استفسارات وتساؤلات الامهات عن كل شئ (الجزء الرابع)

miko85;13401610:
انا بستعمل التنين الزجاج والبلاستيك
انا الوحيده ال بستعمل بايجون هههه

انا كمان جايبة بايجون بس هلاقيلها النيبلز بتاعتها هنا
هيا جاية بمقاس زيرو بيكفي قد ايه

((K~A~T~O));13408450:
انا الدكتور كان كاتب ليا فعلا دوا حساسية عشان من اعراضة ان هو بينيم وكنت بدلها منة كل يوم فعلا 8 نقط كان اسمة فينستيل

ايوة هو ده فعلا اللى معايا والدكتور برضه قيالى 8 نقط وكان بينم فعلا والنوم عند البيبى عندك اتضبط ولا لا

hoobie;13408465:
لا ياقمر انا من رأيي بلاش طبعا اصلا الواحد ابنه بيبقى تعبان وبيبقى مترردد وهو بيديله العلاج لان كل ده كيماويات بتدخل جسمه واكيد ليها اثار جانبيه على المدى البعيد فمابالك بقى لو كان السبب انه مبينامش بس يعني الحمدلله مقيش عنده حساسيه او كده ..لا انا رأيي متديلوش ممكن تديله ينسون او كراويه او ماء غريب ولو ياستي حتى قفلت معاكي اوي اديله سيتال نقط ده هيبقى اهون شوية لانه بارسيتامول يعني حاجه خفيفه

انا برضه متررده ادهوله وصعبان عليا بس جربتة مرة معاه وفعلا نيمة بس مستحرمة اديه ليه وجزاكى الله كل الخير ياررررب

بنات هي ببرونه افنت ممكن يتركب عليها اي نبلز تانيه انا كل اللي بشوفهم صغيرين

اصل حلا بتفتح بقها علي الاخر عاوزه تدخل الحته القلبوظه اللي في اخر النبلز جوا بقها ههههههههههه و لما متعرفش طبعا تقعد تعيط

انا بحارب كل مره عشان اديها الببرونه

حد البيبي بتاعه كان كده انا بنت خالتي بنتها كانت بتاخد الافنت عادي خالص

هي بتختلف من بيبي للتاني ولا ايه و لو كده اجيب نوع ايه

بصى يا سالى انا اميرة والله طلعة عينى وكانت بتفضل سهرانة لغاية 9 الصبح وكمان كانت واخدة على انى افضل شيلها فكان تعب بالنسبة ليا فكنت بلجأ للحل دى بس ما استمرتش علية وهى فضلت نومها متلخبط لغاية من بداية السابع بدأت اصحيها بدرى واحاول مأنيمهاش طول النهار كتير وكنت بحاول من الساعة 6 اسيبها صاحية والعبها عشان تيجى على الساعة 10 بالكتير 11 تكون خلاص عايزة تنام انبمها والحمد لله كانت بتنام للصبح بس تقوم ترضع وتكمل نوم بس طبعا كان فى ايام تسهر واهو انا لغاية النهاردة بحاول ظبط نومها وبصحيها بدرى وربنا يسهل

كريز;13407932:
عندى استفسار يريت حد يجاوبنى عليه
خاص بحملى انا ف الرابع دلوقتى حسه بتغير ف صدرى
يعنى واحد اكبر من التانى وبيوجعنى قوى خاصه النيبليز
حماتى بتقولى دليكهم وشديهم لبره كدا عشان البيبي يعرف يرضع بعدين
لحسن لو سبتيهم هيدوخك وانا بستحملش احسس عليهم لانهم بيوجعونى
ايه رأيكو

بصي ياجميل اول 3 شهور في الحمل وممكن بعهدهم بشويه صدري كان بيوجعني جداااااااااا وصدري كان وارم او منفوخ شويه بصي خلي الشد بتاع النيبلز ده في الاواخر يعني السابع والثامن والدكتوره بتاعتك هاتكتبلك كريم تحطي منه من اول السابع عشان متتعبيش في الرضاعه ان شاء الله لان ان شاء الله صدرك مش هايبقي بيوجعك اوي كده ان شاء الله الفتره دي هاتعدي والفتره اللي في نص الحمل بتبقي فريش اوي ان شاء الله

عروسة نعومة;13403144:
ربنا يوفقك في مشروعك يا كتكوتة و ممكن تبيعي في المحل العاب زوجية كمان لو عايزة اجيبلك بالجملة و لو حد من البنات عايز كمان

ضروري اوي بقى قولولي ابتدي اأكل حمزة ايه هوا عنده 5 شهور و نص و أمشي الاكل ازاي مع الرضاعة

تسلمي يا بوسي انتي شغالة فيهم ولا ايه ولا تعرفي حد بيبعهم.
الاكل بقي زي ما البنات قالولك ممكن تخلي الرضاعة 3 مرات في اليوم والوجبات دي جنبهم بقي وتنوعي كل يوم.

