تجمع بنات مصر منتظرات الحمل بإذن الله الجزء " 8 "

انا بشيل الكفتة ام رز متحمرة

وبشيل البانية متبل والبوفتيك ,, واوقات بشيل الصلصة جاهزة

وطبعا الشوربة اللى تتبقى منى مش برميها ابدا بشيلها فى الفريزر

واللحمة المفرومة بشيلها متعصجة

انتوا يا عيال انتو فين

انا هنااااااااااااااااا

semsema_semsemy;12787517:
ايوه انا قلت كلمه صعبه اوى ومش عارفه قلتها ازاى بس احنا بشر وبنغلط ومعرفش مالى بجد عندى خنقه فظيعه وهو مسافر وبعيد عنى ومش عارفه اعمل ايه عشان اصلح الغلطه دى

بصي اولا انتي زهقانه و مش طايقه روحك عشان هو مسافر و بعيد عنك انتي طبعا لازم تفهميه ده و تبرري عصبيتك بانه واحشك و طبعا تقوليله بس مش معني كده اني مش غلطانه لا انا غلطانه يا حبيبي و مش هعمل كده تاني بس انت اعذرني انا لسه عروسه و حبيبي بعيد عني و كلام ناعم كده

وطبعا الكلام ده كله لما يهدي مش دلوقتي خالص

لحظةحب;12787539:
ده تتبيلة البانيه يا نيمو وله ايه بالظبط اصلى عمرى ما حطية طماطم على التتبيله بتاعة البانيه

اه يا ياسو جربيها هتعجبك بجد

امنيه صلصله المكرونه اللي هي طماطم مضروبه ولا ليكي تتبيله معينه


الكفته بقي جربي الخلطه الجاهزه بتاعه كنور بتعمل طعم حلو

منوره يا احلي جرينا


انا كمان عمري ما رميت شوربه ديه بتنفع مووت لما الواحد يتزنق و كمان بشيل كفته الرز محمره في الفريزر انا اصلا بحب ادخل المطبخ طاخ طاخ ابقي مخلصه فبحب الحاجات تبقي جاهزه

هههههههههههههههههههههههه

انا عملة زيك يا مومون

وقفة المطبخ الكتيرة بتتعبنى

انا حتى السمك والجمبرى والفيلية بتبيلة واشيلة متبل

احنا بنشيل السمك متبل بس الجمبري لا اصلي بحب اعمل بيه حاجات متنوعه فبسيبه مش متبل

انتي عارفه يا جرين نفسي ربنا ينفخ في صورتي في الحلويات
هههههههههههههههههههه بحترم قووي الناس اللي بتعمل حلويات حلو

انا ممكن بسبوسة حلو او كيك رز بلبن

اكتر من كدا مش هتلاقى

انا جييييييييييييييييييييت
غبت عنكم الى فجاه تعبت اووووووووووووووووووى وطبعا بدات وصله القىء بتاعتى بتاعه الساعه تلاته ههههههههههههه
حد كان بيسالنى عن الكورتجين دى حقن باخدها مره الصبح ومره بليل علشان توقف القىء المستمر اللى عندى وياريتها بتعمل حاجه
ربنا يسترها يارب
بمناسبه الاكل
انا بعمل التتبيله زيك يانيمو بس بزود زبادى بتبقى تحفه بجد
والكفته جربت اللى قالت عليها فجر تقريبا والله تجنن يابنات احلى من اللى بنشتريها
بالذات موضوع الصلصه وميه البصل اللى بنصبعها بيه بيخلى طعمها روووووعه تتنسف نسف

ازيكو يا بنات انا مش مشرفه ولاحاجه انا عضوه زى زيكوا

كنت متابعه معاكوا بس كنت لما بشارك مكنش حد بيرد عليا ففضلت اتابع من بعيد

ازيكم يا بنات عاملين اييييييييييييييييييييييييه

مبروك لكل البنات اللى ربنا رزقها بالحمل وربنا يثبته ان شاء الله وعقبال الباقى عاجلا يااااااااااااااااااااارب

