ابي انقذ زواجي و تعبانة نفسيا

هلا أختي
سمحيلي ع الكلام إنتي وباقي البنات بس إنتي الغلطانة لعدة أسباب

إنتي رضيتي فيه ك زوج وإنتي عارفه قدرته المادية وألحين مامن حقج تعارضي لانه هو خبرج من البداية إمكانياته وحطج في الصورة يعني ماخدعج عسب تتشمتين أو إنج تعارضي حياتج معه ألحين

ثانيا وغلطج الثاني إنج يوم شفتيه أجل سالفة العرس رحتي وتسلفتي عسب تكملي مصاريفه والشقه وهذا حسسه إنج طايرة عليه ومستعده تسوي المستحيل عشان تتممي هالزواج وهالشي غلط لانه خلاج في نظرة بدون قيمة وقلل من إحترامج

بعد الزواج وركزي على نقطة إنج عارفة ماديته رحتي مرة ثانية وإقترضتي من البنك عسب الشكليات وهي السفر وغيرة هنا حسستيه إنه مايقدر يصرف عليج وحسستيه بالنقص وإنه ماقادر يتحمل المسؤولية وثم لمتيه ليش مايعالملج عدل سمحيلي بس من حقة لانه الرجال حس بضعفه حس انج انتي تصرفي عليه وهالشي حسسه انه ماله قيمه او انه شي غلط في حياتج

ع فكرة زوجج مابخيل بس إنتي أرسلتيله رساله غير مباشرة إنك إنت موقد مستواي المادي وأنا للأسف ماقادرة أعيش على قد راتبك
وهنا طلع غلطة هو وإللي صار بسبب تصرفج أصبح زوجج إنسان إتكالي لدرجة إنه صار يأخذ مصروفه من عندج

نجي لآخر الاحداث زعلج منه لانه حاول يحسسج بالنقص مثل ما إنتي حسستيه وكأنه يقول مثل ما أنا ناقص بعد إنتي ناقصه ماتجيبين عيال مع إني متأكدة 100% إنه يعرف وقت الحمل عند المرأة بس يكابر عشان يحسسج بالضعف مثل ماحسستيه

انتي طبعا رحتي بيت أهلج ومثل مافهمت إنج مارديتي على إتصالاته وكابرتي وقلتي زوجي غلطان مايصرف علي
إختي رجعي لكلامج أول انتي رضيتي بهالزواج محد أجبرج وإنتي عودتي زوجج على الصرف

الشروط إللي شرطتيها والبعض أيدج بتهدم بيتج لانه زوجج ماعنده مادية يسوي اللي طلبتيه وانتي عارفة هالشي من البداية ومع ذلك رضيتي
كيف ألحين تجي وتقولي والله بيسفرني وبيرجع ذهبي ولا مابرجعله

إنزين ماسألتي نفسج من وين بيرجعهم ؟ وهوا إنسان على قد حاله

إنتي ألحين تمني عليه وهالشي ماف صالحج

حبيبتي أدري قسيت عليج بالكلام بس فعلا هذي هي الصورة الصحيحة للي صار وأنا متأكدة 100%
مالصالحج ياعمري هالشروط
إنتي المرة وهو الرجال يقدر يطلقج ولا يتزوج عليج
بعدين إنتي بتعيشي مطلقة وهوا ماخسران شي


أنا أقول إنسي الماضي وسالفة المتبقي عنده من السلفية خليه يرجعه لج بس نصيحه الذهب والباقي من السلفية لاتطريه له غير يوم تتحسن ماديته

ياعمري الحياة الزوجية مامادة وشكليات الحياة أحاسيس ياما ناس عندهم المليارات وإنحرموا

وفي ناس حتى وجبت يومهم مايقدروا يفروها وعايشيين ملوك

عيشي معه حياة جديدة تأسسوها إثنينتكم لاتعطيه أبدا هوا اللي لازم يصرف عليج بس وقفي معه في الازمات وصدقيني الحياة بتصير ولا أحلى بالحب
ضغطي على نفسج علشانه وإخذي على قد حاجتج وفكري في الناس إللي ماعندها فقراء وعايشيين حياتهم وصدقيني الانسان مابيموت علشان ملابس وعطورات

الله يوفقج غلايه ويرزقج وزوجج عاجل الرزق
بالتوفيق :) ...