اميرة مصرية;13406286:
معلش انا بدي ليويو بيبي درينك بس المعيار بتاعه باكيت على 50 مللي و ده طبعا مش هايشبعه خاااااالص هو ممكن اعمله 3باكيت على 150 مللي ولا لازم الكمية اللي على العلبه بس؟؟ آسفة لو طولت عليكو بس اصلي محتاسة جدا و ماما طبعا نسيت الكلام ده من زماااااان:-o:-o

لا هما 100 مللي كفاية في اليوم يا اما علي مرتين كل واحدة 50 او مرة واحدة بالليل مثلا 100 عالطول وده مش معمول انه يشبعه ده مهديء بس كده وحلو للبطن لكن اللبن هو الوجبة الاساسية.

بنت من الزمن ده;13407283:
كتكوته فكرة مشروعك بجد هاله ولله انا نفسي بردو افتح مشروع زى كده انا بحب الحاجات دى جدا واحنا كماان الحمدلله اكيد زوقنا حلو وعارفيين احتاجات البناات بس لازم يكون حد معااكى يعرف كويس الاماكن اللى هتجيبي الحاجاات منها والتجاار اللى هتتعاملي معاهم وكده يعنى اى حااجه تانيه متهالي هتبقى سهله ان شااء الله وربنا يوفقك يااقمر ولما تفتحى قوليلنا بقى عششان نججيييلك

بناات هو ينفع ادى ليوسف تطعم ال 6 شهور قبل ميعاده ب 3 ايااام وياااريت ياابنات تدعوا ليوسف ربنا يحميه ويحفظه انا خايفه علييه اوىى

تسلمي يا دودو ربنا يخليكي اكيد هبلغكم كلكم اوي ما اخد خطوة ان شاء الله لو اخدتها يعني :|:|

كريز;13407932:
عندى استفسار يريت حد يجاوبنى عليه
خاص بحملى انا ف الرابع دلوقتى حسه بتغير ف صدرى
يعنى واحد اكبر من التانى وبيوجعنى قوى خاصه النيبليز
حماتى بتقولى دليكهم وشديهم لبره كدا عشان البيبي يعرف يرضع بعدين
لحسن لو سبتيهم هيدوخك وانا بستحملش احسس عليهم لانهم بيوجعونى
ايه رأيكو

معلش شوية وهايتحسنوا بس المهم انسيهم دلوقتي وعلي اخر السابع كده او التامن ابتدي بقي دلكيهم وشديهم بس من غير ما تعصري وادهني اي كريم مرطب تحبيه او زيت او زبدة كاكاو

كل شوية عايزة اكتبلكم عملت ايه عند الدكتور بتاع جوجو من يومين وانسي بصوا بقي كل اللي سألتوا عليه اهو عشان تستفيدوا معايا زي كل مرة

اولا كان في كتير منكم خايف من انه يدي كالسيوم او حديد من غير تحليل، فسألته هو كده مش غلط واننا محللناش وكتره ممكن يبقي غلط زي ما بسمع وكده، فقاللي احنا بندي جرعة وقائية مش علاجية تفرق كتير وفهمني بالراحة بقي بالظبط، يعني هي بتاخد نسبة بسيطة خالص عشان لا قدر الله عندها نقص او هايجلها نقص بنقوله لا ستوب عندك ونخليه متوازن لكن لو اديناها جرعات علاجية زي اللي عندهم نقص فعلا بكمية اكبر من اللي بتاخدها وبتبقي غالبا 3 مرات في اليوم مش مرة كده زي ما هي بتاخد وهي اصلا معندهاش نقص ده فعلا اللي غلط جدا وبيعمل حاجات وحشة لا قدر الله.

