تجمع بنات مصر منتظرات الحمل بإذن الله الجزء " 8 "

جرين
ربنا يكرمك ياحبيبتى يارب
و شكرا على ردك عليا
طب القسطرة دى بتوجع صح
اكيد التلقيح ده مؤلم مش كده
وانتى هتعمليه فين ان شاء الله وهتكلف كام
بوسى قالتلى بتبقى فى حدود٤٠٠ و
وياترى تعرفى دكتورة تكون بتعمله؟

paradise rose;12782725:
دينا يا حبيبتى انا اكتر واحده دلوقتى بجد حاسه بيكى وانتى فاهمه كدا لان حالتك زى حالتى تقريبا مع اختلاف انى انا كانت نسبه الهرمون بتعلى وبرضه مفيش نبض
انا كمان الهرمون بيعلى بس مش النتيجة المظبوطة ولكن اقل
بصى عامة ربنا لسه مأردش يرزقنا دلوقتى وان شاء الله فرجه قريب علينا كلنا
بس عايزه اقولك حاجه بالنسبه للعمليه انا كنت قلقانه منها فى الاول بس لما عملتها لقيت انها مريحه جدااا عن ان تاخدى برشام ينزل البيبى
انا جربت البرشام (ميزوتاك)المرة اللى فاتت وتعبت جداااااااااااااا فمش عايزة اخده تانى بصراحة
انتى عارفه انى من اسماعيليه انا عندى اتكلفت 850 جنيه بالمستشفى بكل حاجه
بس هى كده مش غالية ولا كويسة
وكانت بنج كلى وبتكونى صايمه قبلها انا صمت زى صيام رمضان من الساعه 6 الصبح والعمليه اتعملت تقريبا عقبال ما الدكتور جه على 11 ونص او 12 كدا
والعمليه مش بتاخد وقت خالص الى معايا قالولى انها بالظبط ربع ساعه وكنت طلعت والدكتور قالى هينزل منك حاجات خفيفه كداا وبعد كدا الدم هيزيد هيكون دا دم الدوره
وادانى مضاد حيوى ومسكن وقت اللزوم وغسول مهبلى سيتيال
بس الحمد لله لحد دلوقتى محتجتش المسكن
هما بعد العمليه بيدو مسكن ولما بتفوقى ممكن يدوكى واحد تانى وبتروحى فى نفس اليوم انا يومها روحت ع بعد العصر كدا كنت فى البيت

ولازم يتعمل تحليل للسقط دا ابقى فكرى الدكتور لو عملتى العمليه او معملتيهاش لازم يتعمل تحليل للسقط عشان يتعر ف السبب

ان شاء الله مانا لو عملتها الدكتور هيحلل الكيس اكيد بس برضو هبقى افكره

بس عايزه اقولك حاجه
روحى لدكتور تانى وتالت وروحى لمركز اشعه نضيف اتاكدى من عدم وجود النبض لان ممكن يكون الحمل حصل متاخر الله اعلم بس تبقى عامله اللى عليكى كله ولو قدر ربنا ان زى الدكتور بتاعك ما قال يبقى شوفى هيعملك ايه
وربنا عوضك يارب واذكرى ربنا كتير وقولى اللهم اجرنى فى مصيبتى واخلفلى خيرا منها
ربنا يصبرك ويصبرنى ويرزقنا يارب
اللهم امين وربنا يعوضنا خير بإذن الله

انا عملت تحليل السقط والدكتور قال ان الحمل حويصلى وانا طيبعا مش فاهمه يعنى ايه ولا نظامه ايه دا بس قال ان لازم هرمون الحمل يقل وهيعمل متابعه لتحليل الهرمون ف الدم وف البول لحد مايوصل زيرووو
لما اروح للدكتور يوم السبت هابقى افهم بقى
دعواتكم ياحلوين