البنات كفوا و وفوا ماابي اثقل عليج فديتج و لا ازيد همج لان الي صار صار خلاص ماتقدرين ترجعين منه شي و لا ينفع الندم لازم تفكرين بحل يريحج و كل الي اقدر اقوله الله يعينج و يصبرج بس بصراحه انسان مايتعاشر اكره شي الريال البخيل ترى وايد بتتعبين معاه و خصوصا لما يصير عندج عيال راح تتعبين اكثر لان المسؤليه اكبر و لازم الزوجين يتعاونون على فكره ترى من حقج يصرف عليج و راتبج يكون لج هاي حقج الشرعي و مجبور

الله يفرج همج حبيبتي

تبين رايي ومن دون زعل؟؟
انا لو مكان ريلج يمكن اسوي اكثر؟
مدامج مو مستعده تتكيفين مع وضعه ليش خذيتيه؟؟
تروحين تتسلفين بس عشان تسارفين ليكون السفر ضرورة؟؟؟؟؟
وشو يعني لو ماسافرتي حتى 5 سنين ؟؟؟تنقلب الدنيا؟؟
تروحين تقلبين البيت على حساب سالفة سفر؟؟؟؟؟
واكيد في شهر العسل بيكون متنكد مصرة عليه يسافر ومن فلوسج بعد؟؟تبينه يضحك؟بيكره هالعيشة اصلا
المره المطيعة الي تحبب رجلها في البيت باسلوبها الراقي وحنيتها وتحسسه انه راضية فيه لو شنوو كان
انا مانكر يمكن في زوجج عيوب بس انتي بدل ماتتداركيها زيدتي الطين بله مثل مايقولون
اقول عقلي ورجعي بيتج وحاول تعدلين كل شي وتقعدين معاه جلسة مصارة وتطلعين الي في خاطرج ويقول لج اهو بعد الي في قلبه
واسفة اذا ازعجج كلامي

جوهرة قلبي;12872091:
هلا أختي
سمحيلي ع الكلام إنتي وباقي البنات بس إنتي الغلطانة لعدة أسباب

إنتي رضيتي فيه ك زوج وإنتي عارفه قدرته المادية وألحين مامن حقج تعارضي لانه هو خبرج من البداية إمكانياته وحطج في الصورة يعني ماخدعج عسب تتشمتين أو إنج تعارضي حياتج معه ألحين

ثانيا وغلطج الثاني إنج يوم شفتيه أجل سالفة العرس رحتي وتسلفتي عسب تكملي مصاريفه والشقه وهذا حسسه إنج طايرة عليه ومستعده تسوي المستحيل عشان تتممي هالزواج وهالشي غلط لانه خلاج في نظرة بدون قيمة وقلل من إحترامج

بعد الزواج وركزي على نقطة إنج عارفة ماديته رحتي مرة ثانية وإقترضتي من البنك عسب الشكليات وهي السفر وغيرة هنا حسستيه إنه مايقدر يصرف عليج وحسستيه بالنقص وإنه ماقادر يتحمل المسؤولية وثم لمتيه ليش مايعالملج عدل سمحيلي بس من حقة لانه الرجال حس بضعفه حس انج انتي تصرفي عليه وهالشي حسسه انه ماله قيمه او انه شي غلط في حياتج

ع فكرة زوجج مابخيل بس إنتي أرسلتيله رساله غير مباشرة إنك إنت موقد مستواي المادي وأنا للأسف ماقادرة أعيش على قد راتبك
وهنا طلع غلطة هو وإللي صار بسبب تصرفج أصبح زوجج إنسان إتكالي لدرجة إنه صار يأخذ مصروفه من عندج

نجي لآخر الاحداث زعلج منه لانه حاول يحسسج بالنقص مثل ما إنتي حسستيه وكأنه يقول مثل ما أنا ناقص بعد إنتي ناقصه ماتجيبين عيال مع إني متأكدة 100% إنه يعرف وقت الحمل عند المرأة بس يكابر عشان يحسسج بالضعف مثل ماحسستيه

انتي طبعا رحتي بيت أهلج ومثل مافهمت إنج مارديتي على إتصالاته وكابرتي وقلتي زوجي غلطان مايصرف علي
إختي رجعي لكلامج أول انتي رضيتي بهالزواج محد أجبرج وإنتي عودتي زوجج على الصرف

