لمة بنات ليبيا فى شهر رمضان المبارك

روتا واااااااااااااااااااااااااو علي كلامك وأمك شهاده نعتز بيها ونحطها وسام علي صدري بجديات فرحتيني بكلامك وأهتمامك سلمها ياربي وحفظلها ميمتها بلاهي بوسيلي راسها وقوليلها قالتلك هنو ربي يفتحها عليك ويشرفني كلامك
وبالنسبه للزانيا تعرفي اني زيك عمري مادرتلها باشميل وحتى العجينه متاع اللزانيا نعجن فيها بروحي والحق بنتها تطلع رووووعه وفرش
والفركسي تعرفي ندير فيه عجينه عاديه بدون أضافات يعني دقيق ورشة ملح وشويه زيت وخميره مدوبه في ميه دافيه ونعجن والعجينه تكون مش يابسه وسط ونغطيها ونخليها تخمر بعد ماتخمر نفردها وسمكها يكون مش رقيقه يعني غليظه ونقطعها دوائر ونغطيها ونخليها ترتاح ونكون حاطه زيت غزير وسخون ونبدا نقلي والي تنتفخ نقلبها ونطلعها لما اللون يكون ذهبي
والتورته :
ديري أي كيكه أسفنجيه ناجحه وتكوني معتمدتيها وتحطيها في طاجين أفسح لانه مش مطلوب تكون عاليه يعني وسط وبعد ماتبرد تقطعيها دوائر وتاخدي كل مورتين تسقيهم شوي وتحشيوتحطي فوق بعض طبعا (الحشو تكون علي ذوقك أني سقيتها بي مري فراوله مدوبتها علي نار معاها ميه فروتا وبعدها حطيت شانتي ولوز نوتيلا وبعدها حطيت الدائره التانيه فوقها ولبستها بي شانتي ودتلها من الجناب لوز مرحي وزينتها من فوق )
يعني حبيبتي زينيها وأحشيها علي ذوقك وأستني اليومين الجايات بنديرها توه نصورهالك بالتفصيل
وتحياتي ليك

أروتا نعطيك طريقتي في التشيز كيك طبعا بعد أذن أم أحمد وبأذن الله بنزلها بالتفصيل وطريقتها روووووعه وعليها طلب هلبه لأنها مزبوطه ميه ميه :
أول طبقه :بسكوت دايجستف أو 2 بسكوت ماري ترحيهم وحطي عليهم كاشكين كبار مكومات زبده مدوبتيها علي النار المهم تاخدي الزبده وتبسسي بيها البسكوت بحيث كل حبه يوصلها
( وماتزيديش الزبده لأنها هي يلي تيبس البسكوت وتخليه يجمده وبنته مش حلوه يتكسر ) وبعدها تاخدي كاشيكين كبار ونص حليب محلى وتحطيهم فوقهم وتعجني بعدين تحطيها في طاجين وتضغطي علي البسكوت وساويه بي قعر كبايه بحيث يكون متساوي وحطيهم في الثلاجه لوين ديري الطبقه الثانيه
الي هي : تاخدي 2 ظرف دريم ويب وتضربيهم وبعد ماتضربيهم تحطي عليهم نص علبع حليب محلى وتضربي وبعدها علبه فيلادلفيا 300 ملي وحده ثانيه 200 ملي (يعني 500 ملي جبنه) وتضربي كويس وتعصري ليمونتين صغار فوقهم وتضربي (وتكوني مذوبه كاشيكين كبار جيلاتين بودره في ربع كبايه ميه دافيه وتحركي لوين يذوبو ) وبعدها تاخدي الصفاي وتحطي الجيلاتين فوق الخليط بحيث تضمني انه ينزل كامل صافي وتضربي وتحطي الخليط فوق طبقة البسكوت وتحطيهم في الفريز لمدة ساعتين على الأقل وبعدها حطي الصوص يلي تبيه وكولي وأدعيلي.
تحياتي

الســــــــــــــــــــــــــــــــــــــــــــــــلام عليكم يا بنات اللمة ... كيف الحال والاحوال ... بنات انا اليوم درت شربة عربية ودرت لازانيا ودرت شاورما وكفتة دجاج ودرت سلاطة جزر وملفوف بالمايونيز .................................... واكيد بيتسا وبوريك :)
ودرت الحلو كيكة مثلجة وكلها من بقايا كيكة امس هههههه .... سؤال هو ان خاطري بكرة اندير فطور شرقي (( شربة عدس..كبة .. صفحية ورز وسلاطة خيار وزبادي )) واي شي حلو بنفس الطريقة ...
بس نبي طريقة سهلة لشرة العدس والكبة والصفيحة .. هههههههههههه طبعا انا اول سنة نخش للمطبخ بروحي وشكلي بنحصل حصلة صح لان اليوم تاني يوم وبديت محتارة شن بنطيب (( بما اني البنت الكبيرة والوحيدة في الحوش )) ماما اتقول ياسر من الدلع والسنة هادي نبي نستريح وانتي عليك كل شي هههههههههههههههههههه بابا حن عليا وشارلي غسالة ماعين ((علي اساس مدلعني وبيساعدني هههه )).. غير يا بنتي طيبي !!
بــــــــــــــــــــــنات ممكن تساعدوني :(