لمة بنات ليبيا فى شهر رمضان المبارك

بارك الله فيك ياحبيبه ايمن

هلا هدورة والله حتى انتي ليك وحشة
احكيلي شن اخر التجهيزات متاع عرسك ياغالية

هيولة العفو ادللي
بس هو كإيجار نحسه غالي رغم انه يهبل

اروتا درنا غريبة حمص وعريبة بيضاء ومقروض .. وبكرة نبي نمشي بتوصي علي بقلاوة من السنابل مخاطريش في التمزريط ههههه ... وخاطري في دبلة حتي هيا لكن امتي بنديرها مش عارفة ...
هدير تسلميلي يا الغالية تسئلي عليا ... فيك الخير والله
ميراث منورتينا يا عسل اللمة

فيرونا هدرزي خيرك مسكتة ههههههه

sweety sweet;13061817:

وعدتكم بملخص رحلتى لدبى وهده البداية:

رحلتنا كانت على متن الخطوط الاماراتية يوم الاربعاء اللى فات

وصلنا لتشيلسى تاور فى شارع الشيخ زايد عقاب الليل

وهده شقتنا من داخل

ثانى يوم مشينا لسيتى سنتر (صورة من فوق جهة الجمل )

وهده بضاعتى منه (اليوم الوحيد الى تفكرت نصور الشكاير مع بعضهم )

جاكيت فوشيا من نيولوك

بالرينا بشنطتها من نيو لوك

شنطة سواريه لصندل كنت واخداته ومش لاقيت له شنطة

اكسسوارات شعر وتوكات من H&M والوشيعة

ومن سيفورا خديت فاونديشن وكونسيلير وبلاش ماركة ميك اب فور ايفر

تانى يوم مشيت للامارات مول خوتى دارو سكى فski dubai

وخديت منه :
شنطة بكندرتها من بريتى فيت

شبشب من نيو لوك وبالرينا من دبنهامز وشنطة من اكسسريز

وثالث يوم كان العزم لدبى مول وهده الصورة من الاكواريم الى فيه:

خشيت لنيولوك والقيت فيه شنطة لشوتى وقفطان كنت واخدتهم منه فى زيارتى الماضية لدبى جرى خديتها

ومن سنتر بوينت علبة مجوهرات (جو بتات زعميتك ههههههه)

هكى شكله وهوا مفتوح:

اليوم الى بعده عزمتنا صاحبتى وراجلها عالفطور فى مطعم ريم البوادى فى الجميرا ومنه مشينا لزيارة برج خليفة اطول برج فى العالم

هدا الممر الى يوصل للمصاعد الى يركبو 125 طابق

وحضرنا عرض النافورة الراقصة على انغام الموسيقى الاسيوية

اخر يوم مشينا لاتلانتس هوتيل فى بالم سيتى وهده صور موبايلى منه:

حيط كامل فيه فتحات والى داخله يبانو كأنهم شمعات بس هما لامبات !!!

اتلانتس الاكواريم

وبعد المغرب مشيت لسيتى سنتر خديت منه بروان ساتن هير

ومن الديوتى فرى امتع المطار خديت ميك اب (باليت لوريال وبودرة لوريال ووقلام شاين روج وليب قلوس)

فى حاجات قمتهم فى الشناطى ومالحقتش نطلعهم لاننا مسافرة غدوة ان شاء الله للقاهرة نوريهم لكم فى مرة تانية وخلاص.
قادرين تتخيلوا قدا تعبت وانى نصور ونحمل ونكتب ونعلق ماتحرمونيش من ردودكم الحلوة وتقييمكم الاحلى.

حبوبو ايمن ازيك والله استاااحشتك واستاحشت تهدريزك .. انى نسكن فى غوط الشعال واماليا فى السياحية يعنى ديما انسرف فى الجهة هادى هههه وبالنسبة للاوشحة مش من محل معين هما قدام الصالات تلقى زى الستاند حاطيين عليهم هلباااااااا اوشحة وفى منهم هلبا يعنى مستحيل نزبطلك اما واحد لكن تقريبا كلهم نفس البضاعة وصدقينى حتطلعلى منهم بهلباااا اوشحة ..

حبيبة أيمن;13068033:
اروتا درنا غريبة حمص وعريبة بيضاء ومقروض .. وبكرة نبي نمشي بتوصي علي بقلاوة من السنابل مخاطريش في التمزريط ههههه ... وخاطري في دبلة حتي هيا لكن امتي بنديرها مش عارفة ...

