تجمع الحوامل الجدد ...الولادة بشهر *4* أبريل 2011

زاجل;14192333:
سلام من زمان ما شاركت وياكم كنت اقرا المشاركات بس

اني رحت موعدي يوم الاحد وكان وزني ناقص بدل ما يزيد من خمسة اسابيع اخر مره رحت موعد
كان النبض زين بس من رجعت البيت للحين البيبي ما يتحرك و خايفه
اللي عندها فكره تخبرني اذا هذا الشي طبيعي لو لا؟

صباح الخيرات للكل

عادي حبيبتي لا تخافين تجي فترات سكون للبيبي والأم تحاتي صح بس بعدين يتحرك دامه بصحة وعافية

وبالنسبة للوزن انا من بداية حملي للحين زايدة بس كيلو و400 غرام

حتى دكتورتي تسألني شلون قادرة تحافظين على وزنج قلت لها دام صحة البيبي تمام ووزنه زين ومو ناقص خلاص انا ما ابي وزني يزيد وعنه مازاد :)

أميرة * A *;14195972:
طمنتوني افتكرت أنا الوحيدة إلي للحين مو جاهزة
يعني بعد التنزيلات على طول راح تنزل تشكيلات جديدة ؟

انا بعد للحين ما شريت ولا شي ولا مريت اصلا صوب السوق

بس حاطة في بالي المحلات اللي بروحها وهي محلات الأطفال المعروفة وانا من قبل ولاعمري تسوقت قبل الشهر التاسع :D لادخلت التاسع تفرغت للسوق وعادة اشتري من mothercare & H&M أكثر شي .. مذركير يعجبني الكواليتي مالهم القطن جدا ممتاز وإتش أند إم تعجبني ستايلاتهم حدها كيوت وسمبل بنفس الوقت

والاثنين وكل ماركات الأطفال متوفرة فيهم تشكيلات الأطفال حديثي الولادة طول السنة سواء صيف والا شتا لأن طبيعة الأطفال بهالسن ما يتلبسون غير القطن

أحلى شوق;14200258:
انا بعد للحين ما شريت ولا شي ولا مريت اصلا صوب السوق

بس حاطة في بالي المحلات اللي بروحها وهي محلات الأطفال المعروفة وانا من قبل ولاعمري تسوقت قبل الشهر التاسع :D لادخلت التاسع تفرغت للسوق وعادة اشتري من mothercare & H&M أكثر شي .. مذركير يعجبني الكواليتي مالهم القطن جدا ممتاز وإتش أند إم تعجبني ستايلاتهم حدها كيوت وسمبل بنفس الوقت

والاثنين وكل ماركات الأطفال متوفرة فيهم تشكيلات الأطفال حديثي الولادة طول السنة سواء صيف والا شتا لأن طبيعة الأطفال بهالسن ما يتلبسون غير القطن

ما شاء الله عليك :-#
من دخلت السابع و أنا متوترة أزن على راس زوجي
اريد اخلص ما في وقت يمكن أولد بدري :'( :|

ميسووو
و أنا بعد ان شاء الله حبيبي بيكون خلووودي :adore:

قشطة و عسل;14184909:
مبارك بيتك ام زهراء و الله يعينك على ترتيبه :) ترا انا في عندي مشروع انقل من بيتي هالفترة ان شاء الله الاقي بيت مناسب و حلو

امواج احنا كمان ما في بعاداتنا توزيعات و لا شيء عندنا ضيافة عاديةو خلاص بس في عادة يقدموا للضيوف قرفة بدل الشاي او كراوية تكون في براد للشاي ...بس انا عمري ما شربته:) و يقدموا طبعا حلاوة شوكولت و عصير و بس و ما في تطقيم مفارش و لا شيء .... و نفاس الوحدة في بيتها بكرية او لا و اهلها ييجوا عندها او دار عمها

تسلمين ياقلبي.. ويارب تلاقين بيت باسرع وقت لان راح يبتدي العد التنازلي للوصول لشهر التاااسع :D وربي يسر امورك يارب .