ومبروك الجزء الجديد يارب يبقى فيه اخيار حلوه يارب

ان شاء الله خير يامنمن
انا عايزة اعرف كمان يامنية هو انتى ماعملتيش تحاليل خالص غير تحليل الكيس ده بس وهل الدكتور طلب منك تحاليل تانية لسه هتعمليها وفى تحليل الrhده حد قالك عليه

miramiro;12782745:
السلام عليكم
دينا حبيبتى
قدر الله وما شاء فعل
بجد انا حاسه بيكى اوى والله وقلبى واجعنى عليكى اوى
بس يا دينا لازم يبقى عندك ثقه فى الله ان ربنا هيعوضك خير باذن الله تعال
الحمد لله ياميرا
وان شاء الله خير
طب يادينا كان بيكون سبب الاجهاض قبل كده ليه
وهو انتى لازم تحملى بالمنشطات ولا عادى
و ليه مش تجربى مثلا تلقيح صناعى
سبب الاجهاضات اللى فاتت ماعرفش واه بحمل بمنشطات ماجربتش التلقيح الصناعى ليه مش عارفة اصل بيحصل حمل الحمد لله بمنشطات
بس ماعرفش الدكتور هيقول ايه بعد لموضوع ده

انا اسفه على كل الاسئله دى
حشريه انا اوووووى
لا ياقمر مش حشرية ولا حاجة احنا اخوات وبنطمن على بعض
امبارح رغايه و النهارده حشريه
ربنا يكون فى عونكم انكم مستحملينى

marmora7722;12782868:

السلام عليكم

ازيكم يا بنات
يارب يكون التجمع الجديد خير علينا كلنا

دينا حبيبتى خلى قلبك ملياااااااااااااااااااااان رضا بالله و الله ما فى احسن من الرضا
و افتكرى "لو علمتم الغيب لأخترتم الواقع"
اللى ربنا يقدره هو ده الخير
احمدى ربنا كتيييييييييييير
و ربنا يعوضك خيرا بإذن الله
بصى حبيبتى "لن تزول قدم عبدا حتى تستكمل رزقها"

انا كنت دايما اقول لنفسى محدش بيموت و يسيب رزقه لو ليا رزق ربنا كتبهولى هأخده و لو بعد حين

الحمد لله يامرمورة كل شئ باوان واكيد ربنا هيعوضنى خير بإذن الله

الف الف مبروك يا بناات الجزء الجديد و يارب يكون فاتحة خير علينا كلنا

و يرزق كل البنات ان شاء الله بالذرية الصالحة الطيبة عاجلا غير اجلا

و يعوض كل البنات عاجلا غير اجلا بحمل سليم ثابت و معافي يارب العالمين

و كل الحوامل يقومهم بالسلامة يارب و يكملهم علي خير يارب


دينا معلش يا قمر قدر الله و ما شاء فعل و ان شاء الله باذن الله ربنا يعوضك بحمل سليم معافي عاجلا غير اجلا يارب العالمين

miramiro;12782976:
جرين
ربنا يكرمك ياحبيبتى يارب
و شكرا على ردك عليا
طب القسطرة دى بتوجع صح
اكيد التلقيح ده مؤلم مش كده
وانتى هتعمليه فين ان شاء الله وهتكلف كام
بوسى قالتلى بتبقى فى حدود400 و
وياترى تعرفى دكتورة تكون بتعمله؟

