استفسارات وتساؤلات الامهات عن كل شئ (الجزء الرابع)

MOMO'S MUM;13349656:
لا يا نيمو مش قليل ده المفروض 150 ملل كمان دا انتي لسه في الاول يعني البيبي صغير المفروض لبنك يكون مكفيه كمان

ههههههههههههههههههههههه ما شاء الله

ده انا ماما بهدلتني قعدت تقولي انتي مبتسمعيش الكلام انا عماله اقولك لبنك قليل مش بيشبعالبنت و انتي مصممه تعذبيها و بتقعد تديها صناعي من ورايا

monyfofo;13350213:
انا عندىالبريست اليمين فيه حته جامده كده كنت اعدت يوم مش رضعت منه عشان كان بيوجعنى
دى هتروح مع الرضاعه ولا لا

ادهنيه يا موني اي كريم بتاع تشققات و ابدئي رضعي من بسرعه عشان ميتعبكيش

CuTie KaTkOoTa;13351266:
:lol::lol::lol::lol: صح مش كده بردو



لأ مش تهييس فعلا، بصي انا مش فاكرة بالظبط المشكلة التفاصيل بتاعة الدكتور الاولاني، بس اللي فكراه اني شفطت مرة كانوا 70 ومرة كانوا 80 وكان علي فكرة اغلبهم من بريست واحد وبكمل من التاني لأن كان دايما عندي واحد بينزل اكتر زي ميكو كده، المهم ولاما جمعتهم علي بعض وبعدين قسمتهم علي اتنين بقي ادوني النسبة الكويسة اللي هي ساعتها مكنتش هحتاج لبن صناعي اضافي

تسلمي يا كتكوته يا قمر

sally2007;13352373:
ازيكم ياقمرات واحشنى قوى بجد
كنت ليا استفسارات كده لو سمحتم
اولا عاوزة اعرف ساتر الرضاعه اجيبة منين يعنى بيتباع فى محلات ايه وبكام وهل هو كويس ولا لا

وكمان ابنى بجد مش بينام بليل نهائى يعنى مثال امبارح صحى 12ونص بليل فضل صاحى لحد السشاعه 11 ونص الصبح من غير ماينام وانا بجد مش قادرة

والسؤال ده مهم قوى ادهم بقاله 4 ايام مش بيعمل حمام تقيل كيكى يعنى خالص فاادتله لبوس اسمه لبوس جلسرين فبعدها بساعه كده قام عامل حمام فقلولى اعمل ايه دلوقتى مش بيعمل غير لما بديلة لبوس
ربنا يخليكم اللى يعرف رد لاى سؤال يقولى

انا سالت الدكتوره يا سالي

قالتلي اديله لبوسه لو قعد 3 ايام معملش و اعمل يانسون مركز اديله منه من 60 ل 90 ميللي مرتين في اليوم

monyfofo;13357814:
المفروض النهارده اخر يوم فى النفاس بس لسه فيه دم اعمل ايه

انا مش عارفه استعمل الشفاط العادى ده خالص بالكتير بعرف انزل نقطتين هههههه

مونيجربي تشفطي تاني

بصي انتي حطي النيلز بتاعتك في السنتر بتاع الشفاط لازم عشان ينزل اللبن

dandona we bas;13357833:
انا دلوقتي ابنه بقاله يومين معلمش كيكي و بيعيط لم بيجي يحاول يعمل يا حبيبي مش عارفة اعمله ايه حد يعرف الدكتور كان قيلي على نوع لبن اسمه ابتاميل كمفرت حد جربه قبل كده

تقريبا كل البيبيز في السن ده كده لان انا و انتي و سالي و موني و رجائي كلنا البيبيز بتاعتنا سن واحد و الكل بيشتكي من كده

رجائي رضا ربــــي;13358757:
ازيكم يا بنات انا كنت داخله اسال عن الامساك لقيت معظمكم بيشتكى من كدا طيب .. عيسى كان بيعملها عادى خالص وكنت بديله صناعى بقاله كام يوم عنده امساك بس لما بلاقيه بيحمر خالص ويعيط بجيب عود قطن بفازلين وبدهنه من تحت بيعملها اللى انا بعمله دا غلط ؟ بس بيصعب عليا كمان من المغص طيب ولو اديتله شاى الأعشاب ممكن يعمل نتيجة ؟

