ابي انقذ زواجي و تعبانة نفسيا

نملة عسل;12912696:

رمضان كريم عالجميع
بنات انا للحين بيت اهلي
اخبركم شو صار معي باليومين اللي طافوا:
انا و زوجي تفاهمنا و تناقشنا بس شرطت انه نتصالح قدام ابوي و بيسمع شروطي و قال لي ان شاء الله بنفس اليوم اتصل بابوي و تواعدوا بالاربعاء مثل ما خبرتكم بس ابوي قبلها بيوم صار له ظرف و اضطر يسافر سفرة سريعة مالت يومين و انا ما خبرت زوجي بهالشئ على امل انه ابوي يوصل من وقت
المهم اتصل زوجي امس بعد صلاة التراويح عشان يجي البيت بس ابوي قاله انه مسافر و تعال باكر انته و ابوك
فقاله زوجي انه ابوي سافر لعمل و ما راح يرجع الا بعد عشر ايام
بس ابوي اصر على طلبه و ما خبره ليش
المهم جاى زوجي مطرش رسالة عالجوال و كان متضايق انه ابوك كذا تصرف معي و كأنه مو محترمني و انا ما عجبني هالاسلوب فانا وضحت له ابوي تصرف كذا عشان الموقف اللي بدر منك الاسبوع الماضي
زوجي الاسبوع الماضي قال لابوه انه 4 مرات جاى بيتنا و لا ابوي و لا امي و لا اخواني يعطونه ويهه و شو اهو ما عنده كرامة
هالكلام زعل اهلي وايد لانهم و ربي يشهد معتبرينه في حسبة ولدهم مو زوج بنتهم بس زوجي كان يبي يكذب على ابوه و يمشيه لما كان يصر عليه انه هات زوجتك من بيت اهلها
خبروني بنات,هل موقف ابوي صحيح كونه قسى عليه؟؟
احس هالقسوة مالها داعي و كأنه يصعب الامور؟؟
بعض الاحيان ما الومه لانه الكلام اللي قاله زوجي عن اهلي جدا كبير
و بعض الاحيان يحن قلبي لانه كل احد توقع انه ارجع هالاسبوع
شوروا علي و عسى ربي يكتب لي راحة البال من عنده

نملة عسل;12943637:

ادعولي بنات