مختفين لية

nemonamanemo;12788312:
امنيه صلصله المكرونه اللي هي طماطم مضروبه ولا ليكي تتبيله معينه


الكفته بقي جربي الخلطه الجاهزه بتاعه كنور بتعمل طعم حلو

لا عادى بصله وتومه تتشوح وعليها عصير طماطم ومعلقتين صلصه وبحط زعتر بقى وفلفل وملح وبس على كدا
وساعات توم بس مامه صحبتى بتعمل الصلصه بتوم بس بتبقى حلوه برضه

يعنى معلش اصلى معملتهاش قبل كدا
اجيب لحمه مفرومه واحط عليها الخلطه بتاعت كنور دى بس واصبع وتبقى كفته ولا ايه عايزه بالتفصيل

noor1984;12788495:
انا جييييييييييييييييييييت
غبت عنكم الى فجاه تعبت اووووووووووووووووووى وطبعا بدات وصله القىء بتاعتى بتاعه الساعه تلاته ههههههههههههه
حد كان بيسالنى عن الكورتجين دى حقن باخدها مره الصبح ومره بليل علشان توقف القىء المستمر اللى عندى وياريتها بتعمل حاجه
ربنا يسترها يارب
بمناسبه الاكل
انا بعمل التتبيله زيك يانيمو بس بزود زبادى بتبقى تحفه بجد
والكفته جربت اللى قالت عليها فجر تقريبا والله تجنن يابنات احلى من اللى بنشتريها
بالذات موضوع الصلصه وميه البصل اللى بنصبعها بيه بيخلى طعمها روووووعه تتنسف نسف

قوليلى يا نور فجر بتعملها ازااااااااااااى عايزه اعمل كفته ياجدعان زى الجاااااااااااهز

اللؤلؤه الحائره;12788539:
ازيكو يا بنات انا مش مشرفه ولاحاجه انا عضوه زى زيكوا

كنت متابعه معاكوا بس كنت لما بشارك مكنش حد بيرد عليا ففضلت اتابع من بعيد

ليه يا حبيبتى كلنا معاكى اهو انتى باين من المنصوره صح
خشى وشاركى معانا كلنا اخوات فى بعضينااااا
ربنا يفرحنا كلنا يارب

دينا مدخلتش النهارده يارب تكون بخير ربنا يعوضها يارب

bosy82;12785314:
دينا معلش يا قمر قدر الله و ما شاء فعل و ان شاء الله باذن الله ربنا يعوضك بحمل سليم معافي عاجلا غير اجلا يارب العالمين

