استفسارات وتساؤلات الامهات عن كل شئ (الجزء الرابع)

ممكن يكن سرب عشان كبير او انتى مزافلتيش البامبيرز كويس فسرب جربى تانىلو سرب يبقى كبير عليها هاتى مقاس اصغر

كتكتووووتة ربنا يارب يوفقك فى مشرووووووعك و يفتحلك ابواب الرزق

صوت العيون ʚϊɞ ام سندس ʚϊɞ;13412989:
بصى يا جميله مايه الرز
بتعملى رز عادى معلقه ولا اتنين بس بتزودى المايه عليهم شويه ولما تغلى خليها تتقل شويه
وبس هو كدا


سؤالى هو بيديكال جرعه 5 سم كتير ان شاء الله

محمد الدكتورة قيلالى 2ونص سم فى اليوم



بنات البامبرز الابيض اللى هوا
بامبرز بيبي كير نزل مصر شوفتة امبارح ف كارفور
كل المقاسات لحد مقاس 5

ازيكم يا بنات انا عندى خطوط حمرا على البطن ظهرت فى الولادة مع انى كنت بستخدم بالمرز للاسترتش مارك ودلوقتى مستمرة عليه وبرضو موجودة هيا مش هتروح تانى ولا لا؟

ازى اظبط الرضعات لعيسى لانه اوقات لما بيكون جعان بيخلصها واوقات يعيط واعملها يسيبها وينام وطبعا بتترمي ,,, اللبن الصناعى يقعد اد ايه برا التلاجة لو مشربوش؟

متشكره قوى يا عسولات يلى ف موضوع السره واعذرونى دا اول حمل ليا
وبجد مش عارفه حاجه فأى حاجه جديده بلاحظها بخاف لا تكون كبيره ولا شئ
فانتوا استحملونى بقي
طيب بالنسبه للولاده بقي عشان بحلم بيها الطبيعى ولا القيصري احلى
وايه عيوب ومميزات كل وحده انا انه كله بأيد ربنا ول رايدهولى هيحصل بس حب فضول
بقى عندى

Bossy22;13422252:
انا بردو جودى عضمها بيطقطق كده على طول ده ايه؟؟؟
وكمان جودى فى رمش واقع فى عينها بقالو كزا يوم و مش عارفة ازاى يطلع و معنديش قطرة هنا اعمل ايه؟؟
كريز هههههههههههه فى الشهور الاخيرة مش هتلاقى اختراع السرة ده خالص هيبقى ماضى و انتهى عادى يا قمر مش فى بيبى جوة بيكبر البطن عادى

انا سمعت مره من الدكتور ان فى اطفال كده عادى ده طبيعى لان هرمون الحمل عندنا بيخلى العظم يطرى شويه عشان يسهل الولاده الطبيعى وبيبقى فى نسبه من الهرمون ده فى الاطفال لما يتولدوا وشويه شويه بيروح

الرمش هيطلع لوحده متقلقيش بس هياخد وقت

sweetyronaaa;13423605:



اصل كل الناس عماله تقلي بطنك صغيره و اكيد البيبي صغير جوة فقلقنى اوى

لا عادى متقليش انا كمان كانت بطنى صغيره وكلوا عمال يقولى هتبقى صغنونه عادى كبرى دماغك عشان مش تضايقى والحمد لله وزنها كان حلو ماشاء الله

نيمو

هاتيلها قطره اوتريفين حلوه انا بحطها لبنتى بتعطس بعدها على طول

اه كمان نسيت
طب السره هتدخل جوه تانى بعد الولاده ولا هتفضل طالعه لبره
وحزام البطن دا مهم ولا اى كلام والبسه امتى ونوعه ايه وبكام

اه هتدخل لجوه تانى يا كريز بس بعد يومين تلاته كده من الولاده وحزام البطن مهم البسيه بعد ما تولدى على طول لو هتولدى طبيعى بينزل البطن بسرعه

Celeen;13422313:
انا بقلب كده لقيت السؤال معرفش بصراحه حد رد عليكى ولا لاء... بس لقيتك بتقولى الصيدلى مكتبش .. قولت اصلح بقا غلطه الزميل:D
دنتونكس و ماء نونو 2.5 مللى 3 مرات فاليوم
هيا اغلب ادويه المغص جرعتها بتكون كده ماعدا ماء غريب حاولى تقللى الجرعه على ا ما تقدرى لان العيال بتدمنوا.
و 2.5 مللى يعنى نص معلقه شاى صغيره لو هاتدييه بالمعلقه يعنى

