ابي انقذ زواجي و تعبانة نفسيا

متحدية الصعاب;12842061:
عزيزتي ليس لديك الا مناقشته والافضل تسهيل الامور وحلها والابتعاد عن التعقيد والمناقشات الحاده؟؟لا تنظري لرسالته التي أرسلها مجرد وقاحه ربما حن عليك واراد فتح موضوع معك؟؟؟
ولم يعرف سوى هذا الاسلوب لان الرجل يبقى غير صريح في مشاعره؟؟؟
شاوري ذوي الخبره ومن يملك منطق سليم من أهلك؟؟؟
أسالي الله العون...............وفقك الله ويسر امرك؟؟؟
اعرفي اين الخطاء في حياتك تعرفين حل لمشكلتك لا تكرري أخطائك من جديد؟؟؟ودمتي

الله يعينج حبيبتي الله يفرجها عليج المفروض انج ماتسلفين ولا تبيعين الذهب ولازم اتخلينه اهو يتصرف لان اهو الريال واهو اللي يه دق باب بيتكم يوم انه جادم لازم يضحي ويصرف عليج من الالف للياء

انتي غلطتي اللهـ يهديكـ ليش تتسلفين عشانهـ هو ماتعب عليكـ ولا فكر يتسلف عشانك قالك ناجل العرس وانتي تاخذين قرض وتسوين اللي المفروض هو يسويهـ

مو عارفهـ شقولكـ غير ربي يكون بعونكـ يارب:(

اقتباس المشاركة الأساسية كتبها نملة عسل

شكرا لكم خواتي

بنات انا ناوية هالايام اطنش و اعيش حياتي و انسى و اذا اتصل فيني ما ارد عليه و اذا اتصل على اخوي بخليه يقول له اختي تبي تقول اشياء مضايقتها صايرة من قبل و تبيك تكون موجود لما بتتكلم بها
طبعا بقول اللي اهله ما يعرفوا عنه و على اساسها بوضع شروطي اللي اهي:
*الفلوس الباقية من السلفية 800 ريال حاليا في حساب باسمه بس البطاقة مو شغالة فيسحبهم و يمسكني اياهم في ايدي
*واجبه انه يصرف علي,ما افرض عليه مبلغ معين بس اللي عنده يعطيني,اهو مكان عمله بعيد و ما يجي غير اخر الاسبوع فبعض الاحيان ما يكون عنده فلوس عشان يرجع و انا كنت اطرشله عشان يرجع,الحين بقوله عندك ترجع ارجع ما عندك ترجع اجعد مكانك و لا ترجع و لا اضغط نفسي ماديا و لا تضغط نفسك ماديا
*الذهب و الكم قطعة اللي بعتهم عشانه يرجعهم,اليوم باكر ما يهمني بس صاروا برقبته ليوم الدين و اهلي شاهدين لازم يرجعهم
*الفحص قبل كل شئ يسويه عشان اطلع منه سوالف المعاير لانه فوق هذا مكذبني لما اقول الحرمة ما تحمل في اي يوم الحرمة بس تحمل في ايام التبويض,و انت في الاغلب في فترة التبويض ما تكون موجود,يقول لي انتي ادوري حجة عشان تلفي علي الموضوع يعني كل الحريم اللي بالدنيا ما حملوا الا في فترة التبويض و ازواجهم ما جماعوهن للحمل الا في فترة التبويض
*اذا تعبت نفسيا من ضغوط الدوام او البيت او غيره حقي اسافر و اهو يصرف علي و اذا ما عنده و انا عندي بروح عند اخواني بيسفروني و لا راح يقصروا معي
* اذا سافرنا مكان ولا رحنا حتى مكان قريب ما يجلس زعلان و متكدر عشان يطفشني من البدايه تبغا السفر بنفس زينه و لا بلاش من طلعة تطفشني فيها

