الرئيسية ركن العروس تجهيزات و استفسارات العروس »¤‡° تجهيزات عرائس لشهر ذو الحجة 1431 - 2010 م / الجزء = 17 °‡¤«

»¤‡° تجهيزات عرائس لشهر ذو الحجة 1431 - 2010 م / الجزء = 17 °‡¤«

ema_85 06-11-2010 613 رد 19,333 مشاهدة
م
مصراتية لشرقاوى
عروس مشرقة
12-11-2010 | 02:04 AM
دلوعة بيشو;13667656:
سؤال المخالفة
حلا 2011 ياريت تشرحيلي اكتر الكورس كيف ماشية عليه بالزبط يعني لما نخش اندوش قداش نوع شامبو نستعمل ولازم بالترتيب ولا عادي
والحبوب كيف ناخدهم ولازم من تونس يعني مافيش هنا وقداش ليك ماشية عليه الكورس؟؟؟؟؟



معليش انرد ...
طبعا هذه انى مصورتهم ...وبخصوص شامبو التساقط عادى زى ماتستعملى فى اى شامبو
يعنى كل حمام ...ولكن ماديرى شئ لابلسم ولا شئ استعملى بعدها السيرم المرطب اللى حاطاته ...حتى هو ...
وطبعا لحبوب ...حبة وحدة فى الليل ...

...وبخصوص فيه شامبوات ذكرتها ماركة فرنسية في منها لجميع انواع الشعر ...وفيه منها اللى حطيته لونه ابيض بالفيتامين ...وغيرها فى خاص حتى للفريز ...يعنى يمشى مع الرطوبة ...والله احسن ماركة للشامبو ...
يعنى لما بتردى ومعاش فيه تساقط استعملى هالماركة من الشامبو فيه حتى للشعر المصبوغ وغيرها توة انصورهملك لانى انى شريت اغلب الالوان ...
وانا الحمد الله التساقط خف ...وتوة حاليا لية 3 اسابيع نستعمل فى ماركة فيتشى لقيتها مشكورة وهى تباع حتى فى ليبيا وتلقيها فى الصيدليات ...
الشامبو ثمنه 15 دينار ليبي ...والامبولات فى للنساء والرجال ماتلخبطوش ...وهى تمنها 35 دينار ..وراهو يقولو هالماركة تقوى الشعرة الضعيفة ....وانى خديته لى هالسبب ...يعنى التساقط معاش فيه الا بسيط وعلشان انكثر شعرى وانتم حاتشوفو الفرق والله من اول ماتستعملوه ...

وهذه صورة الشامبو والامبولات اللى شريتهم ...
على فكرة كل 3 ايام يعنى مش يومى شامبو فيتشى ....





ان شاء الله تستفيدو من تجربتى ..فى امان الله ...
م
مصراتية لشرقاوى
عروس مشرقة
12-11-2010 | 02:57 AM
:confused::confused:
عروسة ليبيا;13669178:
مصراتيه



بلا جميل حبوبتي وربي يوفقك واني الي خبرتك بيهم حاجات مجربه
اسمعي حبيبتي دريم موس من ميبي لين حلوو كا اساس حريرع البشره




احمر خدودها ررررررهيب





وهادي اقتباسسسسسسسسسسسسس من النت علا بودره من ميبي لين اني مجربتهش بس مشكورة



الاقتباس


ميبلين المبيضة الفورية تعطي شعور فوري بالبياض ورغم ان لونها ابيض الا انها ما تبين على البشرة متكتلة او انها طبقه مثل الطحين ههه










البيس او البيز او البرمير من ماركه قوش زي بتاعي ررررهيب




هو يقولوله برمير مفعوله يطلع المكياج طبيعي وبنفس الوقت ف ترطيب ينوب مكان البيس بزبط


