لمة بنات ليبيا فى شهر رمضان المبارك

ArOoTa;12916215:

مشكورات ياعسولات على الذوق

ماشاء الله عليكم فنانات في الطبخ ربي يعطيكم صحيحتكم

ام احمد
تبارك الرحمن عليكم ان شاء الله ديما سفرتكم عامرة
حاجاتكم كلها حلوة ... بنسألك على الخبيزة اللي فوقها جبنة
شكلها كأنها عجينة منتفخة ولا؟
وشن كان الحشو ؟

هنو الدلوعه;12916453:

أروتا واااااااااااااااااااااااااو علي كلامك وأمك شهاده نعتز بيها ونحطها وسام علي صدري بجديات فرحتيني بكلامك وأهتمامك سلمها ياربي وحفظلها ميمتها بلاهي بوسيلي راسها وقوليلها قالتلك هنو ربي يفتحها عليك ويشرفني كلامك

هنو الدلوعه;12916514:

أروتا نعطيك طريقتي في التشيز كيك طبعا بعد أذن أم أحمد وبأذن الله بنزلها بالتفصيل وطريقتها روووووعه وعليها طلب هلبه لأنها مزبوطه ميه ميه :

أول طبقه :بسكوت دايجستف أو 2 بسكوت ماري ترحيهم وحطي عليهم كاشكين كبار مكومات زبده مدوبتيها علي النار المهم تاخدي الزبده وتبسسي بيها البسكوت بحيث كل حبه يوصلها
( وماتزيديش الزبده لأنها هي يلي تيبس البسكوت وتخليه يجمده وبنته مش حلوه يتكسر ) وبعدها تاخدي كاشيكين كبار ونص حليب محلى وتحطيهم فوقهم وتعجني بعدين تحطيها في طاجين وتضغطي علي البسكوت وساويه بي قعر كبايه بحيث يكون متساوي وحطيهم في الثلاجه لوين ديري الطبقه الثانيه
الي هي : تاخدي 2 ظرف دريم ويب وتضربيهم وبعد ماتضربيهم تحطي عليهم نص علبع حليب محلى وتضربي وبعدها علبه فيلادلفيا 300 ملي وحده ثانيه 200 ملي (يعني 500 ملي جبنه) وتضربي كويس وتعصري ليمونتين صغار فوقهم وتضربي (وتكوني مذوبه كاشيكين كبار جيلاتين بودره في ربع كبايه ميه دافيه وتحركي لوين يذوبو ) وبعدها تاخدي الصفاي وتحطي الجيلاتين فوق الخليط بحيث تضمني انه ينزل كامل صافي وتضربي وتحطي الخليط فوق طبقة البسكوت وتحطيهم في الفريز لمدة ساعتين على الأقل وبعدها حطي الصوص يلي تبيه وكولي وأدعيلي.

تحياتي

حبيبة أيمن;12916570:

بس نبي طريقة سهلة لشرة العدس والكبة والصفيحة .. هههههههههههه طبعا انا اول سنة نخش للمطبخ بروحي وشكلي بنحصل حصلة صح لان اليوم تاني يوم وبديت محتارة شن بنطيب (( بما اني البنت الكبيرة والوحيدة في الحوش )) ماما اتقول ياسر من الدلع والسنة هادي نبي نستريح وانتي عليك كل شي هههههههههههههههههههه بابا حن عليا وشارلي غسالة ماعين ((علي اساس مدلعني وبيساعدني هههه )).. غير يا بنتي طيبي !!
بــــــــــــــــــــــنات ممكن تساعدوني :(

*ام احمد *;12916612:
حبيبتي هذي مش خبيزه هذي اسمها سلة الدجاج
وهي عباره عن صدور دجاج مرحيات وبعدها تبليهم بالتوابل اللي تحبيهم
وبعدها تحشها مكعبات بطاطا مقليه وبازيلا خضراء وزيتون شرائح ومشروم وجبنه موزريلا وشيدر ودورها وتطحيطيها في الورق الحراري وتحطي عليها جبنه وزيتونه وسماق مرحي

هديرالحب;12917119:
كيف حالكم يابنات اليوم

حياتي ليبيا;12916898:
ما شاء الله ابدااااااااااااااع كلكم يا عريسات ماينخافش عليكم

هنو الدلوعه;12916514:

أروتا نعطيك طريقتي في التشيز كيك طبعا بعد أذن أم أحمد وبأذن الله بنزلها بالتفصيل وطريقتها روووووعه وعليها طلب هلبه لأنها مزبوطه ميه ميه :

أول طبقه :بسكوت دايجستف أو 2 بسكوت ماري ترحيهم وحطي عليهم كاشكين كبار مكومات زبده مدوبتيها علي النار المهم تاخدي الزبده وتبسسي بيها البسكوت بحيث كل حبه يوصلها
( وماتزيديش الزبده لأنها هي يلي تيبس البسكوت وتخليه يجمده وبنته مش حلوه يتكسر ) وبعدها تاخدي كاشيكين كبار ونص حليب محلى وتحطيهم فوقهم وتعجني بعدين تحطيها في طاجين وتضغطي علي البسكوت وساويه بي قعر كبايه بحيث يكون متساوي وحطيهم في الثلاجه لوين ديري الطبقه الثانيه
الي هي : تاخدي 2 ظرف دريم ويب وتضربيهم وبعد ماتضربيهم تحطي عليهم نص علبع حليب محلى وتضربي وبعدها علبه فيلادلفيا 300 ملي وحده ثانيه 200 ملي (يعني 500 ملي جبنه) وتضربي كويس وتعصري ليمونتين صغار فوقهم وتضربي (وتكوني مذوبه كاشيكين كبار جيلاتين بودره في ربع كبايه ميه دافيه وتحركي لوين يذوبو ) وبعدها تاخدي الصفاي وتحطي الجيلاتين فوق الخليط بحيث تضمني انه ينزل كامل صافي وتضربي وتحطي الخليط فوق طبقة البسكوت وتحطيهم في الفريز لمدة ساعتين على الأقل وبعدها حطي الصوص يلي تبيه وكولي وأدعيلي.

تحياتي