وقتها اصلا من دون شئ اهلي لما بيسمعوا الموضوع بيكون لهم رأي و شروط,اهم شئ يفهم اني وراي احد و انهم يعرفوا كل امور حياتي و اللي متعبني من زوجي


انتوا اش رأيكم باللي ناوية اسويه؟؟؟؟

هذا الكلام الصح اذا رفض اطلبي الطلاق قبل مايجيك اطفال

الله اييسر اموركم

بصراحة اختي انتي مانك مطرة تستلفي عشان تسافري انبسطي في شيئ غير السفر و بعدين الحمل من الامور الي ما يقدر الانسان يدخل فيه الامر بيد رب العالمين رب يهديلك زوجك و أزواج المسلمات يار و يهنيك انشاء الله

حبيبتي والله انك جيتي على بالي ودخلت اشيك على موضوعك
الله يعينك ويفرج همك
بخصوص رسالته يمكن كلام الاخت الي قالت انه حاب يفتح معك
موضوع بس مايعرف كيف.وكمان لا تنسي هو كيف يفكر بالمشكلة
اكيد في اشياء تزعله منك
المهم انتي حاولي تطرشي رساله عشان تفتحي حوار بينكم
مثلا قوليله (الله يسامحك ويحنن قلبك على زوجتك)
واذا ما رد كمان طرشيله اي شي يحس فيه بتانيب
الضمير مثلا
(الله يسامحك زوجتك غايبة عنك بدل ماتسال عني
تقول هذا الكلام)
وبعد ما بيرد عليك انتي سايريه بالكلام ولما تحسي
ان الوقت مناسب اخذي حقك منه بالكامل حاسبه
بكل شي صار وقوليله على شروطك بس قولي كل
شي وانتي عاقله ومن غير عصبية
وذا ما رد عليك خليه يولي ولا تعبريه الا لما هو يكلمك او يرسلك
بس انتي لاترجعين البيت بروحك لانه الغلط بيكون عليك بكل شي
وهو مابيحس حاله غلطان ابدااااا. ويمكن اهلك يزعلون منك لانك
ماحطيتي لهم اعتبار
كوني اتنازلي باشياء تكبر من قدرك عنده وحسسه انك تعملي
هذا الشي عشان حبك له.اما برجعتك للبيت بروحك فيه تنازل
ولكن بتقليل قيمتك عنده وهذا غلط كبير

:01:كااان بودي اسااعدج حبيبتي بس الغلط غلطك من البدايه انتي اللي سمحتي له يفتح هالباااب
ولبنات ماقصروو

اهي السالفة لما تكبر وتوصل للاهل يا اما يصير صلح او يصير طلاق
انتي حاولي تهدين نفسج وعلى فكرة السفر مو كل شي بالزواج يعنى اذا زوجج ماعنده يسفرج هذى مو مشكلة لازم تعيشين على حسب ظروفه المعيشية بس باقي الامور هو غلطان فيها قصة السلفيات ومادري شنو كل غلط بغلط لاتبخسين ينفسج ومسوولياته اللي هو لازم يتحملها خليه يتحملها لاتدخلين انتي وتسوين عمرج البطلة علشان يحس بقيمتج في حياته على الاقل..

على فكرة اختى لازم انتي تحددي شنو تبغين من البداية من علاقتج بزوجج ، يا اما تشوفون لكم وسيلة للتفاهم وكل واحد يحاول يتنازل لثاني شوي حتى توصلو لحل للموضوع او كل واحد يروح في حال سبيله دام انه مافيه اولاد والله يعوض على الجميع

اللهم صل على محمد وآل محمد
حبيبتي دام فاتح اخوك بالموضوع
خبري اخوك بكل شي
عشان يكون على علم
ما يصير إلا تسوينه في روحج
خلي احد من اهلج يدري بالموضوع
وعلى سالفة الصرف
حتى لو انتين عندج معاش ومعاشج ازيد منه
مجبور يصرف عليج حتى لو حاله ضعيف
دام يعطي اهله يقدر يعطيج
وانتين إلا تغاظيتين عن هالاشياء من البداية

