لمة الليبيات لشهر ذو القعده1431

anosa 1;13384144:

الســـــــــلام عليــــــــــكم

كيف حالكم يا عسولالالالالالالالالالات
ميراث ان شاءالله لباس عليك حبوبة
هايلة 1000مبرووووك عيد ميلاد ولدك عقبال ما تشوفيه عريس
حبوبة ايمن ان شاءالله موفقة في الانترفيو
طرابلسية كيف حالك وكيف حال خوك اليومين هادو؟؟

اروووووتا وينك متشفرة

نفس الكلام
مشكورة انوسة تسلميلي,’,,,,,,,,,,,,,,,,,,:adore:

*******************************

حياة حلوة
عروسة ليبيا
مشكورات على التوضيج بارك الله فيكما

صباااااااااااااااااااح الخير عليكم جميعا
يا بنات الحمد لله يوم الاحد بيبدا الشغل ... باركولي :)
انا فرحاااااااااااااااااااااااااااااااااااااااااااااااااااااااااااااانة من 8 ونص ل5
ونقدر نحضر محاضراتي

:o:o:o

صباح النور

حبيبة ايمن الف مبروك الشغل بالتوفيق يا حلوة

هنو عمرى ههههههههههههه خيرك عالصبح شن في

صح كلام هنو مش معقوله بصراحه مانتخيلش نحط مبلغ خيااااالي في كرت وبعدين بيتلوح والله ماحد شاكر وحتا لو شكروا نلقاهم الفلوس ندير بيهم الف حاجه تانيه والبساطه حلوه ياما كروت بسيطات ويهبلوا معليش محد يزعل مني

وفي النهايه كل واحد وتفكيييرررررره

ههههههههههههههههه

اسفة على التدخل يا دلوعة بيشو

قصدك لو المعازيم 250 * 38 = 9500 د.ل :$:

لو 300 *38 = 11400 د.ل :$:

:-o:-o:-o8o|:sick:

حراااااااااااااااااااااااام عليك الاسراف ديرى حاجة معقولة وباقى الملبغ تعطيه لكدا عيلة

محتاجة تكسبى اجرهم احسن من ذنب تلويح الفلوس فى الكناسة

لا مش معقولة هكى :mad::mad::mad:

قولولى كان كلامى غلط بالك انى :hysterical::confused:

بنات خل نحكيلم علي عملتي بالك تخففوا عليا شوي

هدا ياحنات بنتي الي عمرها تلات سنوات شعيراتها لي كتافها يهبلوا ناعمات وكيرلي فيهم تلوايه حلوه

لكن انا نبي نقصه ليها نحس فيه مزال بدري علي تطويل الشعر قاعده صغيره المهم الفكره زنت في راسي

شي زايد ناقص نبي نقصه ليها وبوها راااااااافض لكن انا كان زنيت زنيت :o قتله توا شتاء وتجفيفه واااعر وهي ماتحبش الاستشوار وووووو

المهم لين وااافق انا ماصدقت فرحت مشينا يوم السبت للمول وكل مره نخش لمزين يقولي خودي موعد زحمه
وانا خايفه بوها يغير رااايه

لما روحنا للبيت قالي خل نحلقوا الاولاد (طبعا اولادي وبوهم نحلق فيهم في البيت بالماكينه اضمن وانضف)

خلاص حلقت اولادي الزوز شبه صلعه (تحليقتهم المعتاده ) وبعد كملت قت كان من ينقص لها البنت شعرها خل نجرب

جبت المقص ونقصته ليها وبعدين قت كان من يديرا بالماكينه :badly: انا والله نحساب بيطلعلها بانكس

وبوها شجعني قتله خلاص انت حلقها وهو ماصدق نزل فيها بالماكينه رقم واحد:01: لما كمللها انصدمتت

قريب جتني الجلطه تعرفوا شبه صلعه وووووووه عليها ولت مصخووووطه تخلع مش طالع عليها بكل

واللله لين قلبي وجعني <<قالي مش تبي تحلقيها ؟قتله عاد مش هكي نحساب بيجيها بانكس

توا نشوف فيها وضميري مانبي بكل ندكر في عيد ميلادها استشورته ليها ودرتلها مسيسيكات قرواطه طلعت زي الاميره

وتوا زي الولد والله مانفرقها من خوتها غوووووووللله ماتساير بكل بكل

بوها امس صورها قتله تبعت الصور لي ليبيا نزعل منك مانبيش حد يشوفها هكي

زعما انا مكبره الموضوع ؟؟سامحوني امس شغلتكم عليا

حبيبه ايمن سلمك نشاده ومبروك الخدمه :o

اسمعو يا حلوات

فى جمعية خيرية اسمها الجسد الواحد

جديدة يا ريت اللى عندها حاجة وتبى تساعد الناس

تقولى خلى نسق معاها

والله فى ناس ما لاقيين يشروا كراسات لصغارهم وناس ما عندهاش

حتى طرف سجاد فى الحوش

نخلى هنو تكمل الباقى نحس فى قلبى وجعنى

بنات الفرح كل ماكان بسيط ربي يبارلكلك فيه صدقوني والله عن تجرررررررربه توا لاحضت المصاريف في الاعراس زااااادت بشكل خيالي بكل

وياحرام بو العروسه يقعد يقطع في روحه بيش يديرلها الي تبيه وعلي شنو نكدر بويا ونحمله فوق طاقته والله الا حرام راهو

يا قهوة حبيبتى هيا من ناحية عمله صح عمله

لكن عادى اللى صار صار توا

المهم ما تصورهاش حراااام مش لازم تتفكر شن درتوا فيها

وتو شوية يطول ويولى احلى من قبل

ان شاء الله ربي يحفظها

تعرفى حتى انى قصيت شعرى وندمت من البداية

لكن بعدين رضيت باللى صار وخلاص

بنا ت بنت سلفي الي توا حضرت فرحها دارت كرتها بروحها في البيت طلع يهبل شرت من المحل متاع التجهيزات الورق الكرتون دهبي ودارتله ورده دهبيه تهبل والكلام مطبوع علي ورقه شفافه دهبيه وطلع بسيط وحلوا ومنها دارت جو لروحها ولخواتها في البيت وماكلفهاش واجد تقريبا ميتين كرت بميه دينار او حاجه زي هكي وشن صارلها توا متهنيه وزااايطه في بيت راجلها ربي يدوم عليها بالعكس الناس الي قريبين ليها والله بعد قاتلهم درته بروحي ماصدقوا علي قد ماهو حلو ومتقن العمل

صباح الخير