لمة الليبيات لشهر ذو القعده1431

*الننس*;13387210:
صباح الخير

كيف حال الحلوات اليوم
دلوعة بيشو
بصراحة المبلغ حرااااااااااااااام ينحط في كروت تلقي مية حاجة اتديري بيها هالمبلغ صح ديري كرت حلو لكن مش بهالمبلغ هدا
اما انتي يا قهيوة
ما نبيش انزيدك بس عملتك عملة لانه انا نشحت لبنتي الشعر شحاته و انتي اتقصيه
لكن توه خلاص و انحس فيه شعرها نوعيته كويسة يعني ما اتخافيش عليها حيطول ان شاء الله

قهوه الصباح;13387220:
بيكا المشكله العويصه اني توا بيجوني اهلي زياره بابا وماما وطبعا بينصدموا فيها صدمه كبره قتلك الوضع مايسااااااير لما نطلع بما انه شتاء نلبس فيها في طاقيه وخلاص

هنو الدلوعه;13387356:

بيكا أولاً ربي ي كثر من أمثالك ويعطيك علي قصاد نيتك ياااااااااااااارب

ثانياً :والأهم
بنات بلاهي شفتو كيف الوضع أصبح يعني المشكله في البشر الواحد أصبح يبي كل شئ لنفسه من زينة دنيا فانيه وفي نفس الوقت مافكرش يشري لي روحه حسنه للأخره الي هي بتقعدله وترفعه في أحسن المراتب
توه كل وحده فينا اكيد عندها حاجه مستغنيه عنها حوايج أثات أكل تقدر توفر قرطاسيه لي أطفال ترسم علي وجههم بسمه عريضه وفرحة طفل ينط من الفرحه بي أدواته وكتبه وشنيطه حلوه
يعني أنتي وهي تخيلي أنه طفل هذا ولدك أو خوك أو حفيدكم وتخيلي منظره ماشي خاطره مكسور ولبسته كلها مخيطه من داخل وسبحان الله ولد بجنبه لابس من بينتون او تشيكو
وحتى فطور في شنطته يقوت بيه قلبه مش لاقي والي بحداه كل مالذ وطاب التفاحه والكندر سربرايز والراني أو السيزر وهديكه الكروسان بنوتيلا
وهو يتفرج وأصلا ياعالم عنده شنطه يحط فيها فطوره وكتباته وحاجته والله في هلبه صغار يحطو في حاجتهم في شكاير كنااااسه الصغار السود عرفتوهم الي أن شاء الله تتوفر تخيلووو الوضع
تخيلوه وهو حتى مداسه حالته حاله بلاهي ماتجيش في خاطرك تساعدي والله مافي أحلى من شعور هذا لما ترسمي بسمه علي وجهه محتاج ودمعه حااااره نابعه من سعاده
وأنبساط بي الفرج الي فرجتيه عليه او دعوه من ربة بيت جبتيلها بساط وحاجات مطبخ صحيه وحوايج تستر صغيورتها وروحها بيهم ماكله باهيه وديتي بيها عيله شريتي كام كبايه ياهو في ناس يشربو في فازوات
شفتي واحد مريض وجبديتله علاج عطيتي بطنيه قديمه عندك أنتي في غنا عنه أو يرغان ملابسك صفيها وتبرعي بي الباقي مش تعطي الاقارب الي هما في غنا عنه دوري علي أخرتك من توه وعلي بيشفعولك في أخرتك
بنات الكلام هذا ليكم جميعاااااااا وأني معاكم وموجه الكلام لي زي زيكم
هيا خلونا نساعدو خلونا نرقدو مبسوطين ونسووو كام شخص همه وحسسوهم أنها الدنيا بخير
من فتره مجموعة بنات ربي يجازيهم فكرو يدرو خير علي قدهم خدو سبيزه كامله وقسموها في كرتونات وتوزعت علي كل راقد ريح تخيلو من أبس
الأمكانيات
بنااااااااااااااات بلاهي عممو الكلام وكتفو جهودكم معانا وخلونا نتفقو مع بيكا من توه وماتخلوش كلام يكون علي صفحات نت وبس

تحيااااااااااااااااااااااتي ...................... هنو

دلوعة بيشو;13383256:
عفوا يابنات نبي رايكم لقيت بطاقة فرح في محل عجبتني هلبا غر غالية هيا زي صندوق شموا
وتفتحيه في ظهر المغطا متاع الصندوق تكتبي الدعوة وفالصندوق تحطي الهدية اللي تبية اديرها مع الدعوة طبعا لوتبي
هيا فخمة هلبا شن رايكم انديرها وخلاص هو الواحد يتزوج مرة فالعمر مع العلم انها ب 38 دينار شن رايكم
المشكلة تحشمت انصورها تو كان رجعتله المحل تو نصورهالكم