يا بنتي و الله مش بيوجع خالص الحمد لله :D

دينا حبيبتى
انا مش عارفه اقولك ايه لانى بجد حسه بيكى دا وحسه بالحاله اللى بتقولى انك شويه عايزه تعيطى وشويه عادى بجد حسه بيكى اوى ربنا يكون فى عونك ويقويكى ويخفف عن قلبك يارب ويصبرك انا عايزه اقولك حاجه ممكن تستغربيها بس بجد ادعى لنفسك الايام دى كتير جدا ان ربنا يرزقك وبكره الجمعه ان شاء الله بعد اذان العصر وقبل الاقامه اتوضى واقعدى اتوسلى لربنا كتير جدا
انا كنت الاجهاض اللى فات تعبانه نفسيا جدااااااا وحالتى كانت صعبه ولقيت انى كل مادعى قلبى بيقوى وبتصبر وبجد الحمد لله مش فات وقت الا وربنا كرمنى
بالنسبه للاجهاضات اللى فاتت احكيلك بالتفصيل اتعالجت ازاى يمكن تستفيدى من اى نقطه
اول مره حملت حصل افرازات بنى عندى من اول يوم وحصل الاجهاض ملحقتش افرح بحمل
وروحت لدكتور ادانى ميزو تاك وحللى التكسوبلازما والفيرس سيتو مجالو لقى الانتى بودى بتاعه الفيرس عاليه قالى و ده السبب وادانى علاج وطلع طبعا ده كلام غلط خالص خالص لان الانتى بودى العاليه لازم تعديها بعد اسبوع او تللى الفيرس نفسه مش الانتى بودى انما وجودها عاليه فى جسمك ده معناه انك عندك مناعه
وفى جمله طبيه عندنا الانجليز بيقولوها عن الفيرس ده انه لو مره سبب جهاض مش بيكررهاحتى لو عندك
المهم ده اول اجهاض وعدى
وطبعا لان كلام الدكتور ماقنعنيش روحت لدكتور بعد شهر علشان احلل كويس واعرف السبب قبل اى حمل تانى وروحت لدكتور الهرم بتاع نيمو
حللى سكر وعامل التجلط ptt
وقالى انتى نسبتك وحشه ولازم اخدى الحمل اللى جاى كلوجوفاج وهيبارين مسيل للدم
وهو ده سبب الاجهاض ولان ده سبب جديد ومشهور فى الطب صدقته ومدورتش على حد بيفهم غيره وحصل حمل
واخدت الادويه وعملت التحليل الرقمى اللى ياريتنى مكنت عملته الحمد لله لقيته نزل ومن غير معمل سونار الدكتور ربنا يسامحه مافترضش غلطه المعمل وخلانى اخد ميزوتاك علطول من غير سونار وقالى المره الجايه هنزود ليكى جرعه الحقن مسيله الدم وهتاخدى انسولين وهو ده السبب
طبعا مقتنعتش لان اختى عندها سكر ومش بتاخد انسولين واولادها ماشاء لله زى الفل وانا اللى معنديش سكر من اساسه ازاى اكون كده
وانا مستمره على الميزو تاك بقيت اتالم عن المره الاولى اوى وروحت للدكتور اللى بتابع معاه اول معرف انى استعملت الميزو تاك من غير سونار نتيجه للتحليل اتصدم وفضل يزعقلى المهم طلب منى تحاليل كتيره اوى كنت بعتها لامنيه هدور عليها فى رساله وابعتهالك
وطلب منى ماخدش اى ادويه لغايه مانشوف عندى ايه
والحمد لله كل التحاليل طلعت سليمه
فامرداش يدينى غير دوستنكس نص قرص كل يوم جمعه وبرونتوجيست لبوس كل نص تانى من البريود
ولما سالته ليه وانا معنديش حاجه قالى امشى هو مابيعملشى حجه غير انه بيمشينى كل مساله عن حاجه ههههههههههه
المهم بعت انا التحاليل فى ايميل لدككتور عادل وكتبتله قصه حياتى اللى كتبتهالك دى
قالى على دكتور عثمان الاخير ده انه دكتور سورى متخلف شتمه كده والله وقالى اياكى تستخدمى ادويته وانتى عندك تكيس ولازم تاخدى جلوكوفاج بعت قولتله ان وزنى رفيعه اوى بعت قالى عندك سمنه اسفل البطن والله يادينا انا نفسى يبقى عندى بطن زى البنات هههههههههههه سورى المهم قالى انى محتاجه منشطات وموال المهم
المهم روحت زياره تانى للدكتور بتاعى وسالته عندى مشكله فى المبيض قالى لا قولتله بس تحليل الا اتش اعلى عندى من الف اس اتش وده اللى قالهولى دكتور عادل
قام رد عليه دكتور عثمان وقالى علشان نقول فى مشكله لازم تبقى النسبه 3 الى 1 وانا نسبتى واحد وربع لواحد
قولتله عايزه منشطات قالى توكلى على الله مش عايز اشوفك قدامى الا وانتى حامل وطردنى
لما بقى بحثت على النت والكتب والمراجع اللى عندى عرفت ان الدوسنتكس بيظبط الهرمونات وبالتالى بيساعد على الحمل يعنى مش دوره يظبط هرمون اللبن بس والبرونتوجيست بجرعه كبيره من اخر البريود بيعمل على تثبيت النطفه كويس فى جدار الرحم فاتعرف تمتص دم كويس واول مانعرف اننا حامل تبقى بدات تنقسم صح ومش تموت بسرعه ده طبيا
انما بعد القصه الطويله دى احب اقولك انها اولا واخرا بفضل ربنا ورزقه ومفيش دكتور ولا دوا يقدر يساعدنا غير ربنا بكرمه وفضله ورحمته
ولازم ناخد بالاسباب وندور بنفسنا على السبب مش نسيب اى دكتور يجرب ينا ونقول ده دكتور وفاهم
ياااااااااااااااااه انا كتبت ازاى كل ده ربنا يكون فى عون اللى هيقرا هههههههههههههههههههههه
ربنا يكمل حمل كل واحده بخير يااااااااااااااااااااااااااااااااااارب ويرزقك يادينا انتى وامنيه بحمل سليم معافى يااااااااااااااااااااااااارب
بس راى اعملى سونار تانى وتالت قبل الميزو تاك وربنا يعوضك ويصبرك يارب

