لمة بنات ليبيا فى شهر رمضان المبارك

تعشق هى ورينا لازم منه نتفرجوا

عروسة ليبيا الصراحه احرجتيني ومانقدرش انردلك طلب انتي عريفة الفصل ولازم نسمعوا كلامك وباش انقولك راهو اليوم لما جابهالي قريب جتني جلطه لانها في كل خمسه سنين باش يهدي حاجه من نفسه خليني من الفلوس متاع خودي فلوس وبري اشري اني هادي مانحسبهاش مش زي لما يتفكرك بروحه المهم ماانطولش عليكم
الريحه هادي اول مرة انشوفها واصلا ماركة باكو رابان ماعنديش عليها هلبه لكن الحق ريحتها حلوة متاع مدامات لكن انحسها شتويه شوفوها وقولولي رايكم لو حد يعرفها

هادي متاعي
http://www.3roos.com/files/ups/2010/391954/01283637238.jpg

وطبعا مانساش روحه
http://www.3roos.com/files/ups/2010/391954/11283637238.jpg

هيا نستنى في القصائد منكم

هدورة كيف حالك وين امغطسه

كيف تعرف ليلة القدر اللهم بلغنا ليلة القدر

الحمد لله رب العالمين ، مفضل الأماكن والأزمان على بعضها بعضا ،الذي أنزل القرآن في الليلة المباركة ، والصلاة والسلام على من شد المئزر في تلك الليالي العظيمة المباركة ، نبينا محمد وعلى آله وصحبه الغر الميامين .. أما بعد
لقد اختص الله تبارك وتعالى هذه الأمة المحمدية على غيرها من الأمم بخصائص ، وفضلها على غيرها من الأمم بأن أرسل إليها الرسل وأنزل لها الكتاب المبين كتاب الله العظيم ، كلام رب العالمين في ليلة مباركة هي خير الليالي ، ليلة اختصها الله عز وجل من بين الليالي ، ليلة العبادة فيها هي خير من عبادة ألف شهر ، وهي ثلاث وثمانون سنة وأربعة أشهر .. ألا وهي ليلة القدر مبيناً لنا إياها في سورتين
قال تعالى في سورة القدر :{ إنا أنزلناهُ في ليلةِ القدر [COLOR=#000080]*وما أدراكَ ما ليلةُ القدر * ليلةُ القدرِ خيرٌ من ألفِ شهر * تَنَزلُ الملائكة والروح[/COLOR]فيها بإذن ربهم من كلِ أمر *سلامٌ هي حتى مطلع الفجر }

وقال تعالى في سورة الدخان :{ إنا أنزلناهُ في ليلةٍ مباركةٍ إنا كنا مُنذٍرين [COLOR=#000080]* فيها يُفرَقُ كلُ أمرٍ حكيم }[/COLOR]

قال الشيخ ابن عثيمين رحمه الله تعالى
أولا : سميت ليلة القدر من القدر وهو الشرف كما تقول فلان ذو قدر عظيم ، أي ذو شرف
ثانيا : أنه يقدر فيها ما يكون في تلك السنة ، فيكتب فيها ما سيجري في ذلك العام ، وهذا من حكمة الله عز وجل وبيان إتقان صنعه وخلقه .
ثالثا : وقيل لأن للعبادة فيها قدر عظيم لقول النبي صلى الله عليه وسلم ( من قام ليلة القدر إيمانا واحتسابا غفر له ما تقدم من ذنبه ) متفق عليه

ذكر الشيخ بن عثيمين رحمه الله أن لليلة القدر علامات مقارنة وعلامات لاحقة


- قوة الإضاءة والنور في تلك الليلة ، وهذه العلامة في الوقت الحاضر لا يحس بها إلا من كان في البر بعيداً عن الأنوار
- الطمأنينة ، أي طمأنينة القلب ، وانشراح الصدر من المؤمن ، فإنه يجد راحة وطمأنينة وانشراح صدر في تلك الليلة أكثر من مما يجده في بقية الليالي
- أن الرياح تكون فيها ساكنة أي لا تأتي فيها عواصف أو قواصف ، بل بكون الجو مناسبا
- أنه قد يُري الله الإنسان الليلة في المنام ، كما حصل ذلك لبعض الصحابة رضي الله عنهم .
- أن الانسان يجد في القيام لذة أكثر مما في غيرها من الليالي