ميرسي ياسيلين لتصحيحك غلطه الزميل 8o|8o|8o|
انتي تعرفي بامبرز السعودي سعره قد ايه انا بجيب ال42 واحده ب65 جنيه وفيه منه علب اكبر ولا لا ؟؟؟؟؟؟؟؟؟؟؟؟؟

katkooota_7aboooba ام حــور;13428947:

بنات حور النهاردة فى البامبرز بتاعها مكان البول كده عامل لون برتقالى ده معناه ايه انا قلقانه اوى

شربيها ماية كتيييييييييييييييييييييييييير بس الافضل اسألي دكتور و ماتخافيش انا ابني كان كده

بنات بكرة ان شاء الله جوزي هيسجل آدم ويعمله تحليل الغدة ده .. السؤال بقي هو معاه تطعيم ولا تحليل بس؟ كمان هو بيسخن ولا حاجة؟ والبنات اللي جربوا دايبرز كوتشي هو فعلا بامبرز أصغر منه في المقاس؟ لأن أول مقاس في كوتشي كبير علي آدم حاسة باعد رجليه خالص عن بعض..

MOMO'S MUM;13429952:
شربيها ماية كتيييييييييييييييييييييييييير بس الافضل اسألي دكتور و ماتخافيش انا ابني كان كده

bosy_md;13430465:
بنات بكرة ان شاء الله جوزي هيسجل آدم ويعمله تحليل الغدة ده .. السؤال بقي هو معاه تطعيم ولا تحليل بس؟ كمان هو بيسخن ولا حاجة؟ والبنات اللي جربوا دايبرز كوتشي هو فعلا بامبرز أصغر منه في المقاس؟ لأن أول مقاس في كوتشي كبير علي آدم حاسة باعد رجليه خالص عن بعض..

حمدلله علي سلامتكيا بوسي
ممكن بكره يدوله التطعيم هي حقنه في الكتف بتاعت الدرن ومش هيسخن ان شاء الله


اللي بيسالو علي الرمش اللي جو العين
حطي قطره وهتاقي خرج انشاء الل
اوغسلي وشها


ام حور
رنا قبل كه بس اول ايام الولاده عملت الون ده وكان بيقولو طبيعي
بس اسالي دكتو عشن تطمني


كريز بالنسبه للسره اصبري شويه وهتلاقيها اتقلبت خالص هههههه

ام حور على فكرة انا الدكتور قالي ان دا نقص سوايل وقالي شربيه مايه كتير ورضعيه كتير بصي احسن حاجة تقوليله بالظبط لون البول ايه وكام مرة الموضوع دا

انا ابني عمل كده اول ما اتولد وبعدها بكام يوم عمل تواليت دم مش بول الدكتور قالي ان ده نقص فيتامين K

katkooota_7aboooba ام حــور;13433384:

متشكرة لردكم يا بنات النهاردة بأذن الله هروح للدكتور واشوف

طيب سؤال تانى بقى:D

حور فى اول اسبوع فى السادس ينفع تاكل صفار البيض مع جبنه مثلثات

لو كملت الست شهور اه اديها عادى

sweetylolla85;13387405:
بنات سؤال عاجل جدا بتشربو عيالكم ميه في ايه؟
ابني عنده شهرين ونص لسه ماشربتوش ميه خالص اشربه في ايه وانهي احسن المعدنيه ولا المغليه؟
ربنا يرزق اللي ترد عليا اللي تتمناه يارب

الميه المعدنيه لا علشان فيها نسبه املاح ميه مغليه وتدهالو فى الببرونه واعرضى عليه كل ساعتين كده طول ما الجر حر كده ولما ياكل بعد ما ياكل شربيه

اميرة مصرية;13406342:
انا كمان حصل معايا كده و يوسف مش بقى يرضع مني خالص علشان انا نزلت الشغل و كنت مضطرة اديله صناعي.. لو انتي قاعدة في البيت امنعي الصناعي و صممي على انه يرضع منك و هو لما يجوع هايرضع و كل ما يرضع منك اكتر اللبن عندك هايزيد ان شاء الله