احني اول عيد يخطرلنا نديروا حلويات
قبل نديروا في فطيرة بس
فمعرفناش شن انديروا اني وماما
هي قالت بتدير طبقات هادي تهبل حنصورهالكم لما اتديرها
وبسكويت القرفة قالت يديروا فيه في بنغازي
واني لازم ندير ممش اقل من 3 حاجات لكن معرفتش شنو :confused:
وهذا السنابل اللي تشكري فيه قوليلي وين
وبالنسبة للدبلة ادير فيها مرت خال ماما هي تونسية حاجة رووووووووعة
بجد مادقتش زيها تو انقول لماما توصيها :thumbs_up:

طرابلسية شن جوها الكاميرا مليحة انى خديتها وخلاص عجبنى لونها هههه وان شاء الله توا جوك احسن والله قعدت نفكر فيك ..

Hayela;13068042:
حبوبو ايمن ازيك والله استاااحشتك واستاحشت تهدريزك .. انى نسكن فى غوط الشعال واماليا فى السياحية يعنى ديما انسرف فى الجهة هادى هههه وبالنسبة للاوشحة مش من محل معين هما قدام الصالات تلقى زى الستاند حاطيين عليهم هلباااااااا اوشحة وفى منهم هلبا يعنى مستحيل نزبطلك اما واحد لكن تقريبا كلهم نفس البضاعة وصدقينى حتطلعلى منهم بهلباااا اوشحة ..

ArOoTa;13068047:
احني اول عيد يخطرلنا نديروا حلويات
قبل نديروا في فطيرة بس
فمعرفناش شن انديروا اني وماما
هي قالت بتدير طبقات هادي تهبل حنصورهالكم لما اتديرها
وبسكويت القرفة قالت يديروا فيه في بنغازي
واني لازم ندير ممش اقل من 3 حاجات لكن معرفتش شنو :confused:
وهذا السنابل اللي تشكري فيه قوليلي وين
وبالنسبة للدبلة ادير فيها مرت خال ماما هي تونسية حاجة رووووووووعة
بجد مادقتش زيها تو انقول لماما توصيها :thumbs_up:

اممممم الفطيرة بدون منافس يا حلوة يا امورة .. ههههه وانتي مغمضة عيونك . بالنسبة للسنابل في سوق المثلث والدبلة ماما بديرها .. بصراحه مفيش زي دبلة ماما .. والناس ادواق ... وبالنسبة للمشقشقات التانية ... بسكويت الزبدة والمربي ... وممكن نمشي ناخد حاجة كوكو برنج ولا شنو اسمه الي يبدا بسكويت وشكلاطه وكراميل مش عارفه ايصير خير .. غير توا نعدي الموسم بس

يلا بنات توا بنمشى نتفرج على زهرة امس فاتتنى ولنا عودة ..

حبوبات اني نبي اندير حلويات اقترحوا علياااااا بليز شن اندير

سلامات يابنوتات

كيف حالكم كلكم وصحه فطوركم

بخصوص حلويات العيد ديما نتفقوا مع واحده شاطره فى حلويات وناخذومنها
لكن فى لالحوش لا مانديروش


ميراث وينك مغطسه شنى اخبار العصابه ولد عمى

هيوله كيف حالكم ومبروك على الكامير شنى امتى ماشيه للجربه

تعرفى صحابتى امش قبل الاسبوع رمضان للجربه وحجزت فى فندق 5 نجوم غادى وماحاصلته للين كبدها درهت من الزحمه ولما روحت قالتلى الصدمه انه الاكل امتعاعهم مايتكل حال غريبه صارتلنا غادى دير بالك

الحمد لله ياهيوله انا اللي عندي نفس متعك بالضبط بس 8 قيقا الصور متعها مش عاديات
وبابا عنده عالرصاصي و12 قيقا كويسه هلبه هلبه

هلا يا احلى فيرونا
تعرفي في خاطري ندير اني حلويات في العيد هذا
علاش كل عيد نشروا نبي نكسر الروتين هههههه
لكن معرفتش شنو

هايله استني نوريك صور

طرابلسية

السورية تهببببببببل ولونها احلى
واكيد تطلع عليه مادامه ابيض
يبيدها بالهني
وبش تورينا هو شن بيجيبلك هههههههه

وقولولي ع فكره نبي نحطهمله ف بوكس واحد وانغلفهم مع بعض زعما كيف؟

سلمكياحلوة عقبال ماتهدي غاليك يارب