- أن الشمس تطلع في صبيحتها ليس لها شعاع ، صافية ليست كعادتها في بقية الأيام ، ويدل لذلك حديث أبي بن كعب رضي الله عنه أنه قال : أخبرنا رسول الله صلى الله عليه وسلم : ( أنها تطلع يومئذ ٍ لا شعاع لها ) -رواه مسلم


- أنها ليلة أنزل الله فيها القرآن ، قال تعالى { إنا أنزلناه في ليلة القدر }
- أنها ليلة مباركة ، قال تعالى { إنا أنزلناه في ليلة مباركة }
- يكتب الله تعالى فيها الآجال والأرزاق خلال العام ، قال تعالى { فيها يفرق كل أمر حكيم }
- فضل العبادة فيها عن غيرها من الليالي ، قال تعالى { ليلة القدر خير من ألف شهر}
- تنزل الملائكة فيها إلى الأرض بالخير والبركة والرحمة والمغفرة ، قال تعالى { تنزل الملائكة والروح فيها بإذن ربهم من كل أمر }
- ليلة خالية من الشر والأذى وتكثر فيها الطاعة وأعمال الخير والبر ، وتكثر فيها السلامة من العذاب ولا يخلص الشيطان فيها إلى ما كان يخلص في غيرها فهي سلام كلها ، قال تعالى { سلام هي حتى مطلع الفجر }
- فيها غفران للذنوب لمن قامها واحتسب في ذلك الأجر عند الله عز وجل ، قال صلى الله عليه وسلم : ( من قام ليلة القدر إيماناً واحتساباً غفر له ما تقدم من ذنبه ) - متفق عليه

:adore::adore:

ماشاء الله تهبل الهدية يا تعشق ربى يخليه لك

عشوقه الريحه اهيا تجننننننننننننننننننننننننننننننننننننننننننننننننننننننن الرجاليه والنسائيه واو وااااووااو شويه فيها عندي منها النسائيه تهبل والرجاليه خوي يستعمل فيها اتهبل
باكو رباني من مليون حلوووة

تعشق زوجها;13068850:
هيا نستنى في القصائد منكم

هدورة كيف حالك وين امغطسه

عشوقه


حلوه واتكمليه بلهناء

وبعدين احمدى ربك اقل حاجه عندك واحد مره مره يتفكرك مش كيفى انى قريب انشرط حواجى مفيش حد يذكرنى ولا يهديلى

شفتى انت خير من ناس واجده

عروسة الاميرات وطرابلسيه
مشكورات على الرد مع انك قصرتي ياعروسة الاميرات في القصيده لكن بنفوتهالك
طرابلسيه قصيدتك باهيه لكن ماشفتش الحاجات اللي صورتيهم معليشي انتعبك وانقولك تنزليلي الروابط متاعهم صور اللبس وصور ليلة القدر اللي صورتيهم معليشي هيا براده لكن بندحي باش نشوفهم نقرا في الردود وقريب الدموع ينزلوا

http://forums.3roos.com/showthread.php?t=562797

هههه ضحكتيني ياعشوقه الصور ح نصورهملك تاني ونوريهملك حاضر لاني مسحتهم
وصور ليله القدر قاعدات ف الصفحه 254 شوفيهم

اسمعو تعرفو طارتلي بعد مابدلت حوايجي وبنطلع كيف ركبت السيارة جي ولد عمتي قالي طيبيلي قهوة جايني ولد ودريلنا سحور فبطلت الطلعه:(
اهو نوتيلهم فالسحور لا وقالي كان جوني ولاد تانيين طيبيلي مبكبكه احححححححححح منه وقلت لخطيبي قالي يمشي يشحط عروقه بعيد عليك ههه

