تجمع الحوامل الجدد ...الولادة بشهر *4* أبريل 2011

انا الحمدلله خلصت اغراض البيبي بس باقيلي سرير البيبي وباخذة هذي اليومين...وبعد اغراض العنايه بالطفل...

احاول اخلص من الحين لان عندي الم ف الحوض غير طبيعي..

عاد قلت احسن اخلص من الحين...

سلامتك فيض الحب و ما تشوفي شر ان شاء الله ...

شوق الم الحوض عندك في مفصل الورك؟؟ انا عندي هذا الالم من بداية الحمل الى الان بس لاني مريحة حالي يروح و ييجي


ما لهم البنات نايمين ما في نشاط و ينكم يا عالم يا كروشات ........على فكرة لاحظوا انه تجمعنا اكسل تجمع على الاطلاق ......:) او هم بيبياتنا اكثر البيبيات نشاطا على الاطلاق خخخخ طمنونا عنكم

يا بنات عندي احساس قوي جدا اني بدي اولد ولادة مبكرة و قاعدة احوس ادور على ابرة اكتمال نمو الرئة ......عقل يجنن و الله ما ادري من وين جايبة هالافكار

قشطة و عسل;14226535:
شوق الم الحوض عندك في مفصل الورك؟؟ انا عندي هذا الالم من بداية الحمل الى الان بس لاني مريحة حالي يروح و ييجي

ايوا حبيبتي ف جانب اليمين اكثر من اليسار ...

وانا بعد ما اتب نفسي بس يالمني لما اتحرك او انام واجي اتحرك ع جهه معينة ع طول يالمني...

الله يعين بس:D

شوق بلا حدود;14227874:
ايوا حبيبتي ف جانب اليمين اكثر من اليسار ...

وانا بعد ما اتب نفسي بس يالمني لما اتحرك او انام واجي اتحرك ع جهه معينة ع طول يالمني...

الله يعين بس:D

و انا بعد ضموني معاكم الم موطبيعي في الورك الايمن الحمد لله الحركة بالعزارة
بس الغالب يكون نقص كالسيوم

قشطة و عسل
الله يسلمك
الظاهر اللي فيني انفلونزا +تسمم <<كني ناقصة الحمد لله
ووزني نقص 2 كيلو هاليومين
لكن ان شاء الله تتعوض

و بعدين وش هالافكار الغريبة اللي عندك
من جد احيانا الانسان يفكر بافكار بس لاتتفاولين على نفسك و يسمع البيبي كلامك و ينزل مع انه شكله ماشاء الله مستعد
بس الولادة المبكرة تعب لك و للجنين اختي جابت بنتها على 6اشهر و اسبوعين جلست فترة في الحضانه والام نفسيتها تعبت والدة و بدون بيبي تحزن بس الحمد لله خرجت بعد 3 اسابيع من الحضانه
والحين بنتها عروسة و الله يحفظها حركة
بس التجربة اللي مرت فيها تقول من جد مؤلمة
الله يتمم لك حملك على خير ان شاء الله

راوية
افنت مراضعهم مرة حلوة و اقرب شي لصدر الام انا جربتها في بناتي كلهم كانت مريحة وما تدخل هواء كثير مع الرضاعة
بالنسبة للعناية الشخصية للبيبي
انا استخدمت مذر كير الشامبو و الصابون السائل و البودرة كانت روعة قليلة فيها لدرجة تقدرين تستغنين عن الدهن او العطر
لكن السنه هذي اشتريتها لبنتي الصغيرة بصراحة مغيرين ريحتها وموو زي اول و يادوب تشمين ريحتها
انا ما قررت ايش اشتري بس غالبا بيجون ريحتها حلوة

بنات اقصد كروشات :063:
بغيت اسألكم ايش تستخدمون عطور لاطفالكم فترة الاربعين
انا استخدم عودة لكن المرة هذي قلت يمكن اغير للمسك بس قالوا لي انه مضر للمواليد ما ادري صح هالمعلومة و لا لا؟

