استفسارات وتساؤلات الامهات عن كل شئ (الجزء الرابع)

بنات هو لبن الرضاعة الطبيعي بيفضل كام ساعة برة التلاجة علشان البيبي يشربة
وكمان حد ساكن في المقطم وسمع عن دكتور عمرو عارفين اصلة كتب ل ادم دواء تقيل اوووي كتبلة كاتفلام نقط واوجمنتين علشان التهاب ودانة وانا خايفة اديلة الدواء دة اصلا الاجومنتين دة لما انا باخدة بدوخ تخيلة هو بئة يا حبيبي هيكون عامل ازاى

وكمان عايزة اسألكم عن التطعيم هو هيتم الشهرين يوم الحد هو تطعيم اية دة وبيسخن ولا لا وكمان بيكون اية حقن ولا نقط

وكمان يابنات ياااااااااااااااااااريت تقلولي على اماكن بيع شنط احط فيها هدوم ادومة وحاجاتة وانا خارجة لحسن جبت واحدة من التوحيد والنور هي يوم والتانى لاقيتها اتقطعت

ازيك يا ياسمينا ... لبن الأم بيفضل 8 ساعات بدرجة حرارة الغرفة 25 درجة مئوية يعنى لو فيه تكييف أفضل وفى الثلاجة 3 أيام جواها مش فى الباب
وفى الفريزر 6 شهور ... الكلام دا قريته من كتب خدتها من مستشفى هنا فى دبى

بقيت الأسئلة البنات يفيدوكي... وربنا يباركلك فى أدم يارب

حببتى ياسمينا ربنا يعافيه يارب بصي مدام في التهاب في الاذن لازم ياخد مضاد حيوي ينشفه فالدكتور اكتر حد فاهم هو بيعمل ايه
وعشان تتفادي موضوع التهاب الاذن ده مش ترضعيه وهو نايم على جنبه عشان ممكن ينزل لبن يدخل في ودنه ولما بيتراكم بيعمل الاتهاب ده فخدي بالك دايما وانتى بترضعيه ان مفيش لبن يتسرب يروح لودانه

dandona we bas;13387627:
لولا انا بغلي مية عادية من الفلتر بس بغليها على النار مش الهيتر و بعدين بحطها في ببرونة صغيرة اللي هيا بتاعة الاعشاب و العصير دي و كل يوم مية جديدة و هكذا بس طبعا بتحطي المية و بتسيبها تبرد في الببرونة و تديله منها كل شوية انا ابني مستطعمهاش اوي بس اديني بحاول

بنات بالله عليكو تقولوي ضروري ابني منخيره يا حبييبي مسدودة و صوت خنفرة كده حطتيله نقط للانف كنت واخدها من المستشفى بس لا حياة لمن تنادي حد يعرف حاجة طبيعية اديهاله غير الينسون

دندونة انا بدى لابنى بيبى سالين ده بحط نقطة فى انفة اليمين ونقطة فى انفة الشمال وزى ما قالت مشمش هو محلول ملحى بينظف الانف وفعلا بعد ما بحطة لابنى بعدها بشوية بلاقى القرف اللى فى منخيرة ده طلع وبمسحة بالمنديل ومنخيرة بتفك شوية لانة هو كمان عندة زكام وسداد انفه قوى بس لما بحطة انفه بيفك وبيبقى كويس هو الدكتور اللى كتبة لاادهم مرة الصبح ومرة بليل

ياسمينــــا;13390864:
بنات هو لبن الرضاعة الطبيعي بيفضل كام ساعة برة التلاجة علشان البيبي يشربة
وكمان حد ساكن في المقطم وسمع عن دكتور عمرو عارفين اصلة كتب ل ادم دواء تقيل اوووي كتبلة كاتفلام نقط واوجمنتين علشان التهاب ودانة وانا خايفة اديلة الدواء دة اصلا الاجومنتين دة لما انا باخدة بدوخ تخيلة هو بئة يا حبيبي هيكون عامل ازاى