الحمد لله يابوسى

noor1984;12785484:
دينا حبيبتى
انا مش عارفه اقولك ايه لانى بجد حسه بيكى دا وحسه بالحاله اللى بتقولى انك شويه عايزه تعيطى وشويه عادى بجد حسه بيكى اوى ربنا يكون فى عونك ويقويكى ويخفف عن قلبك يارب ويصبرك انا عايزه اقولك حاجه ممكن تستغربيها بس بجد ادعى لنفسك الايام دى كتير جدا ان ربنا يرزقك وبكره الجمعه ان شاء الله بعد اذان العصر وقبل الاقامه اتوضى واقعدى اتوسلى لربنا كتير جدا
انا كنت الاجهاض اللى فات تعبانه نفسيا جدااااااا وحالتى كانت صعبه ولقيت انى كل مادعى قلبى بيقوى وبتصبر وبجد الحمد لله مش فات وقت الا وربنا كرمنى
بالنسبه للاجهاضات اللى فاتت احكيلك بالتفصيل اتعالجت ازاى يمكن تستفيدى من اى نقطه
اول مره حملت حصل افرازات بنى عندى من اول يوم وحصل الاجهاض ملحقتش افرح بحمل
وروحت لدكتور ادانى ميزو تاك وحللى التكسوبلازما والفيرس سيتو مجالو لقى الانتى بودى بتاعه الفيرس عاليه قالى و ده السبب وادانى علاج وطلع طبعا ده كلام غلط خالص خالص لان الانتى بودى العاليه لازم تعديها بعد اسبوع او تللى الفيرس نفسه مش الانتى بودى انما وجودها عاليه فى جسمك ده معناه انك عندك مناعه
وفى جمله طبيه عندنا الانجليز بيقولوها عن الفيرس ده انه لو مره سبب جهاض مش بيكررهاحتى لو عندك
المهم ده اول اجهاض وعدى
وطبعا لان كلام الدكتور ماقنعنيش روحت لدكتور بعد شهر علشان احلل كويس واعرف السبب قبل اى حمل تانى وروحت لدكتور الهرم بتاع نيمو
حللى سكر وعامل التجلط ptt
وقالى انتى نسبتك وحشه ولازم اخدى الحمل اللى جاى كلوجوفاج وهيبارين مسيل للدم
وهو ده سبب الاجهاض ولان ده سبب جديد ومشهور فى الطب صدقته ومدورتش على حد بيفهم غيره وحصل حمل
واخدت الادويه وعملت التحليل الرقمى اللى ياريتنى مكنت عملته الحمد لله لقيته نزل ومن غير معمل سونار الدكتور ربنا يسامحه مافترضش غلطه المعمل وخلانى اخد ميزوتاك علطول من غير سونار وقالى المره الجايه هنزود ليكى جرعه الحقن مسيله الدم وهتاخدى انسولين وهو ده السبب
طبعا مقتنعتش لان اختى عندها سكر ومش بتاخد انسولين واولادها ماشاء لله زى الفل وانا اللى معنديش سكر من اساسه ازاى اكون كده
وانا مستمره على الميزو تاك بقيت اتالم عن المره الاولى اوى وروحت للدكتور اللى بتابع معاه اول معرف انى استعملت الميزو تاك من غير سونار نتيجه للتحليل اتصدم وفضل يزعقلى المهم طلب منى تحاليل كتيره اوى كنت بعتها لامنيه هدور عليها فى رساله وابعتهالك
وطلب منى ماخدش اى ادويه لغايه مانشوف عندى ايه
والحمد لله كل التحاليل طلعت سليمه
فامرداش يدينى غير دوستنكس نص قرص كل يوم جمعه وبرونتوجيست لبوس كل نص تانى من البريود
ولما سالته ليه وانا معنديش حاجه قالى امشى هو مابيعملشى حجه غير انه بيمشينى كل مساله عن حاجه ههههههههههه
المهم بعت انا التحاليل فى ايميل لدككتور عادل وكتبتله قصه حياتى اللى كتبتهالك دى
قالى على دكتور عثمان الاخير ده انه دكتور سورى متخلف شتمه كده والله وقالى اياكى تستخدمى ادويته وانتى عندك تكيس ولازم تاخدى جلوكوفاج بعت قولتله ان وزنى رفيعه اوى بعت قالى عندك سمنه اسفل البطن والله يادينا انا نفسى يبقى عندى بطن زى البنات هههههههههههه سورى المهم قالى انى محتاجه منشطات وموال المهم
المهم روحت زياره تانى للدكتور بتاعى وسالته عندى مشكله فى المبيض قالى لا قولتله بس تحليل الا اتش اعلى عندى من الف اس اتش وده اللى قالهولى دكتور عادل
قام رد عليه دكتور عثمان وقالى علشان نقول فى مشكله لازم تبقى النسبه 3 الى 1 وانا نسبتى واحد وربع لواحد
قولتله عايزه منشطات قالى توكلى على الله مش عايز اشوفك قدامى الا وانتى حامل وطردنى
لما بقى بحثت على النت والكتب والمراجع اللى عندى عرفت ان الدوسنتكس بيظبط الهرمونات وبالتالى بيساعد على الحمل يعنى مش دوره يظبط هرمون اللبن بس والبرونتوجيست بجرعه كبيره من اخر البريود بيعمل على تثبيت النطفه كويس فى جدار الرحم فاتعرف تمتص دم كويس واول مانعرف اننا حامل تبقى بدات تنقسم صح ومش تموت بسرعه ده طبيا
انما بعد القصه الطويله دى احب اقولك انها اولا واخرا بفضل ربنا ورزقه ومفيش دكتور ولا دوا يقدر يساعدنا غير ربنا بكرمه وفضله ورحمته
ولازم ناخد بالاسباب وندور بنفسنا على السبب مش نسيب اى دكتور يجرب ينا ونقول ده دكتور وفاهم
ياااااااااااااااااه انا كتبت ازاى كل ده ربنا يكون فى عون اللى هيقرا هههههههههههههههههههههه
ربنا يكمل حمل كل واحده بخير يااااااااااااااااااااااااااااااااااارب ويرزقك يادينا انتى وامنيه بحمل سليم معافى يااااااااااااااااااااااااارب
بس راى اعملى سونار تانى وتالت قبل الميزو تاك وربنا يعوضك ويصبرك يارب