قشطة و عسل;14184917:
و انا زايدة حوالي 6 كيلو الله يستر اذا من الان لاخر الحمل 10 كيلو بسيطة بس مش اكثر !!!

انا كنت 61 والحين ماشاء الله 73.5....:confused:شسوي بنات انتحر ؟؟؟؟:thumbs_down:.....

rawiyah;14186662:
مبارك عليكم البيت الجديد و الله يجعله منزل سعادة و هناء عليكم يا رب و يكفيكم شره
و يعينك على النقل و الكركبة من جد الشئ متعب نفسيا و جسدجيا و ما راح ترتاحي إلا لما تستقري فيه
و ان شاء الله تحاليلك كلها تكون سليمة

تسلمين روايه ياعمري على هالدعوات الطيبه... تعب تعب موطبيعي يعني تخيلي حتى بطني شكلها نازل من التعب .. الله كريم هانت ان شا ءالله ويارب يتمم لنا على الف خير يارب
والتحاليل اليوم بروح لدكتور العايله اخليه يطلبها من المستشفى ماقدر انطر يوم موعدي مع الدكتوره 21 بعييييد مافيني صبر خاااايفه ...

فيض الحب;14188739:
مراحب بالحلوين
ام زهراء
الف مبروك المنزل و الله يكون بعونك انت مغتربة و لا انا فاهمة غلط فيوزاتي ضاربة :confused:

الظاهر الحين موضة الكل بينقل احنا بعد بندور بيت قريب من اهل زوجي
ابوه توفى الله يرحمةو يسكنه الفردوس الاعلى
وهو الولد الكبير
وحاب انه يسكن ببيت قريب من اهله بس الى الان ما لقى بيت بمواصفات مناسبه و الله ييسر لنا و لكم
راوية
انا بناتي الكبيرة في المدرسة و الوسطانية في الروضة
و الصغيرة على قلبي الله يصلحها :|
و اذا نقلت ببيتي الجديد 100% نفاسي راح يكون هناك لانه قريب عمتي
اما ان كنت في بيتي الحالي اتوقع انه راح يكون ببيت اهلي لان دوام زوجي من السبت الى الاربعاء سفر مسافة 300 كيلو صعب يداوم الا اذا اخذ اجازة فالوضع بيختلف

اليوم رحت سنتر بوينت
لاعت كبدي من جد ما فيه شي زين كله شتوي و ثقيل
اتذكر شفت بطانيات و شراشف و لفات (قماطات )اشكالها حلوة للاسف ما لقيت شي منها اللي خرجت فيه بربتوز و داخلية وحدة بس و حافظة حليب خخخخخخخخ مستعجلة ع الصناعي:lol:

ايييي انا مغتربه ياقلبي باستراليا الي موجوده بزاوية بعيييييييييييييييييده من العالم هههههه
يتهني النونو يارب ويسهل عليك وعلينا يارب ....الحين انا بجهز ان الله اراد اذا دخلت الثامن لان هني مانزل الشتوي لان عندنا صيف وشكلهم بينزلون الشتوي الشهر الجاي او يمكن نزلو هالاسبوع ....

أميرة * A *;14189849:
ههههههههههههههههههههه :lol:
نفس حالتي يوم رحت ما لقيت شي مميز للأولاد أغلب التشكيلات بناتية :(
خذيت لي كم قطعة و طلعت ، قلت لزوجي نشوف في الأفرع الثانية
بس رفض نكمل قال ننتظر إلى ما تخلص التنزيلات و تجي شغلات جديدة
بس وقتها بكون في الثامن إن شاء الله ما يعتبر متأخر كذا :!!:

روووز
ربي يعينك و يسهل عليك في الترتيبات
و بيت مبارك عليكم يا رب F:

ياقلبي تسلمين وربي يسهل عليك وعلينا ويتمم لنا على الف خير يارب ....

