انا جيييييييييييييييييييييييييييييييييييييييييييييييييييييييت
احب اعرفكم بنفساويتي
انا نهاد اللي فجرت مشكله الكشف وانا اللي اتشك في لساني وقلت عاوزه اروح اكشف عشان اعرف نوع الغشاء ولو لا قدر الله في حاجه جوهريه ممكن تمنعني من الخلفه اعرفها
يعني حاسه انى هبقى مطمنه لو عملت كده
وقرانيه انتى قلتي انك عرفتي نوع الغشاء
هوا الكشف يعني بيحرج صح ولا ايه
هوا ده بس اللي مخليني متردده
لان مره زمان وانا في ثانوي جالي حبوب ومشكله في جلدي من اول بطني لتحت ورحت لدكتوره وقعدت اعيط ورا البرفان ومكسوفه اخليها تكشف
هي سابتني لحد ما هديت خالص وكشفت
عشان كده خايفه
ياريت تقلولي اسمها ايه الدكتوره او فين مكانها
ولازم تكون دكتوره نسا طبعا مش باطنه ولا حاجه تانيه صح
وقلتليها ايه في الاول والكشف والتحاليل اخدوا وقت اد ايه ؟؟؟؟؟؟؟؟؟؟؟؟؟؟؟؟
يا نور مالك بس بالعكس انتى اكتيلي ان خوفي ده صح وفي محله ومفيهاش حاجه لو رحت بنفسي لدكتور واسال واتاكد واكشف على نفسي عموما
انا مكنتش بشتكي غير من الضغط الواطي واللوز زمان يعني زي اي بني ادمه عاديه
ومع ذلك حابه انى اطمن عشان متفاجئش باي حاجه تدايقني بعد كده
وانا اصلا احمد بتاعي مساااااااااااااااااااااااااااااااااااافر بقاله سنه وشهرين ولسه قدامه 9 شهور ولا حاجه يعني هيبقى بقالي سنتين مشفتهوش
تفتكروا بعد الغيبه دي كلها واستنى مفاجاءات طبعا لا يجوز
* كلاسيك *;13093445:
سؤالك حطيه هنا يا قمر
http://forums.3roos.com/showthread.php?t=531953&page=299
جزاكِ الله خير يا حبيبتي تسلمي
بصي اللوشنات انا كنت جايبه من افون 2 اللى فيهم لمعة
كان اصدار مخصوص لرأس السنة فجبت منهم بدل الجليترز
علشان اللانجري وكده دلع يعني
اما العادي معنديش غير الكريم بتاع برفيوم لوشيا
ولسه هجيب الكريم بتاع ديفين
انا كده المفروض مجبش تانى بس بفكر اجيب واحد من غير ريحة
بس لسه مش عارفه
مجبتش ولا كريم فواكه بصراحة وشكلي مش هجيب خالص
والبادي بتر كفاية واحد بس لأنها بتقعد كتير
انا برضه اعتقد مش هجيب حالياً اولاً احنا لسه ف الصيف
ثانياً لما اللى عندي يخلص او لما احتاج هشتري
انا كنت شاغله نفسي وكنت عايزة اجيب حاجات كتير اوي
بس بصراحة قولت مش معقول يعني كل ده وخلاص يعني
مش هينفع اتجوز من غيرهم وعلى ايه يعني :lol:
تسلميلي يا نيمو
والله كده كفاية ده انا كنت هجيب اكتر من كده بكتيييييير
طمنتيني يا بنتي الله يكرمك طيب حلو اوي ماشاء الله
كده انا ف السليم
حفيدة فاطمة
لو عايزة حاجات من اورفيلام انا بخلى سمسم تجيبلي
من واحده دايركتور ف اوريفلام بخصم 30% لو تحبي ابعتيلها
على الفيس وتتقابلوا هي جابتلى قبل كده حاجات
وان شاء الله اجيب الشهر ده
دارينيتا;13096051:
وانا اهوه انا كمان ابعتيلي اللينك يا موزه ارجوكي
لو تعرفي حد بيبع بخصم في ايفون قوليلي
ولو شطوره بقى قولينا احلى الحاجات اللي نازله في كاتالوج شهر 9 عشان انشن عليهاF:السلام عليكم ياقمرات:lol:
بونجور عليكن جميعا
وحشتوووووووووووووووني اوي اوي اوي
F:كل سنه وكل بنات عروس يارب بالف خير وصحه وسعاده وربنا يكرم كل البنات يارب
اللي مش مرتبطه ترتبط واللي مرتبطه ييسر لها امورها ويكمل لها علي خير واللي متزوجه يكرمها بالحمل والام ربنا يبارك لها F:F:
معلش بعتذر النت كان بعافيه وفي حاله غيبوبه عميقه في البيت عندي ومكنتش قادره اتابع اي حاجه من اخر مره دخلت فيها نت وكتبت لكم عن العين المدوره اللي ملففاني حوالين نفسي انا والمسكين اللي جننته معايا والله ربنا يبارك لي في عمره ويصبره علي بلوته ( اللي هيا انا طبعا)