ربنا يبارك لك يانور ويتم حملك على خير وجزاك الله كل خير
انا اصلا هستنى ليوم الاربع الجاى وبعد كده هاخد قرار العملية مش هاخد ميزوتاك ده تانى تعبنى جدااااااا المرة اللى فاتت

bosy82;12785661:
دينا هو انتي تقريبا في الاسبوع الكام

ما تصبري اسبوع كدة و بعدين تروحي لدكتور تاني ؟؟

فى الاسبوع السابع هستنى اسبوع تانى والله المستعان
بس انا بجد نفسيتى تعبت عايزة اعرف فى ولا مفيش القلق ده بيدمر اعصابى

nemonamanemo;12786004:
اول حاجه عاوزه اقولهالك يا دينا انك طبيعيه جدا و جتتك منحستش ولا حاجه و عادي كل اللي جواكي ده

تاني حاجه بقي انا اكبر حاجه ندمن عليها اني عملت العمليه الاجهاض اللي فات اول ما الدكتور قالي ان مفيش نبض انا كنت بتابع مع دكتور جنب بيتي في حلوان كانت اخت جوزي بتابع معاه في ولادها بس هي الحمد لله حملها من اوله لاخره حتي الولاده مفهوش اي مشاكل

المهم رحتله بعد ما دم نزل عليها قالي لا مفيش نبض و لازم نعمل العمليه انتي اخر مره اكلتي امتي كنت متغديه من بدري اداني كبسول مهبلي كده و استنيت ساعتين دخلت العمليات ببنج كلي ربع ساعه و خرجت العمليه تقريبا اتكلفت 500 جنيه اداني مضاد حيوي و سيتال و مسكن و خافض للحراره انا فعلا بعدها سخنت و اخدت خافض الحراره مرتين الدم فضل 3 او 4 ايام و بعد كده اترفع و بقي بقع بني خفيفه كل فين و فين و البريود اللي بعدها جت بعد 31 يوم عادي جدا (انا البريود بتاعي كل 31 يوم ) بس طبعا جت شديده و مؤلمه و فيها انسجه كده انتي اكيد عارفه قصدي

فبكل الاحوال العمليه ارحم من السقط بالبرشام لانه مؤلم جداا
انا جربته المرة اللى فاتت وتعبنى جداااااااااااااا ومش هكرره تانى ان شاء الله

ديه كده قصة الاجهاض الاول و العمليه نخرج منها بانك متستعجليش و اصبري اعملي سونار تاني ان مكنش يبقي العمليه مش عشان حاجه غير انك تسدي علي الشيطان اي مدخل يدخلك منه انا فضل الشيطان يقولي ده دكتور حمار لانه كان قالي كلام مش مقنع كده خالص و عرفت بعد كده ان ممكن النبض يتاخر لبعد كده


بصي انا واثقه ان الحمل ده مكنش ليا نصيب فيه و اي كان السبب اللي خالي الحمل انتي حاجه من عند ربنا ولا غلطه دكتولا ولا ولا فهو مش من نصيبي بس الشيطان قي و عمايله فا انتي اصبري عشان تبقي علي يقين من جواكي ان مفيش نصيب



