حزينة وايد;12694657:
كل جم يوم بكتب ليكم مشكله و ياريت تساعدونيي:o
احس فيني حالة نفسيه او انييي معقده :(
ما احب اشوف الناس ولا احب اروح بيوت الناس وهذا الشي قاعد يأثر فينيي وخصوصا انيي الحين مخطوبهF: ولازم اتغير ........
يعني مثلا ايام الجمعه ما احب اروح اتغذى في بيت الاهل (بيت امه العوده )وخصوصا خطيبي من النوع الاجتماعيي ... صار يروح بروح ..... حاولت في بداية الخطوبه اروح معاه يمكن جم شهر .. بس بعدين صرت اضايق واااايد :'(
ولين راح خطيبي وتغذي و خلص يمر عليي في بيتنا ........ أحسه مضايق
(مره قال لييي انيي مضايق منج ليش ما تجين معاي )
ويمكن الشيي اليي فيني زاد بعد اليي صادنيي في حفلة الخطوبه
(واهو ما يدري انه حالتي النفسيه زاد ت بعد اليي صادنيي)
حاولت اتغير بس ما قدرت واهو قال بغيرني بس ما قدر ( يعني مثلا يحطني في امر الواقع نطلع مكان وبعدين يقول ليي بنروح بيت فلان بنقعد ) مره سوى ليي جذي واتضايقت منه واااايد
احس روحي قاعد اكره الناس من قلب ما احبهم___________ شلون اغير روحي مشكله كبير
وهذا الشي اكيد بيأثر على اولادي في المستقبل
:thumbs_down:
لا حبيبتي مو حالة نفسيـه ولا شـي
انتي يمكـن هذا طبعـج من يوم كنتي صغيرة او من فترة كبيـرة من جذي صعب شوي اتغيرينه الحيـن وفجـأه
وترى مو بس انتي جذي وااايد بنات عندهم ها السالفة واني وحده منهم لاني واايد خجولة وبسبب ها الموضوع ما احب اختطلت في نـاس ما اعرفهم
بس صدقيني حاولي قد ما تقدرين اتروحين مع ريلج جمعـات عائلية جذي وخلي عندج ثقة في نفسج يعني اذا اجتمعتوا مع احد من ربعة او من اهلة مثل ماهم يفتحون معاج سوالف انتي بعد فتحي معاهم سوالف
حتى لو ما اتحبـين وتضايقين غصبي على روحج
صدقيني مع الوقت بتحسيـن روحج احسـن بوايد في علاقاتج مع النـاس لانج بتهيئيـن روحج
اهووو اكييد بكـون صعبة عليج في البداية بس خلية هدف جدام عيونج وكـل الي اتسوينه عشـان خطيبج اكيـد لان كل ما قالوا لـه النـاس خطيبتك حبوبة وتحب النـاس وشعبـية بيستانسـ منج واااايـد وبحـس بفخر انج مرته وقادرة تكسبـين كـل الي حولج
ما تسمعين كل من خطب وحدة وطلعت اجتماعية وية بيتهم واهل رية والله احطونه فوق روسهم والكل يمدحة
:D