لمة بنات ليبيا فى شهر رمضان المبارك

*الننس*;13063750:

بنات من تعرف نعتة محل اسمه سواريه هو في قرقارش بس نبي مكانه بالزبط مقابل شنو؟او بحنب شنو؟


و من مشتله مؤخرا؟

تسلكى يا طرابلسية على معلوماتك وبارك الله فيك
بس نحن الطقس بتاعنا كانت ريح كانها عجاج مش عارفة وهى لازم يكون الطقس هادىء وساكن
عموما ربى يتقبل مننا ومنك صالح الاعمال

السلام عليكم كيف حالكم يابنات اليوم والله ليكم وحشه

عروسة الاميرات;13067150:
تسلكى يا طرابلسية على معلوماتك وبارك الله فيك
بس نحن الطقس بتاعنا كانت ريح كانها عجاج مش عارفة وهى لازم يكون الطقس هادىء وساكن
عموما ربى يتقبل مننا ومنك صالح الاعمال

ا

لسلام عليكم


بنات كيف حالكم

عروسه الاميرات

تعرفى انى كل يوم نقراء فى الكلام وشفت كلام طرابلسيه وتعرفى شكيت وسألت بابا


يعنى مشاء الله يفهم فى الامور الدينيه هلبه وجوابنى انه لا لازم اتكون الدينا صافيه يعنى سكون ولا يعلو بالوقت الا الله سبحانه وتعالى ونحن علينا ندعوا للكريم العالى انه يتقبل منا والغريبه ان نحن اليوم عندنا شويه غبره والجو من امس فى الليل فى ينغازى واجدابيا غير صافى

والله اعلم

هديرالحب;13067171:
السلام عليكم كيف حالكم يابنات اليوم والله ليكم وحشه

هدوره ازيك http://forums.3roos.com/images/big_smilies/laugh.pngوشنى اخبارك انى والله مستعجله غير خاشه انشوف شنى فى جديد وحبيت انسلم على البنوتات

بصراحه قعدت زى المدمنه على المنتدى عروس

[FONT="Georgia"]يالله سلامات توا للجميع


وسؤال مهم جدا جدا


ليش الانتسامات مابوش يطلعولى ؟[/FONT]

طرابلسية لسرتاوي;13065632:
السلام عليكم
شن اخباركم
سويتي مبروك ماشريتي
عالعموم يابنات انا عندي احسااااااااااااااس كبير ان البارح ليله القدر وان شاء الله ربي يتقبل مننا لان البارح ليله صابح 25 والرسول صلي الله عليه وسلم قال التمسوها في العشر الاواخر مش شرط 27
ويوم جمعه والدنيا سكووووووووووووووووووووووووون وهدوء ومافيش ريح بكل والسماء نجوم وصوت الديك ماسكتش بكل
وانا ترقبت الشروق وحسب علمي ان شفت الشمس لا شعاع لها وفيها بهرة زي القمر وان شاء الله تكون هي هذه الليله لان الصراحه احييتها بكل قلب ورب وربي يتقبل مننا صالح الاعمال يارب
ياااااااااااااااااااارب تقلبها ممنا واعتق رقابنا من النار انك انت الغفار
وبالله عليكم اللي لاحظها ايقولي لان انا لاحظتها انا ومجموعه من الناس وفيه منهم شيوخ والله اعلم
وممكن ليله 27 الله اعلم هذه امور غيبيه بس عندها علامات نحس ف روحي لاحظتهم

والله يا طرابلسيه الا حتي اني حسيتها انها ليلة القدر اول شيء الشارع كان هدوء وكانت الماء ضاويه وفيه بقعه زايده نور لحظتها لكن ما ترقبتش الشروق لالسف لكن الحمدالله انشاء الله ربي يتقبل منا