أميرة * A *;14202473:
ما شاء الله عليك :-#
من دخلت السابع و أنا متوترة أزن على راس زوجي
اريد اخلص ما في وقت يمكن أولد بدري :'( :|

ميسووو
و أنا بعد ان شاء الله حبيبي بيكون خلووودي :adore:

أميرة الله يسلمج في وقتج ان شاء الله وترا التجهيز ما يبي له شي لأنج عارفة شبتاخذين

وهالمرة بجهز من وقت ان شاء الله بالشهر الثامن :p لا جد هالفترة بحاول كثر ما اقدر ارتب جدولي وبروح إذا ربي اراد

أم زهراء

إن شاء الله نتايج التحاليل تكون زينة والله يطمن بالج ويعينج على الانتقال بجد متعب ومزعج انا انتقلت لبيتي تاريخ 1/10 الحمد لله قبل لا يبدي الجد والثقل والله يعين كل وحدة بتنتقل هالوقت ويسهل عليها

حبايبي ابي مساعدتكم اليوم رحت مذركير سنتر بوينت ابي اشتري اغراض وثياب للبيبي فرصه مدام عندهم تخفيضات ما عرفت اشتري صيفي او شتوي اول مرة تصير ولادتي بشهر ابريل تعودت على شهر 8 و9 عشان ولاداتي ببنتي وولدي كلها صارت بالصيف...تتوقعون يكون شهر ابريل حر او برد ،،فيدوني بخبرتكم الله يرحم والديكم محتارة ،،وبزيادة محتارة شنو اشتري عشان للحين مب عارفه فيني بنت او ولد وما لقيت الوان محايده عشان اشتري فزادت الحوسه عندي هناك وطلعت ولا شريت شي عقب هالدوارة كلها ....

حسب المكان اللي انتي عايشة فيها احنا بلادنا بابريل تكون لسا برد و مطر احيانا فجبت لولدي اكم غيار ثقيل اضافة للقطنيات و الله يجيب اللي فيه الخير .... انا بملابس البيبي تقريبا جاهز باقي اشياء بسيطة و اخلص بس لسا ما جبت السرير و كرسي السيارة ...مستعجلة عليهم بس باصبر شوي لحد ما اعرف اذا كنت بدي انقل من بيتي او لا


المهم .... اليوم خليت زوجي يتصلي بمستشفى ولادة و الحمد لله حسيت انا توفقنا بالاختيار خاصة انهم مستشفى عندهم اهتمام و عندهم كل الشفتات دكتورات اناث و الحمد لله و رح اصير اراجع عندهم قبل الولادة و سعرهم يناسبنا و الحمد لله ... مين لسا ما قررت وين بتولد؟

أحلى شوق;14208937:
أم زهراء

إن شاء الله نتايج التحاليل تكون زينة والله يطمن بالج ويعينج على الانتقال بجد متعب ومزعج انا انتقلت لبيتي تاريخ 1/10 الحمد لله قبل لا يبدي الجد والثقل والله يعين كل وحدة بتنتقل هالوقت ويسهل عليها

تسلمين ياعمري ماتقصرين وربي يسهل علينا وعليك يارب .


امس رحت لدكتور العايله اشوف النتايج للحين مومرسلينها المختبر وقال ان في شي اهو بيتصل ماله داعي ارجع ثاني مره لان منطقتنا صارت بعيده عنهم وسئلته عن الوزن قالي عادي لاتحاتين بالعكس صحه .... ولاني اراجع عنده من قبل حملي ببنتي دخل على بيانات حملي السابق قالي اصلا انتي هاذا جسمك وقالي كم وزني ببنتي بنفس هاي الفتره طلع اكثر :D من هالمره هههههه استااانست :) ...

بنات الجو عندنا مووووطبيعي مطر صارله ثلاث ايام غير الفيظانات المتوقعه وعندنا حالات استنفار بالمناطق المجاوره الله يستر بس..