جل مرطب نحطه قبل الفونديشن بخمس دقايق ويرطب لنا الوجه ويساعده لاستقبال الكريم وباقي المكياج بس لو ف امكان دهنيه للوجه يكون الحط منه ف الاماكن هادي مجرد مسسحه بسيطه





هادي شهدوهااااات قوش


حبيت نفيدك بصورها اهو تاخدي فكره وهي متوفره ف بلانا





الحاجات الاصليه تلاقيها عند المحلات الكبيره زي مورينا ف بنغازي ومحلات زرقاء اليمامه


جمعت لك شوي صور من النت بخصوص بوبا








منعرفش هل ف مورينا عندكم وهل هوا تابع لي بتاع تربولي


ممكن توصي حد تقه من تربولي يوفرهم ليك




وهادا الي عندي وعالله فدناك ولو بتسهيل مهمتك



بارك الله فيك ...ويارب يعطيك اللى فى باااااااالك ...والله ردك وشرحك وافى وكامل مكمل "والكمال لله "
بس انتى شن تنصحينى بعد ماعرفتى بشرتى ...انى شوى تلخبطت:confused::confused: يعنى كل البنات وانت ماقصرتو معايا ...بس على اى شى نرسى ...
ونتوكل ونشرى يعنى نبى حاجات للعرس يعنى حاجة وانا عروس وحاجة بعد العرس وياريت اللى بعد العرس نبى ماركة خفيفة ...
---------
وبعدين ..لانى حابة انشيل مكياجى معايا للكوافيرة ...
انى هذه فكرتى ..مش عارفة شن رايكم ...
لانى خايفة من الامراض ولان بشرتى حساسة حتى هو من الاسباب ...
وبعدين عندى اختى فى عرسها ...والله جتها حساسية فى عيونها ...بصدق ياابنات من كوافيرة ...فى مكياج العيون عارفين الكحل اللى اديروله فى امية ...تعرفو شن ادير المزينة ...
تاخد فى الريشة وتبل فيها بفمهاااااااااا:thumbs_down::thumbs_down: اعععععععععع...
اختى قالتلى والله ياابنات زى مانقوللكم ...اختى توة اتعانى من يوم عقدها ويوم عرسها هى نفس المزينة ودارت نفس الكرة فى الحالتيين ...
وللاسف العروس ماتقدر تتكلم وهى تمكيج فيها المزينة وفى بعض المزينات لما اتكلميها اتقولك انى شغلى وعارفته وتبدا اتكشخ عليك ...
فاحابة نتفق من البداية مع كوافيرة انى انجيب مكياجى معايا ...وانتم شن رايكم خايفة تاخد الكوافيرة منى موقف وتزعل وتبدا طلبزز فية ...فى هذاك اليوم ...
والنبى شن رايكم من تجربتكم ...
M
Mella2
عروس رائعة
12-11-2010 | 03:03 AM
سؤال للمخالفة ...
في قصر الهناء مرياج فيه اي حد عنده فكرة علي موضوع يخلولي
حد في الباب يوقف ممنوع الصغار ويشوفوا كرت الدعوه لشخص واحد بس يخلواه
M
Mella2
عروس رائعة
12-11-2010 | 03:04 AM
لسلام عليكم بنات ..
حبيبتي انجل .. بالنسبة لموضوع العدسات يكون ل 3 او 4 شهور تخيلي !!!

سؤال لمخالفة ..
بنات يوم الاثنين اهل خطيبي بيجوني وبيجبوا موسمي !! وعلي العموم انا طلبت
ميجبوش خروف لان في بيان جابولي واحد !!
ماعلينا هادي مش قصتي ... قصتي في موضوع التقديم ههههههههه

انا محتارة شنو انقدم
شنو رايكم اندير ثيم ايطالي
في الاول بكل مش عارفه شن انقدم الحق
لكن نبي نقدم تيرامسوا وكابتشينو
وبعدها اندير طاجين فخار فردي لازانيا

