»¤‡° تجهيزات عرائس لشهر ذو القعدة 1431 - 2010 م / الجزء = 16 °‡¤«

باهي يا بنات معلش خاطري نفهم شنو هي النجمة والمحضر يعني يطلعوا عندنا نحنا في بنغازي شنو ؟؟ حنة صغيرة وكبيرة ولا شنو بالضبط؟

shima*;13491471:
حبيباتي قدرك وحبيبة ايمن بالنسبة للفاتحة هي صح في الجامع بس في عدة طرق انك تعرفي ... الصراحة هو فتح تلفونه وحطه له صاحبه جوه قريب باعتبار ان العريس يستقبل الضيوف على باب الجامع وميخشش وتما الموبايل مفتوح إلى أن كملوا وسمعناها عندنا في البيت يعني كانت حلوة الخطبة الصغيرة اللي تسمعيها واسمك واسمه كامل ينقال وانك اصبحتي زوجته وهكي فيها شعور حلو بكل.

ومعلش شكلها سيرة وانفتحت ... في الحنة الصغيرة شن تلبس العروس مينفعش هندي يعني ؟؟ طيب لو مثلا مثلا الحنة الصغيرة في صالة تهيألي في بنغازي مينفعش العروس تقعد متغطيه وهكي شنو تدير ؟؟؟ ولو بتلبس ساري يبقى الليلة والديكور كله بيقعد هندي ؟؟ ولو بيقعد الديكور كله جو ليبي مينفعش نغطي العروس كيف يصير النجدة !!!!

شيما القسم هذا خاص باسئلة هذي كلنا نبوا نعرفوا وهذي

حاجات مفيدة ومرجع لجميع العضوات من جميع انحال ليبيا

سؤال مخالف:

حتي انا نبي نعرف بزبط في الحنة الصغيرة شنو يدروا

حتي انا عاجبتني فكرة الساري الهندي حلوة بكل

باهي شنو نقدمو للناس في حاجات معينة ولا عادي كيف

اي زيارة موالح وحلويات وهكي ولا في حاجات معينة ؟؟


وسؤال لبنات طرابلس بليز

محل تيفال يفتح يوم الجمعة وبصفة عامة محلات يفتحن يوم جمعه ولا ايجازة؟؟

رد مخالفه

shima*;13491471:
حبيباتي قدرك وحبيبة ايمن بالنسبة للفاتحة هي صح في الجامع بس في عدة طرق انك تعرفي ... الصراحة هو فتح تلفونه وحطه له صاحبه جوه قريب باعتبار ان العريس يستقبل الضيوف على باب الجامع وميخشش وتما الموبايل مفتوح إلى أن كملوا وسمعناها عندنا في البيت يعني كانت حلوة الخطبة الصغيرة اللي تسمعيها واسمك واسمه كامل ينقال وانك اصبحتي زوجته وهكي فيها شعور حلو بكل.

ربي يهنيكم كنت نبي نقيممك بدل رد لكن ميزان رافض

ربي يحفظكم لي بعض
** قرارات اليوم الفاتحه بنقول لسموح يديرها ;)**

رد للمخالفة :

شيما راهو سريب لو تبي تديري في قاعة حنة صغيرة

اصلا هيا حتكون عائلي وصحابتك يعني مش عرس

وتقدر يتدري في حوشكم جو باقل تكلفة نحس في الصالة سريب

ويااااااااااااااامة وراك وبعدها يوم الي بعده حنة امتي تتريحي وامتي ترقدي

وامتي تنوضي والهل المسكنين الي يلموا بعدها يعني صعبة راهو

هذا رأيي

في عشي;13491713:

روعة الحركة هذة نقل مباشر صوت من غير صورة وفي نفس الوقت ديري تسجيل من الموبيل علشان
يسجل الكلام وتقعد ذكرة ,,,,,,,,,,,,:thumbs_up:

االله يبارك فيك بالفعل كانت ذكرى لا تنسى الحمد لله ...

عروسة النجدة بلييييييييييز اكيد عندك فكرة أنا متأكدة أنك قاعدة تكتبي وتعدلي وتنسقي توه في رد مسهب مفصل شديد الوضوح :D على سؤال المخالفة متاع قدرك والاسئلة المتشعبة متاعتي ربي يعنيك .:L:

رد المخالفة

هنو الله محلاها فكرة الفيديو :thumbs_up:
انى ما عمرى ما شفت فاتحة خاطرى نعرف كيف وشن ايديروا:p
لازم توريهولى عاااااااد:cool:

وخلاص ان شاء الله حفظ للتطبيق

اموووووواه تستاهلى عليها احلى تقييم

شيما حتى انت فكرتك حلوة انك تسمعى لايف كانك حاضرتيها عجبتى :thumbs_up:

ان شاء الله نبعث جاسوس حتى انى ويخلى الموبايل مفتوح :D

اموووووواه تستاهلى عليها احلى تقييم

قدرك كبير بقلبي;13491803:
رد للمخالفة :

