الرئيسية ركن الشات والمواضيع الترفيهية والألعاب شات عروس تجمع حوامل وامهات (قطر) لشهر رمضان لعام 1431 هـ ؛ 2010 م

تجمع حوامل وامهات (قطر) لشهر رمضان لعام 1431 هـ ؛ 2010 م

أم الغاليين الثلاث 10-08-2010 2,642 رد 151,108 مشاهدة
ف
فــجر الــحياة
عروس متألقة
11-08-2010 | 01:57 PM
أمونتي ،،
عندج فسوق الجبر و المحلات المقابلة سوق الجبر كم محل ،، و فالستي سنتر في محل اسمه توب تاتو ،، بعد عنده ،،

بسومة ،،
ما تشوفوون شر ،،

أم العاليين ،،
يمكن تلقين في مونسون ،، بس روحي فرع فيلاجيوو أو الستي ،، اللاند ما فيه شي ،،
ي
يــ غ ــار الـحـلــى QTR
عروس فضية
11-08-2010 | 02:15 PM
السلام عليكم F:

مبارك عليكم الشهر و الله يتقبل صيامكم وقيامكم وطاعاتكم
يعطيج العافيه ام الحلووووووين على الافتتاحيه الحلوه


بسووومـه
رووعه السويتات اللي حطيتيهم
يبيلنـا دخله المطبخ ,, جاري الحفظ


ام الحلوييييييين
اعتقد بمونسوووون بتحصلين






ب
بسوومة قطر
عروس برونزية
11-08-2010 | 02:25 PM
مساكم الله بالخير

الشر مايجيكم

ام حمني

تسلمين حياتي على التقييم

ام الحلوين

ماعنديش فكره ,, للحين مادرت فالسوق :(
..

الطبخات لقيتها في منتدى ثاني
هي طبخات مترجمه ونقيت منها الي يناسبناا

يالله عطونا افكار

شنو بتسوون اليووم؟

انا افكر اسوي بيتزا البطاطا بس ميني
ن
نـصـفـ@ الـثـ!نـي
عروس رائعة
11-08-2010 | 02:26 PM
مبارك عليكم الشهر

ياحلوااااات

الله يعينا على صيامه وقيامه ان شاء الله


ل
لولوة الدوحه
عروس رائعة
11-08-2010 | 02:26 PM
شخباركم مع اول يوم ..



راسي ثقيل خايفه الصداع يبدى معاي


بسومه
ماعليكم شر ..
فديتها لولا والله تلقط اي شي بسرعه مسكينه ..
والوصفات يمي يمي عجبني كب كيك الجرز والمارشملووو ..
والمالح ماركزت عليه لووول



ام الحلويين
ماعرف سوري




بنات ثراني من يومين سويت وصفه التشيكن كاري اللي حطتها الناعمه
حلوووه طلعت ماشالله وسهله صج
بس وصفه ماماتي تحط فيها حليب جوز الهند ..احس الطعم احلى بجوز الهند ..





برب اشوف منال العالم على بوظبي الامارات :)
أ
أم الغاليين الثلاث
عروس فضية
11-08-2010 | 02:29 PM
مشكورين حبيباتي ماقصرتوووا
كنت حاطه في بالي ما راح ادش السوق في رمضان بس شكلي باضطر اضراراً هههههه

بسومتي
وحشتيني
ل
لولوة الدوحه
عروس رائعة
11-08-2010 | 02:29 PM
نصووووووفه
حياتي والله
علينا وعليج بعد عمري
شخبار الشيخ معاج ؟؟عسى مو مسهرج





بسومه
ولا شي امي دايمن اول 3 ايام فطورنا
ثريد واحذاه السمبوسه والكستر والشربت واللبن اهم شي ..
واللي يبي يتفنن بكيفه اما انها هي تسوي شي اضافي لااااع ..