بس اعطوني افكار .. زعما انحط في الاخير سلطة فواكه ؟؟
م
مصراتية لشرقاوى
عروس مشرقة
12-11-2010 | 03:26 AM
ملكة في مملكته;13669998:
سؤال لمخالفة ..
انا محتارة شنو انقدم
شنو رايكم اندير ثيم ايطالي
في الاول بكل مش عارفه شن انقدم الحق
لكن نبي نقدم تيرامسوا وكابتشينو
وبعدها اندير طاجين فخار فردي لازانيا

بس اعطوني افكار .. زعما انحط في الاخير سلطة فواكه ؟؟


افضل اختيار ...التيم الايطالى ...
اوكى انا معاك فى حلا التيرامسيو وكابتشينو ...
واللازانيا بروحها!!!! ...
حاستها شوية مش جاية يعنى ديرى معاها سلاطة ...وبعدين مرات حبيبتى حد فيهم مايحبش اللازانيا كيف يقعد بدون ماكلة :'(:|...يعنى لازم اديرى شئ تانى اضيفيه ...
توة انفكر معاك ونقولك ...
وسلطة الفواكه ايوة انى معاك فيها ...
M
Mella2
عروس رائعة
12-11-2010 | 03:42 AM
مصراتيه .. صحيتي ونستني في ردك ليا .. وكنت حابه انساهدك في موضوع الميك اب .. بس وخيتك زيروا في ميك اب .. والي سئلتيه بجد ساعدني هلبة

سؤال للمخالفة : احسن مكان او مركز او دكتور ايدير في ليزر لمنع انبات الشعر
هنا ولا في مصر ...
م
مصراتية لشرقاوى
عروس مشرقة
12-11-2010 | 04:46 AM
ملكة في مملكته;13670317:
مصراتيه .. صحيتي ونستني في ردك ليا .. وكنت حابه انساهدك في موضوع الميك اب .. بس وخيتك زيروا في ميك اب .. والي سئلتيه بجد ساعدني هلبة



تعرفى من بدرى وانى نعصر فى دماغى ...:sick::badly::lol::lol::worn_out::worn_out:.:|:|هذا غير لازانيا وبس ...يعنى الموضوع كله لازانيا وماادراك ...يعنى لو دخلنا فى الحلويات الايطالية ...كيف صااار ...
المهم خلونا فى الموضوع ...
وهو


قلت فى نفسى خلينى نبحث فى النت ...
وبحث بالكى ورد انجليزية ...
وهو كيف نقدم اللازانيا ...
How to Serve Lasagna؟؟؟


واتفقو كل الصور اللى لقيتهم على اللازانيا مع خبزة ايطالية وسلاطة او بروكلى


وانه It's a stand-alone dish,....
يعنى اكلة وحيدة تقدم ...مامعاها شئ غير المقبلات ..
........................
وبعدين لقيت سؤال فى منتدى اجنبى نصه كالاتى "
What to serve with lasagna??? HELP


"I am having people over for dinner tomorrow night. I am planning on making a spinach lasagna. What else can I serve with it? I had planned on salad and bread but I think I still need something else. Any thoughts????"


شخص عنده عزومة ...وحابب خطة تقديم لازانيا اسبانية ومع شنو تقدم اللازانيا ...
فكانت اجابة احدى الردود ...كالاتى :


"I think a refreshing green or some other light salad goes well with lasagna. I think you're all set with a salad and bread. My SO is a big mozarella fan, so we alwasy have garlic cheese bread with lasagna. But if you don't want to be all cheesed out, garlic bread is great with lasagna. Wine would be good too. I also think that a sorbet would be nice for dessert."


قاله سلطة خضرة او سلطة خفيفة ...وخبزة ...ويقول الخبزة اللى مدهونة بالثوم والجبنة او توم وزبدة ...
"انى مصراتية ....:lol::lol: هكى اندير فيها" ...
"عرفتيها " garlic bread...خبزة محمصة بالثوم ولو بضيفيلها اعشاب ايطالية ..زى هذه ..