المره اللي بعدها كان عدي يمكن 8 شهور لا 7 شهور لان انا جوزي بيسافر و مكنش بيظبط معايا مواعيده المهم كان عندي اللتهابات و رحت لدكتور الهرم (احمد الجزار ) اداني علاج و بعد مخلصته بدأ بقي معايا تحاليل الحمل المهم عمت تحليل هرمون بتاع التبويض ده مش في وقته و قالي ده ضعيف ولازم منشطات كده من غير ما يعملي متابعه تبويض ولا حاجه

المهم انا قولت لا انا مش مقتنعه و فعلا اجلت شهر و الشهر التاني حملت الحمد لله رغم اني كنت خلاص لو البريود نزلت هبتدي المنشطات و طبعا كنت هدخل في موال منشطات بدون داعي و بهدله

علي فكره الدكتور ده يعتبر كبير و مشهور و شاطر و بيفهم هههههههههههههههه المهم عملت تحاليل PTT و PT و المجموعه ديه و طلع النسبه وحشه و طبعا لازم اخد هيبارين و اسبرين و برزانتين كل ديه ادويه سيوله عاوزه اقولك انا فضلت اول 4 شهور اخد 3 حقن هيبارين في اليوم لحد مارحت لدكتور نور (محمد عثمان)

عملي كراسه التحاليل المتينه و الحمد لله طلعت كلها سليمه و الخلاصه اني مش محتاجه حقن السيوله بس للامانه انا فضلت اخدها لحد الرابع مخلص بصراحه خفت ابطلها قلت اعدي الرابع و بعد كده ابطلها لان اول اربع شهور دول اهم حاجه لو عدوا بيبقي نوعا ما تمام

المهم دكتور عثمان طلعلي في موال جديد ان عنق الرحم ضعيف و محتاجه ربط انا اتجننت انا مكن صدقت خلصت من موال السيوله

المهم قعدت علي النت متفرغه للموضوع ده و عملت سرش رهيب لحد ما وصلت لدكتور اوعيه دمويه متخصص في موضوع السيوله في الحمل و الكلام ده اتصلت بيه و حجزت و رحت (طبعا كل ده و جوزي مش موافق علي اي حاجه انتي ميهمكيش الرجاله كده بتيأس بسرعه هيقعد يقولك يا حبيبتي مش مهم و انا مش بفكر في الحوار و الافلام ديه نفضيله و اعملي اللي انتي عوزاه أسألي البنات انا عملت ايه عشان يولفق يوديني قعدت اعيطله يومين ههههههههههههههه)
انا كمان جوزى بيتخنق منى كل ماقوله نروح لحد يقولى هو واحد ونتابع معاه ويفضل يتخانق معايا

رحت للدكتور ده و حكيتله القصه فهمني بقي كل حاجه عن الموضوع من اوله لاخره و اتطمنت الحمد لله و بطلت الحقن انتي عارفه انا لسه مفهمه دكتور الهرم اني باخد الحقن و لسه عامله تحليل البي تي تي ده من فتره صغيره و زاد كتير عن ما كنت باخد الحقن ههههههههههههههههه تقريبا الحقن هي اللي كانت مطلعه النتيجه وحشه ههههههههههههه


كده انا اتأكدت من حوار السيوله ده فشنك فضل الربط بردوا مسكتش قعدت ادور لحد ما وصلت لدكتور قريب حماتي رحتله اخد رائيه سيبته عملي السونار و كل حاجه و بعد كده حكيتله

قالي ان عنق الرحم عندي طبيعي و طلع عارف عثمان و اللي فهمته منه انه دكتور شاطر بس مادي و طبعا ده رأي اي حد اتعامل مع عثمان هههههههههههههه و اسألي نور و هدي


و علي فكره دكتور عثمان كان بيشتم في دكتور احمد الجزار و دكتور عادل كان بيشتم في عثمان

يعني كلهم بينفسنوا علي بعض و كلهم بيجربوا فينا

هههههههههههههه حسبى الله ونعم الوكيل انا نفسى الاقى دكتور عنده ضمممممممممممممممممير

