.. █ || « تجهيزات عرائس لشهر رمضان 1431 - 2010 م / الجزء = 151 .. ♥

noogy;13013073:
يتصفح الموضوع حالياً: 10 (9 من الأعضاء و 1 من الزوار) ‏noogy, ‏كوكونانا, ‏bonbona we bas, ‏سلمى 16, ‏مكرووونة+, ‏freska ammar, ‏حنين86, ‏لولو احمد, ‏taky21

منورين يا بنات




المكنسة الباناسونيك اليابانى جميلة اوى
التلاجة التوشيبا حلوة اوى برضه هى عيبها ان ال 3 باب رفوفها ضيقة وحلها انك تشيلي منها رف بس الدرج بتاعها كبير والفريزر برضه كبير

يا اما تشيلي الفلوس على جنب يمكن تحتاجيهم بعد كده
او تشترى بيهم دهب اهى منها للزينة ومنها فلوس متشالة
والبرفانات كفاية اوى كده ماتجيبيش تانى ومش لازم يكوانوا مشهورين المهم ان ريحتهم حلوة


يا قمر ماهو لو حد عارف هيرد
بس انتى عايزة الكوافير علشان حمام مغربى ولا علشان ميكب
بصي انتى احسن حاجة تعملى الحمام المغربى فى البيت وتعملى مقشر شهر العسل اللى بطة قالت عليه
وتروحى بقى للكوافير يعملك ميكب وانتى تكونى عاملة ماسكات فى البيت وخلاص :)


ادخلى على جوجل بعد كده دوسى على صور وفى مكان البحث اكتبى مثلا غرفة نوم او غرف اطفال او انتريهات وهتظهرلك صور كتير اوى دوسى عليها وكبريها وحطيها عندك عالجهاز بعد ما تنزلى كل اللى يعجبك نقى منهم احلى حاجة واطبعيها واديهم لخطيبك يديهم للنجار يعمل لك زيهم بس على قد مساحة الاوض عندك علشان تكون مظبوطة ومش كبيرة F:

ربنا يفرج همك يا رنون ادعى ربنا كتير واقرى قرآن وان شاء الله خير
واحمدى ربنا على كل شئ الانسان مابيبانش غير فى المواقف علشان تعرفيه على حقيقته
اهدى انتى بس مفيش حاجة تستاهل :L:

ربنا يشفي والدك ويرجعولك بالسلامة يارب :L:

lasposadelnilo;13021605:

يا بنات ومدامات الحاضر والمستقبل

نوجي ونانو وحفيده فاطمه وسارا هانم حبيبه هارتي سلام مربع وملهلب
ودارين واشري العرايس الجميلين
وشيمو زوما المستجده السكره
وماما سالي ربنا يقومك بالف سلالالالالالالالالالالالالالالالالالامه
وكل البنات نفرايه نفرايه
معلش فاتي حبه صفحات كنت بحاول اقرابس بفرهم بسرعه البرق عشان اوصل بقى
هيييييييييييييييييييييييييييييييييه اخيرا زست وصلت لهونا

كان ليا سوال ملح على راي توشكا

حد فيكم جرب الشرشوبه ام عصاري اللي نازله على فتكات
معمول عليها عرض في رمضان ب 99 جنيه من 119
وشكلها عملي
اللي جربها او سمع عنها يقلي
انا اللي اعرفه ان الشرشوبه مش صحيه عشان الشووائب بتفضل فيها
بس دي شكلها مختلف ومعاها راس شرشوبه زياده
معنى كده ان ممكن نغيرها كل فتره
غير ان ليها دواسه كده بالرجل عشان تعصري بيها الميه
حد مع عنها او جربها
ردوا عليا بسرعه عشان الحق العرض

اختكم الخايبه اللي مش بتعرف تمسح السيراميك
نهاد

:'(:'(:'(:'(:'(:'(

دارينيتا;13019150:

السلام عليكم يابنات

عاملين ايه
الاول انا متشكره جدا لكل القمرات اللي ردوا علي سؤالي
مش عارفه اقولكم ايه بصراحه
انا مخنوقه بشكل عمري ماشفته قبل كده واتمني الاقي تفسير عندكوا للبلاوي اللي بتحصل لي كل يوم
بدون سبب منطقي او مبرر
طبعا محدش فاهم حاجه
افهمكم
حد فيكم يتطوع ويقولي ايه رايه في عروسه اول مره تستعمل فيها الغساله عشان تغسل الملايات اللي خدتها معها لشهر العسل صدفه مميته ان الملايه اللي فيها تطريز احمر يطبع علي عدد 6 ملايات باكياسهم ويدمرهم شر تدمير
ده اولا
خشوا علي ثانيا
لحد الان انا لسه مش عملت مطبخ ولابايني هعمله اساسا كل مانتفق مع حد يطلع لنا مصيبه احنا او الراجل ويتفشكل الموضوع
ثالثا
انا عامله في السقف بيت نور والحمام كمان ويوميا لمبه منهم تتحرق ومرات مرتين في اليوم واقول يابت عادي بتحصل
رابعا
حكيت لكم عن اني ضاع مني اللحاف في المشاركه اللي فاتت
خامسا
خساير بشكل يومي في البيت وتقريبا كل الفلوس اللي بتدخل لينا بتروح في التصليحات
سادسا
جيت اول امبارح اعمل صينيه مسقعه ..عادي يعني بتحصل ..وكنت عاملاه في صينيه بايركس وفجاه وبدون مقدمات (طخ..طك ) وهوباااااااااااااا الصينيه البايركس رغم انها غاليه مووت ومحترمه الا انها طرقت وانكسرت بالنص بالظبط
سابعا
قررت اعمل كنافه بالقشطه لجوزي حبيبي اصالحه بيها بعد ماعكننت عليه وبعد يابنات ماعملتها ميه ميه وزي الفل واستوت من تحت في الفرن وتمام التمام اوي وقلت اطلعها فوق شويه احمر الوش واقسم بالله اني ماخليتهاش اكتر من 4 دقايق بالكتير اوي ان مكنش اقل الا والاقي المطبخ كله دخان وحريقه في الفرن وافتح وانا بصوت طبعا الاقي النار ماسكه في وش الصنييه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!
علي فكره
كل ده اختصار للاحتصار للاحتصار الممل للي بيحصل لي
غير اني انا وجوزي طوووووووووووووووووول مااحنا بره البيت سمن علي عسل وسكر بودره وعلي الوش فزدق واول ماندخل البيت محدش فينا طايق التاني اساسا ويوميا خناقه وعلي ايه تفاااااااااااااااااااااااااااااااهه التفااااااااااااااااااااااهه صوت التي في عالي مثلا اوالنور كتير او اي هبل في عبط مني ومنه عشان مابقاش ظالمه ليه
في ايه يابنات مش فاهمه انا عصبيه جدا ليه وبعمل كده ليه الله اعلم بشغل قران طول الليل والنهار يابنات والله والحمد لله بنصلي سوا معظم الوقت
طب ايه
في ايه بقي
الله اعلم
مخنوقه موت ومش فاهمه ليه
بالله يابنات تدعولي ربنا يصلح لي حالي ويهديني لجوزي ويهديه ليا
سؤال

هي البطاطين الحلوه رينجات اسعارها ايه وبتتباع فين وايه مقياس الجوده بتاع البطاطين اساسا مع العلم اني مش عاوزه بطاطين التقيله لاعاوزه الخفيفه اوي دي اللي ممكن اتغطي بيها من التكييف بليل لما يستهبل ويسقع الجو زياده مع العلم اني لسه مش جبت التكييف

حبيبة كريم;13022552:

F:هاميس أتون F:
بصى يا قمر العباية بتاعة نانسى حلوة اوى فى اللبس:thumbs_up:و كمان تغير بقى وطبعا التغير مطاوب هاتيها توكلى على الله بجد حلوة