وفيه رد تانى يقول نضيف sauteed vegetables ...خضرة سوتيه ...اللى على البخار ...


وحتى ضايف ...
Steamed vegetables
خضرة مخللة زى البروكلى ...زى هذه اللى فى الصورة عبارة عن "Steamed Vegetable (Carrot, Broccoli & Cauliflower)
يعنى مخلل جزر وبروكلى وقرنبيط




وكاتب فى المقبلات الاولى اتحط ...
crudites and olives


جزر ...وزيتون





وفيه سلطة السنو بى سلط
snow pea salad





وهذه صور فى التقديم ..




ومع big garden salad...السلطة الخضراء الكبيرة ...









ومع asparagus with hollandaise...الاسبرجيوس"الهليون "









نتمنى انكون ساعدتك ولو فى جزء فى اللى تبحثى عليه ...
وياريت تقيمونى عليه لو نستاهل ... فى امان الله ...
ف
فيكي
عروس مبدعة
12-11-2010 | 07:35 AM
شلاكة اهلا بيك حبيبة واتفضلي اسالي..
بنات نبي نقوللكم حاجة للامانة امس في اللمة البنات يحكو على مزين خيرة ونبي نقوللكم راهو خيرة زوز مزينات مزين في بن عاشور وهادي مش خيرة هادي اختها والصراحة ماتعرف حتي حاجة ومكياجها في حالة وهي ديمة تقول للزباين انها خيرة..لكن خيرة في مكان تاني واني ماشفت منها الا كل خير لما مشيتلها ومكياجها حلو غير مايمشيش مع كل حد يعني فيه عرايس يطلعو ماشاء الله وفيه اللي لا اني طلعتني في بياني حلوة هلبة مع ان المكياج بسيط هلبة وهادي لكن حلو وفي عرسي ماعجبنيش لكن في اسبوعي الصراحة ابداع والله لتوا نطلع في الصور ونتفرج وطلعت اختي تحفة في بيانها ومكياجها مايفرقش هلبة على فاطمة شعيب مشكلتها التسريحات بس ..
سامحوني على كترة الدوة غير حبيت نفيدكم ان فيه زوز مزين خيرة ..وربي يكمل عليكم
Q
Queen F
عروس مشاركة
12-11-2010 | 02:34 PM
اختي فيكي اني مشيت لخيرة نفسها مزينها اسمه بالصراحة احلى في النوفليين والحق طلعت طايرتللللللي ومصدومة
ا
ام وسيفه
عروس مشاركة
12-11-2010 | 02:40 PM
سؤال مخالفه :هههه

علاش طلعتي طايرتلك مورينا؟؟

تبي الحق حتي انا مشيت مره وماطلعتش مبسوطه هلبا
ا
ايلى
عروس جديدة
12-11-2010 | 03:25 PM
كيفكم يا عريسات

سؤال مخالف:


انى عرسى فى واحد واتوا متلخبطة هلبا نبى نصبغ شعرى وفيكى ماعرفتش متى نلقاها بش الواحد يتفاهم معاها زعما صبغتها حلوة انى عندى صورة فى موبايلى نبى زيها والمصورة معرفتش قالو ان وحدة اسمها فاطمة البياص منعرفش وين الى عندة فكرة عليهم ايقولى:):):)F:
M
Mella2
عروس رائعة
12-11-2010 | 03:31 PM
اهلين

رد مخالف : لشلاكه مبروك عليك اول شي ...
وبالنسبة لصبغه منقدرش انساعدك لاني منحبهاش هههه
بس بالنسبة للبيباص
بصراحه تعاملنا معاها من مدة طويلة .. وثيقة المرا !!!
وصورك يطلعوا في حوشهم مش برا ولا راجل تخافي يشفوهم