الاول
من قلبي بدعي لكل بنوته كتبت لي حل او اقتراح لمشكلتي اللي لازلت بعاني منها ومعاها وبسببها رغم اني عملت كل اللي قولتوالي عليه وزياده والله بس الحمد لله الذي لايحمد علي مكروه سواه وفتره وبتعدي بامر الله واكيد ابتلاء وربنا هيجازينا خير عنه لما نصبر عليه وربنا كريم
ثانيا
وثانيا دي بالذات موجهه للست اشري هانم
ايه ياموزه في ايه يابت انتي
محدش اتجوز غيرك ولاايه ;)
مالك ياامي طايحه في البنات كده ليه وعماله تزعقي لدي ودي وكانك اول من اتجوز في الدنيا
وكل شويه العيال يكتبوالك اهدي وروقي وبتاع وانتي سايقه فيها :mad:ايه مفيش كبير في التجمع ده يتعمل له حساب ولاايه
(بمناسبه كبير دي اعتقد لو بالسن يبقي انا اكبركن تقريبا صحيح متجوزه قريب ومابقاليش شهرين بالعدد بس النصيب بقي علي ماجه من تانزانيا ووصل بالسلامه فمش مشكلتنا دي دوقتي بس في فروق توقيت لازم نراعيها):lol::D:cool:
وانتي تحمري عينيك للعيال وتزعقي وتقولي اهدي ازاي وبتاع ودمي مش عارفه بيجراله ايه وبتاع وهتاكلي البنات اللي مش بتسمع نصايحك
ليه يعني :confused::hysterical: علي الله اسمعك بتزعقي تاني وانا اجي لك علي طول وانتي حره بقي علي اللي هعمله فيكي ;):D
اولا روقي واهدي وقولي هديت
ايوة كده شطوره
ثانيا عادي جدا حد يسمع كلامك وحد تاني لا كل واحد وله اسبابه في اللي ظروفه مختلفه في اللي دماغه لها فكر تاني ملوش دعوه بطريقتك وكل واحد بيمشي اموره بالطريقه اللي تريحه فمش معني انك جربتي حاجه ومشيت معاكي يبقي فرض علي الكل ينفذها
مش كده ولاايه
هتقوليلي نصايحك عامه وملهاش مواقف
هقولك صدقيني مفيش حاجه اسمها كده واللي يمشي معاكي مايناسبك غيرك ودي بقي اسمعيها مني اكبر منك واعرف اكتر عنك بكتير اوي
اللي بعده
انتي كنتي كتبتي لي ملاحظه بتقولي فيها انك زعلانه اني مش بقرا كلامك كويس وبنفض ومتغاظه مني اني مش ركزت في نصايحك
الرد باختصار انتي اللي مش مركزه والا كنتي خدتي بالك اني اتجوزت قبلك ووقت ماكنتي بتكتبي النصايح دي كنت انا لسه في شهر العسل ومارجعتش واكيد مكنتش لسه قريت نصايحك وصدقيني بجد هي مهمه وجميله وكنت هستفاد منها لانك بجد فكرتيني بيها بجد متشكره ليكي ولتعبكF::L:
نيجي بقي لثالثا يابنات
علي فكره بلاش ناخد موضوع الفحص الطبي بطريقه عاطفيه
بصوا معايا
بعد الشر بعد الشر الله لايقدر لوواحده عملت الكشف ده واتضح ان خطيبها بعد الشر مش بيخلف هتكمل معاه ؟؟؟بلاش رد عاطفي بالله عليكم لان كتير قالوا اه وبعد مااتحطوا في الموقف ده صبروا سنه او اتنين وانفصلوا وربنا مايحكمش علي حد ابدا
طب بلاش الموقف ده
اعرف بنت كانت بتعشق خطيبها واتجوزته وقالت بلاها الكشف ده اساسا ولا ليه اي لازمه
وبعد الحلوه مااتجوزت اكتشفت ان البيه كان بشكل او بااخر مش ملتزم قبل الزواج وجاله مرض معدي بيتنقل بالاختلاط المباشر اوي (فاهمين قصدي اكيد ) وللاسف علاجه بياخد وقت وفلوس كتير اوووووووووي وبياثر علي الانجاب بعد كده لفتره وانتقل لها طبعا وبعد معاناه لفتره اتطلقت وكانت ندمها الاساسي انها مش عملت الكشف ده وقالت لو كنت اكتشفت ده بدري مكنتش كملت معاه دقيقه واحده
يابنات محدش بيهرب من قدره يعني ممكن جدا حد يكون سليم ويتعب بعدين ده قدر بس برده الواحد يكون عمل اللي عليه وبرده اكتشاف اي مشكله بدري افضل بكتير
والاهم انك بالفعل لازم تروحي لدكتوره نسا قبل الجواز تعرفي جسمك كويس