جربي اليانسون حلا قعدت 3 ايام معملتش اديتها اللبوسه عملت

بعد كده بقيت بشربها اليانسون لقيتها رجعت تاني تعمل كل يومين

monyfofo;13358790:
طيب انا اللى عندى امساك فظيع من بعد الولاده اعمل فيه ايه انا كنت باخد ملينات بس خايفه تكون غلط كل شويه اخدها كده

موني لو بتاخدي فيتامين حديد وقفيه شويه

Hypercool;13363664:
اختي دندونه ,,, حليب ابتاميل كمفرت من ميلوبا ,,, ممتاز
ابني كنت استخدم له حليب بيبيلاك سبب له غازات رهيبه ,, بعدين سألت الدكتور وصف لي ابتاميل كمفرت قال عشان اللي يعانون من غازات وهو احدث حليب انتجته ميلوبا ,, والحمدلله ابني مرتاح عليه

طيب ده موجود في مصر

حلا عندها غازات فظيعه هههههههههههه

m@hy;13364325:
ادعوا لمحمد بالله عليكو
تعبان جدا عندة دور برد رهيب و حرارة عالية
و بياخد ادوية اد كدا مخلياة مرمى مش بتحرك زى الاول
ربنا يشفية

ربنا يشفيه يا ماهي و يعفي عنه

انشاء الله خير متقلقيش بس تابعي الحراره بانتظام

عروسة نعومة;13368476:
مريلة الرضاعة يا بناويت عن نفسي جبتها و بحبها ساعات في العربية أو في الخروج في مطعم مثلا قرفت ارضع في الحمام لبستها و رحت مكان منعزل و فاضي شوية و اديت للناس ضهري و رضعته و لما كنا على البلاج مفيش مكان منعزل لبستها و رضعته وسط الناس هاعمل ايه يعني في الأول كنت مكسوفة بس اتعودت و في السفر برضه في الاتوبيس فيه ناس بتصرف نفسها من تحت الهدوم او بطرحة بس انا باحس المريلة اريح بس ساعات النونو بيستغربها .. انا جبتها من لافلي ب58 تقريبا من سنة و اختي لسه جايباها ب 75 بس بيجيلهم ارخص كل شوية

طيب من فضلك قوليلي هي عمليه عن انك تغطي نفسك بكوفرته البيبي او شال او كده

اصلي بتلخم و مبعرفش و كمان بخاف علي نفس البنت

السلام عليكم أمهات عرووس :)

اولا مبروووكـ ع الجزء الرابع و الله يعطيكم العافيه ..

عندي سؤال و اتمنى تفيدووني فيه ..

(( بنتـــي راح تكمل السنتيـن بعد شهر // و حابه اعلمها ع الحمام " عزكم الله " // اشتريت لها " كسريه " << ما اعرف باقي الدول شو تسمونها بس هو كرسي الحمام لتعليم الاطفال فيه // بس مب عافه كيف اجذبها عليه و كيف اعلمها ؟؟ ))


انتظر مساعدتكم ..

سؤالين بقي

انا عاوزه رد يريح قلبي كده هههههههههههههههههههه

مريله الرضاعه حد يقولي تجربته معاها و البيبي بيعرف يتنفس ولا بتكتم عليه كده زي الشال او الكوفرته


الكارير بتاع شيكو اللي فيه الدعامه بتاعه الظهر هي الدعامه ديه لظهر البيي ولا الام و هل فعلا فارقهالدعامه ولا اجيب اي حاجه و خلاص

انا سمعت الدكتور فى التى فى بيقول لو البيبى مش بيقشط يبقى مش شبعان
صح الكلام ده ؟؟؟يعنى لازم بعد كل رضاعه تقشط

كمان رحت النهارده الصحه اسال على تطعيم الروتا قالولى مفيش هى بتاخد تطعيم لما يبقى عندها شهرين مفيش تطعيم ل شهر ونص

والله يا موني انا سمعت دكتور مدحت بيقول علي التكريع مش القشط بس لما سألت كذا دكتور قالي ملهوش علاقه مش عارفه بقي الصراحه

nemonamanemo;13368962:





حلا عندها غازات فظيعه هههههههههههه

نيمو الغازات عاوزة النوم على البطن شويه وتدليكلها ضهرها بالراحه كده اخر ضهرها دي انا شفتها في البرامج بتاع الدكتور اللي بيجي على المحور كان فيلم تسجيلي اجنبي

كمان مشفتش حد اتكلم عن ماء غريب ده حلو اوي مع محمد ابني بس هاتوا المستورد لان المصري سئ جدا وملوش لازمه ..المستورد اولا مهدئ بيخليهم يناموا وبيخرج الغازات وسعره حوالي 40

&#9643;&#9642;&#9702; سَآسٍيِ آ&#1717;ْ&#1677;&#1717;عْ &#9643;&#9642;&#9702;;13369276:
السلام عليكم أمهات عرووس :)

اولا مبروووكـ ع الجزء الرابع و الله يعطيكم العافيه ..

