تجمع حوامل وامهات (قطر) لشهر رمضان لعام 1431 هـ ؛ 2010 م

مزمز

يم يم

شكلها تجنن الوصفه
بس ماطلعت عندي الصووورة

انا سويت بيتزا التوست عالسريع
مالي بارض حق الطباخ اليوم

محروق صبعه <<< هههههه يضحك اسم الاكلة





المقادير :1 كوب عدس
5 بصلات
باقتان من الكزبرة الخضراء
1 رأس ثوم مدقوق
نصف كوب من عصير الحامض
1 ملعقة دبس رمان
1 رغيف خبز عربي مقطع الى مربعات (او كوب من المعكرونة العريضة ) ويمكن استخدام العجين الطازج
كوب وربع من الزيت النباتي
ملعقة ملح طعام
رش كمون ورشة بهار
7 اكواب ماء


طرقة التحضير :
ينقى العدس من الاوساخ ويغسل ,ثم يضاف اليه اكواب الماء ويوضع على النار حتى يغلي ثم تخفف النار ويترك عليها حتى يغلي مرة اخرى مدة 20 دقيقة او حتى ينضج قليلا .
يقطع البصل الى جوانح رفيعة ويقلى بكوب من الزيت حتى يحمر لونه قليلاً ويصفى .
تفرم الكزبرة الخضراء ناعماً ثم تغسل وتصفى .
يدق الثوم ويضاف الى الكزبرة الخضراء , ويوضع المزيج في مقلاة على النار ويضاف اليه ربع كوب من الزيت ويحرك حتى تذبل الكزبرة عندها يرفع عن النار.
يضاف الملح والتوابل الى العدس مع نصف كمية البصل المقلي ونصف كمية الكزبرة المقلية مع عصير الحامض ودبس الرمان ويوضع المزيج على النار ويترك لمدة 10 دقايق.
يقطع الخبز الى مربعات ويقلى بنصف كوب من الزيت على نار قوية حتى تحمر القطع.
يوضع الخبز في طبق كبير ويصب فوقه خليط العدس ثم يزين ببقية الكزبرة والبصل المقليين وبعض الخبز المقلي

بااااااك



مزمز
عادي تصير لا تحاتين ..




نور الحلوه
هاي مثل ماقالت لولوه قط قط
حتى الناس العاديين يصير فيهم مو شرط بس للحامل
ماعليج شر



بسومه
القهوه شي اكيد والشاي
بس انا مو اصلاح مع الشاي حطي لي بس دلة القهوه احذي ويا ليت لو تنسينها
والحلو بعد شي ضروري ..
اما الخفايف اللي مع الثريد هاي المفروض احنا البنوتات نسويها امي بس عندها السمبوسه وهالخرابيط المفرزنات اولردي واطلع كل يوم شي ..

بطاطا بالكريمة مع حشوة المشروم << شكلها لذييييذ




المقادير:
- مشروم طازج أنواع (تحصلون أنواع مختلفة بمركز سلطان، وضروري يكون طاازج ومنوع.. لأن الطعم يصير أحلى)
- بصلة وسط مقطعه مكعبات صغيرة و3 فصوص ثوم مفروم.
- بطاط مقطع شرايح رقيقة نوعاً ما يعني مو واااااايد رقيقة ولا متينه، عشان تستوي بسرعة بالفرن.
- كريمة كي دي دي
- جبن بارميزان مبشور
- جبن موزاريلا مبشور
- مكعب ماجي+ فلفل أسود+ ملح
- أعشاب عطرية، اللي عندكم زعتر فرش أو أوريغانو.
- جرجير
- صلصة نحطها عالويه قبل التقديم عبارة عن: صلصة ويشبون رومانو باسيل قفشتين أو 3 + خل البلسمك ماركة MF قفشتين كبار+ فصة ثوم مهروسه+ رشة سكر وملح. (كمية الصلصة حسب حجم الطبق عندكم)



الطريقة:
- نحمس البصل مع الثوم ومكعب ماجي بشوية زيت نباتي مع زبدة لما يتحمر البصل نضيف عليه المشروم ونقلبه عالنار لما ينحمس عدل، ونضيف عليه رشة ملح وفلفل أسود. والأعشاب العطرية.



- نتبل البطاط بالفلفل الأسود والملح ونحط طبقة بالبايركس ونصب عليه شوية كريمة



- نحط حمسة المشروم على البطاط ونغطيها بطبقة خفيفة من جبن البارميزان المبشور.