علي فكره انا رغيت كتير بس معلش ده للفايده
اعرف الانتيمه بتاعتي اتجوزت قبلي بشهر وللان لسه عذرااااااااااااااااء عارفين ليه
عندها مرض اسمه تشنج عضلات المهبل اللااراديه يمنعها من ممارسه حياتها كزوجه الا بعد علاج جاد جدا والتزام وممكن يطول ووممكن يقصر من بنت للتانيه ومكنتش تعرف قبل الجواز انه عندها وده بيصيب من واحد الي خمسه من البنات حسب كلام الدكتوره
ف بما اننا بنات متعلمات ومثقفات ومتحضرات اكيد يبقي لازم نبتدي صح وكده كده مش خسرانين حاجه اساسا وزياده الخير خيرين
بلاش نمشي حياتنا كده كلها اللاوي وبالبركه اومال نفرق ايه بقي عن جدات جداتنا ان شاء الله لو مش استفادنا بالعلم ده كان لازمته ايه بقي
المهم كفايه رغي طولت اوي اوي
F:سؤال المخالفه F:
اجيب مقلايه البيض اللي علي شكل قطه او قلب منين
وكل سنه وانتوا طيبين
دارين حبيبه هارتي والله والله ليكي وحشه كبيرهههههههههههههههههههه
كلامك مظبوط يامعلم ديلشون في الميه
البت اشري بتخوفني وبتزعقلي كتير
بس انا خلالالالالالالالالالاص مبقتش اخاف منها زي زمااااااان
لا انا بقيت بخاف اكتر
ومن ساعه ما اتجوزت بقت رهيبه
بقت بتاخد حبوب شجاعه يا اوختي وطايحه فينا كده
بس بيني وبينك بيطلع منها كلام موزون وليها كلام في الجون اوقات
بس احنا ممكن نكممها دلوقت ونحطها في اي جمب ونكمل كلامنا
دارين انا عملت الكشف الطبي قبل كتب الكتاب وطبعا كان كروته
ونفسي اكشف واعمل تحاليل واطمن او اتاعالج مش عشان الخلفه بس والله
بس عموما
افيديني اروح فين ولمين
nanono;13096231:
دارنيتا ازيك يا بنتي عاملة ايه ربنا ييسرلك امورك يارب ويبعد عنكو الحسد والمشاكل
بصراحة انا مع رأيك بس المشكلة ان الفحص الطبي اللي قبل الجواز بيبقى في مستشفى حكومي وساعات بتبقى مستشفيات وحشة وده اللي بيخوف
او زي في حالتي كنا عايزين نعمله بجد بس الجامع كان لازم ياخد الورق بسرعة والتحاليل هتاخد وقت فكان لازم نعمله في مكان تاني يخلص الورق وخلاص مجرد سألونا عندكو حاجة بتشتكوا من حاجة وخلاص
بس انا فعلا متفقة انا وجوزي ان شاء الله قبل الجواز نروح نعمل التحاليل بجد
ومش عشان بس موضوع الحمل وكده ده رزق بتاع ربنا وانا مش فاهمة ليه الناس كل هدفها من الجواز الحمل ده رزق يجي وقت ميجي وزي مربنا يريد
الفكرة بس ان الواحد بيطمن عموما على نفسه ولو في اي التهابات او اي مشكلة يبقى تتحل من الأول بدل منعد نلف حوالين نفسنا وكان في ايدينا نعرفها ونحلها من الأول حتى لو ملهاش علاقة بالخلفة اصلا او حاجة ممكن لا قدر الله الحمل يأثر عليها او تأثر ع الحمل فنستنى شوية ع الحمل لغاية منعالجها وهكذا يعني
انا اساسا معرفش التحاليل دي بتوضح موضوع الخلفة ولالا ولو وضحته برضه منعرفش رزق ربنا فين لكن الأهم ان لو في اي مشكلة من اي نوع تتعالج
ودارنيتا ونور القمر ضربوا امثلة شافوها في حياتهم فعلا فانا شايفة ان اللي عندها وقت او مكان امان تعمل فيه التحاليل بجد يبقى تتوكل على الله وممكن كمان تعمل تشك اب كامل مش بس تحاليل الجواز ده المفروض اساسا ده يبقى نظام حياة علطول
مش لا قدر الله نكتشف اي مرض او مشكلة بعد فترة
وربنا يبعدنا جميعا عن اي مرض ويرزقنا جميعا بالذرية الصالحة يااااارب
بنات ممكن تقولولي هو هوم تاتش ده ليه فروع؟؟
لو ينفع تقولي الكشف والتحاليل كان نظامهم ايه لو في حاجه عاوزه تقوليا بس ترشيدني مش اكتر:o:o:o:o:o
وسوال الحلقه
المفروض نجهز ايه للاوده اطصال سريرن ودولاب واحسن الاماكن للدباديب ايه ؟؟؟؟؟؟؟؟؟؟؟؟؟؟؟؟