انا كمان بنتى اتعودت على الصناعى لما نزلت الشغل :(:(:(

صوت العيون ʚϊɞ ام سندس ʚϊɞ;13412989:
بصى يا جميله مايه الرز
بتعملى رز عادى معلقه ولا اتنين بس بتزودى المايه عليهم شويه ولما تغلى خليها تتقل شويه
وبس هو كدا


سؤالى هو بيديكال جرعه 5 سم كتير ان شاء الله

لا كده كويس الدكتور قاللى 5 مره واحده او 2.5 بليل وزيهم بالنهار

صوت العيون ʚϊɞ ام سندس ʚϊɞ;13413471:
هو كالسيوم وحديد وفيتامين

لا كالسيوم وفيتامين بس الحديد بيبقى لوحده لونه اسود وبطعم الكراميل كده

عرووس الدلتا;13418129:
اة كمان نسيت ابنى لما باشتالة باحس ان عظم بيطرقع كدة مش عارفة فية اية
قولت للدكتور لاقيتة كتبلى كالسيوم مرتين فى اليوم اسمة ديكال ب12


هما المفروض الاطفال ياخدوا كالسيوم على الشهر الكام

من بعد الرابع ان شاء الله

يا جماعه اللى بيرضع صناعى زى حالاتى عايزه اقول بس شويه حاجات الدكتور قاللى عليها

اولا : اللبن الصناعى بيعمل اضطربات للجهاز الهضمى يعنى ده طبيعى لانه طبعا مش زى لبن الام اللى فيه كل حاجه بنسب دقيقه حاجه كده من ربنا فاللى ابنها او بنتها بيعيط او بيزن معلش نستحمل هى دى الضريبه لحد ما نوقف الصناعى بقى
ثانيا : لازم لازم تغلى الببرونه بالنيبلز بالغطا بعد كل رضعه مش اقل من 10 دقايق
ثالثا : نحط الميه المغليه فى الببرونه ونسبها تبرد واعى حد يحط اللبن على الميه سخته لانه غلط جدا لازم الميه تكون فاتره
رابعا: الرضعه تتعمل وتشرب فى ساعتها والباقى يترمى فى داهيه صحه ولادنا بالدنيا
خامسا: بعد كل رضعه لازم نوقف البيبى فى وضع راسى على كتفك وتدعكى ضهره كويس اوى ولو اتكرع كملى بردو 10 دقايق

فى نصايح تانيه بقى
الكالسيوم والحديد لازم للوقايه بس ندى المعيار بالضبط لا نقلل ولا نكتر
المساج مهم جدا للاطفال علشان بيساعد على النمو الطبيعى فى فيديوهات على النت كتير بتشرح ازاى تعملى مساج لابنك
فى الحر نحمى البيبهات مره او اتنين فى اليوم ويشربوا ميه كتير
لازم نحافظ عليهم من الحر والبرد واوعى تخلى البيبى يعرق منك وعايزه تعرفى حران ولا بردان من بطنه
حاجه مهمه يا جماعه مقوله متاخدوش ابنك على الشيل الكلام ده غلط البيبى لو عيط شيله واحضنيه علشان ساعات بيبقوا عايزين يحسوا بالامان وانا عن نفسى من ساعه ما برجع من شغلى بفضل ماسكه بنتى وانا بعمل اى حاجه هو بتعب بس معلش فتره وتعدى المهم نحس اننا مدينهم الرعايه والحنان والامان

شكرا miobello على النصايح لكن انا مش بغلي الببرونة بعد كل رضعة انا بعقهما بجهاز تعقيم مرة واحدة فى اليوم وطول النهار بميه سخنه جدا وبخفف صابون الأطباق واغسلها بيه وبعدين تشطيف كويس بالميه السخنه

والميه بستعمل لها المعدنية بغليها واحط نصها فى الترمس ساخنه ونصها ابردها ولما بعمل الرضعة بحط من الاتنين المهم تكون دفيه

انا بكرع ابنى بس مش لدرجة 10 دقايق ... ليه 10 دقايق؟

بالنسبة للمساج انا نقلت لكم قبل كدا عن صور تشرح ازى نعمل مساج للبيبهات

بالنسبة للشيل يعنى لازم تسيبى البيبي يعيط شوية وشوية تشيليه وتدلعيه ... لانى قريت مقولة عن كتاب لابن القيم احب انقلها ليكي

