للمقبلات على الزواج ويريدون يعرفون كل شي بالتفصيل لتجهيزات العرس "بنات الامارات فقط"

تسلمون الغاليات على الرد وان شاء الله استفدتو :smile:

مشكووووووووووره على هاالموضووووع الرووعه
ونتريا نشوف نصايح منج اكثر واكثر
وتسلميييييييين

الصراحة اختي موضوعج مميز..... والله وايد عيبني....خصه الليسته :) مشكوووووووووووورة عزيزتي :)

:up:
:up::up:
:up::up::up:
:up::up::up::up::up:
:up::up::up:
:up::up::up::up::up:
:up::up::up:
:up::up:
:up:

مشكورة حبوبة سنو وايت على هذا الموضوع المفيد

الصراحة أنا بعدني ما بعرس و لا اني مخطوبة بس أقدر أي حد من ربيعاتي أو من أهلي بيعرس

و تسلم ايدج الحلوة

و الله يخليج لنا

و الله يوفقج ;)

تسلمون الغاليات على الرد والتشجيع وان شاء الله الكل يستفيد من الموضوع :)

مشكوووووورة واااايديا سنو وايت


الله يعطيج العافية

بس انا عندي بعد شي اضيفه...العروس الي تبى تتجهز لعرسها تجهيز شخصي...تحجز عند ..مركز أمواج...في الشارجة ..و لازم تأخذ موعد

و الي ما تبغي تسير الصالونات أو أهلها ما يرضون في وحدة من الجنسية الباكستانية تجهز عروس في البيت مثل أمواج...و ممكن تتصلون على موبايلها... و الرقم عندي و الي تباه طرشلي على ايميلي و انا بطرشلها على ايميلها


و لكم مني جزيل الشكر و اتمنى اني ساعدتكم؟؟




مع تحياتي..................................... فوانيس

هلا خواتي والله اني تولهت عليكم

مشكورة اختي على موضوعج الحلو واتمنى لو وحدة من الاخوات تدلني على فستان لونه ليس ابيض وما يكون عاري واكمامه طويلة ويكون سعره مناسب ادري اني طرار ويشرط بس اتمنى انكم تساعدوني وبالنسبة للاخت فوانيس ممكن تعطيني معلومات اكثر وترسلين لي رقمها

إن شاء الله الكل يستفيد من الموضوع والي عندها اي اضافات تزيدنا عشان نستفيد منكم.. وتسلمون الاخوات على الرد..

مشكوره أختي فوانيس على الاضافه.. :smile:

ممكن اطرشيلي رقمها

موضوعج جدا رائع حبيبتي

وكفتي ووفتي يا ملكة جمال الامارات


المهم حبوبة بغينا منج خدمة صغيرونة

بغيت أسأل عن صالون غوطيس بالتحديد جم أسعارهم للعروس واللي بيرحون معاها ، ولو عندج صور دليني عليها ولو وحدة ما فيني أسير أسوي بروفة بعدين أغير رايي ولو تقدرين ديزيلي عنوانهم مع الرقم عالبرايفت

و

وعن صالون ليندا خليفة بغيت عنوانهم مع الرقم بليييييييييييييز


وصالون إيمان وسلفي بعد لو بالامكان


وقوليلي صج ن أحلى صالون فيهم ويضبط المكياج للعروس أكثر


ردي علي بسرعة حبوبة

تسلمون الغاليات على الرد..

بخصوص أسئلتج أختي Secret_love

* صالون غوطيس بالتحديد جم أسعارهم للعروس واللي بيرحون معاها ، ولو عندج صور دليني عليها ولو وحدة ما فيني أسير أسوي بروفة بعدين أغير رايي ولو تقدرين ديزيلي عنوانهم مع الرقم عالبرايفت

صالون غوطيس مقرهم في الكرامه شارع زعبيل وين بريد الامارات في مركز الشريفي داخل السنتر.. ويأخذون حق العروس تقريبا 3000 درهم والبروفه 200 درهم..
وعن الي بيروحون معاها اذكر مره اتصلت وسالتهم وقالت لي المكياج العادي 300 درهم يعني السبيل اكيد زياده..
وعن مكياجهم في حد مدحه وحد ذمه والي اتمكيج وحده مغربيه..

-------------------------

* صالون ليندا خليفة..
ما انصحج فيه لان مكياجهم عاااااااااادي جدا.. وانتي عروس لازم تطلعين سبيشل مب عاديه..

------------------------

وصالون إيمان..
في اثنين يمكيجون حق العرايس..
وحده نيدو فلبينيه وتأخذ عن العروس 2000 درهم ووحده بحرينيه اسمها زرينه تأخذ عن العروس 2500 وهذا اذا كنتي في الصالون ام اذا كنتي في الفندق فبتاخذ عنج 3000 درهم.. وهذا اذا كنتو في دبي واذا برع الله يعلم كم!؟
واذا حق البنات الي وياج ف زرينه بتأخذ 300 درهم وهذا اذا كان عادي والسبيشل الله اعلم كم!؟

وأنا انصحج انج اتروحيله وتحجزين عندهم وانتي مطمئنه.. بس كل وحده وذوقها.. فانصحج بالبروفه.. أعتقد تأخذ 400 ما ادري 300 درهم.. ومقرهم وين شار الضيافه وين البنك..