وكمان عايزة اسألكم عن التطعيم هو هيتم الشهرين يوم الحد هو تطعيم اية دة وبيسخن ولا لا وكمان بيكون اية حقن ولا نقط

وكمان يابنات ياااااااااااااااااااريت تقلولي على اماكن بيع شنط احط فيها هدوم ادومة وحاجاتة وانا خارجة لحسن جبت واحدة من التوحيد والنور هي يوم والتانى لاقيتها اتقطعت

الف سلامه عليه ربنا يشفيه
بالنسبه للمضادي الحيوي اوجمنتين مش مشكله ما ادم بتاخد الجرعه الي تناسب سنه
اصل في حالات لازم يتاخ فيها انتي بيوتك
رنابرده اخدت اوجمنتين
عشن دور برد بس كان عدوي وفي حاله العدوي لازم مضاد حيوي
بالنسبه للشنط انا جبت واحده صحيح مش عجباني اوي بس متقسمه كويس وفيها سستوتين وجيبين علي الجناب عشان احط لببرونه بره وتبقي وحدها
وممكن تسالي في محلات الشوزات لاني لمحت قبل كده شنطه بيبي مكتوب عليها كده
بس بتبقي ضخمه ولخمه اوي

ياسمينــــا;13390864:
بنات هو لبن الرضاعة الطبيعي بيفضل كام ساعة برة التلاجة علشان البيبي يشربة
وكمان حد ساكن في المقطم وسمع عن دكتور عمرو عارفين اصلة كتب ل ادم دواء تقيل اوووي كتبلة كاتفلام نقط واوجمنتين علشان التهاب ودانة وانا خايفة اديلة الدواء دة اصلا الاجومنتين دة لما انا باخدة بدوخ تخيلة هو بئة يا حبيبي هيكون عامل ازاى

وكمان عايزة اسألكم عن التطعيم هو هيتم الشهرين يوم الحد هو تطعيم اية دة وبيسخن ولا لا وكمان بيكون اية حقن ولا نقط

وكمان يابنات ياااااااااااااااااااريت تقلولي على اماكن بيع شنط احط فيها هدوم ادومة وحاجاتة وانا خارجة لحسن جبت واحدة من التوحيد والنور هي يوم والتانى لاقيتها اتقطعت

ازيك ياجميل البنات كفوا ووفوا فى الاسئلة كلها الف سلامة على ابنك ويارب ربنا يشفية ويعافية
بالنسبة للتطعيم ياقمر هو بياخد حقنة واحدة فى رجل وونقط فى الفم وفية مكاتب صحة بتدى حقنتين كل حقنة فى رجل بس الاحسن حقنة واحدة يعنى وجع واحد وخلاص
هى بتسخن ياجميل اة والرجل بتورم شوية اول لما تروحى البيت اديلة سيتال اللى هو خافض الحرارة واعمليلة كمادات ماية من الحنفية على راسة وعلى رجلة مكان الحقنة فية ناس تقولك حطى على الماية اللى بتعملى الكمادات نشا بس ماتعمليش كدة ماية من الحنفية فقط وربنا يعديها على خير ياجميل وعلى فكرة فية اطفال مش بيحصلها حاجة خالص وفية اطفال بتسخن نص نص وفية اطفال بتسخن اوى بس ربنا يستر اول لما تروحى اديلة 5 نقط من سيتال دة وهو هيساعد ان الحرارة متزيدش
مالك لما طعمتة واديتلة سيتال دة برضة سخن ولما سالت الدكتور قالى لو مكنتيش اديتهولة كان سخن اكتر واكتر
وادينى اهو هطعمة التطعيم بتاع الاربع شهور ان شاء اللة كمان كام يوم وربنا يستر لان هو هو فربنا معانا جميعا يارب وابقى طمنينا على دومة

