.•.°.•ஐ•||||•ஐ.•.°.•

ان شاء الله مانوش ربي يباركلك في وقتك و يباركلنا كامل مام انا راح نقلل الدخول تاعي و نستفاد من كل دقيقة في هاد الشهر

صح فطوركم لبنات واش خباركم ان شاءالله لاباس عليكم

الله يسلمك وانتي زادة ميشا والله الحمد لله يسقسي عليك الخير

واش سامو كيفاه فوتي اليوم

و الله لاباس الحمد لله شويا تقلت في الماكلا اليوم راهي ليسطومة توحع فيا شويا......................و انتي لاباس

والله غير الحمدلله سامو

كاش ماتحكيلنا اليوم سامو قبل ماتروحي ترقدي

kahina omi;12943794:
اشراق صح فطورك و صحورك وين واكي واصلة في القران
و التراويح وين واصلين
راني درت دي فوتو تاع الفطور حابة نقولك الا نحطهم هنا في الشات ولا في موائد رمضان

أهلا كهينة

اسمحيلي هذا وين دخلت للشات
راني وصلت للحزب 19 بصح من يومين راني تبادلت الادوار معاك:( باش تعوضي ال3 ايام اللي فاتوك اقراي كل يوم حزبين ونص على الاقل والمهم تختمي مرة ماشي مهم تكثري عدد الختمات لأنو قرآن و التأني و التدبر و الخشوع فيه في المقام الاول
و واش راكي دايرة مع برنامج الطاعة تاعنا و راكي تروحي للجامع من المغرب كيما قلتيلي ؟
لي فوطو تاع الفطور ديريهم في الموضوع هذا راهو خاص بصور اطباق الفطور
http://forums.3roos.com/showthread.php?t=556160 و ماتنسايش تقوليلنا كي تحطيهم

MANNOUCH;12943961:

صح فطوركم لبنات سامو كهينة اشراق ميماتي احلام فتاة و الباقيين الكل

وش راكم
حبيت نعرف وقتاش تديرو قيام الليل انتوما
لبنات وش رايكم كل وحدة تحط البروقرام تع لا جورني نتاعها في رمضان :عبادات شغل البيت لاكوزين برامج تلفزية مسلسلات دراسة كونكسيون ؟؟ هيا نشوفو كيفاش كل وحدة تنضم وقتها

باش نكورجو بعضانا على العادات المليحة و التخلي على السيئة

أهلا مانوش
صلاة قيام الليل تكون في الثلث الأخير تاع الليل يعني مع 3 وللا قبل بشويييييه

بالنسبة للبرنامج راني نطبق في برنامج العبادة اللي تفاهمنا عليه راهو مكتوب في اول صفحة بصح ذرك مضطرة مانتبعوش للأسباب الصحية المعروفة:rolleyes:
بصح تبعوه يابنات يبان صعيب شوية بصح كي تطبقيه تحسي براحة مابعدها راحة ورضى على نفسك ماتتصوريهش رمضان راهو يجري ورايح و ماكانش احسن من الصلاة والذكر و النوافل وقراءة القرآن نثقلوا بيه موازينا بيهم قبل ما يخلاص و مايرجعلنا غير بعد 11 شهر.

صباح الخير
كيفكم يا بنات
انا راني في سورة المائدة
ومتابعة معاكم البرنامج الرائع

اهلا ام الصديق عاش من شافك
مليح راكي في سورة البقرة بصح اذا حابة تختمي في رمضان لازمك تزيدي عدد الاحزاب على الاقل زيدي حزب كل يوم
مليح ثاني كي راكي معانا في البرنامج واش التطبيق صعيب شوية وللا راكي مستمتعة بيه

مساء الخير اشراق
انا راني في سورة المائدة
والتطبيق مش صعيب خلاص بالعكس
احنا برك نتكاسلو نورمالمن رانا هكذا في سائر الايام
سي دوماج شرفت علي اليوم العروسة
هههه
اشراق ماعلابلكش واذا نقادرو نقراو المصحف واحنا في الحيض يعني بدون لمس المصحف
راني حوست في القوقل ولقيت ممكن بصح خفت ما قدرتش نقرا
قلت خلي كي تروح ونحاول نضاعف شوية القراية