برب راحت علي الوصفه
ب
بسوومة قطر
عروس برونزية
11-08-2010 | 02:52 PM
نصوووفة

علينا وعليج يارب
ها ان شاء الله صايمه؟؟

ام الحلويين

والله انتي اكثر وحشتيني ووحشتني سوالفج

لولوة ام الشووش

في بيت اهل ريلي مارمضت الا3 ايام وعقب ترقدت وربيت نسيت شنو النظام خخخخ

بس في بيت هلي الثريد شي مقدس
بس لازم الخفايف السمبوسه اهم شي على السفرة والبيتزا الي بالتوست
غير السويتات الرياييل لازم قبل التراويح يحلووون ولازم قهوة وشاي
c
camellia
مشرفة سابقة
11-08-2010 | 03:08 PM
لولوة
شفتي بقلاوة الجبن والبيض اللي سوتها منال العالم
يمي يمي يمي احسها لذيذه
ب
بسوومة قطر
عروس برونزية
11-08-2010 | 03:11 PM
فاتتني الحلقه بصيح
:(
[
عروس نشيطة
11-08-2010 | 03:13 PM
فديتكم تسلموون

بس هم ماعطوني الموعد اصلا عشان انطر يتصلوون لي عرفتووا..؟
شكلي بنطر اليوم وعقب بتصل فيهم وبشوووف ...


بسومه

ماتشوفين شر حبيييبتي االله يعيينج ؛ بخصووص الصور يممممي والوصفات سهله وحلوووه ...


ام الغالين

شوفي مونسون ،والا كليرز ، سـآعات ماركس وبي اتش اس ينزلون بعد مري عليهم ....



بخصوص الاكل شخبـآركم مع المطبخ شسويتووآ ...!.؟

عن نفسي دخلت المطبخ وسويت البودينغ ريلي خـآطره فيه ، وبسوي سلطه يونـآنيه ، هاي اللي اقدر عليه ماقدر على وقفة المطبخ راسي يدوور اهئ ، اخلط اللي ابيه واقعد فالصاله احط فالطبق عشان ما اتعب ..

شوي شوي لين اتعود ع الصيـآم ...

ل
لولوة قطرية
عروس نشيطة
11-08-2010 | 03:21 PM
مساء الصيام

::

نور الحلوة

هاي احتباس سوائل .. يصير حق الناس في الطيارة والرحلات الطويله خصوصا ..

لازم الواحد ما يتم قاعد طول الوقت

::

ام الغاليين

اي انا بروح يوم الجمعه ان شاء الله .. حياج في اي وقت .. بس قولي لي قبلها وبروح عادي

::

امونتي

جلابيات النفاس : كشخه / بانتين "سوق الجبر" / ام عارف / ام خالد / توب تاتو / زون في المحل اللي على الزاوية

وفيه المحلات الغاليه : انا وطفلتي وربعهم

::

بسومه

سال لعابي على الكيبورد .. خاطي ادخل المطبخ .. خصوصا اني اجازة .. بس ادري ظهري بيتقطع علي ..
M
MoZ(a)N
عروس مشرقة
11-08-2010 | 03:54 PM
السلام عليكم


شخبار الصيام اول يوم رمضان؟


بنات في شي محيرني هههه.. الحين انا الدورة عندي اتم اسبوع بالضبط.. ودايما اول يوم اتعب..
هالمرة ما تعبت بس حسيت بضغط تحت لما اوقف فترة طويلة..
اول يوم عادي.. ثاني يوم بالعدة تنزل وايد علي بس هالمرة شوي.. ثالث يوم ما نزل وايد كانه اخر الايام.. واليوم رابع يوم كأنه اخر يوم..
يصير لكم جي عادي؟

قبل الدورة بكم يوم كنت اشرب زعتر لان فيني كحة.. المفروض تنزل اكثر..
ف
فــجر الــحياة
عروس متألقة
11-08-2010 | 04:02 PM
مسااء الخيير صبااياا ،،

كيفكوون ؟؟

انا اليوم سويت كرات الكيك المغلفة بالشوكلت ،، النااس يفكحرون فرمضان و انا افكر فالعيد من اللحين ،، ابي اجرب كم سويت و اضبطهم ،، خااطري هالعيد تكون الفالة شغل ايدية ،، بصور لكم ايااهاا ،،