عندي سؤال و اتمنى تفيدووني فيه ..

(( بنتـــي راح تكمل السنتيـن بعد شهر // و حابه اعلمها ع الحمام " عزكم الله " // اشتريت لها " كسريه " << ما اعرف باقي الدول شو تسمونها بس هو كرسي الحمام لتعليم الاطفال فيه // بس مب عافه كيف اجذبها عليه و كيف اعلمها ؟؟ ))


انتظر مساعدتكم ..

في مواضيع كتير في القسم ده ياقمر عن الموضوع ده بس اكتر طريقة عجبتني ان لو بنوتك عندها عروسه او دبدوب تستخدميه يعني تقوليلها تعالي علمي دبدوب ازاي يعمل بي بي وتخليها تاخد دور المعلمه يعني وكمان تاخديها معاكي الحمام عشان تشوف وتعرف , كمان تعرفيها لو عملت على نفسيها ان ده حاجه وحشه وان ريحتها بتبقى وحشه ويع وكده يعني بس منغير ماتضربي عشان هي متعاندش

nemonamanemo;13369523:
سؤالين بقي

انا عاوزه رد يريح قلبي كده هههههههههههههههههههه

مريله الرضاعه حد يقولي تجربته معاها و البيبي بيعرف يتنفس ولا بتكتم عليه كده زي الشال او الكوفرته


الكارير بتاع شيكو اللي فيه الدعامه بتاعه الظهر هي الدعامه ديه لظهر البيي ولا الام و هل فعلا فارقهالدعامه ولا اجيب اي حاجه و خلاص

مريلة الرضاعه معرفش , انما الكارير بتاعت شيكو انا جايباها وهقولك مميزاتها وعيوبها
مميزاتها انها فعلا مريحه للظهر والدعامات دي لظهر الام و التقل المفروض بيكون متوزع على جسمك من فوق كله مش على الكتف بس او على الظهر بس

الميزة التانيه انها حمايه اوي ماشاء الله لبيبي بيبقى متحاوط لضهره كويس ومن جمب وشه كأنه قاعد في كرسي كده ودي اكتر حاجه حلوة فيها

عيوبها بقى اولا ضخمه مناسبه اكتر للاجانب لان لبسهم خفيف مش محشيين هدوم زينا ولا الطرحه نازله على صدرهم ولخماهم ..عيبها التاني بتفصل الجسم شويه , العيب التالت انها برضه تقيله

لكن زي ماقلتلك ماشاء الله البيبي متأمن كأنه في كار سيت متنقل

monyfofo;13369567:
انا سمعت الدكتور فى التى فى بيقول لو البيبى مش بيقشط يبقى مش شبعان
صح الكلام ده ؟؟؟يعنى لازم بعد كل رضاعه تقشط

كمان رحت النهارده الصحه اسال على تطعيم الروتا قالولى مفيش هى بتاخد تطعيم لما يبقى عندها شهرين مفيش تطعيم ل شهر ونص

تطعيم الروتا في المصل واللقاح مش الصحه ياقمر وهو فعلا من شهرين

دي الشيالة بتاعتي ياقمر

المصل واللقاح فين يا هوبى يعنى اروح فين ؟

المغص اكتر حاجه ريحت محمد ابني وكان بياخد لبن صناعي كان الاكوافيرا بجد جميل والله
غير كده بيالنسبه لمريله الرضاعه والحوارات دي متجيبواا خماب تاع الصلاه النص ده وساعه الرضاعه تلبسيه من فوق بيكون مبحبح ويعرف يتنفس منه عادي مش لازم يعني المريله دي

انا بردو بنتي بتريل و بيجيلها الم كدة تقريبا بتاع التسنين لانها بتقفل بقها و تضم شفايفها جامد و هى بتأن كدة .. هما المفروض بيتشق اول سن او يبان يعنى من امتى و بيبقوا كام سن؟؟؟

