من الوجوه.



4. الوجه المربع الحاجبان البارزان والسميكان، لأن الحاجب السميك يجذب الانتباه إليه، مما يخفف من التركيز على شكل الوجه المربع.


5. الوجه الطويل يمكن أن يلائمه الحاجبان الرفيعان، ولكن من دون أن يكونا طويلين، فيفضل أن تكون الأطراف قصيرة، بحيث تخفف من استدارة الوجه.

sarabooo;13644759:

سؤال مخااااااالف

بالله البنات اللي تعرف رقم صالة دانة وفرحتي وكم اسعارهم لاني مش عايشة في ليبيا وبارك الله فيها اللي تساعدني

ويزيدكم من الاجر لو تقولولي وين نقدر نحصل قفص العصافير الصغيراات بتاع الكومفيتي او اي شي داخلهم ولو من برة يجيبو فيهم من اي بلاد لاني هني مالقيتش اللي نبيه

حاولت نرسلك الاقام على الخاص لكن تم الرفض

هذه ارقامهم
0217237798 - 4049144 091- 0925010327
تقريبا 4500 د.ل. يوم الخميس .. باقي الأيام 3500 د.ل.

هذه معلومات من موقعهم

خدماتنا





الفخامة و المستوى العالي للنظافة و الخدامات الممتازة أجل ما يميز قاعة فرحتي للاحتفالات والمناسبات الاجتماعية
كما تمتاز فرحتي بالتصميم الراقي الحديث والالون الهادئة الجذابة

حسن ضيافة وترحيب وخدمة طاقمها للضيوف من اختصاصنا ...

ضيفك ... ضيفنا

تسع قاعة فرحتي 370 شخص
جناح خاص للرجال
غرفة خاصة للعروس
موقف سيارات
تجهيزكامل لموائد الغداء
تجهيزعشاء فاخر
ماء ، شاي، كابتشينو، مشروب ومناديل ورق
منظومة و بروجكتر للعرض
نقيم حفلات زواج، خطوبة، سبوعات، فاتحة، ولائم غذاء وحفلات تخرج فردي وجماعي
حفلات رسمية (للشركات والسفارات) ومؤتمرات
بالتعامل مع فنان خليجي نقوم بعمل زفة خليجية راقية باسماء العروس والعريس وباسم عائلاتهم ايضا

شوفوا بعض العرايس

ركزوا على الحواجب

تلقوا في وجوه حواجب غلط مخليه اللوك مش حلو


هذه مثلا حواجبها مش حلوات نهائي



هذه ناعمه جدا جدا



هذه حواجب رقاق لدرجة بايخة ..



هذه شنيعات ..



هذه حواجبها روعه ..



حواجبها عاطينها لوك قاسي ..





نحب الحواجب المعبيات ..

كيف حالكم وكل سنه وانتم بخير

سؤال مخالف:

نبي مساعد مزين كويس لاني بندير حواجبي

لمن تسأل على هدية الدخول اعتقد الساعة والعطر وعدة الحلاقة كلها حاجات شائعة وممكن تكوني هديتيها في فترة الخطوبة...عجبتني هلبة فكرة البيجاما وزي ماقالت دلوعة بيشو دارك بلو لون حلو هلبة للرجالة
وبالنسبة لوقت التقديم ردي بالك تعطي هدية قدام الناس مهما تكون...لانكم مش حتحسوها
حلاوتها انتي وياه بروحكم بعدما تروحوا للحوش او الفندق،،وعندي في الصباحية احلى واحلى

نرجس الشرق;13641657:

حتي انا حسيتها حلوة

بس بنعرف انتي لون السراميك ابتاعها شنو
ذهبي او فضي

انا ابتاعتي بتاع 230 درجة