وربي معاك
ا
ايلى
عروس جديدة
12-11-2010 | 03:45 PM
سؤال مخالف:

يا عريسات شن نهدى لى حماوتى الدهب غالى معرفتش وشن نهدى لى زوجى مايحب لا ساعة ولا بيجاما؟؟؟ حيرنى بجديات

ملكة في مملكته;13672981:
اهلين شلاكه مبروك عليك اول شي ...
وبالنسبة لصبغه منقدرش انساعدك لاني منحبهاش هههه
بس بالنسبة للبيباص
بصراحه تعاملنا معاها من مدة طويلة .. وثيقة المرا !!!
وصورك يطلعوا في حوشهم مش برا ولا راجل تخافي يشفوهم

وربي معاك


سؤل مخالف:

يا حبيتى بالك تعرفى النعتة
Q
Queen F
عروس مشاركة
12-11-2010 | 03:48 PM
رد مخالف لشلاكة:

زوجك اهديه عطر او طقم حلاقة كامل او نظارات شمسية ماركة

حماواتك خوذيلهم طاقم كريستال او فضة سلسلة وخراصات
او خوذيلهم ساعات
ع
عروسة ليبيا
مشرفة سابقة
12-11-2010 | 05:22 PM
لعيون عرايس ليبيا

قائمة المكياج حسب خبرتي المتوسطه فيه

القاعده الي نكرر فيها لكم مش كل رخيص بخيص

في ماركات متوسطه اسعارها وفيها حاجات حلوة وماركات عالميه ونار سعرها وحاجتها ما تصلحش بينا
تفيد اكثر الاجانب واصحاب البشره البيضاء والورديه او الي خاليه من الشوائب البشره الاوربيه لان المناخ
والبيئه العربيه والصحراويه الحاره والرطوبه العاليه وغيرو كلها عوامل مؤثره فينا

تخلي ف اثار للوجه تخلي لنا خصوصيه ف المكياج يعني كل حد يشوف ويديور الي يناسب لونه وبشرته

ومهما شكرنا ف حاجه ف حاجات لازم بتجربه زي كريم الاساس والبودره لكل حد لونه ودرجته

حسب نوعيه كل بشرة ودرجتها

- كريم مرطب قبل الأساس (للوجه والعيون)
في [COLOR=red]كريمات يولاي النهاريه وكريمات لوريال الي يكون مكتوب عليها توضع قبل كريم الاساس[/COLOR]

الترطيب ممكن الاستغناء عنه لو كان البيس مرطب زي بتاع قوش

_كونسيلر >حسب الرغبه وعيوب البشره ,هو زي كريم الاساس ولكن تكثر سماكه بيكون ادكن شوي من لون كريمك وبيغطي اثار الحبوب والعيوب


- بيس او بريمير هو قاعده المكياج منتج يوضع قبل الاساس حتا يساعد ف تجانس كريم الاساس الي يوضع بعدها ويجعل المكياج تابث

- كريم الأساس

- بودرة سائبة ( حرة ) هي الي مثل بودرة الجسم بودرة التالك وتصلح لي اصحاب البشره الدهنيه والمختلطه




- بودرة مضغوطة



- أحمر الخدود ( البلاشر )

- قلم كحل جاف للعين

_ اي لاينر

_ اضاءه تحت الحاجب ذهبي وفضي

_شدو للعين
يفضل شراء الالوان الاساسيه من ماركه جيده بالاضافه الي البوكس المليان لا غنا عنه


_ مسكارا للرموش


_اقلام محدده للشفاة
_ارواج عادي بلمعة

_روج مطفي = مات روج



_ملمع شفاة = ليب قلوس

- مناكير

_فرش المكياج

_مزيل المكياج (سائل او كريم)

