تجمع بنات مصر منتظرات الحمل بإذن الله الجزء " 8 "

اه و اللهي ا نيموو عندك حق و بالذات اكيد انتي مكسلة اوي اوي

بصي اي نيموو انا عمر ما شلت اكل جاهز يعني و لا الكبيبية و لا البانية و لا البوفتيك

لكن انا بجيبهم و اقسمهم و اشيلهم كدة بس ممكن اعصج اللحمة المفرومة و اشيلها علشان بتنجز و اجيب خضار و انضفه و اشيه و فراخ و عصاير زي المانجا و كدة بس ده الي فاكراه

في ناس بقي بتعمل جداول و بتشيل صواني جاهزة في الفريزر زي المكرونة بالبشاميل بس انا مجربتش

مش عارفه حوار الصواني ده انا مش بحبه مه ان مرات عمي بتعمله بس انا بقرف قووي و لو الاكل لقط ريحه من الفريزر مش هقدر اكله

و بحس ان الحاجة بتبقي طازة احلي

انا رأي كده بردوا بس ميمنعش ان لما بيفضل عندي اكل و احطه في الفريزر لما اطلعه ادخله الميكرويف بيبقي زي الطازه


بس تقولي ايه احنا اللي واخدين علي الشقي

بت يا نيموو جزء المطبخ في فتكات حلو اوي اوي

اه بصي حتت لما يفضل اكل و اشيله دي كويسة و ساعات بتنفع في ايام زنقة او تعبانة مش قادر اعمل حاجة

دينا حمدى;12784862:
ان شاء الله خير يامنمن
انا عايزة اعرف كمان يامنية هو انتى ماعملتيش تحاليل خالص غير تحليل الكيس ده بس وهل الدكتور طلب منك تحاليل تانية لسه هتعمليها وفى تحليل الrhده حد قالك عليه

بصى يا دون دون انا للاسف ماشيه كدا بالبركه من اول حمل ليا كل دكتور عندنا ليه كلمه محدش يمسكك كدا يعملك تحاليل شامله
انا حملت اول اجازه فى جوازى ومكنتش اعرف ورمضان كان داخل علينا وقعدت هريت ونكدت وعملت كل حاجه غلط ممكن واحده حامل تعملها وكان بينزل عليا حاجات بنى وكنت اقول جايز من الجواز مكنتش متوقعه انى ابقى حامل اصلا وضهرى بقى يوجعنى جامد اوى اووى واول يوم رمضان عملت تحليل الحمل طلعت حامل بس ملحقتش افرح تانى يوم بالظبط نزلت الدوره لان الحمل كان كل ما حاجه بنى تنزل عليا يكون دا سقط وانا معرفش ماعلينا فالدكتور راح مدينى ميزو تاك باين قال جايز يبقى فى بواقى بس معملش حاجه
وطلب منى تحاليل ال rh , والتوكسو بلازما وطلعوا كويسين مفهمش حاجه وقالى امشى ع الفوليك اسيد خلصناااااا قعدت بقى فتره بعدها اجازات جوزى مش مظبوطه معايا خااااااالص

لحد شهر واحد كدا وحملت تانى الدوره اتاخرت عليا اكتر من 12 يوم عملت تحليل الحمل كان 4500 الدكتور قالى انتى داخله التانى بكره قلت خييير قلتله انا جالى اجهاض قبل كدا ادينى حاجه
ولا الهواااااااااا ولا عبرنى قالى نسبتك كويسه ومش محتاجه حاجه
اخدت الفوليك بس المهم كام يوم كدا وبدا ينزل عليا دم رحت لواحد تانى راح مدينى مثبت حقنتين ف الاسبوع وادانى هيمو ستوب دا دوزا بيجلط الدم اصلاااااا وكنت عملت تحليل الهرمون لقيته على
قعدت عليه اسبوع مكنش فى اى تغيير ويوم ما وقفته جالى نزيف جامد ونقلونى المستشفى والدكتور راح منزله لان البيبى اصلا كان نزل لعنق الرحم خلاص وقالى هنحطك تحت المراقبه لو الدم مقلش هنعمل عمليه انا كنت تقريبا فى الاسبوع السادس يعنى برضه ملحقتش افرح اوى ماعلينا
ادانى برضه ميزو تاك لمده يومين ومضاد حيوى وقالى هتيجى نعمل سونار نشوف البقايا اد ايه لما عمل قالى دى هتنزل مع الوقت
قلتله طب قولى تحاليل اعملها عشان لو فى مشكله نحلها ولا عبرنننننننننننى قالى انتى الحمل الجاى هتبقى كويسه ومش هيحصل حاجه ان شاء الله ولو محملتيش لحد رمضان ابقى تعالى بس انا اعتقد ان هتحملى قبلها

المهم ياستى قعدت اربعين يوم بالظبط ينزل منى دم على حاجات بنى ويوقف يومين ويرجع تانى واليوم 41 نزلت الدوره عادى بس عذاب بقى ان الواحده تعض كل دا