ياسمينــــا;13390864:
بنات هو لبن الرضاعة الطبيعي بيفضل كام ساعة برة التلاجة علشان البيبي يشربة
وكمان حد ساكن في المقطم وسمع عن دكتور عمرو عارفين اصلة كتب ل ادم دواء تقيل اوووي كتبلة كاتفلام نقط واوجمنتين علشان التهاب ودانة وانا خايفة اديلة الدواء دة اصلا الاجومنتين دة لما انا باخدة بدوخ تخيلة هو بئة يا حبيبي هيكون عامل ازاى

وكمان عايزة اسألكم عن التطعيم هو هيتم الشهرين يوم الحد هو تطعيم اية دة وبيسخن ولا لا وكمان بيكون اية حقن ولا نقط

وكمان يابنات ياااااااااااااااااااريت تقلولي على اماكن بيع شنط احط فيها هدوم ادومة وحاجاتة وانا خارجة لحسن جبت واحدة من التوحيد والنور هي يوم والتانى لاقيتها اتقطعت

انا ابني خد كاتافلام نقط قبل كده وكان عنده 9 ايام بس ياياسمينا كان بياخد اربع نقط كل 12 ساعه
ماتخافيش ياياسمينا ان شاء الله خير
بصي خدي معاكي هيموكلار وسيتال بجد هيموكلار تحفه عشان رجله ماتورمش تحطيله منه كتير كل مايتمسح او جلده يتشربه تحطيله تاني والسيتال 5 نقط كل 6 ساعات بس بصراحه كنت بديه اول يوم كل 4 ساعات لانه كان بيسخن جدا علي الساعه الرابعه وبتجيله نوبه هيستريا عياط فكان السيتال بيهديه وبينيمه طبعا سالت الدكتور وهو اللي قالي علي الهيموكلار والسيتال
الشنط بقي انا جبت شنطه حاجات ابني من لفلي وشكلها حلو اووووووووووووووووووووي فيها جيوب كتير من بره تحطي فيها البيبرونه والوايبس كده يعني وايي حاجه بتحتاجيها علي طول
بس مش فاكره سعرها خالص
بنات بالله عليكو اللي تشوف مشاركتي تدعي ليا ولزوجي ربنا يديه اللي بيتمناه يارب ويريح باله

بنات سؤال ضروري جدا
هي كل ادويه المغص طعمها وحش
و ايه احسن دوا للمغص

االاكوافيرا تحفه يا سويتي بجد انصحكبيه محمد كان مبيبطلش زن من المغص ومفيش دوا ريحه الا هو

sweetyronaaa;13394309:
بنات سؤال ضروري جدا
هي كل ادويه المغص طعمها وحش
و ايه احسن دوا للمغص

دوا المغص بيفرق من بيبى لبيبى مش كل البيبيهات بتستريح على نفس الدوا
اكتر دوا استريحت عليه بنتى كان سايمثيكون وكانت بتاخده عادى
لكن ماء غريب المستورد ماكنش بيريحها خالص وكمان طعمه ماعجبهاش ولا عجبنى :lol:

ياسمينــــا;13390864:
بنات هو لبن الرضاعة الطبيعي بيفضل كام ساعة برة التلاجة علشان البيبي يشربة
وكمان حد ساكن في المقطم وسمع عن دكتور عمرو عارفين اصلة كتب ل ادم دواء تقيل اوووي كتبلة كاتفلام نقط واوجمنتين علشان التهاب ودانة وانا خايفة اديلة الدواء دة اصلا الاجومنتين دة لما انا باخدة بدوخ تخيلة هو بئة يا حبيبي هيكون عامل ازاى

وكمان عايزة اسألكم عن التطعيم هو هيتم الشهرين يوم الحد هو تطعيم اية دة وبيسخن ولا لا وكمان بيكون اية حقن ولا نقط

وكمان يابنات ياااااااااااااااااااريت تقلولي على اماكن بيع شنط احط فيها هدوم ادومة وحاجاتة وانا خارجة لحسن جبت واحدة من التوحيد والنور هي يوم والتانى لاقيتها اتقطعت