شيما راهو سريب لو تبي تديري في قاعة حنة صغيرة

اصلا هيا حتكون عائلي وصحابتك يعني مش عرس

وتقدر يتدري في حوشكم جو باقل تكلفة نحس في الصالة سريب

ويااااااااااااااامة وراك وبعدها يوم الي بعده حنة امتي تتريحي وامتي ترقدي

وامتي تنوضي والهل المسكنين الي يلموا بعدها يعني صعبة راهو

هذا رأيي

حبيبتي انت رداً على سؤال المخالفة كلامك عين العقل يا عسولة انتي بس في حاجة هو فرحي بعون الله تعالى يمكن يكون حفلة مشتركة لعائلتي وعائلته يعني معنديش حفلة كبيرة متاع حنة وهكي وصارن قبل الفاتحة ظروف عند أهل زوجي (حالة وفاه) فاضطررنا إلى ان يكون ما فيش بيان جا هو ولبسني في البيت يعني لبست قفطان ودرنا عشا في البيت وبس يعني حاجة خفيفة .. واهلى حايسين شوية في البيت من ناحية البناء ممكن هذا ميخلينيش نقدر ندير حاجة في البيت بسبب ان مفيش مكان وبالفعل تعب الاهل واجب ان الواحد يراعيه ولو حيكون فيها حمل كبير بالتأكيد بلاش منها خير حلو الفرح يكون بالراحة مش بالتعب صدقيني ما زلت في مشاورات ومداولات مع نفسي ومع التوقيت متاع البناء وربي يسهل ياااااااااااااااارب

رد مخالف:

حبوبتي المتالفة بارك الله فيك ع ردك

والله نقولوا الحمد الله المطبخ نسبة 90 في المية مكملة

نبي طنجرة كسكاس وطنجرة ضغط وطاقم سرفيز وماكرويف الي سحني

حق بنات شنو رايكم في ال جي مايكرويف ؟؟

واول مانكمل المطبخ ونتهني علبيه نخش ع دار النوم وقربجها

ربي يعينا وخلاص ومازال صداع الصالون وحاجاته

كل مانفكر راسي يوجعني انتي شنو كملتي خلاص ولا مازالك اشويا ؟

حياة حلوة;13491596:
حبوبه النيرة عباره عن خيوط من الصوف لو جيتي لي مصراته زياره تحصليها في محل البدشه يبعوا فيها
بس اغلب ناس ديرها ليهم مرا كبيره في العمر **وانا وقت توصل النيرتي ها نصوره ونزله ليكم
ان شاء الله**

فيه ناس تلف الخيط علي اليد والرجلين العروسه وخلاص
وفيه ناس لفتهم حلو بشكل مرتب اليدين تكون رسمتهم نفس بعض


** المعروف انه بس العروس تحني بالنيره مره واحده بس يوم عرسها***



/// يوم الفاتحه سالت ماما توه قالت زمااان بس عندهم ها السبر .. ممكن قبل 25 سنه
وبدل السكر عندنا ياخدوا للحمه طايبه ويلفوها في فتاتت وكل حوش فيه بنات يعطوهم للفه ع العدد بنات في الحوش
وكانت هذا بطاقه دعوه لليوم الحفله *_*

شكرا حبيبتي على التقييم والميزان حشمنا وخلاص ... عاداتكم في مصراته عجبتني طيب سؤأل المخالفة في الحنة شن تديروا ؟؟

بيكاتشو مشكورة على التقييم وهنو مشكووورة على التوضيح جزاك الله خير.

shima*;13492214:
شكرا حبيبتي على التقييم والميزان حشمنا وخلاص ... عاداتكم في مصراته عجبتني طيب سؤأل المخالفة في الحنة شن تديروا ؟؟

ر.

سبحان الله بمانه كلنا لليبين لكن كل منطقه عرسها شكل


بنسبه الليوم الحنه عندنا
العروسه تلبس ردي بودري وممنوع اهل العريس يشوفوا وجها ** ممكن اخته او حد من اقاراب تكون عروسه شيفتهم قبل العرس بس بس**

ومصراته الاعراس عندنا كلها في البيت

تطلع العروس مشبره*النيره* ومغطيه وجها بي نقاب ويكون ابيض ومطرز ولبسه البودري و الذهب العربي كله

تطلع ع اسماء الله حسنه او تكون مجهزه الزفه

وبعدها يكونوا اهل عروسه مجهزين فراش ** كل عائليه جوها في تفريش مثلا يكون الوان متناسقه وفيه ناس حتي فرشه عجمي **

وانا خاطري نتحني ع صالون عجبتني حركه


وقت تتنحني العروس يطلعو اهل عروسه سله فيها حلوي ومصاصه ويحذوفهم فوق جنب العروسه


**ايه صح تطلع مع عروسه بنت عمرها فوق 6 سنوات لبسه حتي هي ردي بودري وتحط سلسه الذهب في فمها وتكون شده الشمعه** عباره عن شمعندان فيه شوي حنه وكم دحيه وخميسه
يكون 5 شمعات ولعت توقف وري عروسه وقتت تتحني ***


وهدا لي نعرفه ع الحنه *_*

shima*;13490913:
بنات في حد شاف الحاجات هذي في بنغازي خصوصا اللي زي الدزدان الصغيرة الموف حسيتها امورة وكم اسعارها ؟؟؟ حتى بالتقريب أو حتى باقي الحاجات لو شفتوها قولولي وين بلييييييييييييييييز

حبيبتى ارسلتك كرت المحل على الخاص ...

شنو رايكم فيه

بس فتحت الصدر مسكره

حياة ردا على سؤال المخالفة

عجبنيييي الصراحة مختلف ..... مشكورة حبيبتي على تفاصيل الحنة وحلوة حركة الصالون بالمرة

سؤال مخالف: لمتالقة العسولة

باهي حبوبة انا نبي ستيل ومش صغير وال جي

خلاص نراجي في ردك ع الموضوع مايكرويف انتي خذيتي؟