لمة الليبيات لشهر ذو القعده1431

مساء الخير عليكم كلكم

مساء الورد يامورة ايمن

لؤلؤة سرت;13387904:
السلام عليكم
كيف حالكم ياحلوات

كيف حالك ياقموووووووورة وشن صار في الكوافيرة اللي عطيتك رقمها حصلتيها ولا ..

ليالي2009;13388176:
كيف حالك ياقموووووووورة وشن صار في الكوافيرة اللي عطيتك رقمها حصلتيها ولا ..

هلا ليالي سلمك حبيبة تعرفي والله ماكلمتها لتوة ان شاءالله تو بنكلمها
وانشوفها وفي نفس الوقت خايفة ماديرليش حاجة كويسة ;)

ليالي تعالي ع الياهووو ضررررررررروري

مات وهو يقرأ القرآن في الطائرة !! والله قصة تدمع لها الاعين

حبيبه ايمن الف مبروك عليك الشغل توه دوام وقرايه الله يعينك سموحه


قهوه صباح عادي عادي حبوبه توه شعرها يتقوي يطول ويقعد يهبل
انتي شوفي في منتديات تانيه كيف بنات تقولك اني حلاقت شعري صفر
بنوتك صغيرونه غير انتي بس تتعودي ع الوضع كلها اسبوع تتعودي ع شكلها



سموحني باقي بنات قريت رؤس اقلام بس

يا بنات من يعرف منشطة كويسة نبي انديره لي يوم النجمة
لان في حفلة مدايره زمزمات

ليالي2009;13387981:
حبيبتي والله سعر مبالغ فيه وحرام اتديريها لانها غالية بكل اذا كان درتي الدعوة ب 38 دينار امال الفرح بكم اتديريه ونبي نسألك سؤال كم مرتبكم الشهري، حبيبتي كان زايدات منك فلوسك حطيهم في صندوق تبرعات ولاساعدي بيهم حد فقير محتاج ، و فرحة العمر مش هكي راهو. ديريلك حاجة بسيطة(يساعد الله الذين يساعدون أنفسهم) بلاش هالفخفخة الزايدة وهالجو متع النفخة والتواضع حلوووووو

اول شي يا اخت ليالي انى مانشتغلش الوالد مايحبش بناته يشتغلو
وتاني شي الفخفخة الزايدة اللي تحكي عليها ايديروها الناس اللي توا كيف خش عليهم الخير لكن انى والحمدلله الف مرة من يوم يومي عايشة فالخير يعني مش جديد عليا
وعلى فكرة مانستناش فيك انتي تقوليلي نساعد الفقرا ولا لا انى لما ندير الخير ماندويش بيه
وياريتك رديتي زي زميلاتك في المنتدى بي اسلوب افضل من هكي لان لاحظتك من مشكلة موضوعك اللي فات انك انسانة ماعندكش لاباقة فالحديت تحطي كلامك كيف مايجي
صدقيني اسلوبك هدا حيضرك في تعاملاتك مع الناس
وغريبة على حسب معلوماتي انك من سرت وانى معاشرتهم لانهم نسباتنا فانعرف ان عرب سرت وخاصة القحوص اسلوبهم حلو ولسانهم يهبل....... غريبة؟؟؟؟
وحابة نشكر كل بنت اهتمت وردت عليا وكان اسلوبها حلو بيكا وقهوة وهنو وام وسيفة خايفة ننسا حد كلكم شكرا هلباوخاصة حبيبة ايمن
وبالنسبة للاخوات اللي نصحوني بفعل الخير فا ولايهمكم الوالد قايم بالواجب واكتر الحمدلله
وهدا اللي مخلي كل شي عندنا فيه بركة ربي سبحان الله
وربك يرزق من يشاء وكل شي عنده فيه حكمه
وعالفكرة الصندوق اللي بنديره انى حاجة فخمة يعتبر تحفة كله فصوص كرستال مستحيلة يتلوح يعني كأنه صندوق تحطي في اكسسواراتك ومجوهراتك
وانشالله ربي يجيب اللي فيه الخير

F:F:F:F::C::C::C::C::C:قداش خاطري في طويسه قهوووووه:010:

هنو الدلوعه;13387095:

فعلا يل قهوتنا الفايحه أنتي

تعرفي أني ياما جوني من كروت خياااااااال والحق عمري ماأحتفظت بي واحد لانه مش ناقصني لاتحف ولا بوكسات يعني كله متوفر في الحوش بلاهي ولا بندير ركن للتحف والبوكسات متاع الكروت قصه بتقعد والله مايشمو الا للصغار يلعبو بيهم والي يتلوح يتلوح
أني وحده من ناس حالفه في عرسي ندير كرت بسيييط يوضح التاريخ والمكان علاش نلقط في دعوة الشره وغضب الرحمان من أول يوم في حياتي الجديده

والفايده في الأستقبال والقدر والنظام والضيافه الحلوه هادو اهم شئ والباقي كله دوه فااااااااضيه

شكرا ياغالية على ردك حتى احنا في عرس اختي اللي فات هكي درنا كرت بسيط لكن درنا معاه تحفة دهبية بالكرستال حاجة فضيعة كلفتنا شوية لكن كل مانخش لي حوش حد نلقاهم حاطينها فالصالون لانها حاجة راقية بصراحة مش لانها حاجة لينا هههههه
ودرنا في صالة كورنتيا وديكور حلوووو هلبا عالاخضر والاكل ماشالله حتى متاع النجمة الناس كلهم يسألو فينا درنا فخدة خروف محمرة علة كل طاولة وسلايط وحاجات تواشف اتصدقي ماقعد منه شي فعلا صح كلامك الناس قعدو يدوو بالنظام والاكل والاستقبال وخاصة يوم الحفلة بصراحة كورنتيا هادو الخدمات ولا بلاش كل وحدة تخش يجيو ينحولها عبايتها ويحطوهالها على الكرسي يعني نظام ولا اروع كلهم عجبتهم قالو مش حرام فيها الصالة حتى عشاها كان حلو هلبا
وانشالله ربي يهني كل بنية

