17 مرة نقول يا تري بتعملي الأكله دي ازاي ؟ ( مبدعات مصر القمرات ) شهر شوال

انهرده عيد ميلاد هادي اخويا الصغنوووووووووون
اخويا اشترى جاتوه وانا هاعمله حاجة حلوة كده تورتة التمر بتاعة هند
بس المناسبة هتبقى بالليل قوي
عشان ماما وبابا وهادي في مشوار قولت اعمل الموضوع ده مفاجأة عبال ما يجيو
هما مش في بالهم :D

Boody we zady;13139852:
مين القمر اللي طلبت أكل سويسري؟؟؟؟؟؟؟؟؟؟؟؟

اكتبي يا جميل الجمله دي اعملي كوبي و بيست swiss food recipes و حتلاقي حاجات ياما يللا ورينا شطارتك هههههههههههه

:thumbs_up::thumbs_up::thumbs_up::thumbs_up::thumbs_up:
ربنا يكرمك يا ام بوووووووودى ويارب اعمل حاجه منهم تعجب جوزى بدل مهو طالع باكل ابن عمو السما كدا :worn_out:

00000000000000000000000000000

كل سنه وكل حد فيكو عنده عيد ميلاد حد قريبه طيب وبخير وسعاده وربنا يفرحكم كلكو يارب

عايزة اعرف طريقة الكب كيك؟؟؟
وطريقة الحواوشى اسوى اللحمه المفرومه ولا احطها نيه

كل سنة و هو طيب يا نوووووووووووووووور عقبال ما يكبر و يطلع عينيكم هههههههههههههه

ياريت يا جماعه حد يقول سلطه الفاصوليا البيضاء والحمص

ليه سلطة الفاصوليا البيضا دي و الحمص؟

كريزى جبتلك الاكله دى سويسرى

بتلو علي طريقة السويسرية

المكونات

500جرام شرائح بتلو

50جرام بصل

100جرام مشروم

1كوب كريمة لباني

1ملعقة دقيق

50جرام زبده

ملح فلفل اسود طازج

طريقة التحضير

تتبل شرائح اللحم المقطعة علي هيئة شرائح شرايط بالدقيق والملح والفلفل الأسود ثم تشوح مع البصل المفروم حتى يمتزجا جميعا يتم ثلاث أرباع سواهم ثم يطرح معهم المشروم +الكريمة الباني لمدة ثلاث دقائق وتقدم مع المكرونة النوديلز مع البقدونس والثوم علي الوش

laloolao;13172665:
عايزة اعرف طريقة الكب كيك؟؟؟
وطريقة الحواوشى اسوى اللحمه المفرومه ولا احطها نيه

http://forums.3roos.com/showthread.php?t=523019
:):)شوفى كده

بيرق أمل;13171435:
انهرده عيد ميلاد هادي اخويا الصغنوووووووووون
اخويا اشترى جاتوه وانا هاعمله حاجة حلوة كده تورتة التمر بتاعة هند
بس المناسبة هتبقى بالليل قوي
عشان ماما وبابا وهادي في مشوار قولت اعمل الموضوع ده مفاجأة عبال ما يجيو
هما مش في بالهم :D

كل سنة وهادي طيب يا نور وعقبال مليون سنة F:F:

crazy ananas;13173089:
ياريت يا جماعه حد يقول سلطه الفاصوليا البيضاء والحمص

الاتنين نفس الطريقة يا انوسة
انقعي الفاصوليا او الحمص من قبلها بيوم
وتاني يوم صفيها وغيري المية واسلقيها في مية وملح لغاية ماتستوي خالص
طلعيها صفيها وقطعي عليها مكعبات صغنونة خالص طماطم وفلفل اخضر والوان وبصل وقطعي شبت وبقدونس صغير
والدريسينج ليمون وخل وملح وفلفل اسود بسيط وكمون وزيت بس وحطيها في التلاجة شوية قبل التقديم

Boody we zady;13172678:
كل سنة و هو طيب يا نوووووووووووووووور عقبال ما يكبر و يطلع عينيكم هههههههههههههه