F:دارينتا F:
بصى يا حبيبتى ممكن أوى تكون عين و الحسد مذكور فى القرأن انا بتفق فى الرأى مع هاميس وفعلا عليكة بصورة البقرة و كمان انتى أول ماتلاقى نفس لتردى على جوزك وهتبدأى تتعصبى حاولى تسيطرى على غضبك واستعيذى من الشياطن وقومى صلى و ربنا يحميكوا من كل شر و الحمد لله لو على الحاجة فداكى يا قمر .
سؤال المخالفة : يابنات هو المفروض بجيب شنطة المعالق و كمان بجيب فردانى ولا ينفع اجيب 2 شنطة واحدة غالية كده ومحترمة :thumbs_up:والتانية للاستخدام

حبيبة كريم;13022636:
[QUOTE=rannon;13017388]بجد ميرسى لكل بنوته ردت عليا ودعتلى من قلبهاوربنا وحده اللى بجد حاسس انا شكلى ايه وتعبانه ازاى

F: رانونF:

انا شايفة طالما كلمك و حاول يعتزر عن اللى حصل ده حاولى تسامحى عارفة بجد كتير بيحصل بين كل اتنين ولو الواحد وقف على الوحدة الحياه هتقف انتى بس حاولى تفهمى بطريقة لطيفة كده ان الحياة لسه فيها و انه ماينفعش ياخد قرار زى ده بسرعة و بينى و بينك الصحاب ياما بيعملوا :'( انا يا بنتى كريم ده كان لايمكن يعدى يوم غير لما نتكلم و انا كنت تقريبا عارفة عنه كل حاجة خصوصا هو فى بلد وانا فى بلد فجأة كده لا بيتكلم ولا اى حاجة ولو قولتلك هتضحكى و اللهى من غولبى يا بنتى هو كان ليه صاحب خاطب وكان صحبه اوى خطيبة صحبة دى الله يسامحها اخدت رقم كريم من موبيل صحبه وكلمته وصرحتله انها بتحبه المهم كريم صدها وقال لصاحبة بطريقة كده انت تعرف الرقم ده اصله بيتصل بيا كتير المهم صاحبه ساب خطيبته و دلوقتى بقى قريب اوى لكريم و عارفة بقينا بعاد اوى عن بعد بس بقول انا ههدى كده وشوف اخريتها مع انى بحبه جدا بس قولت بعد رمضان هاشوف ايه الاخبار وصبرت نفسى بالصلاة و عارفة اللى مضايقنى انه طول ما هو بيعيد عن صحبه ده كويس ومهتم وصحبه ده مش عارفة عايز ايه و اللهى انا خايفة :'(انا طولت عليكى انا كان قصدى انك تصبرى و ماتتسرعيش و احمدى ربنا اللى يشوف مشاكل الناس تهون عليه مشكلته
سؤال المخالفة : ايه افضل هديه اقدمها لحماتى وخصوصا دى أول هديه

كليوباتراا;13022812:

ranon

ربنا يسعدك ياقمر بس طالما هو اعتذر اوك بس اقسي علية شوووووووية حسيسية انة عمل حاجة كبيرة لان فعلا اللي عملة دة حاجة كبيرة ولازم يحس بغلطتة عشان لو حد مقومة عليكى ولا حاجة خطيبك يعرف ان دة شطان مش صاحب كويس
وربنا يوفقك ياقمر

يابنات عندى مشكلة بس خايفة تقولوا عليها هيفا ودماغى فاضية
بس معلش بقي استحملونى لانى مش عارفه اية الصح
محمد خطيبى بيشتغ الصبح في شركة وبالليل بيشتغل في جيم تحت بيتهم اوكش بيرجع من الشغل بتاع الصبح ينام وبالليل بيخلص الجيم الساعه 11 او 12 المفروض بالليل يكلمنى بنتكلم بس مش بنطول عشان الشغل بتاعه الصبح الساعه 7 وعندة يوم الجمعه والسبت اجازة فعندى يوم الخميس والجمعه دة عيد بقي عشان بنتكلم براحتنا اوكش وانا معرافااه كدة المهم جة الخمس اللي فات طلع الساعه واحدة وتلت بالليل وكلمنى وانا كنت زعلانة منة لانة بردوا بيتأخر
وامبارح بقي كنت حاطة الموبايل بيعيد عنى ودخلت اشوفه الساعه 1 ونص بالليل لقيت 3 مسد من خطيبى الساعه 12 اتصلت بية قالي اصلي انا في الهرم بركب خيييييل مع اصحابي كان هاين عليا اقفل السكة بس مكت نفسي وقفلت معاه وانا زعلاااااااااااااااانة ومخنووووووووووووووووووووقة ( انا هيفا يابنات ؟؟؟؟)
بس اتصل بيا واقعد يصالحنى بس بردوا انا من النوع اللي لما بزعل من حد غالي عندى مش بصفى بسرعه قوليلي بقي اعمل اييييييييييييييييييييييييييييييييييية ...........معلش طولت عليكم ورغيت كتير
المشكلة انى مش عارفة انا في زعلي دة انا صح ولا انا مأفورة الموضوع

