.. █ || « تجهيزات عرائس لشهر رمضان 1431 - 2010 م / الجزء = 151 .. ♥

fulla2010;13025748:
شكرا لكل الى ردو عليا بخصوص فروع يانسن

ربنا يسهل ان شاء الله وننزل نشترى المراتب باذن الله

دارين ربنا يكون فى عونك بجد وزى ما قالولك البنات شغلى سورة البقرة وااقريها كمان ربنا يعينك يااااااارب

كليوباترا ااقولك بجد الحاجات دى انتى تتعودى عليها خااااااااالص عااااااادى والله انا كنت زمان كدة انا وخطيبى كدة اتصل بيه يقولى انا رايح كذا او كذا وخلاص بااه دلوقتى عاادى لانى خلااص اتعود وربنا يعينك ويوفقك يا جميل

مش عارفه اسال ايه ؟؟!!

انا جالى طقم اركو بايركس هديه 58 قطعه هل ده كفايه ولالا ؟؟
ومش عارفه مش باين عليه ماركه ولا حاجه مكتوب عليه صينى ومضااايقه صرااحه يعنى انا كده اجيب الطقم الصينى وخلاص
انا ماما بتقولى كدة
وفعلا عندها حق لان الطقم الاركو ده 58 قطعه بس هل ده يكفى ولالا

lasposadelnilo;13021605:

حد فيكم جرب الشرشوبه ام عصاري اللي نازله على فتكات
معمول عليها عرض في رمضان ب 99 جنيه من 119
وشكلها عملي
اللي جربها او سمع عنها يقلي
انا اللي اعرفه ان الشرشوبه مش صحيه عشان الشووائب بتفضل فيها
بس دي شكلها مختلف ومعاها راس شرشوبه زياده
معنى كده ان ممكن نغيرها كل فتره
غير ان ليها دواسه كده بالرجل عشان تعصري بيها الميه
حد مع عنها او جربها
ردوا عليا بسرعه عشان الحق العرض




اختكم الخايبه اللي مش بتعرف تمسح السيراميك
نهاد

:'(:'(:'(:'(:'(:'(

كليوباتراا;13022812:

يابنات عندى مشكلة بس خايفة تقولوا عليها هيفا ودماغى فاضية
بس معلش بقي استحملونى لانى مش عارفه اية الصح
محمد خطيبى بيشتغ الصبح في شركة وبالليل بيشتغل في جيم تحت بيتهم اوكش بيرجع من الشغل بتاع الصبح ينام وبالليل بيخلص الجيم الساعه 11 او 12 المفروض بالليل يكلمنى بنتكلم بس مش بنطول عشان الشغل بتاعه الصبح الساعه 7 وعندة يوم الجمعه والسبت اجازة فعندى يوم الخميس والجمعه دة عيد بقي عشان بنتكلم براحتنا اوكش وانا معرافااه كدة المهم جة الخمس اللي فات طلع الساعه واحدة وتلت بالليل وكلمنى وانا كنت زعلانة منة لانة بردوا بيتأخر
وامبارح بقي كنت حاطة الموبايل بيعيد عنى ودخلت اشوفه الساعه 1 ونص بالليل لقيت 3 مسد من خطيبى الساعه 12 اتصلت بية قالي اصلي انا في الهرم بركب خيييييل مع اصحابي كان هاين عليا اقفل السكة بس مكت نفسي وقفلت معاه وانا زعلاااااااااااااااانة ومخنووووووووووووووووووووقة ( انا هيفا يابنات ؟؟؟؟)
بس اتصل بيا واقعد يصالحنى بس بردوا انا من النوع اللي لما بزعل من حد غالي عندى مش بصفى بسرعه قوليلي بقي اعمل اييييييييييييييييييييييييييييييييييية ...........معلش طولت عليكم ورغيت كتير
المشكلة انى مش عارفة انا في زعلي دة انا صح ولا انا مأفورة الموضوع

اجيب مفرش السرير لونة اية ؟؟؟ اجبة بتاع فوربد بس هو لونة ذهبي كدة ولا اجيبة اييييييية؟؟؟