متحممممسه ابا اشووووووووف بنتي


تشبه ااختها او لاااا

الله يسلمهم وان شووفهم بالف صحة وسلامة

انتو تحمسون للسوالف
بس عسيكم بسرعه تنامون
انا بعد احس ان تجمعنا مو بس اكسل تجمع
الا اكثر تجمع ينام وكله تعبان <<<آآآآآآآوت

انا برجع اقراء الصفحه الي وراء
لان امس مادخلت
وبرجع ارد عليكم

رجعت الصفحه الي طافت
نفس اخر رد قريته

يعني مافي شي

المهم
اني زهقت انبي اصير بالشهر الساااابع
والله كل من سالني الحين انتي باي شهر قلت الساابع << اجبر بخاطري
بحسابي انا ؛<<<< على كيفي طبعا
احسب كل تاريخ 8
ادخل شهر جديد لهدا عاده حالي دخلت السابع
بس مدري ليش توقيعي مو راضي يجبر بخاطري ولازم يكمل 26 سبوع و4 ايام وبعدين يصير 7 اشهر :(<<<< زعنانه
بنسبه لي هالشهر قلت مابروح المستشفى الا اخر الشهر
ودي ينوموني عندهم ويولدوني عشان اشوف بنتي <<<< احسها تشبه ابوووووهااااا
وانا ودي تشبهني >>> تعبي وشقاي ياخده الابووو :(
<<< مررره متحمسه ام دبه

امممممممممم
بالنسبه للتوزيعات لسى قاعده افكر وش اسوي
وباقي من التجهيز بس فراشي فراش البيبي والسرير خلصتهم من شهر
وبنسبه لتجهيز البيبي
خلصت كل شي
بس باقي اغراض العنايه بالطفل
ومحملين
قلت اليله بروح مذر كير وبشتري من هناك
وخلااااااص
يصير ماباقي شي
بنسبه لملابس النفاس
امس شريتلي بيجامتين بيضان <<<< احس عباطه اخد ابيض بس عجبني الابيض تحس الوحده ولدانه وحلوه بتطلع بالابيض<<<< مسويه عروس خخخخخخخخخخ
والله يعين ع الفضايح
والملابس الثانيه
قلت بلبس بيجاماتي القديمه عشان بعد النفاس ارميهم على طول واشتري شي جديد:) <<<< عصفورين بحجر
منها اجدد ملابسي وافتك منهم اقول انعدمو
مع اني من تزوجت بعضهم مالبستهم الا مرتين او 3
بس هذي تجهيزاتي الي باقيه

ميره المرزوقي;14232338:
متحممممسه ابا اشووووووووف بنتي


تشبه ااختها او لاااا

الله يسلمهم وان شووفهم بالف صحة وسلامة

;)
وانتي وش ودك تشبه اختها ولا ؟؟؟؟

يالله ان شاء الله تطلع غيررر
حلو تكون وجوه جديده

مرت اخوي والد قبل شهر
ولدها الكبير نسخه من اهلهااااا ومنهااااا
تشوفينه تقولين ولد اهل امه يعني ماينعرف انه من عيلتنا
اما ولدها الثاني طلع نسخه مناااااا
نقول لها كده زين قسمتين بالحق
واحد لنا واحد لكم :D

قشطة و عسل;14226548:
يا بنات عندي احساس قوي جدا اني بدي اولد ولادة مبكرة و قاعدة احوس ادور على ابرة اكتمال نمو الرئة ......عقل يجنن و الله ما ادري من وين جايبة هالافكار

ههههههههههههههههههههههه
مو زين الهلوسه واجد
لاتهلوسي على حالك
يمكن الي فيك بس تعب عادي
رحتي غناتي هالشهر المستشفى ؟؟
شو اخبار البيبي
وشوو قالولك

خلك للتاسع
تشوفين ولدك مكتمل نموه وينام بحظنك
احسن من انه تبقي بعيده عنه شهرين

فيض الحب;14229706:


وبغيت اسألكم ايش تستخدمون عطور لاطفالكم فترة الاربعين
انا استخدم عودة لكن المرة هذي قلت يمكن اغير للمسك بس قالوا لي انه مضر للمواليد ما ادري صح هالمعلومة و لا لا؟