- بعدها نرجع نحط بطاط متبل بالفلفل الأسود والملح ونحط عليه شوية كريمة وبعدين جبن موزاريلا وبعدين نحط باقي الكريمة لما يتخلل الطبقات كلها ونغطي الطبق بقصدير وندخله الفرن نفتح النار من تحت ونخليه مدة نص ساعة تقريبا ولازم تطلون عليه تشوفون اذا الكريمة تشربت الطبقات وتماسكت نوعاَ ما، بعدين نشيل القصدير ونفتح النار فوق عشان يذوب الجبن.



وجذي شكل الطبق بعد مايستوي:



- نحط على الويه جرجير ونصب عليه الصلصة المكتوبة بالمقادير وبالعااااااااافية

لولو

انتي تحبين القهوة.. انا جربت كم مرة اذوقها ما قدرت ههه لان اشوف وايد يحبونها..
احس شلون تشربونها طعمها غريب..

مزمز
امبيييييييييييييييه اخر وصفه عذاااااب
ووصفه محروق صبعه بعد حليوه ..



مالي خلق اليوم كلش
راسي ثقيل واتحرك شوي شوي عشان ماصدع اخاف افز مره وحده واصدع

سندويشات حمسة النقانق بالجبن





بصل + هوت دوق مقطع مثل الصوره( نقانق ) + فلفل اخضر+ بصل اخضر


+ جبن شرايح + صمون صغار



اول شي تحمسون البصل وتحطوون عليه الفلفل والبصل الاخضر






بعدين تحطون فوقه النقانق وتحركونه





واذا بغيتوا تزيدون طماط مع المقادير عادي


انا آخر شي قررت احط طماط عشان كذا ما صورته مع المقادير







بعدين نضيف شرااااااائح الجبن وكل مازادت - بالنسبه لي - تكون افضل





وتحركونه لما يذوب الجبن








وتحشون الصمون بالحمسة

هههههه لولو ايييي اللي بالمشروم خاطري اكلها الحين.. خخ

مسائكم خير F:



بسومة
ما تشوفين شر فديتج انتي والحلوه ..



هتان
أخبارج ,, ما بقى عن موعدج شي :)

طبق شكله لذيذ

كب كيك بطاط

المقادير :



1 - بطاط على حسب الكميه اللي تبونه ( بطاط مهروسه )

2 - جبن كرافت مبشور

3 - حبة بصله صغيرة مفرومه

3 - نص شدة بقدونس مفرومه ( او حسب كميه البطاط )

4 - ملح + فلفل اسود + ملعقتين كبار طحين ابيض

5 - قالب زبدة

6 - بيضه << نسيت اصورها مع المقادير

7 - للوجه : جبن مبشور موزريلا


/


الطريقه :

1 - بعد هرس البطاط نخلط معاه الملح والفلفل الاسود والبقدونس والبصل والجبن الكرافت ( اللي بشرتيه )

2 - نذوب قالب الزبدة ونضيف المكونات السابقه ونخلطه جيدا

ومن ثم نخفق البيضه ونضيفها ونضيف ملعقتين طحين

4 - ناخذ ورق كب كيك ( نفس اللي موجود بالصوره السابقه )

ونملئ الخلطه بالورق ( بعد دهنه بالزبده جيدا )



الصورة السابقه قبل ما احطه بالفرن .

5 - درجه الحرارة نخليها 180 بس من تحت لمدة نص ساعه
وبعدين نشغل عليه النار من الفوق عشان يشقر الوجه ( لا تنسون تحطون الجبن المبشور عالوجه )

\

وهنيه بعد ما خلصنا نشوف وش طلع معانا

ام الغاليين

ريلي بيسافر الجمعه .. وببات هناك اسبوع ان شاء الله

::

فجورة

تفهي الصيام عادي

::

موزان

وااااااااي عذاب .. حرام عليج .. خليهم حق عقب الفطور لو سمحتي

مزمز
انتي مثل قلبو اختي
ماتشرب قهوتنا ابد وتتفشل قدام العرب لما يصبون لها ماتقدر تردهم خخخخخخ
انا ادمان عالقهوه
ومو اي قهوه ثرا تعجبني ..
صج قهوه هل الامارات طعمها غير ..شربتها من سنين عند ربيعاتي في بوظبي واستنكرت شوي طعمها ..وكنها سوده شوي لونها غير اغمق ..
بس الدوحه غير ذوقيها في الدوحه
والمحلبه حلوووه بعد انا عادي عندي بحليب والا بدونه ..
اهم شي فيها مسمار لووول في ناس مايحبونها بالمسمار ..

وصفه بيتزا اللفائف :

.

.