حكمة الله تعالى في كثرة بكاء الأطفال وتاثيرة علي المخ
كتاب مفتاح دار السعادة للعلامة ابن القيم – رحمه الله تعالى
تأمل حكمة الله تعالى في كثرة بكاء الأطفال وما لهم فيه من المنفعة
الأطباء والطبائعيين بأنهم شهدوا منفعة بكاء الأطفال وحكمته وقالوا في أدمغة الاطفال رطوبة لو بقيت في أدمغتهم لأحدثت أحداثا عظيمة فالبكاء يسيل ذلك ويحدره من أدمغتهم فتقوى ادمغتهم وتصح وأيضا فإن البكاء يوسع عليه مجاري النفس ويفتح العروق ويقوى الأعصاب وكم للطفل من منفعة ومصلحة فيما تسمعه من بكائه وصراخه فإذا كانت هذه الحكمة في البكاء الذي سببه ورود الألم المؤذي وأنت لا تعرفها ولا تكاد تخطر ببالك فهكذا إيلام الأطفال فيه وفي أسبابه وعواقبه الحميدة من الحكم ما قد خفي على أكثر الناس واضطرب عليهم الكلام في حكمه اضطراب الأرشية وسلكوا في هذا الباب مسالك ...إلخ

ثمّ تأملت حرص الناس على إسكات الطفل إن هو بكى ,
فكلما بكى طفل من حولهم كلما سارعوا إلى إسكاته بأيّ وسيلة وبأيّ أسلوب حتى وإن لم يكن تربوياً !! ولذا نرى الأطفال يستخدمون هذا السلاح للضغط على من حولهم وخصوصاً الأمّ لتلبي كل متطلباتهم ,
وقد أعجبتني إحدى الأمهات بكى طفلها بين يديها في إحدى المناسبات ولم تلتفت إلى بكائه فلما زاد بكاؤه أشارت عليها النساء من جليساتها بالالتفات إليه فأجابتهنّ بأسلوب لبق بأن طفلها لايشكو من جوع أو عطش فقد تعاهدته بذلك قريباً , كما لايشكو من ألم لأنني أميّز أسلوب بكائه إذا أصابه ذلك , أيضاً تمّ تبديل مايلزم من ملابسه الداخلية قبل قليل , فبادرتها النساء : مم يشكو إذاً ؟؟ قالت : يريدني أكون على ما تهواه نفسه , ما به إلا دلال زائد , وأنا دون ذلك , أنا في مجال تربية لهذا الطفل فلن أدعه يفرض عليّ مايريد كما يريد , أخواتي – ولازال الكلام لها – إنّ أيّ أم ستقفز عند أدنى صوت بكاء تسمعه قد تتعب كثيراً ,
وتأمّلن حال الكثير من الأمهات اللاتي يلتفتن بزيادة مفرطة إلى هذا , قد مللن وسئمن , في ظلّ وجود طفل ذكيّ يختبر استجابة أمّه عند كل ملمّة , قالت النساء : متى سيتوقف طفلك عن بكائه ؟ قالت : بعد قليل , وستلاحظن ذلك جيّداً , وما هي إلا دقائق حتى عاد إلى وضعه الطبيعي من اللعب ونحوه , أختى الأم : مادمت مطمئنة على وضع طفلك من حيث عدم الجوع والعطش ومن حيث تبديل مايلزم تبديله من ملابسه الداخلية ولم تتغيّر طبقة صوت بكائه من ألم قد أصابه فما الذي يقلقك ويفزعك ويقيمك من مجلسك وهو أمام ناظريك ؟ لابأس دعيه يبكي قليلاً لتحققي ما أشار إليه ابن القيم – رحمه الله تعالى - في أدمغة الاطفال رطوبة لو بقيت في أدمغتهم لأحدثت أحداثا عظيمة فالبكاء يسيل ذلك ويحدره من أدمغتهم فتقوى ادمغتهم وتصح وأيضا فإن البكاء يوسع عليه مجاري النفس ويفتح العروق ويقوى الأعصاب وكم للطفل من منفعة ومصلحة فيما تسمعه من بكائه وصراخه ,,,,
سبحان الله العظيم


يعنى لو سبناهم يعيطوا شوية وشوية نشيلهم وندلعهم مفيش مشاكل