الانترنت راح ينقصطع وماراح يركبونه الى بعد 20 الشهر بسبب هالمطر والفيظانات الطبيعيه ....

مـيـــس الـريـــم ...}~;14202633:

ان شالله حبيبتي
ربي يقومنا بالسلامه
انا ابي اعرف وين محل كارترز واتش اند ام وماماز وباباز في مجمع الظهران
مافيني حيل افر

ماماز اند باباز و H &m في التوسعة تلاقيهم
أما كارترز ما جربت أتعامل معاه قبل

rose2006;14213298:
بنات الجو عندنا مووووطبيعي مطر صارله ثلاث ايام غير الفيظانات المتوقعه وعندنا حالات استنفار بالمناطق المجاوره الله يستر بس..

الانترنت راح ينقصطع وماراح يركبونه الى بعد 20 الشهر بسبب هالمطر والفيظانات الطبيعيه ....

الله يحميكم وين ما كنتوا أنتون و أحبابكم و المسلمين و المسلمات يا رب ... بمجرد ما يركب النت طمنينا عنكم حبيبتي

ام علي انصاري;14210373:

مرحبا كروشات شخباركم؟؟

حبايبي ابي مساعدتكم اليوم رحت مذركير سنتر بوينت ابي اشتري اغراض وثياب للبيبي فرصه مدام عندهم تخفيضات ما عرفت اشتري صيفي او شتوي اول مرة تصير ولادتي بشهر ابريل تعودت على شهر 8 و9 عشان ولاداتي ببنتي وولدي كلها صارت بالصيف...تتوقعون يكون شهر ابريل حر او برد ،،فيدوني بخبرتكم الله يرحم والديكم محتارة ،،وبزيادة محتارة شنو اشتري عشان للحين مب عارفه فيني بنت او ولد وما لقيت الوان محايده عشان اشتري فزادت الحوسه عندي هناك وطلعت ولا شريت شي عقب هالدوارة كلها ....

الجو بيكون ربيعي أقرب للصيفي مو تستعجلي في التجهيزات حلو تاخذي للجنين حسب جنسه اعرفي ويش فيك و بعدين ابدئي تجهيزات

كيفكم حبيباتي و كيف النونوات ... حركة البيبي عندي مرة كثيرة غي الألم اللي عندي في ظهري شديد

اليوم رحت السيتي بلازا عندنا في القطيف بشوف التخفيضات على أسرة المواليد عجبني كدة واحد و الأسعار مناسبة تتفاوت من 500 لين 1000 و شئ بسيط بس ترددت أشتري لو أشوف الخيارات في سيتي بلازا الدمام و الخبر و يمكن وجود العجلات في الأسرة رددني بعد - بحاول أروح الأفرع الثانية و أقرر بسرعة لا أخسر كل الخيارات هههه

فيض الحب;14188739:
مراحب بالحلوين
ام زهراء
الف مبروك المنزل و الله يكون بعونك انت مغتربة و لا انا فاهمة غلط فيوزاتي ضاربة :confused:

الظاهر الحين موضة الكل بينقل احنا بعد بندور بيت قريب من اهل زوجي
ابوه توفى الله يرحمةو يسكنه الفردوس الاعلى
وهو الولد الكبير
وحاب انه يسكن ببيت قريب من اهله بس الى الان ما لقى بيت بمواصفات مناسبه و الله ييسر لنا و لكم
راوية
انا بناتي الكبيرة في المدرسة و الوسطانية في الروضة
و الصغيرة على قلبي الله يصلحها :|
و اذا نقلت ببيتي الجديد 100% نفاسي راح يكون هناك لانه قريب عمتي
اما ان كنت في بيتي الحالي اتوقع انه راح يكون ببيت اهلي لان دوام زوجي من السبت الى الاربعاء سفر مسافة 300 كيلو صعب يداوم الا اذا اخذ اجازة فالوضع بيختلف