موني للاسف مش عارفه مكانه بالضبط لاني بطعم ابني عند الدكتور بتاعه بس ممكن تتصلي بالدليل وتعرفي العنوان ونمرة التليفون

Hypercool;13363664:
اختي دندونه ,,, حليب ابتاميل كمفرت من ميلوبا ,,, ممتاز
ابني كنت استخدم له حليب بيبيلاك سبب له غازات رهيبه ,, بعدين سألت الدكتور وصف لي ابتاميل كمفرت قال عشان اللي يعانون من غازات وهو احدث حليب انتجته ميلوبا ,, والحمدلله ابني مرتاح عليه

طيب و اخبار الوزن بتاعه ايه يعني بيخلي البيبي يتخن و يبقى وزنه كويس لأني حاساه خفيف اوي مش عارفة ليه و هل يتديله منه على طول و لا بس لما بيكون عنده غازات

m@hy;13364325:
ادعوا لمحمد بالله عليكو
تعبان جدا عندة دور برد رهيب و حرارة عالية
و بياخد ادوية اد كدا مخلياة مرمى مش بتحرك زى الاول
ربنا يشفية

الف سلامة عليك يا دودو ان شاء الله يبقي كويس يا ماهي

miko85;13365550:
سلامته محمد ياماهي خدي بالك منه وربنا يشفيه يااارب
كتكوته بقولك البافتات ال جبتيه ال هي ظهرها مشمع ولا ظهرها فوطه
وهل بتفصلي بين فاتات الاكل والتريل هههههه

اه الليس ضهرها مشمع لازم التانية دي لما بتتبل بردو بتبل الهدوم اللي وراها، وهي بافتة واحدة لكل الاستخدامات :lol::lol::lol::lol: انا هلبسها واحدة ساعة الاكل وارجع اقلعها والسها واحدة للترييل باقي اليوم :lol::lol::lol: بسيبها لما تجيب اخرها بس ده في البيت بس يعني لما الاقيها اتوسخت كده او لونها اتغير مش بستني طبعا بقوم مغيراها بواحدة تانية، وكنت مخلية مجموعة كده للبهدلة في البيت غير بتوع الخروج شكلهم اشيك شوية وانضف.

sweetylolla85;13367254:
كتكت انا احتمال اروح انهارده او بكره او بالكتير بعدو ان شاء الله هابقي ااقولك علي الاخبار
هي مستوره دي اللي في ميدان سفير هما عندهم لبس بيبيهات ؟
طيب ورينج اسعارهم ايه؟
علي فكره انا سالت قبل كده في الصحه اخر معاد ايه قالولي متتاخريش عن 12 عشان التطعيم بيخلص ودي كانت الصحه اللي في ابراهيم عبد الرازق
ماهي الف سلامه علي دودو ربنا يشفيه ويعافيه يارب اللهم امين

اوكي يا لولا تسلمي، هو دايما اه يفضل نروح من بدري، يعني كل ما الكمهم قبلها يقولولي تعالي دلوقتي احنا قاعدين وبتبقي علي 10 الصبح او 11 مثلا، بس انا بقول علي مواعيدهم بصفة عامة، انتي فعلا الصحة دي قريبة منك خالص، انا بقي كنت فاكرة اني هتعامل مع نفس الصحة بردو بس اكتشفت بعد الولادة ان في واحدة جنب البيت عالطول اصلا :D:D:D بتاعة تنظيم الاسرة دي، مستورة ده في روكسي وفي جنينة مول، بتاع سفير ده قصدك رسمية انتي اتلخبطي اكيد صح، الاسعار لسه مدخلتوش بقي فمعرفش بس الحاجات كميلة اوي من بره، بقولك ايه سؤال بره المواضيع دي في بنوتة في التجهيزات بتسأل عن شقة ايجار تكون في حدود 500 او 600 بالكتير اوي وكاتبة كذا منطقة منهم عين شمس والف مسكن وحتت تانية كتير، انا نفسي اساعدها بس معرفش خالص اسعار الايجار هنا كام دلوقتي، انا بعرف في التمليك شوية والايجار بقي كان من كام سنة كتير كنت عارفة اه، بس شوفي كده لو تعرفي حاجة ابعتيلي عشان اقولها جنبك مثلا او اي حاجة.

sweetyronaaa;13367498:
ماهي الف سلامه على محمد ربنا يشفيه و يعافيه

بنات حد منكم جرب مريله الرضاعه و هي مهمه و لا ملهاش لازمه
و كمان سفنجه البانيو مهمه و لا لأ