ANDLOS;13024116:
شكرا يا حبايب قلبي علي كل الي رد عليا بالنسبة للنوتياج عملته عند كوافيرة في م نصر و قلت ياريتني ما عملته لان وشي كان احسن من كدة بكتييييييييييير
وشي اتبهدل اكتر و كلفني 100 جنية ادفعوا كده علي الفاضي الحمد لله علي كل حال
لسة برده دافعة 200 جنية عند دكتور جلدية في مصر الجديدة مش حقول غير حسبي الله و نعم الوكيل مقاليش علي اي دواء
كل الي قاله اعمل ليزر 5 جلسات الجلسة 800 جنيه
يعني عايز ينصب علينا اكتر من كده
فلوس بتترمي في الارض ربنا يعوضنا خير

حفيدة فاطمة;13016140:

العنوان بالضبط

تركبى حاجة لميان الجحاز اللى فى مصر الجديدة
وبعيدن لو تاكسى حتقوليله عند الامن الصناعى او سيتى بنك هو جنبه على طول محل لجوة شوية
لو حتتمشيها من ميدان الحجاز يبقى توصلى للامن الصناعى وتعدى شارع وتمشى بالصبط عمارتين
وهى مش 5 دقايق
وعلى الرصيف التانى قدامة مطعم العائلات
او عارفة مستشفى الوطنى للعيون بعدة بشوية بس هو على الرصيف التانى
لو توهتك قوليلى احاول اشرح تانى
الرقم حبعتلك رساله حالا

تسلميلي يا قمر ربنا يكرمك انا بقا هحاول اروح علي الوصفه دي وإن شاء الله أوصل ولو ماوصلتش مش مشكله هاجي اقولك علشان تشرحي تاني :)

منتظرة الميل على الخاص بس اكتبى الاكونت وبعدين ابقى اكتبى على ايه ياهو ولا هوت ميل

عشان المنتدى بيغير اللينك بتاع النت

:-o الميل بتاعي انا؟ علشان الجروب يعني؟ بس انا لسه ما وصلتش 300 مشاركه :(
الصور جميلة طيب مزلى وعقدينا بس اللى شاف حاجة يقول نلاقى زيها فين

وخصوصا بتاعت البيتزا لانى بموووووووووووووووووت فى البيتزا جدا

حاضر يا قمر هنزل تاني انا كمان نفسي الاقي بتاعه البيتزا علشان زيك بموت فيها بس للأسف الحاجه الوحيده اللي لقيتها هي بتاعه الزيت شفت زيها في رويال هاوس

[/CENTER]

سلمى 16;13016473:
ya leil ليه يا ماما بتعقدينا كده ده الحاجات التانية مش لاقينها يبقى حنلاقى دول :!!:
بنات هو طقم الشاى ده مهم؟؟

دارينيتا;13019150:

حد فيكم يتطوع ويقولي ايه رايه في عروسه اول مره تستعمل فيها الغساله عشان تغسل الملايات اللي خدتها معها لشهر العسل صدفه مميته ان الملايه اللي فيها تطريز احمر يطبع علي عدد 6 ملايات باكياسهم ويدمرهم شر تدمير
ده اولا
خشوا علي ثانيا
لحد الان انا لسه مش عملت مطبخ ولابايني هعمله اساسا كل مانتفق مع حد يطلع لنا مصيبه احنا او الراجل ويتفشكل الموضوع
ثالثا
انا عامله في السقف بيت نور والحمام كمان ويوميا لمبه منهم تتحرق ومرات مرتين في اليوم واقول يابت عادي بتحصل
رابعا
حكيت لكم عن اني ضاع مني اللحاف في المشاركه اللي فاتت
خامسا
خساير بشكل يومي في البيت وتقريبا كل الفلوس اللي بتدخل لينا بتروح في التصليحات
سادسا
جيت اول امبارح اعمل صينيه مسقعه ..عادي يعني بتحصل ..وكنت عاملاه في صينيه بايركس وفجاه وبدون مقدمات (طخ..طك ) وهوباااااااااااااا الصينيه البايركس رغم انها غاليه مووت ومحترمه الا انها طرقت وانكسرت بالنص بالظبط
سابعا
قررت اعمل كنافه بالقشطه لجوزي حبيبي اصالحه بيها بعد ماعكننت عليه وبعد يابنات ماعملتها ميه ميه وزي الفل واستوت من تحت في الفرن وتمام التمام اوي وقلت اطلعها فوق شويه احمر الوش واقسم بالله اني ماخليتهاش اكتر من 4 دقايق بالكتير اوي ان مكنش اقل الا والاقي المطبخ كله دخان وحريقه في الفرن وافتح وانا بصوت طبعا الاقي النار ماسكه في وش الصنييه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!
علي فكره
كل ده اختصار للاحتصار للاحتصار الممل للي بيحصل لي
غير اني انا وجوزي طوووووووووووووووووول مااحنا بره البيت سمن علي عسل وسكر بودره وعلي الوش فزدق واول ماندخل البيت محدش فينا طايق التاني اساسا ويوميا خناقه وعلي ايه تفاااااااااااااااااااااااااااااااهه التفااااااااااااااااااااااهه صوت التي في عالي مثلا اوالنور كتير او اي هبل في عبط مني ومنه عشان مابقاش ظالمه ليه
في ايه يابنات مش فاهمه انا عصبيه جدا ليه وبعمل كده ليه الله اعلم بشغل قران طول الليل والنهار يابنات والله والحمد لله بنصلي سوا معظم الوقت
طب ايه
في ايه بقي
الله اعلم
مخنوقه موت ومش فاهمه ليه
بالله يابنات تدعولي ربنا يصلح لي حالي ويهديني لجوزي ويهديه ليا
سؤال
هي البطاطين الحلوه رينجات اسعارها ايه وبتتباع فين وايه مقياس الجوده بتاع البطاطين اساسا مع العلم اني مش عاوزه بطاطين التقيله لاعاوزه الخفيفه اوي دي اللي ممكن اتغطي بيها من التكييف بليل لما يستهبل ويسقع الجو زياده مع العلم اني لسه مش جبت التكييف

red roseee;13017423:

سؤال الحلقة ؟؟؟؟؟؟؟؟؟؟؟؟
يا بنات يا حلوين هو لما الشقة بتتفرش بالحجات العروسة بتروح تفرش حاجتها ولا ممنوع العروسة تروح الشقة وتفرش الحاجة مامتها واخوتها واهل العريس بس على اساس انو عيب
ارجوكم فيدوني في النقطة دي
ولو العروسة ما رحتش تفرش الحاجة بيبقا النظام ايه تقعد تدورؤ في الشقة على حجتها
بليز قولولي لانو مش عارفة ايه السائد

lasposadelnilo;13021605:

حد فيكم جرب الشرشوبه ام عصاري اللي نازله على فتكات
معمول عليها عرض في رمضان ب 99 جنيه من 119
وشكلها عملي
اللي جربها او سمع عنها يقلي
انا اللي اعرفه ان الشرشوبه مش صحيه عشان الشووائب بتفضل فيها
بس دي شكلها مختلف ومعاها راس شرشوبه زياده
معنى كده ان ممكن نغيرها كل فتره
غير ان ليها دواسه كده بالرجل عشان تعصري بيها الميه
حد مع عنها او جربها
ردوا عليا بسرعه عشان الحق العرض
اختكم الخايبه اللي مش بتعرف تمسح السيراميك
نهاد

:'(:'(:'(:'(:'(:'(

روح قلبه وحبيبته;13016472:

بصى يا قمر انا بالنسبة لى حمام التلات كنز لانى انا اغلبية حاجاتى بجبها من رويال هاوس اختصار للوقت وكدة انا اصلا مش مخطوبة ولا حاجة بس هو جنبى وكل فترة اروح اجيب شوية حاجات ما اقولكيش على الاسعار والفرق عن حمام التلات لدرجة تشكى ان حمام التلات دى حاجتهم فرز 100000000000 ....ممكن بقى تقوليلى انتى لقيتى فين الاسعار ارخص ؟؟؟

وعلى فكرة يا بنات انا بجيب من مول ورا مديرية الامن حكاااااية وحاجات مستوردة وغريبة انا جايبة من عنده التيفال من مدة ومكنش انتشر ساعتها التيفال السافلن وكمان عنده ستانلس برازيلى والحلة معدية ال 500 جنيه حاجاته وهميه جبت من عنده ستاند معالق احمر ايده قطيفه وجبت صوانى تقديم حكاية طقمين كل طقم 3 صوانى...