ديه الحكايه بالتفصيل مقدرش اجزم اذا كان عندي مشكله و حقن السيوله ساعدتني اعدي اربع شهور الاولين ولا انا الاجهاض الاولاني كان حاله عارضه و عدت


اما الاكيد حاله نور حصلها اجهاضين و الحمد لله ربنا يتمملها علي خير التالت ده ثبت بردوا نور متعتبرش اجهاض متكرر لان الدكاتره اكدوا انه لازم يبقي 3 اجهاضات زيك يا دينا بس اللي تقدري تعمليه انك تمشي علي علاج نور و تشوفي






ديناااااااااااااااااااااااااااا .................. كفايه كده بقي علي دكتور عادل انتي ادتيله فرصته و زياده و من المره اللي فاتت و انا بقولك غيريه بس الحمد لله المهم دلوقتي لازم تروحي لحد تاني و انا ارشحلك عثمان زي ما قلت لنور خليكي معاه اول اربع شور و بعد كده تابعي الحمل مع اي حد


يا بنتي ده طالب منك ال RH بعد تالت اجهاض ايه الهبل ده .. ده التحليل ده اول حاجه بتتطلب دينا اقتنعي بقي ان حالتك مش بتتقدم مع الدكتور ده و مش معني انك بتحملي يبقي كله تمام المهم ان الحمل يثبت

هههههههههههههه ماطلبوش وحياتك ده انا اللى قولت له عليه
و بعدين مش ممكن التحاليل تبين ان ده عيب كرموزمات و انك محتاجه تعملي تلقيح صناعي ولا حقن مجهري يا بنتي ريحي الشهر ده و من الشهر الجاي بأذن الله تروحي لمحمد عثمان مصاريف بمصاريف و خلاص

لااااااااااااااااااااااااااااا ههههههههه اوعى تقولى كده اصلا يابنتى هقولك بصراحة الظروف دلوقتى ماتسمحش خالص بالحقن والحاجات دى ربنا يارب يرزقنى حمل طبيعى:'(
انا دلوقتى اتلخبطت ومش فاهمة يعنى اروح لمحمد عثمان
طيب مانتى قولتى ان قاله محتاجة ربط وانتى مش محتاجاه انا احترت اوى
طيب يعنى مواله ده من اول التحاليل لمتابعة لادوية يدخل فى حوالى كام؟
الظروف المادية اليومين دول بايظة خالص مالص
افيدينى يانيمو ونور

magda 1;12786629:
صباح الخير عاملين ايه يا عيال ايه الرغي ده كلللله انتو مش عندكم وسط يارغي يا صحرااا يلا المهم منورررين بجد .... دينا حبيبتي قدر الله وما شاء فعل ربنا معاكي يارب ....

الحمد لله ياماجدة

paradise rose;12787039:
بصى يا دون دون انا للاسف ماشيه كدا بالبركه من اول حمل ليا كل دكتور عندنا ليه كلمه محدش يمسكك كدا يعملك تحاليل شامله
انا حملت اول اجازه فى جوازى ومكنتش اعرف ورمضان كان داخل علينا وقعدت هريت ونكدت وعملت كل حاجه غلط ممكن واحده حامل تعملها وكان بينزل عليا حاجات بنى وكنت اقول جايز من الجواز مكنتش متوقعه انى ابقى حامل اصلا وضهرى بقى يوجعنى جامد اوى اووى واول يوم رمضان عملت تحليل الحمل طلعت حامل بس ملحقتش افرح تانى يوم بالظبط نزلت الدوره لان الحمل كان كل ما حاجه بنى تنزل عليا يكون دا سقط وانا معرفش ماعلينا فالدكتور راح مدينى ميزو تاك باين قال جايز يبقى فى بواقى بس معملش حاجه
وطلب منى تحاليل ال rh , والتوكسو بلازما وطلعوا كويسين مفهمش حاجه وقالى امشى ع الفوليك اسيد خلصناااااا قعدت بقى فتره بعدها اجازات جوزى مش مظبوطه معايا خااااااالص