السفنجة انا مجبتهاش ومش هجيبها لأني لسه لغاية دلوقتي مستخدمتش البانيو ومأجلاه ان شاء الله لما تكون بتقعد لوحدها وماسكة نفسها كويس احطها فيه ودلوقتي كله علي الحوض وعلي دراعي فمش لازم خالص.

monyfofo;13369567:
انا سمعت الدكتور فى التى فى بيقول لو البيبى مش بيقشط يبقى مش شبعان
صح الكلام ده ؟؟؟يعنى لازم بعد كل رضاعه تقشط

كمان رحت النهارده الصحه اسال على تطعيم الروتا قالولى مفيش هى بتاخد تطعيم لما يبقى عندها شهرين مفيش تطعيم ل شهر ونص

المصل واللقاع في الدقي وله فرع تاني في عبد الحميد بدوي قدام نادي الشمس، وفي الانفلونزا البكتيرية كمان وهي بتبقي 3 جرعات وعلي فكرة دي اهم كمان من الروتا او مهمة زيها يعني لو انتي هتطعمي التطعيمات الخارجية كمان او اسألي الدكتور بتاعها بردو.

sweet_toota;13369986:
انا بردو بنتي بتريل و بيجيلها الم كدة تقريبا بتاع التسنين لانها بتقفل بقها و تضم شفايفها جامد و هى بتأن كدة .. هما المفروض بيتشق اول سن او يبان يعنى من امتى و بيبقوا كام سن؟؟؟

بتختلف من بيبي للتاني بس اول سنة بتطلع تحت اللي في النص دي واللي جنبها بردو وراها وبعدين اللي في النص فوق وكده بقي، وكده فعلا ممكن تكون بتستعد تشق، والناس الكبار اهالينا يعني دايما بيقولوا ان اللي بيسنن الاول بيتأخر غالبا في المشي او الحبو والعكس بردو عشان بيبقي مجهود عليهم كبير فغالبا مش بيحصوا مع بعض إلا نادر، انا جوجو بقي ابتدت بالتسنين الحمدلله

monyfofo;13369567:
انا سمعت الدكتور فى التى فى بيقول لو البيبى مش بيقشط يبقى مش شبعان
صح الكلام ده ؟؟؟يعنى لازم بعد كل رضاعه تقشط

كمان رحت النهارده الصحه اسال على تطعيم الروتا قالولى مفيش هى بتاخد تطعيم لما يبقى عندها شهرين مفيش تطعيم ل شهر ونص

اه انا سمعت الزيات وهو بيقول الكلام ده بس انا مش مقتنعة نهائيا بيه
فى اطفال ما شاء الله مش بيقشطوا نهائيا ومع ذلك وزنهم بيزيد كويس وبيكبروا كويس
الوزن هو مقياس الشبع

وكمان القشط لما بيزيد قوى بيبقى حالة فسيولوجية عندهم بتتحسن لما يكبروا شوية
والقشط اصلا حاجة طبيعية لو حصلت عشان الصمام اللى على المعدة بيبقى لسة ماكتملش نموه فمش بيقدر يمنع الاكل من انه يرجع من المرئ تانى

تطعيم الروتا فى المصل واللقاح ليه فرعين
واحد فى الدقى فى شارع البطل أحمد عبد العزيز قدام معرض الشمس
والتانى فى عبد الحميد بدوى قدام نادى الشمس فى مصر الجديدة

وتطعيم الروتا من اول شهر ونص وطالع المهم انك تخلصى الجرعات بتاعته قبل 6 شهور

nemonamanemo;13369523:
سؤالين بقي

انا عاوزه رد يريح قلبي كده هههههههههههههههههههه

مريله الرضاعه حد يقولي تجربته معاها و البيبي بيعرف يتنفس ولا بتكتم عليه كده زي الشال او الكوفرته


الكارير بتاع شيكو اللي فيه الدعامه بتاعه الظهر هي الدعامه ديه لظهر البيي ولا الام و هل فعلا فارقهالدعامه ولا اجيب اي حاجه و خلاص

انا بحس برضه ان مريلة الرضاعة دى حاجة كويسة وانتى فى العربية مع جوزو او فى البيت قدام اخواتك مثلا دى هتبقى كويسة
انا كنت عايزة اجيبها لانى بتلخم جدااااا بالشال والحاجات دى مش بعرف اتعامل وكمان اوقات كنت ببقى مجبرة ارضع قدام حد مثلا بس انا مالقيتهاش وكده كده هى بطلت ترضع اصلا :(