الشروط إللي شرطتيها والبعض أيدج بتهدم بيتج لانه زوجج ماعنده مادية يسوي اللي طلبتيه وانتي عارفة هالشي من البداية ومع ذلك رضيتي
كيف ألحين تجي وتقولي والله بيسفرني وبيرجع ذهبي ولا مابرجعله

إنزين ماسألتي نفسج من وين بيرجعهم ؟ وهوا إنسان على قد حاله

إنتي ألحين تمني عليه وهالشي ماف صالحج

حبيبتي أدري قسيت عليج بالكلام بس فعلا هذي هي الصورة الصحيحة للي صار وأنا متأكدة 100%
مالصالحج ياعمري هالشروط
إنتي المرة وهو الرجال يقدر يطلقج ولا يتزوج عليج
بعدين إنتي بتعيشي مطلقة وهوا ماخسران شي


أنا أقول إنسي الماضي وسالفة المتبقي عنده من السلفية خليه يرجعه لج بس نصيحه الذهب والباقي من السلفية لاتطريه له غير يوم تتحسن ماديته

ياعمري الحياة الزوجية مامادة وشكليات الحياة أحاسيس ياما ناس عندهم المليارات وإنحرموا

وفي ناس حتى وجبت يومهم مايقدروا يفروها وعايشيين ملوك

عيشي معه حياة جديدة تأسسوها إثنينتكم لاتعطيه أبدا هوا اللي لازم يصرف عليج بس وقفي معه في الازمات وصدقيني الحياة بتصير ولا أحلى بالحب
ضغطي على نفسج علشانه وإخذي على قد حاجتج وفكري في الناس إللي ماعندها فقراء وعايشيين حياتهم وصدقيني الانسان مابيموت علشان ملابس وعطورات

الله يوفقج غلايه ويرزقج وزوجج عاجل الرزق
بالتوفيق :) ...

ماشاء الله كلامج درر درر الله يحفظج ..عين العقل والله وياريت تسمعين كلامها
وخلي عنح كلام بعض العضوات الي ينظرون من زاوية محددة وانا والله معروني قلبي على ريلج حرام والله الي تسوينه فيه..باين عليج مع احترامي مو فاهمه الزواج زين

مابي ازيد ع كلااااااام البنااااااات بس للاسف الخطاء من البداايه منج رخيتي معه وتسلفتي ودفعتي حتى زهبتج ومهرج وبيتج من فلوووسج شوووو بقى هوو وين كراااامته لاتقولي لي زوجين وفلووسنا وحده انا مااعترف بهالمبداء هو الرجال وووهو المسؤل عنج داام انه مااقاادر يتزووج شوووو خلااه يخطب بناات النااس الواحد يدبر امووره وبعدين يخطب انتي مااحطيتي هالشي ف بالج ماسئلتي نفسج انه كيف يرضى يااخذ من فلوس حرمه هو بعد ماتزوجهااا اذا هااذي اولهاا ينعاف تاليهااا بس انتي الله يهداج مااحكمتي عقلج
بس الحين لاينفع لا لووم ولا ندم ولا كلمه لوووو؟
ويقولج المثل غير جبل ولا تغير طبع والرجال بالدلال الواااايد يضيع صدجيني زووجج ع كيف انتي مااتعووديه انتي مااحسستيه انه هو الريال وان لازم يكون مسئول عنج بالعكس صااار عنده فرااااغ وانتي طبعاااا مكفيه عنه الامور كلهااااا
اذااا رجعتي له غيري معاملتج معه عااامليه بالحسنى بس صرف لاتصرفي عليه هو الرجال وهو يتحرك اي شي تبيه قولي له ولا تفكري انج تتنازلي وتضعفي اصري ع راايج وربي بيتغير معج وبتصير عليه مسئواليات مب مثل اول فراااغ ومبرد راااسه مااعليه شي
وااادعي ربج ف كل سجود
((اللهم ملكني قلب من احوجتني اليه))
واكثري الاستغفااار وعسى ربج يفرج همج