--------------------------

وسيلفي هذي تسكن في الفندق الي مجابل السيتي سنتر.. وتأخذ حق العروس 3000 درهم وحتى في الفندق نفس السعر بس في دبي واذا برع دبي الله يعلم كم!؟
وعن المكياج حق الي وياج اعتقد 300 مب اكيد..

-------------------------

وفي صالون ما ذكرتيه اسمه مورا.. وحده اسمها جانيت والثانيه ندى.. وهم الي يمكيجون حق العرايس ومكياجهم ما عليه كلام.. والعادي ياخذون 2000 درهم وعلى حسب الي بتحط لج اياه..

-------------------------

ونصيحتي انج تحجزين عن ايمان او مورا وتوكلي على الله..

اتريا ردج عشان اطرشلج الارقام..

بنات شو رايكم بمكياج هند الاميري اي احلى مكياجها ولا مكياج هيفاء صفر حق العروس

تسلميــــن الغاليـــــة ...

سنــــو وايــــت ... (f)

علـــى الموضوع الـرائــع جــدا .. والمفيــد جــدا ...

علــى فكــره .. أنا أعــرف وحــده ممكـن تجهــز عرايــــس .. بنت خالتـي يوم عرسها سارت لها .. وهيه توفر للعروس كل شي تحتاجـه .. اذا أي وحده تحتاج أي شي هيه ممكن تسـاعـد .. اللي تحتاج أي مساعده تطلب رقمها وبعطيها على الخــاص

الغاليــة بنــت حـواء .. الثنتيـن مكياجهم رووعــة .. مع انه في كذا حد ما مدح لـي هنــد بس أنا شفت مكياجها وكان جميـل ونفس الشـي هيفاء .. بس الأهم انـج تنتبهيــن لرسمـة ويهـج .. أكيـد مكياج وحده منهم بيناسبـج أكثر من الثانيـة .. والبروفـة مهمـة للعـروس وهيه اللي بتعطيج الاختيار الأفضـل .. :smile:

مشكورة اختي مياسة وياريت لو تعطيني معلومات اكثر عن اللي تجهز العرايس

هيه والله اخت مياسة ...زخبرينا عنها شوي ..عشان نستفيد ...ونطلب رقمها إذا كانت مفيدة..

مشكورة اختي


XxSnow WhitexX

وانا ممكن اضيف بعض الصالونات

طبعا انا من دبي يعني يخبركم عن اللي في دبي



اول شي محلات للقطع والاقمشة


الفساتين في شارع الرقة محلات وووايد ((مهنا افراح- وفيا روما))


واما القمشة مال التنانير (( في السطوة محلات ووايد مثل

طاهر - ريجال- سرور قطع حلوة مثل الشيفون والكريب ولجنز
والاسعار ووايد حلوة))


الخيايط العادين بس اللي ايظبطون الخياطة مثل التنانير

في الحمرية خياط اسمة صدف الصراحة الخياطة ووايد زينة وعلى الوقت

اما عن السراويل عندج فاضل وين سوق الذهب - وفقير بعد في نايف))

وبعد بغيت اخبركم عن باكساتنية اتسوي جلابيات ووايد حلوة وخصوصا للعروس لليلسة في البيت اسمها قرشية واسعارها حلوة اتسوي لج فيها شرات التطريز بس باليد



وبعد من المخاوير الزينة عندكم فقير ووايد حلوة للعرايس

وبعد على مال اللة وراء سوق الذهب ووايد مخاوير وووايد

وبعد في الراس مخور اسمة على خليفة وعمر

وبعد في فريج المرر ووايد للمغربيات اهم شي القطعة تراها تلعب دور في الموديل

المهم اما عن الصالونات بكتب لكم بتفصيل عن كل الصالونات

؟؟؟

واذا اي سوال انا حاضرة

السلام عليكم ورحمة الله وبركاته>>>>>.


مشطووورة يا تمساحة دبي


بس ممكن تشرحين اكثر عن منطقة........ الراس......
وين بالضبط

بالنسبة للمخور على مال الله..تقصديت وررا سوق الذهب يعني الي عند المسجد؟؟؟؟

ووكن بعد عنوان و رقم الباكستانية أم الجلاليب؟؟

آسف طلباتي واااايد؟؟

و حبيت أقول عن محل جلاليب راقي جداااا بس في مصر و بالطلبيات ممكن و غالي اشوية؟؟ و عندة اشياء خفيفة و ثقيلة...

و شكرا مع تحياتي

فوانيس

فوانيس


هلا

اختي بالنسبة اللي في الراس اول شي بخبرج ووين الموقع

ووين المكتبة العامة مال بلدية دبي اتخبري اي تكسي بخبرج ووين
؟؟؟قريب من خياط المدني مال الرياييل


المخاوير هم

على سيف

عمر

ندالشبا

سيف

اما عن اللي وراء سوق الذهب اول ما تدخلين السوق الذهب اتلفين يسار اتشوفين اول سكة على يدج اليمين
داخل تتدخلين

المخاوير الزينة هناك


البداووي((احسن واحد))
سلطان ابراهيم
على مال اللة
الجميم

اما عن الباكساتنية واللة هي ادور على البيوت واحنا انعرفها تاخذ طلبيات كميات واتسويهن


بدور لج رقمها؟؟؟ وبطرشة

واذا اي شي انا في الخدمة

السلام عليكم ورحمة الله وبركاته



شكرا يا الغالية