دلوعه بيشو شوقتيني نشوفه الكرت

هو حلو انك تديري كرت يكون دكري حلوه للمعازيم لكن انا عطيت رايي الشخصي انشاء الله ماتكوني زعلتي مني بس

لاني مانحبش نزعل بنات اللمه الغاليات عليا ولان الحلو هانا ان كل واحد ياخد راي المجموعه وكل وحده تقول رايها وانت الراي الي يعجبك خوديه والي مايعجبك ديري روحك ماسمعتيه

انا قصدي انه مهما كان الوالد ربي يخليه ليك مقتدر والحمد لله لكن انت مدابا بيك تخفيفي عليه الحمل هدا فرح ومصاااريف ليها اول ماليها تاني

كلنا درنا اعراس وجربنا والله عن نفسي درت فرح بسيط مع ان الوالد مش منقص عليا حاجه لكن ضروفي هداك الوقت اجبرتني انه يكون محدود لانه حشاك صارتلنا حاله وفاه

ف اضطريت انديره بسيط في وقتها زعلت وقت اشمعنا لكن هي حكمه من ربي مرات حتا الواحد بيش يبعد عيون الحسااد مرات انت بهدا تصير العين عليك (بعيد السو ) ردي بالك وديما ادكري الله

وربي يخليلك بوك وهلك كلهم ويجيك فرحك حلو زي ماتمنيه وزي ماقتلك مافيش احلي من البساااطه

*الننس*;13387210:
صباح الخير

كيف حال الحلوات اليوم
دلوعة بيشو
بصراحة المبلغ حرااااااااااااااام ينحط في كروت تلقي مية حاجة اتديري بيها هالمبلغ صح ديري كرت حلو لكن مش بهالمبلغ هدا
اما انتي يا قهيوة
ما نبيش انزيدك بس عملتك عملة لانه انا نشحت لبنتي الشعر شحاته و انتي اتقصيه

لكن توه خلاص و انحس فيه شعرها نوعيته كويسة يعني ما اتخافيش عليها حيطول ان شاء الله

شكرا على رايك حبوبة بس هو مايعتبرش كرت هو يعتبر تحفة فيها دعوة فرح يعني الناس حيستفيدوا منه

قهوه الصباح;13389298:
دلوعه بيشو شوقتيني نشوفه الكرت

هو حلو انك تديري كرت يكون دكري حلوه للمعازيم لكن انا عطيت رايي الشخصي انشاء الله ماتكوني زعلتي مني بس

لاني مانحبش نزعل بنات اللمه الغاليات عليا ولان الحلو هانا ان كل واحد ياخد راي المجموعه وكل وحده تقول رايها وانت الراي الي يعجبك خوديه والي مايعجبك ديري روحك ماسمعتيه

انا قصدي انه مهما كان الوالد ربي يخليه ليك مقتدر والحمد لله لكن انت مدابا بيك تخفيفي عليه الحمل هدا فرح ومصاااريف ليها اول ماليها تاني

كلنا درنا اعراس وجربنا والله عن نفسي درت فرح بسيط مع ان الوالد مش منقص عليا حاجه لكن ضروفي هداك الوقت اجبرتني انه يكون محدود لانه حشاك صارتلنا حاله وفاه

ف اضطريت انديره بسيط في وقتها زعلت وقت اشمعنا لكن هي حكمه من ربي مرات حتا الواحد بيش يبعد عيون الحسااد مرات انت بهدا تصير العين عليك (بعيد السو ) ردي بالك وديما ادكري الله

وربي يخليلك بوك وهلك كلهم ويجيك فرحك حلو زي ماتمنيه وزي ماقتلك مافيش احلي من البساااطه

عسل زيك الواحد يزعل منها مستحيل ممها قولتيلي لان اسلوبك حلو مايضايق حد
وبالنسبة للوالد احنا راس زوز بنات حتى ولاد ماعندناش وحنصورهالك ولا يهمك مش حتقعد في خاطرك

شكرا دلوعه بيشو ربي يخليلك بوك ويخليلي بويا والله فرحاااااااااااانه بنطير ونعد في الاليام باليوم يوم واحد حداش بيجيني بويا وامي بيونسوني لان راجلي ماشي للحج

والله فرحااانه بكل بكل الحمد لله يارب

بنات من تعرف روز وين مشت والله اللمه كسدت بعد طلعت منها روز دورت كيف نبعتلها عالخاص مالقيتش

ندااااااااء الي روز تعالي وفكينا من جو الزعل

سلمك ياقهيوة وربي يونسك بيهم ويطولنا في اعمارهم يااااااااااااااااااارب
نستأدن توا بااااااااااااي

حقا نسيت مبروك الشغل ياحبيبة ايمن وانشالله فاتحة خير عليك ياغزالة
ربي ينولك اللي في بالك

كنت نشقلب في اللمات القديمه الله ياالذكريات الحلوه لقيت غوله كاتبه انا قريب ننخطب وفيه بنات استاحشتهم زي بيسا وعروس لليبيا وعروس رايقه وغيرهن والله حلوات اللمات القديمه بكل

معليش راني هاليام موليه حساسه ماني عارفه خيرني والله قريب بكيت

لكن بجديات ماني عارفه خيرني موليا حساسه :01:

انا هاليام نتوحم علي لون خطي نبي نغيره