ثانيا قلتله امتي ممكن اكلها عادي من التلاجة سواء اكل او شرب قصدي اني مش افضل مستنية لغاية ما الحاجة تبرد وتهدي خالص، قاللي لا طبعا هتفضل كده ماينفعش تاكل حاجة ساقعة ، ده انا بيجيلي ولاد كبار وبيبقي عندهم نزلات معوية بسبب حاجات كده.

ثالثا قلتله انا بديها مثلثين جبنة في اليوم قاللي كفاية اتنين اوي كده ومتزيديش عنهم ولو هتديها صفار بيضة يبقي كفاية معاه مثلث واحد في اليوم لو مفيش يبقي مثلثين زي ما انتي.

رابعا الزبادي بردو بتاخد اتنين في اليوم ما شاء الله قاللي عادي جدا اصلا الاتنين دول يعتبروا وجبة علي بعضها او اقل كمان فمش كتير متقلقيش.

خامسا قلتله اللبن بديها زي ما مكتوب علي العلبة 3 مرات كل مرة 210 مللي غالبا، قاللي لا بصي اللبن ده مش شرط تمشي مع اللي مكتوب لأن ده الاساس بتاعها فهي لو عايزة اكتر اديها عادي 240 او 270 مفيش مشكلة.

قلتله هي بتحب الموز وبقالي فترة بهرسه واديهلها، قاللي لأاااااا الموز من الممنوعات هو الفراولة والمشمش واللبن الحليب بتاعنا والشوكولاتة طبعا وبياض البيض دول مش دلوقتي خالص.

سألته علي البلح عشان ماما ساعات بتديها بلح رطب، قاللي اه ده عادي ممكن وسألته علي البطاطا بردو قاللي عادي ما زي البطاطس.

وقاللي زودي بقي علي الاكل اللي بتاكله الحاجات دي: كبدة فراخ مسلوقة وشوربة خضار كاملة بقي مشكلة وماء الرز وماء البليلة وممكن بليلة مضروبة بردو وماء الفول او فولة مهروسة كويس كده، فسألته والرز نفسه متاكلوش؟

قاللي لأ الرز بلاش ممكن البليلة لكن الرز لأ ونسيت بالظبط قاللي لأ ليه، قلتله حتي لو ضربته او سلقته بزيادة قاللي لا بردو مش مستحب عشان الحباية بتاعته مش فاكرة مالها.

وقاللي لما تخلص التامن بقي وتبدأ في التاسع دخلي صدر فرخة.

وقال الحاجات دي كلها تفضل معاها لغاية سنة ومفيش اي تغييرات فيهم واللبن بردو هو نفسه لغاية لما تتم سنة.

سألته علي عصبيتها ولما بتدبدب برجليها وهي نايمة سواء بتعيط او بتضحك وعياطها المتواصل دلوقتي كل ما تعوز حاجة، قاللي عادي بتدأ تتعرف علي اللي حواليها وتكتسب خبرات جديدة متقلقيش.

قلتله علي انها مش بتتفاعل لما اناديها وهي مش باصة مش بتدور علي مصر الصوت قاللي ابن اخويا كده بردو وده عادي مفروض من بعد التاسع يركزوا ويعرفوا بس هو اتاخر شوية ومعرفش اسمه إلا علي ال 11 كده لما اناديه يقوم باصص وراه ويعرف ان ده اسمه واهم حاجة ان ودنها سليمة ومفهاش شمع وانها بتسمع صوت الباب لو قفلناه مثلا جامد.

حاسة ان فيه حاجات تانية نسيتها لما افتكر بقي ان شاء الله اكملكم :):)

البنات اللي ولدوا طبيعي انا حطيت الحزام بتاع البطن و مقعلتوش الا على الاربعين بس محسيتش بفرق و بطني اترهلت و مش عارفة اعمل ايه و لسه طالعة لأدام انا لسه مبدأتش العب رياضة بس عايزة اعرف البطن دي هتروح امته ان شاء الله انا متضايقة اوي منهااااااااا

ناات هى كوباية المايه اللى مفروض الببي هو اللى مص عشان المايه تنزل يعنى انا جبت كوبايه افينت اللى من 6 شهور وفييها خرم كده جنب البتاع اللى بيمص منها الخرم ده بقى بينزل ميه كتير كده والنونو بيشرب وبيبهدل الدنيا وهدوم يويو معرفش بقى ده عييب ف الكوباه ولا ايه مش عاارفه اعمل ايه يعنى اجيب حاجه ماركة وغاليه تطلع كده معرفش بقى هى كده ولا اييه

