»¤‡° تجهيزات عرائس لشهر ذو القعدة 1431 - 2010 م / الجزء = 16 °‡¤«

Ghado;13455663:

دار نوانيس لتصميم الازياء

طبعاً خبرتكم انه حيكون فيه مقابلة يوم الجمعة الي فاتت في برنامج صباح الخير أول جماهيرية
و حتعرض بعض الموديلات
بس الصراحة كانت صدمة مش عادية أبداً
معجبونيش الفساتين أبداً
و اليوم لقيت الموقع الخاص بيهم عالفايس بووك
و حسيت الموديلات الموجودة أحلى .. و عندهم عبايات حلوة الصراحة
من المميزات الي لاحظتها شخصياً:
- رخـــص الأسعـــار.
- تنفيذ الفكرة الخاصة بالتصميم وفقاً لرغبة الزبون.
- توفر أكثر من خيار للأقمشة (من الغالي الى الرخيص).
- امكانية شراء أو ايجار التصاميم.

حياة حلوة;13473205:
ممكن رايكم ببطاقه العرس

حسيتها بسيطه وحلوه

نبي رايكم بصارحه

حياة حلوة;13473205:
ممكن رايكم ببطاقه العرس

حسيتها بسيطه وحلوه

نبي رايكم بصارحه

حياة حلوة;13475083:
جواب مخالفه
عيونكم الحلوه

بنسبه للبطاقه الحق شوفتها في موقع علي بابا **ليتبي رابط تبعتلي ع خاص**

سعرها ممكن 100 طرف يحسبوا الواحد بي 2.50$
بصارحه كل مره نشوف الصوره وسعر مختلف



ياشينه ياطربلسيه المفروض صورتيها
اني نوايه بناخد افكار وخاصه الحاجات هذي كيف كانون لي حطتيه اكثرهم للاطفال
وبنسبه ليا اني شكله التنفيد يكون في البيت

عروسة طرابلسية;13480322:
مصوراتى بعرة

( المتألقة);13481697:

خيييييير يا بنات شنو اخباركم

اليوم كنت في السوق وشريت شوية حاجات لدار النوم

وتوا نقوللكم وعطوني رايكم

ورغان عملي يحتوي على 7 قطع عزقتين وانصولة بأمخادها وورغان وامخاد الورغان وتلبيسة

3 انصولات ملونة

وتلبيستين سرير وحدة بيضاء ووحدة ستايل متاع المنشف لونها كريم

ومخدتين يقولولهن طرف الحلوة

و4 امخاد عزقة بدون وجوه

وبيجامه ستان عالنبيتي نظام قصير ونص كم بيضة وموردة لأني واخذة وحدة من قبل مسكرة من قدام

وخذيت مناشف جسم

وخطرها لقيت اندر وير مكتوب عليه لاف وفيه قلوب نظامه خيوط بس جميل بكل يدير في موسيقى هههههههههه بس حولتها لقيت منا عصفور ووردة وفيه منا ألوان

وديشمبر ساتان عالاحمر طويل ارضيتها بيضة وموردة

بسسسسسسسسسس

شنو رايكم قطغعت شوط طويل صح ؟؟

تحياتي

مبروكات ومسعودات عليك ... حبيبتى متالقة وان شاء الله تبيديهم بالهناء مع نصيبك ....
ويقعدن ذكرى تحكى بيهن ...
بس كان حطيتيلنا شوية صور منهم علشان انمتعوا نظرنا :confused::confused:بيهن زى مامتعتينا بالحكى عنهن:worn_out:
- تقريبا كملتى الاساسيات شوية وتكونى مشطبة الكماليات والزيادات لو حابة من عندك انا انقول كفاية السرير معاش محتاجة شى ليه ...توة بس شوفى الوناسات والعلاقة "الشطار " ماتنسيه وشوية اكسسوارات وسجادة 3 قطع
وبالنسبة عندى اضافة ... لو حجرة نومك مافيها "شوفينيرة " لازم تشريها علشان الملابس الداخلية والشخاشير والايشاربات "التتسمانات "..وتقدرى اتحط بداخلها لو عندك منظمات الملابس الداخلية والشخاشير ...ولو ماعندك تلقيهم فى سوق هايل شوب ب10 دينار
وهذه صورة لشوفينيرة دار اختى فى حوشنا "معليش صورة من حوسة عقدها"