تدراكي كل شي قبل ما تخسرين

الله يسهل امورك يا اختي ويفرجها عليك

اسفي على رجال هالزمن والله والمعرووف فيهم

حبووبه

ما ادررررري شو انصحك والا شو اقولك

بس انتي طرشيله مسج انك حابة تتفاهمي معه وما تدخلي الاهل ... واعتقد هالخطوة المفروض كنتي تتخذيها قبل ما يتدخلوا اهلك واهله

بس الحين

قعدوا مع بعض اثنينكم قوليله تعال بيت اهلي ونتفاهم وان شاء الله نوصل لحل يرضي الجميع
وطبعا تصارحوا بهدوء وتفاهم وحطي شرووطك بس بهدووووووووووووء
فهميه انك شاريته ... بس تحبين انك تحسي عايشه مع رجل وانسان

واذا لا سمح الله ما عجبه الموضوع هني تدخلي الاهل وياخذوا تصرف معاه

والله يسخره لك يارب ويهديه ويجمع بينكم على خيررررررر يارب

ونصيحة اختي ... حاولي ما تحملي قبل ما تتاكدي من تغييره التام معك

ورررررربي يوفقكم ويسعدكم يارب

ولا تنسي الصدقة حبوبه والاستغفار

من رأيي ترجعين بشكل طبعي عشان خاطر عمج اللي طق على صدره وحل المشكله مبدأيا وخل تكون نواياج حسنه وصبري عليه
يمكن تغير فعلا وفنفسح الوقت غيري طريقه تعاملج من حيث الصرف بس خلج لينه وطيوبه ولسانج حلو معاه لا تعاملينه بجفاف رغم القطيعه والمشاكل اللي صارت فتحي صفحه جديده تماما .. وعطيه الوقت المناسب عشان يكشف لج اذا تغير او لا مب بس يومين وتطفشين ..
اذا حسيتي ما منه امل ابد .. كلمي عمج قولي له انا رجعت عشان خاطرك وحشيمه لك يا عمي بس ولدك ما تغير ابد وانا تعبت !

اختي انتي تحاسبي زوجك وماتحاسبي نفسك
تريديه يتنازل ويعترف بغلطه. وانتي ماتتنازلي
ولا تعيشي بمستوى زوجك وعلى قد ظروفه.
وبعد لما يطرش مسج ماتردي عليه ولما هو
ما يجيك البيت تقولي انه غلطان ومايتنازل
الغلط فيكم انتوا الاتنين والعناد
هو اساس مشاكلكم
(الله بيعينكم وبيهديكم ويالف بين قلوبكم)
اذا حابة تكملي مع زوجك وماتريدي الطلاق
اصبري واتحملي واتنازلي
ولما يجيك الاسبوع الجاي روحي معاه
وناقشيه بهدوء ولا تقولي انه جاك عشان
ابوه لانه اذا كان ما يباك كان مابيجيك ابدا
وبيطلع كلام عنك حتى لو كذب عشان يفتك
وانتي حطي ببالك عن سالفة الفلوس والسلفيات
خلاص لا تغلطي مرة تانية
وبالنسبة للسفر وباقي الكماليات
استغني عنها واصرفي على قدرة زوجك