بره التلاجة فى الجو اللى عندنا ده بلاش تسيبيه اكتر من ساعة

التطعيم اللى هياخده ان شاء الله هيبقى حقنة او اتنين حسب الصحة اللى هتطعميه فيها .. هى لو حقنة واحدة هيبقى فيها نفس اللى فى الحقنتين يعنى ماتقلقيش وماتشغليش بالك اصلا انا بس بقولك بدل ماتيجى بعد كده تقولى ده اخد حقنة واحدة وبنات يقولولك مفروض حقنتين بجيبلك من الاخر يعنى
ومفروض كمان فى تطعيم شلل اللاطفال وده نقط فى البق
ماترضعيش ابنك قبل التطعيم بساعة ولا بعده بنص ساعة عشان مايقشطش تطعيم شلل الاطفال
والتطعيم ممكن يسخن ابنك شوية لمدة يومين ده برضه عادى
ادهنى على رجله مكان الحقنة هيموكلار احسن حاجة واديله سيتال خافض للحرارة عند اللزوم والجرعة مفروض الدكتور بيحسبهالك لانها حسب الوزن

الشنط كتير موجودة فى لفلى وزيروتوفايف وكل محلات الاطفال ووممكن تشوفى فى اكتيف ونايكى واديداس

sweetylolla85;13388073:
ربنا يكرمكم يابنات يارب اللهم امين ويخليلكم اولادكم ويفرحكم بييهم يارب كده انا خدت 3 حلول للشرب واتفقنا علي انه بلاش ميه معدنيه هاجرب معاه انهارده بالقطاره والبيبرونه لحد ماانزل واشتريله كبايه
هو لما ابني يخلص الشهر الثالث ينفع ااكله او اشربه حاجه عصاير حتي ولا استني لامتي

ابنك صغنن على الكوباية هيوقع على نفسه ده رأيى
حاليا ممكن تشربيه من البيبرونة
وعلى خمس شهور كده ممكن تشربيه من الكوباية العادية بتاعتنا دى اى فى فنجان صغير عشان يتعود وطبعا تبقى ملبساه بافتة بمشمع عشان هيوقع على نفسه
وممكن على خمس شهور برضه تشربيه من الازازة اسهل من الكوباية :D
انا بنتى مش قابلة كوباية البيبيهات دى خالص مش بتعرف تشرب منها
وبلاش تديله لا عصير ولا اكل غير لما يقفل الشهر الرابع
ماتستعجليش بكرة يكبر وياكل كل حاجة ان شاء الله

رجائي رضا ربــــي;13388116:
هيا الميه المعدنيه غلط ولا إيه انا مينفعش اعمله من الميه بتاعة الحنفيه محدش هنا بيعتمد عليها ... ؟

انا بغليها وبعمل بيها الرضعة واوقات بشربه منها شوية اعمل اي؟

لا لا راعى اننا فى بلد غير اللى انتى فيها ومعايير المياه اللى فى الحنفية او المياه المعدنية مختلفة ..
احنا بنغلى المياه اللى فى الحنفية هنا عشان ملوثة فبنعقمها .. والمياه المعدنية معليهاش رقابة قوى وعليها كلام كتير
انا مش عارفة ايه نظام المياه عندكم بس مادام كلكم بتشربوا مياه معدنية يبقى شربيه هو كمان منها .. وهاتيله المياه اللى فيها فلوريدات

بنات بقي ضروري انا احتمال بإذن الله افتح محل ولسه بفكر كويس وبجمع معلومات وحاجات عشان متدبسش وبفكر في الافكار اللي ممكن افتحه بيها لن المحل نفسه موجود، المهم الفكرة الاساسية اللي غالبا ان شاء الله ممكن ننفذها هاتبقي لانجيري وطرح واكسسوارات وميكاب وبرفانات وهدايا وكماليات المحجبات او لانجيري وبس هشوف يعني لسه، فلو كده عايزة آرائكم معايا بليز ومش تطنشوا وافكار كتير واللي تعرف حاجة تقولي او حاجة تفيدني في اماكن اسعار دراسة جدوي للموضوع ميزانية وغير كده والاهم انا بقي عمالة بقولهم هنا عندي في البيت انا ليا صحاب كتيييييييييييير اوي حبايبي في المنتدي وبراه واكيد هينفعوني وهايجوا يعملوا للمحل حس ومش هيسبوني اخسر صح ولا ايه وان شاء الله اجيب بضاعة حلوة وتعجب الاذواق كلها بس غالبا مش هجيب حاجات غالية هخليني في الحاجات الحنينة عشان بردو تناسب سكان المكان، هو في عين شمس
مستنية افكاركم وردودكم عليا بلييييييييييز