فيرزونا والله ليك وحشه يا حلو

يا بنات علاما ليلة القدر يبدي سكون والسماء مضيئه ويحسها المؤمن بقلبه وتشرق الشمس بدون شعاع ويكون الطقس لاحار ولا بارد معتدل واحيانا تسقط امطار وتكتر الملائكه في الارض وتقيد الشياطين ويقال لايسمع نبح كلب و نهيق حمار اكرمكم الله ويقال غالبا المؤمن مايري رؤيا وتكتب فيها لارزاق لعام كامل والله اعلم وانشاء الله انكون من الي اعتقو من النار وانشاء الله ربي يتقبل دعائنا وصلاتنا وصيامنا

sweety sweet;13067269:

الحمدلله وفرحانه بنطير الليلة طالعين للقاهرة ويوم الثلاثاء نوصل لطرابلس....انتى شن جوك؟؟

انشاء الله توصلي بالسلامه ويكمل ربي فرحتك بالزوج الصالح ويرزقك بالدريه الصالحه

دعاء تعجيل الزواج بسم اله الرحمن الرحيم والحمد الله ربي العالمين والصلاة والسلام علي اشرف الانبياء والمر سلين وعلي ال بيته وصحبه اجمعين اللهم اني اسالك باني اشهدك ان لا اله الاانت الاحد الصمد الدي لم يلد ولم يولدولم يكن له كفؤ ا احد اقضي حاجتي وانس وحدتي وفرج كربتي واجعل لي رفيقا صالحا كي نسبحك كتيرا وندكر ك كتيرا فانت بي بصير يا مجيب دعوة المضطر ادا دعاك احلل عقدتي و امن روعتي وفرج كربتي يالهي هب لي من لدنك زوجا صالحا واجعل بيننا المودة والرحمة والسكن انك علي كل شيء قدير يامن يقول لشي كن فيكون اللهم اتنا في الدنيا حسنه وفي الاخرة حسنه وقنا عداب النار ربي لاتدرني فرد وانت خير الوارتين الا كتار من الاستغفار والاكتار من قراة سور الاخلاص

sweety sweet;13067429:

الله يبارك فيك هدير على الدعاء وربى يقوى سعدى وسعد كل بنية بولد الحلال الى تتمناه.

**وخياتى حبيباتى انى بنغيب عليكم من توا لاننى بنرقد طيارتنا عقاب الليل ونتلاقوا لما نوصل طرابلس ان شاء الله ,,,حنفقدكم ونستاحش هدرزتكم ونقعد نفكر شن تديروا من وراى وشن بتهدرزوا من غيرى...ردوا بالكم على روحكم واستاحشونى !!!

فى أمان الله.

انشاء الله ترجعي بالف سلامه وردي بالك علي روحك و انشاء الله رحله موفقه في امان الله

صحه فطوركم يا حلوين

فيرونا صدقتى ان شاء الله ربى يتقبل فيها دعائنا
تعرفى انا نادمة انى ماقمتهش كويس على الله تكون بكرة عشان نشدها كويس
هدير ان شاؤ الله ديما فرحانة وموفقة

السلام عليكم صحه فطوركم كيف حالكم؟؟

سويتى والله كنت نحسابك مخطوبة ههههههه صار زى حالتى
يعنى انا وانت وفيرونا العزابيات
باهى ربى يرزقنا عاجلا غير اجل اللهم امين

هدير تسلمى على الدعاء وان شاء الله فى ميزان حسناتك

صحه فطوركم
سويتي ف امان الله
عروسه الاميرات وفيرونا احنا ف طرابلس الجوء هدوووووووووووء وسكون والسماء ضاوووويه ع قوله هدير
وانا حسيت بها مجرد احساس
وهي راهو السبب ف ان الشمس لا شعاع لها لان الملائكه ف وقت الشروق بترفع من الارض الي السماء واخر من يصعد للسماء جبريل عليه السلام فهي اللي تغطي الشمس باجنحتها سبحان الله هذا علاش فيه اختلاف ف شروق الشمس ياريت كل وحده تشوفها الساعه 6 و43 دقيقه بتوقيت طرابلس لاحظوها هالايام وبالله كثرو من قول اللهم انك عفو كريم تحب العفو فاعفو عنا هذا دعاء ليله القد اللي وصا به الرسول صلي الله عليه وسلم