أسامة عمري;13630100:
صباح الخير ع الحلوين
كيف حالكم اليوم أمس طلعت طلعة خفيفة شرتريت شوية حاجات منهم :
تحف للمطبخ فخار علي شكل فواكه وخضروات وممكن اليوم انزيد نأخد إثنان أخرات (( ملاحظة للي خديتها فارغه من جوا ما فيها شمع )) بس ما لقيتش صورة
وأخدت مناشف للحمام اللون كريمي زوز وأخدت طقم وجوارب و ملابس داخيلية
حلوة عارفه استعمالها احليتحطي فيها البشكوط حلوة بكل مبروكات و تقدري تحطي فيها حتي البقوليات بس نصيحة ما اتكتريش منهن في المطبخ
shima*;13630713:
حلويييين ما شاء الله ...
سؤال المخالفة :
قوليلي ليش دايرة وناسة وحدة ؟؟
shima*;13630633:
نرجس معلش نسألك ...
بالنسبة لتبخير الدبش متاع التفريش ملابسك يعني ... شن استخدمتى من بخور وعطور ياريت تفيديني بما انك ما زلت عروس طااااازة
لعيونك طريقتي في تبخير دبش عرسي
اول حاجة خذيت الملابس الداخلية الاندير وير فقط
مش الستيان و كنت عاد موتيه امحابس حاطة فيه
شوية اميه ع شامبوي الخاص عبخة من عطري الشخصي
و نحط الاندر وير فيه بس مش نظام دعك لالالالا بلطف
و بعدها مصمصته و و عصرته في العصارة و نشرته علي كرسي
لا ع حبل و لا منشر عشان مايديرش تصفيطات
و بعدها يا حنة حدادته
توا انجو للشنطة تاخدي قطعة خرقة
و حاجة فيها اشوية امية و شوية شامبوك الخاص
و شوية من عطرك الحلو و تحطي فيها هالخريقة
و تمسحي شنطتك طبعا انتي ايكون بخورك واتي
فاصوخ و وشق و لوح ليبي اتسخني الفحم ع النار
و بعدها جيبي البخارة حتي بدون فحم اتسخنيها ع النار تسخين مرات الفحم ايتنطر ايطيح ع الشنطة او الدبش
يبي حرص الموضوع
المهم اتحطي اول حاجة اللوح و بعد مايبدأ ينحرق تحطي طول الفاصوخ و الوشق ابتاعك وصكري الشنطة عشان الريحة تمسك وتلصق
طبعا دبشك قابق ((ناشف)) تاخذي يا حنة البخور و تبدي اتبخري في الدبش و اتطبقي
و بعد ما تكملي في معطر حلو بكل مرسوم عليه بخور و بخار و مكتوب عليه مركز
هضا يا حنة اترشي بيه الزوايا ابتاع الشنطة و الدبش لما تكملي تطبيق ترشي من فوق
و صكري شنطتك و خلي العرب يفرشوا و يمشو الريحة الحلوة
ان شاءالله بهناك يارب و الله يكتب السعادة للجميع
shima*;13631356:
.
نرجوسة مشكووووووووورة يا حلوة
سؤال تاني معلش معلش ...
مرة قلتي بلاش الديكور الفضي ... ليش ؟!
مرة شفت ديكور كله كريستال شنو رأيك ؟؟؟
وغير الديكور باللون النبيتي شنو تحسيه حلو ؟؟
نرجس الشرق;13631603:البنات الي عندهن مكواة شعر سيراميك خاصة بيكاتشو السراميك ابتاعه لونه فضي او ذهبي
لانه شرين ماركة REMINGTON صناعه المانية و يشكروا فيها في النت و بعض الناس
حد يقولي نبدة سريعه
انشوفكم بكرة تايم اب توا سلام