ربنا يسترها معاكم

ياقلبو الله يعينك ويعيننا
بس ياقلبي انتي بتتكلمي كأن لك عشرة سنين متزوجة انا زواجي ما شاء الله والحمد لله كمل سنتين ويارب العمر كلو وللحين احس ان انا وزوجي لسة برضو مومتعودين كثير على بعض شي ضروري خصوصا لم يكون متعلق بأهلو
المسالة يبالها صبر ياحبيبتي وبعدين انتي لازم تعودي شوي شوي يتحمل مسئوليتك هو شايفك انتي تصرفي بالتالي شال يدو عنك وهذا خطأ لم تبي شي اطلبي منو مرة واثنين وعشرة وشوي شوي حيحس بالمسئولية تجاهك وطلبك بالكثير ثالث مرة لوكان نساي ويجيكي بس كمان اصبري واسمحيلي تتسلفي عشان تسافري ليش الي ما سافروا ماتوا
انا عندك ما سافرت وودي اسافر بس ظروف زوجي شوي صعبة مت لأ ان شاء الله تتحسن الظروف ووقت ما ربنا يريد حنسافر ولو على احساس شهر العسل ابعدي عنو اسبوع وحتشوفي ايش حتحسي بدونو وحتشوفي ايش حتحسي لم تقابليه
حبيبتي شوي كلامي قاسي بس والله من خوفي عليكي انتي اختي في الله واحب لكي زي ما احب لنفسي
ما اقلك ما تكوني رومنسية بس الي تبا تحافظ على حياتها وبيتها لازم تكون كمان واقعية شوي الرجال مو مثلنا هو معاه حق وانتي معاكي حق وكلكم غلطانين انتي ما اعطيتيه حق رجولتو وصبرتي عليه وهو نوعا ما اتكل شافك تحبي السلفيات قال خلاص ولا هذا صح ولا هذا صح ومع الايام حتفهمو ان الحياة بينكم مشتركة مو في الشكليات بل مشتركة في العقل والقلب
حبيبي هذا مختصر وجهة نظري لو حبيتي اساعدك لأن عندي صراحة كلام كثييييييييييييير لأني مجربة كل الي يجي فبالك وحاسة فيكي فلا يردك حتى لسانك انتي تموني ولو ما عجبك فأحب انك تعرفي اني احبك في الله وكل سنة والجميع بخيييييييييييييييييييييير

الغالية الشيء اللي اقدر انصحج فيه تعيدي حساباتج وتصيري ابخل منه في راتبك ومصروفك .... الغاليه اولا موضوع ذهبك قهرني كثير انتي تشتغلي وهو يشتغل وتروحي تبيعي ذهبك عشان سفرات ومصاريف عادية حتى المستشفى فيه مستشفيات حكومية ابدئي فيها وبعدين اذا كشفتي انه فيه شيء تأكدي بالخاص وتابعي وبيعي بعد استشارة الوالدة ع الاقل ... لان الذهب هو عزوة المرة يا الغالية ...

الشيء الثاني الحين ابدئي علمية درس وانتي معاه خلاص وقفي صرف وخليه يتحمل كل شيء حتى علاجك أظن من حقك تنعمي بهذا الشيء ... الشيء الثالث راتبك ابدئي رتبيه واشتري لك ذهب خبية لوقت العوزه الحقيقية ....

او وفريه في البنك بحساب وديعة احسن ... والقرش الابيض راح ينفعك باليوم الاسود ... ع قولة المصريين هذا هو الحل الوحيد عشان تعلمية يتحمل المسؤولية

وبالنسبة لموضوع عمك انه اجئ يرجع المياة لمجاريها انتظري شوفي شو بيصير وإذا يبيك بيرجع لك ...

بس انتبهي تتنازلي اكثر يعني يصير باجر طلاق لا قدر الله ومساومة بمؤخر وهالخرابيط

الله المستعان


العتب

حبيبتي لازم تفهمي ان العناد ما يجييييييييييييييب الرجال ابد
انا ياكثر عنادي بس ما استفدت وما بديت استفيد الا لم اتعلمت السياسة الرجال يجي بالكلمة الحلوة كل شي يملكو تقدري تاخذيه بالكلمة الحلوة
نصيحة دوريلك عذر وارجعي لبيتك لو ما تبيه ينهد على قولتك وما تبي الطلاق الي ما عند الاهل غيرو
ولازم تحطي فبالك المرأة تضحي اكتر من الرجل وقبل الرجل كمان وبعدين صدقيني بتملك كل شي في الحياة اتمنتو وبتملك الرجل بس لازملها تكتيك وتكبير مخ