طبعا وقتها النفسيه كانت زيروووو ومكنش ليا نفس اصلا اروحخ لدكاتره اعمل حاجه وحاسه انهم متهونى ومحدش مدينى عقاد نافع فقعدت شهر عادى
والشهرر اللى قررت انى اعمل بقى تحاليل شامله من غير ما الدكتور يقولى حملت فيها حتى التحاليل نور بعتتهالى وكنت بسال البنات عن التحاليل اللى تتعمل فى ايام البريود عشان اعملها
بس ملحقتش بقى الدوره اتاخرت ومجرد مااتخرت يومين عملت تحليل وطلعت حامل جريت ع الدكتور بقى
راح الدكتور طلب منى تحليل فيروس السياتو مجالو وبتاع الحصبه الالمانى طلع كويس
بس التحليل بتاع السياتو مجالو طلع الاجسام المضاده عااااليه فقالى المفروض نعيده بعد اسبوعين قلتله هو دا اللى يكون سبب سقط قبل كدا قالى اة ممكن طبعا قلت خير هتعدى المره دى
ادانى بقى حقن تحت الجلد للسيوله وحقن تثبيت كل يوم قالى دا اجراء وقاااائى انتى معندكيش حاجه ونسبه الهرمون عندى كانت 5600 يعنى عاليه وكويسه

قعدت شهر اخد الحقن وكان بيشوف السونار طبيعى لحد ماجه قالى هنشوف النبض الاسبوع الجاى وفجاة مبقاش فى نبض ودانى لدكتوره اشعه الله يسامحها قالتلى الكيس فاضى وقتها وقفت الحقن كلهاااا
ورحت لدكتور راااابع قالى الجنين موجود واعملى تحليل هرمون عملته طلع عاااالى ونسبته كويسه قعدت ع الموال دا شهر كل اسبوع اعمل سونار عن 2 دكاتره ومفيش نبض ومحدش بيطلب تحاليل
ف الاخر الدكتور قالى اعملى اشعه تانيه وعملتها قالولى بقى الجنين كان موجود وضمر ولازم ينزل
قعدت اتحايل ع الدكتور يدينى برشام قالى لاااا انتى اخده حقن سيوله وممكن يجيلك نزيف محدش يلحقك هنعملك عمليه

واتعملت ومحستش الصراحه بحاجه خالص غير شويه مغص لما ابتديت افوق من البنج واونى مسكن وروحت وبقيت كويسه والدم اللى بينزل قليل اوى دلوقتى بس الدوره لسه منزلتش عليا
واخد عينه من الكيس واتقال انه حمل حويصلى
كلمنا الدكتور امبارح بقى قال هيعمل تحاليل لهرمون الحمل فى الدم والبول لحد ما ينزل يبقى صفررر وبعد كدا مش عارفه هيعمل ايه
بس هو بقى عمل ولا معملش انا بأذن ةالله هانزل مصر واروح لدكتور ياخدنى شروه كدا ويعملى تحاليل كامله لان بجد الواحد مابقاش فاهم حاجه هل سببه الفيروس ولا سببه ان الرحم مكنش نضف كويس وملحقش يرتاح لان الدكتور قالى كدا برضه قب ما اعمل العمليه قالى ممكن الرحم بتاعك مكنش نضيف كفايه
طب لو هو مش نضيف كفايه هيحصل حمل ازاى ونزل دورتين قبل الحمل


يعنى حصل حمل 3 مرات سيبك من اول مره متتحسبش حمل اصلا و4 دكاتره محدش فيهم يطلب تحاليل كلهم على بعض 4 او 5 تحاليل بس


الخلاصه من قصه حياتى دى انك لازم يتعمل تحليل للكيس وتعملى تحاليل شااااااااااامله وكامله عن كل جزء فيكى مهما اتكلفت اعمليها عند دكتور كبير وشاطر

وقبل ماتعملى العمليه روحى لدكتور تانى واتاكدى من موضع النبض دا متستعجليش خااااااالص بالله عليكى اوعى تستعجلى
واعملى العمليه علطول اريحلك من البرشام لانه بجد متعب خاصه انك فى الاسبوع السابع يعنى حجمه مش صغير

وبعدين كل اللى بنعمله دا سعى لكن والله ولا دكتور ولا بطيخ فى ايده حاجه دا رزق من عند ربنا
اوعى تزعلى يابنتى خليها على الله ربنا اكيد حماكى من حاجه اكبر قولى الحمد لله وصلى ركعتين شكر لله

واتاكدى ان ربنا مش بيظلم حد وان ربنا عدل وبيدى كل واحد رزقه وان شاء الله ويقينى فى ربنا كبير اوى ان ربنا هيرزقنا كلنا ذريه صالحه معافاه تفرح قلبنا وعشان نحس بغلاوتهم بجد ونحافظ عليهم زى عنينا لما يجوووا