-مناديل مكياج

_جزدان لمكياج العملي بالحقيبه

_شنطه لحفظ باقي المكياج



==========================
لعيون مصراتيه لشرقاوي والفايده للكل



:confused::confused:يعنى كل البنات وانت ماقصرتو معايا ...بس على اى شى نرسى

شوفي بخصوص الكوافيره

انتي بتحطي ميك ابك معاك اوكي بس مرات هي ترتاح لحاجتها ولهن حركات يخلطن ف كريمات بين رخيص والغالي من اسرارهم

انتي شيلي حاجتك وخوذيها ب اسلوب حلو لو حسيتها ترتاح لحاجتها خلاص خليها براحتها

الي نعرفه

كريم فورايفر
انتي تبي للبشره العاديه لو انك لمن تنوظي صبح تلاقي وجهك مش مزيت فا بشرتك عادي الي وسط بين الزوز

خوذي كريم البشره العاديه فور ايفر
هادي تلاقيها ف محلات مادي ف قرقارش وسعرها لو علا اى ايامي انا بيكون من 55 _65

وواطلبي افتح افتح درجه ولازم الي يشريلك يكون حد يعرف ماتبعتيش اى حد

البودره
خوذي بوردة الكريم نفسه نفس الدرجه لو تحبي من فور ايفر

وهادو خليهم للمناسبات ولليوم حفلتك وللاعراس

العملي خليكي علا ميبي لين وبوبا قوش وبروجوا وماكس فاكتر والله هالمركات تستعمل فيها اكبر الصالونات فكل مكان حتى جويل ما تخدم الا بهادو لانهم عمليات وتغطيهم كويسه وفيهم خيارات واسعه والاهم سعرهم مقبول جدا جدا


البيي او البيز


بتاع قوووووووش حلووووووووووو ننصحك بيه بكل الاحوال




موس ميبي لين ررررهيبه


ميزه ميبي دريم موس

هو كريم لمن ينحط عالوجه يجف ويولي بودره ممكن تستعملي بلا بودر بس اني ندير فوقه ف مسحه خفيفه بودره بش يتبت اكتر

ميزته
وكانك مش حاطه حاجه ف خوذي اساس من ميبي لين وبلاشر طرف واحد بنك وردي عملي لكل يوم اني عندي رقم زيرو وزي ما خبرتك تبان لونها بيج بس لما تنحط ع البشره حلوة وخصوصا لما يبقا عندك ارق او لون حول العين تندار بديل للكونسيلر او لخافي الهالات السود

وفي بلاشرات بروجوا يهبلو

العلبه القهوي او البروان يفضل للبشره السمرا اما 3 التانيات و مشماشي هادو الالوان اساسيه

للمن يكون الميك اب الروج علا بروان متلا او نحاسي والشدو علا ذهبي او الالوا ترابيه ف احمر الخدود يكون مشماشي هادي او خوخي

هادي برجوا يلي ع اليسار




اقلام الحواجب

يجي زي هادا في قوش قلم الحواجب حلووووو



في اظني 3 درجات للشعر داكنه وللفاتح قهوي داكن وف بروان فاتح للشعر الاشقر




واى لاينر بتاع قوش وحلو ريشته عريضه يعني للمبتدئات اسهل من الي ريشته رقيقه

رررررهيب


اقلام العين الملونه من قوش حلوين الاخضر والفيروزي رهيب
ميزتهم كريميات خفاف فالرسم






اقلام ملونه قوش زمان ناخدو فيهم بجو 8 و9 دينار توا منعرفش قداش المهم ف لون اخضر قريب من لون العلم يهبل وفي لون التركواز حلوووووو