فيرونا 25;13068878:
عشوقه


حلوه واتكمليه بلهناء

وبعدين احمدى ربك اقل حاجه عندك واحد مره مره يتفكرك مش كيفى انى قريب انشرط حواجى مفيش حد يذكرنى ولا يهديلى

شفتى انت خير من ناس واجده

انا ياعشوقه نقول الهديه مش مهم تمنها كل قديروقدره وشن تحسابي الصنه اللي خداهالك رخيصه :mad: ههههههههه انا خديتها زيها بالضبط 100 ملي بس من المطار كانت ب 70 يورو وديري حسابك عاد انتي :lol: مهم ان فيه حد يتقكرك وفيه ناس مش متعوديين علي جو الهدايا وفيه كل مناسبه بهديه زي اللي عندي ومرات من غير مناسبه والله اشبح حتي بعدين هكيوالا غير توا متلفهف يستر الله عليه وخلاص;)

طرابلسية لسرتاوي;13068916:
اسمعو تعرفو طارتلي بعد مابدلت حوايجي وبنطلع كيف ركبت السيارة جي ولد عمتي قالي طيبيلي قهوة جايني ولد ودريلنا سحور فبطلت الطلعه:(
اهو نوتيلهم فالسحور لا وقالي كان جوني ولاد تانيين طيبيلي مبكبكه احححححححححح منه وقلت لخطيبي قالي يمشي يشحط عروقه بعيد عليك ههه

وخيره حوش عمتك
بصراحة جو صحة الوجه منحباش :thumbs_down:

تعشق زوجها;13068932:

العفو علاش الدوا هادي مازال اصغيرونه وتو ايجيك اللي ايجيبلك لين كبدك تزهق
هو الحمد لله على كل حال لكن تعرفو اليوم جتني جارتي جتني اتوري فيا راجلها شن شرالها:hysterical::hysterical:
شرالها ياحنا زوز عبايات مش وحده زوووووووووووووز من خنجي العبايه الرخيصه فيهم ب500 والثانيه ب980 الحق عجبوني لكن مش حقهم مبالغ فيهم حسيتهم المهم بعد ماطلعت قولت امتى حتى اني بيتزحزح ويحس علي دمه ويتفكر الشغاله:worn_out: اللي عنده هو الحق مش مقصر معاي اللي انقوله عليه اعجبني ايقولي خودي واشري لكن خاطري منه هو
المهم هادي الدوا قبل المغرب ياحنا ادن المغرب وجي عمكم الحاج وقالي اشريتلك حاجه
سبحان الله مافيش وقت مابين ماقلت الكلام اللي قولته وتتحققت الامنيه :adore:

دهششششششششششت

سلمك ياربى

وتعيشى واتشوفيه ديما يهديلك غير انتى حركى روحك شويه ودلعيه شويه صدقينى حتزهزه الامور معاك

ومعاش اتقرنيه بحد ديما قوليله انك احس واحد وناس تحسدنى عليك وانت حياتى وهذا الكلام عارفه انت مشاء الله عيلك

وبعدين هو وين يبى يلقا واحده روحها حلوه زيك واتخش القلب

تعشق زوجها

هديته حلوة بالمرة وحلو انه متدكرك على قولة فيرونا احني مافيش حد يتفكرنا الله غالب علينا

مش عارفة خيرني مزاجي مقلوب وخاطري نبكي

وع فكره يابنات والله ع تجربه شخصيه الهديه تقرب المحبه وتزيدها زي ماقال الرسول صلي الله عليه وسلم
(تهادو تحابو)

ArOoTa;13068959:
وخيره حوش عمتك
بصراحة جو صحة الوجه منحباش :thumbs_down:

ههههه ماهو يعتبر فيه زي اخته وهو ماعنداش بنات وامه مشت لحوش خالتي :-# ف لقاني انا يقولك خير من بلاش:thumbs_down:

لالا يااروتا اقري قرأن حيتغير باذن الله