خووخة احمد;13026414:

السلام عليكم ورحمة الله وبركاتة

ازيكو عاملين ايه يابنات انا بقالى كام يوم مش بشارك معاكم بس النهادرة نزلت اشتريت حاجات بسيطة من محل جمبنا عامل تخفيضات صورت الحاجات وصورت الشنطة بتاعته فيها كل فروعه شوفو الحاجه وقولولى رايكو.

http://www.3roos.com/files/ups/2010/394923/11283038840.jpg

http://www.3roos.com/files/ups/2010/394923/21283038840.jpg

http://www.3roos.com/files/ups/2010/394923/31283038840.jpg

وكلهم يا جماعة 25 جنية
http://www.3roos.com/files/ups/2010/394923/01283038840.jpg

eng.hagor;13026447:
حلوين اوي ياخووخه ماشاء الله وسعرهم حلو كام تتهني بيهم ياقمر

nanono;13026463:
eng.hagor انا ورتكوا الاطقم بتاعتي من كام صفحة يا حبيبتي وقولتلكوا ان الطقم الاركوبيركس بتاعي 58 قطعة ب 400 بس هو صيني مش اماراتي ولا فرنساوي دول طبعا بيبقوا اغلى

nanono;13026576:
بصي هما تقريبا اغلب البنات بتعمل كده بتجيب مثلا طقم صيني للنيش وطقم اركوبيركس وطقم عشا صغير مثلا للاستخدام وكده

لكن انا بصراحة كل اللي هشتريه هستخدمه مش هجيب حاجة مخصوص للنيش وحاجة للاستخدام :)

eng.hagor;13026597:
انا بنت عمي جابت طقم الصيني للنيش وجابت اطباق 12 كبير و 12 احجام مختلفة يعني بتقولي مجبتش طقم للعشا عشان في حاجات متككرة يعني زي فناجاين وكده وهي اصلا جايبة كوبايات ومجات هو ينفع كده يابنات عادي يعني

حفيدة فاطمة;13025786:

انا رديت عليكى ياجميل

قلتلك عباية مع طرحة وممكن بوك او شنطة

بنات انا انهاردة شوفت الطقم بتاعى الاستنالس طلع

مكتوب عليه

cr 18 على 8 ni

ومكتوب على الايد 18على10

وكله حفر

هو من 5سنين من حمام التلات اسمه وايت فلاكون تركى

كنت جايباه ب500او450

تفتكروا حلو ولا ايه

وملزقش فيه المغناطيس ابدا

ردوا عليا ضروووووورى

dr.muslimah;13025807:

تسلمو يابنات كلكم جزاكم الله خيرا على اهتمامكم ياحلوين

الحمد لله بابا احسن دلوقت بس بردو تعبان شوية متنسهوش فى الدعاء

انا كدة بدأت افوق شوية رجعالكم بحاجات كتير على بكرة كدة ان شاء الله

انا قرأت مشاركة رانون وهى متضايقة قوى بس لسة مقريتش باقى الصفحات فمش عارفة عملت ايه لسة
بس عموما ربنا يفرج عنها ويصلح لها الأمور ويصرف عنها السوء ويختار لها الخير اللهم آآآآآآآآآآآآآآآآآآآمييييييييييييييين

سؤال المخالفة وهو سؤال بجد
اجيب لغرفة النوم تكيف بارد ودفاية
ولا تكييف بارد وسخن؟

قولولى أرأئكم ياحلوييييين

nanono;13026624:
انا بيتهيئلي كله عادي يا هجور يعني حسب مانتي بترتاحي لأيه وبتحبي ايه ومثلا هل هيجيلك ناس كتير ولا عادي

انا شخصيا لسه مجبتش طقم الصيني واحتمال اتجوز من غيره اساسا فهستخدم الاركوبيركس والعشا ليا وللضيوف وهجيب اطباق فرداني اللي هي الوان دي احمر وابيض واسود واصفر وكده لغاية مشوف موضوع الصيني

بس انا طقم العشا بتاعي مفيهوش كوبايات ولا مجات واظن كل اطقم العشا الصغيرة كده