الله يبارك فيكي يا قلبي يااااااااااااارب
هو مطلع عينا من دلوقتي ههههههههههههههه

sosiii-cat;13173898:
كل سنة وهادي طيب يا نور وعقبال مليون سنة F:F:

الله يبارك فيكي يا روحي يارب ويارب تفرحي بنورين عروسة قد الدنياااااااااا F:

زدنى;13163283:
نانى فيبس وحشتينا اوى تعالى شاركى بقه
فين صور اكلك الجميل
مستنيين

يابنات مش كفتة البطاطس دى بنعصج لحمه ونهرسها مع البطاطس ونكورها كده ونبططها وبيض وبقسماط ونقلى انا باعملها كده
اخر مره فكت منى معرفش ليه عشان كترت بصل فى المفروم باين

انتوا والله وحشتوني اكتر كلكوا بس معلش لسه مش مظبطة ومش في مود المطبخ من السفر وكدة لاني سافرت مرتين في شهر رمضان

أم يـاسـيـن العسل;13169869:
انهارده عامله مكرونه بالبشاميل وكفته وطحينه ومخلل وشكرا

والحلو تورته عملتها بمناسبةعيد ميلاد جوزوموزو

فين صورة التورته وكل سنه وانتي طيبه

والله انا كمان نفسي هفاني على عمايل تورته هههههههههههههه تقريبا عدوة التورته هتبدأ في الموضوع تاني

laloolao;13172665:
عايزة اعرف طريقة الكب كيك؟؟؟
وطريقة الحواوشى اسوى اللحمه المفرومه ولا احطها نيه

اللحمة نيه بتبقى احلى بكتير وبيبقى حواوشي اصلا لكن المستويه دي عمري ما جربتها وحاسه كدة انه هيبقى سندوتش لحمة معصجة ملوش علاقة بالحواوشي

بسبسسسسسسسسسس

ممكن لو سمحتي يا بسبس لما تيجي تقوليلي بتعملي الوافل ازاي من غير الماكينة بتاعته ؟؟؟؟؟؟؟؟؟

بنات انا مطلعة صدور فراخ اقترحوا عليا ممكن اعملها ايه

bright bride;13175911:
بنات انا مطلعة صدور فراخ اقترحوا عليا ممكن اعملها ايه

برايت شوفي دة

http://forums.3roos.com/showthread.php?t=527445


ودة

http://forums.3roos.com/showthread.php?t=551770



وممكن رولات وتحشيها بسطرمة او لحمة مدخنة لو عندك وجبنة رومي وفلفل اخضر وريحان او ممكن رز بالخلطة
وممكن كوردون بلو
وممكن تقطعيها للشاورما
وممكن تعمليها بالزبادي والزعتر
او ممكن تقليها بانيه
تقطعيها وتعملي بيها نجرسكو اوتحشي بيها جلاش
او ممكن بيكاتا فراخ

انا انهاردة مليش مزاج اطبخ .. بفكر نقضيها فول و جبن و فطاير و بفكر اعمل حواوشي بس يا رب اللحمة تلحق تفك :)

سوسى ميرسى يا قمر على ردك بس غالبا هقضيها بانيه كان نفسى اعمل فراخ اوباما شكلها جامدة بس انا عندى الصدور على بعضها و مش هعرف اقطعها كويس يدوب هقطعها للبانيه

بسبس كل سنة وجوزو طيب ربنا يخليكوا لبعض

بيرق أمل;13171435:
انهرده عيد ميلاد هادي اخويا الصغنوووووووووون
اخويا اشترى جاتوه وانا هاعمله حاجة حلوة كده تورتة التمر بتاعة هند
بس المناسبة هتبقى بالليل قوي
عشان ماما وبابا وهادي في مشوار قولت اعمل الموضوع ده مفاجأة عبال ما يجيو
هما مش في بالهم :D

كل سنة وهو طيب ربنا يحميه :)

laloolao;13172665:
عايزة اعرف طريقة الكب كيك؟؟؟
وطريقة الحواوشى اسوى اللحمه المفرومه ولا احطها نيه