sweetylolla85;13386920:

هو مستوره ده اللي علي نفس الصف بتاع سينما نورماندي اللي في شارع ابراهيم اللقاني؟

تسلمي يا ويلا هقولها كلامك ده بالظبط، بصي مستورة بقي انا بدخله من ناحية روكسي من ابراهيم اللقاني، بدخل من الشارع الجانبي اللي قصاد البنك اللي هناك هو علي ناصيته جويا او الشارع اللي قبله نسيت دلوقتي عشان بقالي فترة مروحتش والفرع بتاع جنينة هو في الدور الارضي بس فيه محل وهو ده اللي اقصده وفي واحد تاني بردو بس زي كشك صغير كده في النص ده للشرابات والكولونات وكده سواء كبار او اطفال.

sweetylolla85;13387405:
بنات سؤال عاجل جدا بتشربو عيالكم ميه في ايه؟
ابني عنده شهرين ونص لسه ماشربتوش ميه خالص اشربه في ايه وانهي احسن المعدنيه ولا المغليه؟
ربنا يرزق اللي ترد عليا اللي تتمناه يارب

بدي لجوجو بالقطارة اول ما ابتدت ولسه لغاية دلوقتي لأني لسه ملقتش كوباية تعجبني، بس سن يوسف مناسب له القطارة والمية تبقي المغلية واصبري لسه علي العصاير لما تدخلي في الرابع في نصه كده

ياسمينــــا;13390864:
بنات هو لبن الرضاعة الطبيعي بيفضل كام ساعة برة التلاجة علشان البيبي يشربة
وكمان حد ساكن في المقطم وسمع عن دكتور عمرو عارفين اصلة كتب ل ادم دواء تقيل اوووي كتبلة كاتفلام نقط واوجمنتين علشان التهاب ودانة وانا خايفة اديلة الدواء دة اصلا الاجومنتين دة لما انا باخدة بدوخ تخيلة هو بئة يا حبيبي هيكون عامل ازاى

وكمان عايزة اسألكم عن التطعيم هو هيتم الشهرين يوم الحد هو تطعيم اية دة وبيسخن ولا لا وكمان بيكون اية حقن ولا نقط

وكمان يابنات ياااااااااااااااااااريت تقلولي على اماكن بيع شنط احط فيها هدوم ادومة وحاجاتة وانا خارجة لحسن جبت واحدة من التوحيد والنور هي يوم والتانى لاقيتها اتقطعت

انا جبت شنطة جوجو من حرية مول من محل دباديبو وشفتها بعد كده في محلات تانية، وفي الصياد ولفلي وهالة، والتطعيم بيبقي نقط في البق بتاعة الشلل وحقنة او اتنين بقي حسب هما هايدمجوهم مع بعض ولا كل واحدة لوحدها، واللبن بيقعد ساعتين بره التلاجة في جو معتدل و8 ساعات في التلاجة وبلاش الفريزر خالص.