لحد شهر واحد كدا وحملت تانى الدوره اتاخرت عليا اكتر من 12 يوم عملت تحليل الحمل كان 4500 الدكتور قالى انتى داخله التانى بكره قلت خييير قلتله انا جالى اجهاض قبل كدا ادينى حاجه
ولا الهواااااااااا ولا عبرنى قالى نسبتك كويسه ومش محتاجه حاجه
اخدت الفوليك بس المهم كام يوم كدا وبدا ينزل عليا دم رحت لواحد تانى راح مدينى مثبت حقنتين ف الاسبوع وادانى هيمو ستوب دا دوزا بيجلط الدم اصلاااااا وكنت عملت تحليل الهرمون لقيته على
قعدت عليه اسبوع مكنش فى اى تغيير ويوم ما وقفته جالى نزيف جامد ونقلونى المستشفى والدكتور راح منزله لان البيبى اصلا كان نزل لعنق الرحم خلاص وقالى هنحطك تحت المراقبه لو الدم مقلش هنعمل عمليه انا كنت تقريبا فى الاسبوع السادس يعنى برضه ملحقتش افرح اوى ماعلينا
ادانى برضه ميزو تاك لمده يومين ومضاد حيوى وقالى هتيجى نعمل سونار نشوف البقايا اد ايه لما عمل قالى دى هتنزل مع الوقت
قلتله طب قولى تحاليل اعملها عشان لو فى مشكله نحلها ولا عبرنننننننننننى قالى انتى الحمل الجاى هتبقى كويسه ومش هيحصل حاجه ان شاء الله ولو محملتيش لحد رمضان ابقى تعالى بس انا اعتقد ان هتحملى قبلها

المهم ياستى قعدت اربعين يوم بالظبط ينزل منى دم على حاجات بنى ويوقف يومين ويرجع تانى واليوم 41 نزلت الدوره عادى بس عذاب بقى ان الواحده تعض كل دا

طبعا وقتها النفسيه كانت زيروووو ومكنش ليا نفس اصلا اروحخ لدكاتره اعمل حاجه وحاسه انهم متهونى ومحدش مدينى عقاد نافع فقعدت شهر عادى
والشهرر اللى قررت انى اعمل بقى تحاليل شامله من غير ما الدكتور يقولى حملت فيها حتى التحاليل نور بعتتهالى وكنت بسال البنات عن التحاليل اللى تتعمل فى ايام البريود عشان اعملها
بس ملحقتش بقى الدوره اتاخرت ومجرد مااتخرت يومين عملت تحليل وطلعت حامل جريت ع الدكتور بقى
راح الدكتور طلب منى تحليل فيروس السياتو مجالو وبتاع الحصبه الالمانى طلع كويس
بس التحليل بتاع السياتو مجالو طلع الاجسام المضاده عااااليه فقالى المفروض نعيده بعد اسبوعين قلتله هو دا اللى يكون سبب سقط قبل كدا قالى اة ممكن طبعا قلت خير هتعدى المره دى
ادانى بقى حقن تحت الجلد للسيوله وحقن تثبيت كل يوم قالى دا اجراء وقاااائى انتى معندكيش حاجه ونسبه الهرمون عندى كانت 5600 يعنى عاليه وكويسه

قعدت شهر اخد الحقن وكان بيشوف السونار طبيعى لحد ماجه قالى هنشوف النبض الاسبوع الجاى وفجاة مبقاش فى نبض ودانى لدكتوره اشعه الله يسامحها قالتلى الكيس فاضى وقتها وقفت الحقن كلهاااا
ورحت لدكتور راااابع قالى الجنين موجود واعملى تحليل هرمون عملته طلع عاااالى ونسبته كويسه قعدت ع الموال دا شهر كل اسبوع اعمل سونار عن 2 دكاتره ومفيش نبض ومحدش بيطلب تحاليل
ف الاخر الدكتور قالى اعملى اشعه تانيه وعملتها قالولى بقى الجنين كان موجود وضمر ولازم ينزل
قعدت اتحايل ع الدكتور يدينى برشام قالى لاااا انتى اخده حقن سيوله وممكن يجيلك نزيف محدش يلحقك هنعملك عمليه