انا بنسبه الى اهلي يستخدمون بالعاده للاطفال جوفان

وبالنسبه الى اهل زوجي يستخدمون العود لاطفالهم
وجوفان مايحبونه
يقولون ريحته خايسه :rolleyes:
بس انا يعجبني جوفان
قلت باخده الى الاربعين بس اذا رجعت الشقه بغير عطره للعود لان مابي يقولون ريحه بنتي خايسه
<<<< والناس اذواق

بنسبه لي شريت عطر بس ماعرف شسمه
ريحته مره حلوه وماتروح بسرعه
كانت مرت اخوي تستخدمه في ولدها والحين حتى الولد الجديد تستخدم له نفس العطر
ريحتهم مميزه تكون وقويه ماتروح
يعني يبقى طول النهار فيهم

بشوف لك صورته بالنت
وان شاء الله القاه
واحطها لك

http://forums.3roos.com/showthread.php?t=396916


هذا رابط يمكن يفيدكم عن عطور الاطفال
والي عندها تجربه مع عطور الاطفال
وتعرف عطور حلوه ياليت تساعدنا <<< تدرون بكريات ومانعرف شي

صدق بنات

جااا في بالي اسالكم
متى راح تبدووو مشي
ومتى المفروض الوقت الي نبدي فيه مشي
لاني متفقه مع زوجي انه من الشهر 7 ابدا امشي
عشان لااتعب بالولاده
<<<< مستعجله مررررررره على الولاده

توي اقراء موضوع بمنتدى ثاني
نصايح للحوامل البكريات
ان شاء الله اذا تبونه راح انسخ لكم منه وانزل
مره في اشياء تفيد كثييييييييييييييييير

تقول انها مشت من السابع
بس كتبت الي بتمشي من السابع اول تستشير الدكتوره حقتها
ولاتقول ان المشي ماتحسه يفيد بالعكس يفيد المشي

وانتي تقدري تمشي ربع ساعه وبعدين مع الايام تزيدين
يعني تسوين الشهر السابع ربع ساعه كل يوم
والشهر الثامن نص ساعه
والتاسع تمشي ساعه


ميس الريم
اتنتي بكريه لو والده قبل ؟؟

الله يسلمكم ياقلبي كل الي ردو ودولي مسج انا شابكه من بيت اخوي حاليا .....
بنسبه لي تعبااااانه حيل وماقدر اتحرك وااايد احس بثقل مووطبيعي يارب يتمم علي وعليكم بالف خير يارب

rose2006;14233968:
الله يسلمكم ياقلبي كل الي ردو ودولي مسج انا شابكه من بيت اخوي حاليا .....
بنسبه لي تعبااااانه حيل وماقدر اتحرك وااايد احس بثقل مووطبيعي يارب يتمم علي وعليكم بالف خير يارب

ماتشوفي شر ياغناتي والله يعينك ان شاء الله
ويتمم عليك وعليناااا يارب

أم مهدددي;14234799:

وانا بعد شريت هالعطر حق البيبي احس رايحته جنان وكل اهلي يستخدمونه حق البيبيات احس ريحته طفوليه :lol:

انا بعد احب ريحته كثير
حتى اول ماتزوجت خديت منه
بس اهل زوجي ماعجبهم وصرت احط منه في الكليه بس :D
مدري احسه ناعم وهادي وريحته تبين ان الي حاملته طفل
واهلي بعد يستخدمووونه
بس مثل ماقلت قبل
اهل زوجي مايحبونه
ويحبون العووود
وانا ديني ودين العود احسه يحشرررررر :rolleyes:
يعني متعودين حنا بعيلتنا ان العود للكبار
والطفال عطور خفيفه وناعمه
بعيله زوجي الطفل له العووود والجوفان يحسو ريحته خايسه 8o|
فقلت بستخدم لثنين
الجوفان طول فتره الاربعين
والعود لما ارجع ع الشقه <<< اخاف احط جوفان ويقولو خايسه بتك
لانهم مايحبونه بنوب :D

من وين احصل مثل هذا العطر...شوقتوني اشم ريحتة...