هو احنا امتى نبطل نغلى المياه قبل مايشربوا؟؟؟؟؟؟؟؟؟

nemonamanemo;13368962:

انا سالت الدكتوره يا سالي

قالتلي اديله لبوسه لو قعد 3 ايام معملش و اعمل يانسون مركز اديله منه من 60 ل 90 ميللي مرتين في اليوم
جربي اليانسون حلا قعدت 3 ايام معملتش اديتها اللبوسه عملت
بعد كده بقيت بشربها اليانسون لقيتها رجعت تاني تعمل كل يومين

ربنا يكرمك ياررررررب ياقمر ويخليلك حلا يارب بس ليا سؤال يعنى ايه ينسون مركز مش بحط ماية واسيبة يغلى صح ولا ايه

m@hy;13364325:
ادعوا لمحمد بالله عليكو
تعبان جدا عندة دور برد رهيب و حرارة عالية
و بياخد ادوية اد كدا مخلياة مرمى مش بتحرك زى الاول
ربنا يشفية

ربنا يارب يشفية ويعافية يارررررررب والله ادهم عنده برده برد وسخونية تقريبا الاطفال من تغير الجو حصلهم كده ربنا يشفيهم جميعا يارب ويخليلك ابنك يارب

m@hy;13364459:
صحيح جبت الركب بتاعت فارلين
من فرع فارلين اللى عندنا ب 26 جنية
عندهم حجات جميلة شوزات و كل حاجة

هى الركب ده عشان الاطفال اللى بتحبى ولا ايه ؟

sweetyronaaa;13367498:
ماهي الف سلامه على محمد ربنا يشفيه و يعافيه

بنات حد منكم جرب مريله الرضاعه و هي مهمه و لا ملهاش لازمه
و كمان سفنجه البانيو مهمه و لا لأ

الاسفنجة انا بحمى بيها دومى ياسويتى وهى حلوة زى ماانتى بتخدى شاور بليفة هو كمان لازم يكون ليه ليفة ولا احنا هنكروتهم عشان نونة ههههههههههههههه

بناااات ادعوا ليوسف وقع امبااارح من على كنبة الانتريه على وشه والتتينه كانت في بقه مش عايزة اقولكوا قلبي وجعنى علييه ازااى والخضه اللى اتخضيتها ونزل من بقه دم كتير ودته للدكتور قاللي ان الجلده دى اللى بن الشفه واللثه اتقطعت بس بيقوللى عادى ملهاش تاثر علليه بس انا خافه اوى عليه وخايفه تاثر عله وكماان انا حاسه انه بقى ينام اكتر من الاول انا خاايفه اوى عليه حبيب قلبي

sally2007;13372471:

هى الركب ده عشان الاطفال اللى بتحبى ولا ايه ؟

الاسفنجة انا بحمى بيها دومى ياسويتى وهى حلوة زى ماانتى بتخدى شاور بليفة هو كمان لازم يكون ليه ليفة ولا احنا هنكروتهم عشان نونة ههههههههههههههه

اه للحبو والزحف، بس السفنجة اللي بتقول عليها يا سالي مش اللي بترغي بيها وزي الليفة لأ، دي قصدها السفنجة اللي بتتحط جوا البانيو عشان تنيمي البيبي عليها عشان ميتحلقش منك وبتبقي واخدة شكل جسمه كده وبتبقي ب 40 او 45 جنيه

بنت من الزمن ده;13373520:
بناااات ادعوا ليوسف وقع امبااارح من على كنبة الانتريه على وشه والتتينه كانت في بقه مش عايزة اقولكوا قلبي وجعنى علييه ازااى والخضه اللى اتخضيتها ونزل من بقه دم كتير ودته للدكتور قاللي ان الجلده دى اللى بن الشفه واللثه اتقطعت بس بيقوللى عادى ملهاش تاثر علليه بس انا خافه اوى عليه وخايفه تاثر عله وكماان انا حاسه انه بقى ينام اكتر من الاول انا خاايفه اوى عليه حبيب قلبي

:-o:-o:-o:-o:-o الف سلامة عليه وان شاء الله تلحم تاني يا روحي معلش وهدي اعصابك انتي بس وحاولي متتوتريش كتير معلش