ايه ده هو المووز غلط ولله معرفش ومية الرز يعنى انا مش فاهمه هى يعنى مفروض من بعد السابع ولا اه ياكتكوتته

هو لو البيبي اتفرج ع الكمبيوتر او ع التلفزيون المسافه تكوون اد اه

كيوت لولا;13408613:
انا كمان جايبة بايجون بس هلاقيلها النيبلز بتاعتها هنا
هيا جاية بمقاس زيرو بيكفي قد ايه

مقاس سمول قصدك بتقعد تلات شهور
وبعد كده بدلي ميديام
صعب تلاقيها في مصر مش عارفه مش متوفره ليه
كتكت عندي افكار اقولهالك فيين طيب

بنت من الزمن ده;13410320:
ايه ده هو المووز غلط ولله معرفش ومية الرز يعنى انا مش فاهمه هى يعنى مفروض من بعد السابع ولا اه ياكتكوتته

هو لو البيبي اتفرج ع الكمبيوتر او ع التلفزيون المسافه تكوون اد اه

بصى يا جميله مايه الرز
بتعملى رز عادى معلقه ولا اتنين بس بتزودى المايه عليهم شويه ولما تغلى خليها تتقل شويه
وبس هو كدا


سؤالى هو بيديكال جرعه 5 سم كتير ان شاء الله

الموز عادى يا جماعة موجود فى مواقع اجنبية كتير انه عادى والدكتور بتاع بنتى برضه قايلى عادى
وهيرو عاملين برطمانات كتير داخل الموز فيها

وقالى برضه ان الفراخ والسمك المشوى لما البيبى يتم سبع شهور
ولما يتم 8 شهور ياكل كل حاجة عادى من على السفرة ماعادا بياض البيض واللبن البقرى بعد سنة

الدكتور قالى ااكلها صدر دجاج مضروب منع شوربه الخضار فى الخلاط
وجبنه نستو الحمد لله
ومش فاكره قالى بين كبده الفراخ برده
بس مدتهلهاش لانى نسيه قال ولا لا

أميره,,,,,,,,, انا بستخدم S26‎ AR‏ بنتي عندها 40 يوم بس حلا محبتش طعمه و هي اصلا متعبه في اخد الببرونه فكانت حرب عشان تاخده

بس لاحظت انه فعلا قلل الترجيع

وبيبو كانت بتستخدمه و اوجي مرتاحه عليه بس الدكتور غيره بنوع تاني

انا مشكلتي مع اللبن ده ان قوامه تخين عشان النشا اللي عليه و انا بستخدم نبليز بتاعه اول 3 شهور اللبن مش بيرضي يخرج منها جبت نبليز كده لببرونه جاتلي هديه انا قلت اجيب مقاس كبير عشان اللبن ينزل بسهوله بس طلع خرمها واسع قووي بيدلق

عشان كده عاوره اجيب الافنت المقاس بتاع من 3 ل 6 شهور قوليلي بقي المقاس ده عامل معاكي ايه بينزل اللبن بسهوله

انا كمان باكل اميرة موز عادى وكمان بجيب ليها هيرو بيبى موزمع فواكهة وموز لوحدة
مورو هو بيديكال كاليسوم صح اعقتد ان الجرعة حلوة انا اميرة بتاخد نفسى الجرعة كاليسوم مرة واحدة فى اليوم

هو كالسيوم وحديد وفيتامين

بناات انا لحد دلوقتى اصلا مغيرتش مقاس 0 للببرونه ايفينت بس فعلا حاسه انها مفرووض تتغير بس المشكله هما اتنين مع بعض عنى الواحد يجييبهم بقى ولا ايه انا لقتهم ب 39 قلت حراام ولله ده خلاص هتحصل ثمن الببرونه ايه رايكم اجبهم وخلاص وهل هستفيد من الاتنين فعلا
سؤال كماان انا عندى تتينه نوك بقالي 3 شهور تقريبا او شهرين ونص مش بستخدمها انا كنت بستخدمها ف الاول بس لما جبت كانبول بيبيز ركنت النوك انا حاسه ان لونها اصفر شويه كده من جوا هى كده خلاص بازت ومينفعش اديهالو تانى ولا ايييه ؟؟