اجيب مفرش السرير لونة اية ؟؟؟ اجبة بتاع فوربد بس هو لونة ذهبي كدة ولا اجيبة اييييييية؟؟؟

lasposadelnilo;13023155:
وادي الصور تاني لو مش ظاهره هرفعها

UMM MOAZ;13023696:
يا حبيبتي .ده عادي خالص لان العروسة لازم تاخد عين حلوة كده........من كتر كلام الناس و من شاقتك ......لان البيجو يشوفوكي يوم السبوع عاوزين يشوفوا شقتك و حجتك قبل ميشوفوكي..........احمدي ربنا انها مجتش فيكي او في زوجك............

ده انا اخدت عين ما شاء الله يمكن كبيرة اوي اوي...انا كنت بقول لزوجي حط الفرخه في السيخ بتاع الفرن عشان تتشوي ..فقلي لما نجي من برة كنا نزلين رايحن للدكتور عشاني لاني تعبت بعد يوم السبوع علي طول....المهم جينا من برة و انا دخلت اقلع لبسي و لسة بقلع البيشة لقيت زوجي صرخ و ناداني...لقيت المطبخ مليان دم و ايدة مفتوحه من السيخ ....نزلنا اخدنا تاكسي لغاية الدكتور و عمله 5 عرز تجميل ......غير طبعا حاجات تانية كتير .بس الحمد لله.............يا بنات نصيحه كل محد يدخل بيتك في السبوع تقرائي المعوذتين..بالنسبة باه للاكل يا قمر .انتي في اول الزواج بتكوني لسة متوترة و بالاخص ان ساعات الزوج بيحب يشوف زوجته و هي واقفة تطبخ فبيبقي قية ارتباك ده عادي خالص.....اما بقي الخنقات ده عادي خالص خالص.لان كل واحد لية تفكيره .حتي لو مخطوبة بقالك سنين و سنين.......و ربنا ييسرلك امورك و يحفظك من كل عين

red roseee;13023865:

ملحوظةةة مهههمةةة جدااااااا ارجو من الجميع الانتباه

اذيكم يا بنوتات يا حلوين
انا كنت انهرداا عند دكتورة مها رادوميس ودي دكتورة تخسيس وكدة المهم الدكتورة دي كويسة اوي ومشهورة
اجي للمفيد بقا من غير رغي ممالوش لازمة

انا كنت قرأت هنا في المنتدى بنات قالو على حبوب بتخسس او بتسد النفس اسمها
دايت ماكس
انا سألت الدكتورة عليا قالتلي بالحرف
((( دي وحشة اوي يابنتي و اوعي تاخديها لانها بتأثر على المدى البيعيد في الهرمونات والانجاب وانتي على وش جواز فبلاش تجيبي لجسمك الضرر))
دا كلام الدكتورة بالحرف الواحد والله العظيم ويشهد ربنا عليا اني مش بكدب

انا بس حبيت اقولكم وانصحكم لان انتو اخواتي بجد ويعلم ربنا قد ايه بحبكم كلكم
لان في كذا بنوتة قالت على الدواء دة

سؤال الحلقة ::::

يعني ايه طقم التلاجة بيكون عبارة عن ايه

ANDLOS;13023948:
يا بنات عملت تنظيف عميق للبشرة عند كوافيرة عملتلي نتواياج
و شالتلي الرؤوس السوداء في الانف بابرة الي الان تؤلمني جدا حد عنده حل للوجع الرهيب ده