انا اسفه والله اوعوا تكرهونى عشان الرغى اللى فوق دا كله بس حبيت اقول لدينا انها مش لوحدها وان فى زيها كتير واننا لازم نعمل انقلاب ع الدكاتره اللى بقعدوا يالفوا فينا دووول

مجربتش يا بوسي هبقي ادخل اشوفه

noor1984;12785484:
بس راى اعملى سونار تانى وتالت قبل الميزو تاك وربنا يعوضك ويصبرك يارب

وانا كمان راىى كداااااا

نور ربنا يتمملك بخير يارب
يعنى انتى دلوقتى متابعه مع دكتور عثمان دا
انتى فى الكام وماشى معاكى ازاى فى الحمل ؟

noor1984;12785940:
لا ياجرين دى حقن تثبيت وحقن كورتجين وكده

ايه حقن الكرتجين دى يانور

الغريبه يا امنيه ان النسبه عندك في اخر حمل كانت كويسه امال في ايه

nemonamanemo;12786004:
و بعدين مش ممكن التحاليل تبين ان ده عيب كرموزمات و انك محتاجه تعملي تلقيح صناعي ولا حقن مجهري يا بنتي ريحي الشهر ده و من الشهر الجاي بأذن الله تروحي لمحمد عثمان مصاريف بمصاريف و خلاص

صح كدا مصاريف بمصاريف عاجبنى اوى الدكتور بتاع كمراسه التحاليل دا انا كمان هاروحله ان شاء الله بس كمان كام شهر كدا لحسن جوزى ممكن بعلقنى لو جبتله سيره دكاتره ههههه

nemonamanemo;12787164:
الغريبه يا امنيه ان النسبه عندك في اخر حمل كانت كويسه امال في ايه

والله ةيا نيمو مش عارفه دا حتى كمان كيس الحمل الدكتور بتاع االاشعه قالى الكيس حجمه مثالى جدااا على اخر دوره 11 اسبوع ونسبه الهرمون اخر مره عملتها كانت 108 الف وكسر كمان
بس سبحان الله
انا قريت كلام قليل كدا عن موضوع الحمل الحويصلى دا قاله انه بيزود نسبه الهرمون بس الصراحه مش لاقيه كلام يجيب من الاخر فهصبر ليوم السبت وافهم من الدكتور

bosy82;12786754:
يالا يا منية الصور و الطريقة بسرعة

من عنيا التو
حالا هاروح اجيب الوصله بتاعت الموبايل واصغر الصور وانزلهم

مهي المشكله يا امنيه ان مش كل التحاليل مهمه دكتور الاوعيه الدمويه قالي ايه كل ده في حاجات ملهاش لزمه و غاليه علي الفاضي

هو الصراحه مستغل ماديا شويه بس كله يهون معلش

صباح الخير يا بناويت وحشتونى ما شاء الله على الرغى
ايه ده كله..

نيمو اصل انتى عارفه الفتره اللى بين الاجهاضين انا طنشت وقلت مش هاعمل حاجه ووقت ماجيت اعمل كنت حامل اصلا فقلت بقى خلاص انا اسعى على اد ما ربنا يقدرنى وف النهايه محدش هيرزقنى غير ربنا واللى ربنا كتبهولى هاشوفه


شوفوا بقى الصور وقولولى رايكووو على فكره دا جلاش عادى خالص لحمه معصجه وجلاش
بس انا عملاه رولات ولافاه ف الصينيه ودهناه زبده وحطيت عليه بيضه معموله فى كبايه لبن ودخل الفرن وبقى بالشكل دا

الموضوع دا جيباه من فتكات عضوه اسمها amula عامله الجلاش باللحمه وبالسبانخ بس انا مش بحب السبانخ ابدااا
فقلت لمااما عصجيلى اللحمه عايزه اجرب حتى الشكل بس وطلع زى الصور وطعمه طلع حلو جدااااا والله وطرى الزبده اللى اتدهن بيها طرته اوى وعجب جوزى واخويا ومامتى الحمد لله
واهو تغيير عن شكل الجلاش التقليدى اللى هريت بيه جوزى هو نفس الحشوه بس تغيير الشكل برضه بيفرق والله





دا شكل القطعه لما اتقطعت معلش انا مش عارفه الشاشه عندجى غامقه ولا للصور مش حلوه




ياسمينا ازيك يا قمر عامله ايه
ماجده اخبارك ايه ياجميله
جرين ربنا معاكى يارب ويفرح قلبك قريب يارب
محبه ازيك يارب تكونى بخير

احنا بنعمله كده علي ساعات كتير و كمان بنحشيه خضار مع اللحمه او خضار بس بسله و فاصوليا و جزر و كده


تسلم ايدك يا امنيه ده فتكات طلع في الاكل جامد علي راي بوسي

ياسمين عامله ايه

انا هقوم نص كده اطلسق الاكل و اجي ههههههههههههههههه