حبيبتي انتي مو فاهمة فكرة الزواج صح وترا هذا كلو دلع الحريم الي بينقذو بيتهم صح بيصبرو على امر من كدة ولا سفر ولا غيرو شوفي مشاكل غيرك تهون عليكي مشكلتك الي اشوفها اصلا مو مشكلة والمفروض انتي تعدلي الموضوع لأن رجالك لو انتي اول وحدة في الدنيا تهيني وتمسحي كرامتو وشخصيتو وتصرفي عليه انتي تتعبي بعدين لم تسيري انتي الحرمة والرجال تعرفي ان الله حق وتشوفي الضعف بعينو
اتعوذي من الشيطان وانقذي بيتك صح مو كلام ترى انتي الغلطانة لم فكرتي تساعديه ما تدري يمكن صغرتي فعينو بس حب يسايرك لأن ما في رجال يرضى انو يقعد والحرمة تحل الامور بسلفياتها ولو جامل ترا مو مسامح من قلب جربي استسمحي على دا الموضوع بالذات وحتشوفي ان ما صغرت مشكلتك ما اكون كنكوشه
حاولي اهم شي ترجعي بيتك وبعدها حتنحل امورك

الله يصلح امررررركم ويسخركم لبعض ويهدي بالكم حبوبه

حبوووووووبة

اقراي سورة المزمل يوميا وان شاء الله بتفررررررج

آلمسامح كريم ،..
و أفضلكم الذي يبدأ بالسلام ...
والله يسهل لج آمورج وتركوا آلعناد عندكم
والريال بـ طبيعته مايطلع روحه غلطآن ..

وبشرينا بآخر التطورآت

الله يساعد قلبك اختي
اني من رايي ان اغلب الرجال يتعودون على هالامور بسبب زوجاتهم
اختي صح انتي دفعتي بحسن نية بس هو استهان فيك لان حس ماله داعي يتعب واجد في المصروف وفي حياته وياش
اني اقول قاطعيه شوي لين يرد لك واشرطي شروطك
خليها بسيطة بس حازمة يعني لا تعجزينه بس ابدأي بداية جديدة واذا ما عنده لسفر لا تسافرون
المهم يحس بالمسؤولية واعتمدي عليه بشكل كامل خليه يبذل جهد وانتي ارتاحي
الله يوفقك وييسر لك امورك اختي

السلام عليكم حبيبتي والله انه قهر الوحده تتمنى رجال صالح ولما تتزوج تلقى رجال بلاسم وياكثرهم هلايام الحمدلله مابينكم عيال فكري كويس جدا ولا تقولي راح يقولو مطلقه استخيري الله وماندم من كان الله مستشاره بس المشكله هلحين في السلفيات الي حطيتها على راسك تشاوري انتي واهلك ودام هو تشطر وراح قال لاهلك افتحي الباب على مصرعيه وحطي شروطك والله يوفقك وييسر امرك يارب,

الله ييســـــــــر لك أختي ويهدي زوجك ويرده لك رداً جميلاً

صراحه ماعندي حل , لكن مالك ألا الدعاء الدعاء , والله يفرج همك ويشرح صدرك , وتفرحينا إن شاء الله

موفقه

الله يوفقج حبيبتي
جيه الحرمه السنعه اللي تحافظ على بيتها وزوجها
الله يوفقج حبيبتي ويكتبلج إللي فيه الخير :) ...

مالي غير اني اقول ربي يساعدك

هلا عسووله

تصرف ابوك صحيح ... ليش تصرف ابوك جذي؟؟
لانه عشان يرررررد اعتبارك انتي بالاول قدام زوجك واهله وعشان تصرف زوجك

لا تقولي انه ابووك قاعد يصعب الامورر ... بالعكس يحفظ لك كرامتك حبوبه قدام زوجك

الحمدلله على تفاهمكم ... والله يصلح الاحوال بينكم
وحبوبه طلعي صدقة قبل ما تتقابلوا
والله يسهل امورررررركم يارب

وانتبهي من هالموقف الي حصل وابداي صفحة جديده

بالتووووفيق

اذا ماعندك عيال انصحك بالطلاق


ابغض الحلال عند الله الطلاق بس انصحج

اشتري حريتج

شوفي اللي تعود رجلها من البدايه على الصرف يصير جذي هو يحس بالنقص وانه انت اعلى منه فيعوض بأشياء ثانيه لازم تفهمينه مسؤلياته كلها و واجباته وانه انت مرة وما تقدرين تسوين كل شئ واذا وافق بعدين رجعي له ولكن بعدها لا تصرفيني على نفسج حسسي بالمسؤليه ولا تاخذين سلفيات كلش والله يوفقج وييسر امورج

مااقول غير عليكي بالدعاء
له او عليه