رجائي رضا ربــــي;13390969:
ازيك يا ياسمينا ... لبن الأم بيفضل 8 ساعات بدرجة حرارة الغرفة 25 درجة مئوية يعنى لو فيه تكييف أفضل وفى الثلاجة 3 أيام جواها مش فى الباب
وفى الفريزر 6 شهور ... الكلام دا قريته من كتب خدتها من مستشفى هنا فى دبى

بقيت الأسئلة البنات يفيدوكي... وربنا يباركلك فى أدم يارب

بس يا جميلة اللبن كده كتير اوي اوي بره التلاجة وبيبوظ ويقتطع وده عن تجربة، استحالة يقعد 8 ساعات، طيب ازاي وهو فعلا بيقطع او يفصل وكنت بشغل التكييف عالطول

كتكوتة ...انا لما بحطه فى التلاجة بيعمل وش كدا دا الدسم بتاعه فبرجه لكن انا نقلت الكلام من الكتاب وسألت كتير وهما متأكدين من كلامهم
بس انا مش بسيبه الفترة دى يعنى ساعة بالكتير وربنا يحمى ولادنا يارب

حلو اوى مشروعك يا كتكت ربنا يوفقك

المفروض بشفط اللبن امتى يعنى انا برضعها تقريبا كل ساعه ونص او ساعتين

رجائي رضا ربــــي;13398262:
كتكوتة ...انا لما بحطه فى التلاجة بيعمل وش كدا دا الدسم بتاعه فبرجه لكن انا نقلت الكلام من الكتاب وسألت كتير وهما متأكدين من كلامهم
بس انا مش بسيبه الفترة دى يعنى ساعة بالكتير وربنا يحمى ولادنا يارب

تمام يا جميلة انا بس استغربت لأن كذا حد هنا كان حصل معاه بالصدفة ولقي اللبن فصل بس كان قصدي لو بره التلاجة، بس التلاجة امان الحمدلله

monyfofo;13398515:
حلو اوى مشروعك يا كتكت ربنا يوفقك

المفروض بشفط اللبن امتى يعنى انا برضعها تقريبا كل ساعه ونص او ساعتين

طيب انتي عايزة تشفطي ليه يا موني؟؟؟

عشان ساعات بخرج ومش بلحق ارجع بدرى كنت عاوزه اخد معايا بدل الاعشاب

موني خليكي في الاعشاب احسن البنات بتقول اللبن بيقطع بره الثلاجه


بنات انا بكره الاربعين بتاعي ان شاء الله ممكن اعرف اتطهر في اول اليوم ولا اخره

البيبي سالين بقي لما بحطه لحلا مش بيخيها تعطس و بتبلعه طب كده هينظف مراخيرها ازاي

صحيح يا بنات هي النبلز بتاعه ايفنت بتتباع اتنين مع بعض طيب بيبقوا نفس المقاس

نيمو أظن فى الأربعين تطهري فى أى وقت انا عملت كدا
انا جبت نقط للأنف من هنا اسمها بيسال لما بحطها لعيسى مش بيعطس لكن بلاقى مناخيره بيطلع منها حاجات وبنضفها
والنيبلز بتاع افنت بيكونو نفس المقاس



بنات حد جرب ببرونة بيجون الزجاج ؟

رجائي رضا ربــــي;13401550:
نيمو أظن فى الأربعين تطهري فى أى وقت انا عملت كدا
انا جبت نقط للأنف من هنا اسمها بيسال لما بحطها لعيسى مش بيعطس لكن بلاقى مناخيره بيطلع منها حاجات وبنضفها
والنيبلز بتاع افنت بيكونو نفس المقاس



بنات حد جرب ببرونة بيجون الزجاج ؟

انا بستعمل التنين الزجاج والبلاستيك
انا الوحيده ال بستعمل بايجون هههه

نيمو الطهارة مش شرط فى الاربعين ممكن قبله او بعده عادى لما الدم يقف
وروحى للدكتور عشان الوسيلة
ونيبلز افنت بيبقوا الاتنين نفس المقاس ب٣٩ تقريبا

*pippo*;13401712:
نيمو الطهارة مش شرط فى الاربعين ممكن قبله او بعده عادى لما الدم يقف
وروحى للدكتور عشان الوسيلة
ونيبلز افنت بيبقوا الاتنين نفس المقاس ب٣٩ تقريبا

فعلا بعد الاربعين او قبل كده
بيبو بتغيروا النبلز كل اد ايه