المقادير :

1 - كيس توست منزوع الاطراف << قنبله مو توست هع

2 - حبتين بطاط مهروسه او شاروما دجاج

3 - ثلاث ملاعق كبار جبن سائل << قلم مو جبن ,
نخلطه مع ثلا ملاعق مايونيز

4 - ملعقتين كزبره مفرومه

5 - الخلطه الحمرا للبيتزا ( اتعرفونها طبعا )

6 - للوجه : جبن مبشور + فليفله خضرا باردا + مشروم او زيتون ( اللي تحبونه )

\

الطريقه :

1 نفرد التوست بالمفرده جيدا ( بيصير مثل الورقه خفيف حده )
وبعدين ندهنه بخليط المايونيز والجبن السائل

2 - وبعدين نحط فوقه ملعقه البطاط المهروسه مع شويه كزبره ( ونلفها مثل اللي بالصورة اللي راح تشوفونها :




المهم :

وبعدها نسكب الخلطه الحمرا فوقها
وبعدين نضع مقادير الوجه كلها

ونحطها بالفرن 20 دقيقه لين ما يشقر الجبن .

وبتطلع معانا مثل اللي بالصورة اللي راح تشوفونها :

لولوو

انا غرااامي القهوه
واويلاااااه اذا متروسه قناد

بس ماعرف اسويها خخخخخخخخ

شاروما لحم بالتوست والجبن وراح تحبونا كثير
وان شاء الله تعجبكم ~


المقادير

1- سبع حبات بطاطا مهروسه مع فنجان حليب وملح وفلفل اسود

2- شاورما لحم

3- ست حبات توست

4- ست حبات جبن سلايت

5- بصله وحده مفرومه+اطماط مفرومه+ ملعقتين نعناع طازج مفروم


6- ملعقه صغيره زنجبيل ناعم مخلوط مع ملعقة قرفه ناعمه < لازم نخلطهم مع بعض

7- ملح وفلفل اسود وبهارات مشكله ملعقه صغيره


مقادير الوجه

1- علبه قشطه ( كيس قيمر )

2- ملعقتين كبار كريمة الثوم>طعمها رهيب

3- ملعقتين كبار جبن قلاصات

4 - ملعقتين كبار ثوم


الطريقه

ندهن الصينيه بالزبده ونجيب البطاط المهروس ونغلف الصينيه فيه من الداخل يعني مو بس الارضيه

حتى الجوانب كلها

وبعديم نحمس البصل على النار وشوية ثوم والطماطه ونحط شاورما اللحم

ونحط النعناع والبهارات والملح والفلفل الاسود

ونحط ملعقة صلصة الصويا وملعقتين معجون طماط

وبس نخلص نحطه فوق البطاط ونحط حبات التوست ونحط فوقهم جبن السلايت

ونسوي خلطة الوجه ونحطها فوق الجبن وبالفرن لمدة 15دقيقه

ولين تشوفين الجبن ذاب مع الخلطه وصار اشقر من فوق وطلعيه

وقدميه وبالعافيه مقدما

ماعليه بنات ماصورته من داخل بس كان عندنا ضيوف ولما ردت الصينيه

ولا مسوين فيها مجزره

سووها انتم وقولولي رايكم

لولو

انا ما طعمت اللي بالامارات.. ههه
في قطر

خبز الصاج بحمسة الدجاج والشيبس..



اولا تاخذين خبز الصاج الجاهز من الجمعيه وتسوينه له حشوه

عباره عن شرايح بصل تحمسينه بالزيت مع رشه كركم بعدين تحطين عليها شرايح الدياي المشوي او الشورما وتحطين عليها فلفل اسود وكزبره بودره وزعتر اوريجانو مع ملح وبعدها حطي قفشه كبيره جبنه كريميه اي نوع الي عندج+ قفشه كبيره كريمه الحامضه

تشيليه الحمسه وتفردين الخبزه وتحطين الحشوه + بطاط اعواد الشبس الي من الجمعيه+ ريحان مقصص وتلفين الخبزه


وتقطعينها الحجم الي ترغبين فيه وتصفينه بصينيه بايركس وترشين عليه زيت زيتون مع الزعتر المجفف



دخليه فرن ربع ساعه تخلين النار مفتوحه من الصوبين علشان يطلع مقروش

وتقدميه بالعافيه لذييييييييييذ

سلطة


جهزي قصدير مقطع مثل الشكل المعروض في الصوره










الحين سوي قاعده السلطه ولك الحريه
انا اعطيكم اختيار وانتوا وذووقكم بطاط مهروس بالزبده
دجاج او تونه حطي عليها اي خلطه





ادهني الطبقه الثانيه مايونيز




رشي بصل مفروم ناعم اذا حبيتي




قصصي كرومب / ملفوف
رشي جزر مبشور
او حطي ذر / فاصوليا
او اي شي تحبيه بالسلطه



رشي الوجه بأي نوع من الجبن وخلصنا







شفتي احلى وارتب من كذا سلطه

مزمز

حرااااااااااااام عليج
الصور عذاب