اليوم رحت سنتر بوينت
لاعت كبدي من جد ما فيه شي زين كله شتوي و ثقيل
اتذكر شفت بطانيات و شراشف و لفات (قماطات )اشكالها حلوة للاسف ما لقيت شي منها اللي خرجت فيه بربتوز و داخلية وحدة بس و حافظة حليب خخخخخخخخ مستعجلة ع الصناعي:lol:

يعينكم الله حبيبتي إن شاء الله تلاقوا بيت يناسبكم و الله يسهل عليك الولادة
و أني اليوم بعد شيكت على المراضع و الحافظات و حطيت ببالي بستخدم ماركة أفنت و بعد شيكت على أدوات الحمام بس مو عارفة اختار منتجات بيجون أو مذركير ترددت و في النهاية طلعت بولا شئ ههه

امممممممممممممممم

ماشاء الله لساتكم يابنات في التجهيزات

انا الحمد الله خلصت بس باقي اغراضالعنايه بالطفل
والتوزيعات الي بسويها
وقلت بشتري بجايم للنفاس
بس افكر البس بجايمي عشان اعدمهم وارميهم مره وحده واشتري لنفسي بعدين شي غيرر

ام زهراء الله يعينكم على المطر
وعقبال عندنا بس مانبي فيضانات :)
طمنينا عنك ياغناتي


كيفكم بنات ويا الحمل
انا احس بديت اثقل
يعني صار يجيني الم كانه شي يضغط علي
حتى رجلي ماقدر ارفعهاااا ولا اقدر امشي
<<<< اقول الى امي شكله صار الراس تحت قامت تضحك علي

انا بعد احب اخذ اللون على جنس البيبي حتى امي كل مرة بولاداتي تخوفني تقولي تجهزين لبنت يمكن يطلع ولد بس الحمدلله كل شي مضبوط:thumbs_up: لبنتي جهزت وردي وولدي ازرق،،اقول هالمرة ابي اغير الالوان وعن الجو جونا الله المعين الرطوبه واصله التوب وفي اليوم تصير عندنا الفصول الاربعه ،،الصبح شمس حاميه وحر حتى المكيف نشغله وبالليل بروده تذبح ونشغل الدفايات هههههههههه:lol:

و الله جوكم رهيب ام علي على هيك بدك تنوعي للبيبي ههههههه

امواج حبيبتي انا نفسك احس بالثقل و الالم و لما شفت الالتراسوند قالتلي الدكتورة راسه لتحت صار و رجليه لفوق و الله رجليه احس فيهم بمعدتي ما اقدر اكل منه ... ولد مشاغب ...:)

اهلين كروشات
كيفكم
يوم الاربعاء رحت لاهل زوجي و تعشيت معاهم و بعد العشا
ارتفعت درجة حرارتي و والم اسفل ظهري و بطني مع استفراغ و انتوا بكرامة
من جد كانه طلق و كانت مغصات متباعدة بس مو منتظمة و تشد علي لدرجة ما اقدر اوقف و لا اجلس

ورحت لدكتورتي و من منظري و الالم اللي احس فيه شكت انه عندي و لادة مبكرة
ويوم كشفت قالت الرحم مقفول و كل شي كويس
سويت سونار عشان تتاكد من المشيمة لانه حصل قبل كذا انفصال في المشيمة في ولادتي السابقة
وطلع كل شي تمام
و الكل احتار في حالتي
يوم سألتني اكلتي شي من برى ؟
قلت ايه
قالت مسبك و مفلفل
قلت ايه
قالت هو السبب
سبحان الله ما توقعت ان المعدة تعمل هالعمايل
وانا مو من الناس اللي تشتكي من معده او شي
والى الان الحرارة مرتفعة والم الظهر مستمر لكن اخف من اول الحمد لله
مستمرة ع المسكن و خافض الحرارة و ربي يعديها على خير ويسلم الجنين و لا يتأثر بالحرارة

هذي تجربة اول مرة بحياتي امر فيها بعدها حرمت اكل من برى حتى لوكان ثقة