واتعملت ومحستش الصراحه بحاجه خالص غير شويه مغص لما ابتديت افوق من البنج واونى مسكن وروحت وبقيت كويسه والدم اللى بينزل قليل اوى دلوقتى بس الدوره لسه منزلتش عليا
واخد عينه من الكيس واتقال انه حمل حويصلى
كلمنا الدكتور امبارح بقى قال هيعمل تحاليل لهرمون الحمل فى الدم والبول لحد ما ينزل يبقى صفررر وبعد كدا مش عارفه هيعمل ايه
بس هو بقى عمل ولا معملش انا بأذن ةالله هانزل مصر واروح لدكتور ياخدنى شروه كدا ويعملى تحاليل كامله لان بجد الواحد مابقاش فاهم حاجه هل سببه الفيروس ولا سببه ان الرحم مكنش نضف كويس وملحقش يرتاح لان الدكتور قالى كدا برضه قب ما اعمل العمليه قالى ممكن الرحم بتاعك مكنش نضيف كفايه
طب لو هو مش نضيف كفايه هيحصل حمل ازاى ونزل دورتين قبل الحمل


يعنى حصل حمل 3 مرات سيبك من اول مره متتحسبش حمل اصلا و4 دكاتره محدش فيهم يطلب تحاليل كلهم على بعض 4 او 5 تحاليل بس


الخلاصه من قصه حياتى دى انك لازم يتعمل تحليل للكيس وتعملى تحاليل شااااااااااامله وكامله عن كل جزء فيكى مهما اتكلفت اعمليها عند دكتور كبير وشاطر

وقبل ماتعملى العمليه روحى لدكتور تانى واتاكدى من موضع النبض دا متستعجليش خااااااالص بالله عليكى اوعى تستعجلى
واعملى العمليه علطول اريحلك من البرشام لانه بجد متعب خاصه انك فى الاسبوع السابع يعنى حجمه مش صغير
ان شاء الله هعمل كده
وبعدين كل اللى بنعمله دا سعى لكن والله ولا دكتور ولا بطيخ فى ايده حاجه دا رزق من عند ربنا
اوعى تزعلى يابنتى خليها على الله ربنا اكيد حماكى من حاجه اكبر قولى الحمد لله وصلى ركعتين شكر لله

واتاكدى ان ربنا مش بيظلم حد وان ربنا عدل وبيدى كل واحد رزقه وان شاء الله ويقينى فى ربنا كبير اوى ان ربنا هيرزقنا كلنا ذريه صالحه معافاه تفرح قلبنا وعشان نحس بغلاوتهم بجد ونحافظ عليهم زى عنينا لما يجوووا


انا اسفه والله اوعوا تكرهونى عشان الرغى اللى فوق دا كله بس حبيت اقول لدينا انها مش لوحدها وان فى زيها كتير واننا لازم نعمل انقلاب ع الدكاتره اللى بقعدوا يالفوا فينا دووول

والله يامنية تعبت بجد وحاسة انى تايهة وفى دوامة وماحدش حاسس بيا غير ربنا وحده
هو اللى عالم بحالى والله العظيم بكلمك وبعيط وتعبانة اوى

shoshet*himo;12787395:
مبروك التجمع الجديد


دينا معلش يا حبيبتي قدر الله وما شاء فعل

والله باذن الله ربنا هيعوضك خير

ان شاء الله خير ياشوشيت الحمد لله

استغفر الله العظيم رب العرش العظيم

دندون ربنا يعوضك يا قمر بس الاحسن انك تعملى العمليه علشان تطمنى ان الرحم نظيف استخيرى ربنا يقدرلك الخير .. انا بصراحه مليش خبره فى الدكاتره فى مصر بس البنات بقا يفيدوكى فى الموضوع ده ..

ايه محدش سهران يا بناويت وله ايه