بس نااوية اتفنن فالشوربات و السلطاات لان ابي اخفف ،، قااطعة ع نفسي وعد ،، ابي انزل 4 كيلو فرمضاان ،، بروح اوزن اللحين عشاان ببدا التحدي ،، من بتبدا معااي .؟؟؟؟

قمر،، اتصلي تأكدي ،، و اذا قالت لج ان الموعد مب مسجل ،، خل تعطييج موعد ع طوول ،،، عندج رقمهم صح ؟

يحليلكم تشوفون مناال ،،، امس ريلي سوا حركة ،، استغربت ،مدري شطاري علييه ، ما وعيت الا هو شاايل الرسيفر ،، عطيتة نظرة ،، قال لي ليش ،؟؟ مب عاجبج ؟قلت لا بالعكس ،، و تمييت اضحك ،، بس عاادي قلت خيير اصلا انا بعد ما ابي اشوف مسلسلات فرمضاان ،، و اريدي كل يوم بفطر فبيت هلي ،، يعني عقب الفطوور بشوف عن خااطري ،،و الباقي نتفرغ للعبادة و الذكر ،
،
ف
فــجر الــحياة
عروس متألقة
11-08-2010 | 04:04 PM
موزاان ،،
عاادي الدورة تجيها حالات ،انا جييه من بعد ما ربييت كللش ما احس بالامهااا ،انا اقول يمكن يمكن ع حسب التبويض ،،
M
MoZ(a)N
عروس مشرقة
11-08-2010 | 04:09 PM
شلون يعني التبويض؟
ل
لولوة قطرية
عروس نشيطة
11-08-2010 | 04:11 PM
موزان

عادي .. الدورة لازم تسوي لها حركات مره في السنه .. وترى مره سمعت معلومه من دكتورة .. ان مب كل شهر يصير تبويض ..

فالشهر اللي ما يكون فيه تبويض طبيعي تكون الدورة مختلفه

::

فجوره

الدورة تتغير عقب الولاده .. وتختفي آلامها .. سبحان الله
M
MoZ(a)N
عروس مشرقة
11-08-2010 | 04:12 PM
::المقــــــــاديـــــر ::

4 بطاطات كبار تفوحينهم
بصله وجزره عوده وبقدونس وفلفل اخضر وحده
وصدر دياي مفيوح ومنتف
2 قيمر صغار
4 ملاعق ك جبن قلاص

::الطـــريـــقه ::
تفوحين البطاط مع ملح وفلفل اسود وبهارات لي خلصتي فحتي خليه يبرد وصفيه عن الماي وخليه على الجنب
خلطي الجبن مع القيمر وخليهم على الجنب

ونبدا ناخذ من الخلطه اللي اهيا القيمر مع الجبن ونحطهم بالبايركس
وناخذ البطاط ونحطه فوقه


وبعدين نحط حمسة الدجاج



ونحط فوق الدجاج شوي من الصلصه
وعقب الخلطه نحط طبقه ثانيه من البطاط المبشور


واخر شي نصب كل الخلطه فوق البطاط نحط فوقه جبن مزوريلا


واخر شي ادخلينها بالفرن

وبالعاااااافيه عليكم


أ
أم الغاليين الثلاث
عروس فضية
11-08-2010 | 04:13 PM
لولو
تغيير يوم الجمعة في بيت ابو مرة اخوج صار يوم السبت
بتكونين هناك D:

موزان
عادي دامج نظفتي عادي ساعات لما تشربين هالاشياء تعتفس وعلى قولة فجور عرات رمضان

فجورة
الله يثبتنا وإياكم يارب
انا اليهال طول الوقت يشوفون التي في يعني انا بعيد بعيد :)
ف
فــجر الــحياة
عروس متألقة
11-08-2010 | 04:23 PM
موززان ،،
نفس ما قالت ام الغاليين ،، يمكن ما صار تبيويض عشاان جييه نزلت خفييفة ،،

ام الغاليين ،،
يعني ما باعااني نفس قبل ؟؟ بشرج الله بالخيير،،
X