ماتنسيش مقوس الرموش يعطي اتساع للعين ويسكر الرمش لفوق

عاكف الرموش او منظم الرموش او مقوس الرمش






لمعه كولستار حلوة حلوة حلوة ايطاليه متوفره ف ليبيا وسعرها تحت 20



القلوسات

والله مانعرفش بزبط الميزانيه وهل انتي تحبي تحطي علا طول ميك اب

خوذي بنك قلوس واحمر ومشماشي ونحاسي او علا قهوي يعني الالوان الاساسيه

في ماركه لانكوم حلووووووين






وفي قلوسات قوش يهبلو الحق اسعارهم حلوة ومقبوله




وفي قلوسات فارمسي يجو الواحد ب 6 ونص او 7 جني و حلووين ماركه تركيه


خلي معاكم علطول زبده الكاكاو ماتنسوهاش

مرطب لابيلو يخلي الشفايف رووعه







ياربي فادك الكلام وزي ماقتلك انتي سجلي الخلاصه والكريم والبودره لازم من التجربه ف المحل

وباقي الحاجات الي نزلتها هالرد حلوة ومجربه وعليها اقبال

OOOOOOOOOOK

لو نستاهلو التقييم عروساتنا قيمونا
ك
كبيدة بيشو
عروس مشرقة
12-11-2010 | 05:35 PM
اول شي بارك الله فيك مصراتية بصراحة ديما ردودك كافية ووافية
رد لسؤال المخالفة ل ملكة
بالنسبة لصالة مرياج اكيد تقدري تجيبي من عندك وحدة توقفلك لو شغالتكم متلا
تعرفي احنى في فرح اختي ماوقفننا حد الشي الوحيد كتبنا فالبطاقة
تفاديا للاحراج
الدعوة شخصية عدد ( 1 )
وعدم اصطحاب الاطفال والحمدلله ماجا حد مش مرغوب فيه ههههههههههه
يعني كان كتبتي هكي اكيديتحشمو ومش حتحتاجي توقفي حد مع ان حنا الفندق ضروري يوقفو حد عند الباب حتى لو ماقولتيلهمش
Q
Queen F
عروس مشاركة
12-11-2010 | 06:13 PM
ام يوسف سامحيني توا كيف شفت سؤالك

رد مخالف:

ايه طلعت طايرتلي لاني مشيتلها نبي نشوف عرايسها علي مايشكروا فيها هالخيرة
المهم الماكياج مش اوي والبشرة على قولة نجمتن زي الترفاسة هذا كلللله عااااااااادي اني اللي ماعجبنيش معاملتها
والله عاملت عروسة قدامي زي الزفت لين سخفت عليها العروسة مسكينة...عزا الدنيا الواحدة بفلوسها و يكشخوا عليها
ا
ام وسيفه
عروس مشاركة
12-11-2010 | 07:44 PM
رد مخالف لمورينا ":


انا اللي لاحضته وركزت فيه انه نفس المكياج الجميع زي العروسه زي البيان زي انا اللي جايه وعندي مناسبه
مش حلو بكل في حق عرايسها الصراحه
ومش تقولي اختلاف المواد والله ركزت معاها نفس البودره حطتها للعرايس حطيتهالي وكدلك الاي شادو وغيره


مفروض تاخد منهم 35 دينار حتي هما حق مكياج الصراحه


بعدين ماعندها غير هالرسمه المفتوحه كلنااااااااااااااااااااااا نفس الرسمه انا ماتطلعش عليا بكل الصراحه
تخيلي زوز بيانات و3 عرايس واربعه مكياج عادي زي بعض سكريات


حاجه تانيه الحق مش حلوة منهم انا وقتها كنت حامل في السابع وبطني هكي كبرها قدامي
تخيلي ماشيه من 3ونص طلعت منها ال8 ونص !!!
كله خاطر جتها وحده معرفه سقدتها هي الاولي!
Q
Queen F
عروس مشاركة
12-11-2010 | 10:13 PM
رد مخالف:

أم يوسف جربي نجاة النجار وقوليلها الالوان اللي تحبيهم وما تطلعي منها غير راضية
ا
ايلى
عروس جديدة
12-11-2010 | 10:15 PM
سؤال مخالف:

يا عرايس نبى مصورة حلوة نجيبها فى عرسى
X