كيف تعرفى بأن احد الفيتامينات ناقصه لديكى ؟

إذا كنت تعاني من:


·الالتهابات المتكررة وخصوصا في الجزء العلوي من الجهاز التنفسي.

·ظهور تقرحات في الفم .

·العشى الليلي .

·جفاف وتقشر الجلد .

فأنه يوجد لديكى نقص في فيتامين (( a ))وهو موجود في:

1.زيت كبدالحوت / الجبن / اللبن / القشطة .
2.النباتات الخضراء والملونه مثل : السبانخ / الجزر / الخس .
3.الكرنب / الطماطم / البقول / الخوخ / عصيرالبرتقال .
***
إذا كنت تعاني من:
·الإجهاد المتواصل .
·عدم القدرة على التركيز .
·تشقق الشفاه .
·التحسس من الضوء .
·القلق المستمر .
·الأرق.
فأنه يوجد لديك نقص في فيتامين (( b )) وهوموجود في:
1.الخميرة / الكبد / اللحوم / صفارالبيض .
2.الخضروات / الفواكه / الفول السوداني / السبانخ / الكرنب / الجزر.
***
إذا كنت تعاني من:
·الإصابة المتكررة بالبرد .
·نزيف اللثة .
·عدم التئام الجروح بسهوله .
فأنه يوجد لديك نقص في فيتامين (( c)) وهو موجود في:
1.الكبد / والطحال والموالح بكثرة .
2.عصير الليمون / البرتقال / اليوسفيالفراولة / الجوافة / الفجل /التفاح / الكرنب / البقدونس / الطماطم .
***
إذا كنت تعاني من:
·آلام المفاصل آلام الظهر .
·تساقط الشعر .
فأنه يوجد لديك نقص في فيتامين (( d )) وهوموجود في:
1.زيت كبد الحوت / والقشطة / اللبن / صفارالبيض / وفي اشعة الشمس .
***
أذا كنت تعاني من:
·الشعور بالتعب عند اقل جهد .
·بطىء التأم الجروح .
فأنه يوجد لديك نقص في فيتامين (( e )) وهوموجود في:
1. الخضار الورقية: كالخس / الجرجير / البقدونس / السبانخ.
2. وزيت بذرة القطن / زيت الصويا / زيت الذرة / بادرات القمح.