مساء الخير عليكم كامل ام الصديق القران لا يمسه الا المتطهرون ...و الحيض نجس ... الي علبالي بيه انك تقدري تقرايه من تفسير القران ايلا عندك مش من المصحف و التفسير اكي تلقاي الايات و التحت يبداو يفسرو المعنى تاعها انتي اقراي الايات انا متيليشارجيا في بورطابلي لوجيسيال المصحف الشريف و فية كل الايات و دعاء ختم القران و كي نعود مش طاهرة ديما نقرا منو .....

السلام عليكم
هذا الموضوع فيه اختلاف بين العلماء منهم من قال انو يجوز قراءة القران من المصحف بشرط وجود عازل مثل القفازات
ومنهم من قال انو لا يجوز
الله اعلم
انا مازلت حايرة في هذا الموضوع بصح موالفة نقرا من المصحف بلا ما نمسو

كيفاش تقراو في المصحف بلا ماتمسوه مافهمتش كيفاش ......كيفاه ديرو باش تقلبو لاباج و كي تكملو تقراو بيه كيفاه تغلقوه و ترجعوه لبلاستو .........................بيسك موالفة كي نكمل نغلقو و نسلم عليه و نحطو على جبهتي و من بعد نرجعو لبلاستو

تقدري تلبسي قفازات ولا بمنديل ترفديه وتحطيه فوق الطابة وتفتحيه وتقراي بلا ماتمسي وكي تجي تقلبي اقلبي بالمسطرة ههههههههههههه
بصح انا ذرك نولي نقرا من الميكرو راني مطلعة برنامج تاع المصحف هكذا باش نبعدو على الشبهات

السلام عليكم
صحة فطوركم بنات
ام الصديق اسمحيلي بزاف منين كنت نهدر معاك راح التريسيتي و ماقدرتش نكمل الشات
احلام فتاة راكي قلتي وش كنت رايحة نقول هو جائز بصح بحائل يعني تلبسي القفازات وللا تغلفي ايدك بكاش حاجة المهم مالازمش تمسي المصحف بصح كيما قالت هاجر اقري من النت تحسبا لأي طارئ و اتقاءا للشبهات وكون تعمريه في البورطابل كيما سامو خير و خير

صحا فطوركم لبنات .....ههههههههههههه هادا وين فهمت عيت نطلع و نهبط ماعرفتش كيفاش ...........ماكونتش متولها للقفازات ....انا مدايراتو 60 حزب في التلفون و روعة مام كي نكون في فراشي و مايدينيش النوم نبروفيتي لوكازيون و تلفوني قدامي نقرا ديما فيه و بلا رمضان ....و الله غير هايل محملة 2 برامج المصحف المرتل لي تحب تسمع ندير ليكوتار و اني نسمع و ديما نديرو كي نكون مسافرة و تجيك لاليست و انتي تخيري السورة و تسمعيها ......و برنامج قراءة المصحف بالصور و انتي تقراي هادا لي قلتلكم نقرا فيه كي نكون مش طاهرة

الله يسلمك سامو صح فطورك انتي زاده

فهمتي بعدما فطرتي و صحصحتي هههههههه

صح حاجة مليحة و pratique

ام الصديق;12948461:
مساء الخير اشراق
انا راني في سورة المائدة
والتطبيق مش صعيب خلاص بالعكس
احنا برك نتكاسلو نورمالمن رانا هكذا في سائر الايام
سي دوماج شرفت علي اليوم العروسة
هههه
اشراق ماعلابلكش واذا نقادرو نقراو المصحف واحنا في الحيض يعني بدون لمس المصحف
راني حوست في القوقل ولقيت ممكن بصح خفت ما قدرتش نقرا
قلت خلي كي تروح ونحاول نضاعف شوية القراية

حبيبتي انا بقرا عن الكمبوتر
يعني عالنت بقراء عاديي

ايه اشراق قعدت نفطر و نخمم كيفاش ....و كي فطرت و شربت قهوة تحلو عينيا بديت نريزوني ....