لحمة الحواوشى بتبقى نية وهى بتستوى جوة العيش

محبة_الرسول;13170766:
ممكن اقول :o

بصى يا ستى بعد ما تغسلى الفرخة كويس قطعيها 4
مش بحب اطبخها سليمة كده ابدااا

او قطعيها وبعدين اغسليها كويس

وتبليها قبلها بكام ساعة ويبقى احسن لو من بالليل
تتبيلة عادية


وبعدين الحلة اللى انتى هتعملى فيها

قطعى بصلة متوسطة حلقات وشوحيها فى حتة سمنة صغيرة

بعد ما تدبل شوية نزلى عليها الفراخ

وحطى عليها بهارات او ممكن ما تحطيش لوانتى متبلاها من قبلها

ووطى عليها وغطيها شوية
وسيبيهاتنزل مايتها خاالص وتنشف

والبصلة اللى تحت تتحمر شوية

وبعد كده زودى بقى المياة

هتعملك شوربة تحففففففة بجد وبيبقى لونها كده غاامق شوية

طعمها غيرالمسلوووووووووقة خاااااااالص

انا عمرى ما عملت فراخ مسلوقة

والحمد لله بتطلع حلوة اووى بالطريقة دى بجد جربى وادعيلى

المهم سيبيها بقى لحد ما تستوى عادى

وبعد كده طلعيها من الشوربة

وممكن تحمريها فى الفرن تدهنى وشها صلصلة

او تحمريها فى الزيت بالفيجيتاار

وبسس كده

:thumbs_up::thumbs_up::thumbs_up: احنا مش بنسلق الفراخ غير لما نشوحها الاول بتبقى احلى كتير ومش بيبقى فيها ريحة زفارة خاااالص
واوقات بقى مش بنزودها مياه كتير بتبقى يدوب كوباية بتطلع فى الاخر زى اللحمة الكباب كده بتبقى حلوة
وممكن تدهنيها صلصة او طماطم وتدخليها الفرن وشها يحمر:thumbs_up:

sosiii-cat;13175881:
بسبسسسسسسسسسس

ممكن لو سمحتي يا بسبس لما تيجي تقوليلي بتعملي الوافل ازاي من غير الماكينة بتاعته ؟؟؟؟؟؟؟؟؟

بسويه فى طاسه تيفال

انتى عايزه العجينه كمان؟؟؟

bright bride;13175911:
بنات انا مطلعة صدور فراخ اقترحوا عليا ممكن اعملها ايه

اعمليها شيش طاووك :thumbs_up:

laloolao;13172665:
عايزة اعرف طريقة الكب كيك؟؟؟
وطريقة الحواوشى اسوى اللحمه المفرومه ولا احطها نيه

بعمله بلحمه نيه

sosiii-cat;13170403:
كل سنة وهو طيب يا بسبس وربنا يسعدكوا يارب

ربنا يخليكى يارب

Bossy22;13170496:
يا بنات انا جبت فراخ حلال الحمد لله عايزة اعرف بقى خطوات تنضيفها بالتفصيل لانى اول مرة من ساعة الجواز اجيب فراخ بعضمها
وانا مش عايزة اسلقها عايزة طريقة اعملها بيها غير السلق وللاسف معنديش فرن.... اريد حلاااااااا

بصى انتى الاول تقطعيها على 4 اوك وبعدين تمسكى جزء جزء وتدعكيه بملح من جوا وبره وتحت الجلد كدا وتشطفيه وتحطيها فى مايه بخل

وممكن تعمليها صينيه مع بطاطس من غير سلق

ممكن تتبليها وتعمليها ساتيه

ممكن تاخدى الاوراك تعمليها صينيه مع اى خضار كمان

والصدور ممكن تققطعيها وتعملى منها رولات بالرز او تعمليها كوردون بلو وممكن شيش طاووك وممكن تعمليها بانيه عادى مقلى وممكن تعملى فاهيتا

وممكن شاورما فراخ