ملاحظة
إذا كان عندك ملل من الدنيا وضيق في النفس وقلق وتفكير زائدين وخوف من المستقبل وعدم راحة في العيش ،،
فلديكى نقص في فيتامين الدين
وستجده إن شاء الله بالصلاة والاستغفار وطاعة أوامر الله سبحانه وتعالى

صباح الخير
ازيك يابوسى عامله ايه انتى وحمبوزو

الحمد لله يا نور تمام و حمبوزو كويس الحمد لله

انتي عاملة ايه؟؟

دينا هو انتي تقريبا في الاسبوع الكام

ما تصبري اسبوع كدة و بعدين تروحي لدكتور تاني ؟؟

انا الحمد لله كويسه يابوسى
اخويا امبارح ادانى حقنه صحيت لقتها وارمه قد كده ووجعانى خالص ورجلى كلها واقفه بسببها
نفسى ربنا يكملى بخير ولما اقوم بالسلامه اجيب حقنه فيتامين كبر كده عشره سنتى وادبها فيه علشان انتقم من دبه ايده

ههههههههههههههههههههههههههههه

معلش يا نور انا بردوو الحقن بتعمل معايا كدة بس بابا اللي كان بيدهالي بس مكنتش بقدر افتح بوؤيي معاه ههههههههههههه

قوليلي دي حقن تثبيت؟؟؟

اه حقن تثبيت بس بجد بقيت كلى مورمه وبتوجع اوىىىىىىىىىىى اخويا علمته علشن يعرف يدهالى بس ايه ايده تقيله بيدب الحقنه كانه بيدخلها جوه كاوتش عربيه

صباح الفل يا بنات عاملين ايه


سيمو و ميرا و مرمورا و نور و بوسي و فجر و محبه و دينا و امنيه و جرين اخباركوا ايه يا بنات

مبروك الجزء الجديد علينا و عقبال ال 100 و كل واحده اتحقق لها اللي بتحلم بيه يارب امين

هههههههههههههههههه فكرتيني يا نور بالحقنه لما جوزي بيدهاني ببقي مرعوبه و شدا كل جسمي هو اتعلم بردوا عشان يديني من كتر الحقن

هههههههههههههه

استنوا بقي عشان عاوزه ارد علي دينا

صباح النور يا نيمووو

ما تردي يا نيموو علي دينا هو احنا ماسكينك

هههههههههههههههههههههههههههههه
حتى جوزك يانيمو احنا مسبناش حد مخلنهوش مجربشى فينا ههههههههههه
انتى ازيك عامله ايه وفلتى عامله ايه دى لازم تدلع منقولهاش حمبوزو زى ابن بوسى عريس بنتى سحلولتى
والله جوزى كل يوم لما يكلمنى يقولى يارب يكمل سحلول بخير هههههههههه

miramiro;12782976:
جرين
ربنا يكرمك ياحبيبتى يارب
و شكرا على ردك عليا
طب القسطرة دى بتوجع صح
اكيد التلقيح ده مؤلم مش كده
وانتى هتعمليه فين ان شاء الله وهتكلف كام
بوسى قالتلى بتبقى فى حدود٤٠٠ و
وياترى تعرفى دكتورة تكون بتعمله؟

انا سمعت ان التلقيح كلة مش بيوجع وزى كشف النسا بالظبط

وهعملة فى المكرز المصرى لاطفال الانابيب فى المعادى وهيتكلف 400 جنية من غير العلاج

وفى هناك داكترة ستات

دا السايت ادخلى واعرفى اكتر

www.egyptianivfcenter.com

noor1984;12785739:
انا الحمد لله كويسه يابوسى
اخويا امبارح ادانى حقنه صحيت لقتها وارمه قد كده ووجعانى خالص ورجلى كلها واقفه بسببها
نفسى ربنا يكملى بخير ولما اقوم بالسلامه اجيب حقنه فيتامين كبر كده عشره سنتى وادبها فيه علشان انتقم من دبه ايده

الف سلامة عليكي يا نور يا قمرة

انتى تعبانة ولا حاجة ؟؟؟

سحلول ؟؟؟؟؟؟؟ حلو سحلول ده و جديد و مش منتشر ههههههههههه